التجمع الثاني لطالبات { كـلـيـة الـحـقـوق ] جامعة الكويت . حياكم الله

[NoO.NoO3]

رااااااااااااااااجعه باذن الله اكمل

 

[أبتسامة]

noo.noo3
مشكوورة ماتقصرين
بس تصدقين حتى انا محتارة بأداري بين الرميضي والعتيبي
بصراحة انا جربت الرميضي بدستوري وحييل حبيت شرحه ومحاضرته
حتى امتحاناته ماكانت صعبة وخذيت درجة حلوة ماشاء الله عنده بأعمال السنة
ونفس كلام سكاينا سمعت انهم مايمدحونه بأداري , فمادري حدي محتارة .


و ماليه منو افضل فيصل الفهد ولا ابراهيم الحمود ؟


وشنو اسهل اختياري بثانية ؟


أدري اسألتي وااايد بس تحمليني شوي :eh_s(7):​

 

[mnara]

صبااااحكم سعاااادة

شلووونكم ؟

طرى ببالي سؤال خطيير جداً مادرى شلووون نسيت أسأل عنه صح إن ندري إن الحقوق قانون والدراسة كلها قانوون !

بس ممكن تشرحوون المواد اللي راح ناخذها سنة أولى يعني كل مادة عن شنو تتكلم ؟

عشان ما نتوهق


وشوووووكراااا :eh_s(7):

 

[SKY--NA]

مناره


سنه اولى كالتالي


1- اصول قانون هالماده حلوه وسهله لا تخترعين منها حيل حلوه وممتعه
اهيا عباره عن كتابين .. الاول اسمه نظرية القانون والثاني نظرية الحق ..

اول كتاب راح يعلونكم شنو يعني قانون وشنو يعني قاعده قانونيه .. وجذي

وانصجح تاخذين عند د.مشاعل الهاجري ذهبه ذهبه واسلوبها اينن بس لازم تحضرين عندها على طول

عشان تفهمين ، لان امتحاناتها كلها من الشرح بالمحاضره ..

وصج الماده ممتعه حيل حيل وراح تشوفين


2- ثاني ماده اسمها القانون الدستوري : هذي كلام وايد بس والله حلوه تدرسون تعريف االدستور وانواعه وهالسوالف

وبعدين تدخلون على الدستور الكويتي .. وكنت ماخذتها عند د.عبدالله الرميضي .. واايد طيب

3- مبادئ اقتصاد : هذي الماده حلوه تاخذون نظرية العرض والطلب والانظمه وهالماده يغلب عليها طابع الحفظ اكثر من الفهم

وكنت ماخذتها عند د.بدر ماجد المطيري .. خووش دكتور يعطيه الف عافيه على مجهوده معانا

4-مدخل شريعه : هذي الماده جنها اسلاميه سهالات وحلوه

5-اختياري : يا اما علم اجرام عند د.عبدالعزيز العنزي - او حقوق انسان - او تاريخ قانون

وانا خذيت علم الاجرام وهالماده سهله والدكتور طيب بس صراحه شديد بالتصليح وياخذ حضور وغياب

وامتحاناته مكرره.

6- قاعة بحث : عليها وحدتين مجرد انج تقدمين بحث حق الدكتور ويكون الدكتور محدد موعد للتسليم وكل دكتور حسب طريقته

في دكاتره يحطون امتحان وفي دكاتره لاء ... على حسب .


ملاحظه :-

اصول قانون >> 6 وحدات

دستوري >> 6 وحدات

مبادئ اقتصاد >> 4 وحدات

اختياري >> 4 وحدات

قاعة بحث >> وحدتين




وبس اي سؤال تبينه حاضره

 

[أبتسامة]

mnara
صباح النور , بخير الحمد الله

المواد اهي 6 مواد وتمتحنين فاينل بس بخمسة
1- قانون دستوري عليها 6 وحدات اهي المادة دسمة ويبيلها دراسة اول بأول واهي تتكلم عن الدستور ومصادره والحقوق والحريات و الثورات والانظمة بالعالم مثل (ديموقراطي - ديكتاتوري ) والاستجوابات وطرح الثقة والسلطات بالكويت (تشريعية - تنفيذية -قضائية ) وغيرها مواضيع وايد بس بصراحة انا كنت احبها عكس اصول والمحاضرة كانت ممتعة ومواضيعها مرتبظة بالاحداث اللي بالدولة وان شاء الله تحبينها لانها من اهم المواد بسنة 1 وكتابها يختلف من دكتور لدكتور .
2- اصول قانون هم عليها 6 وحدات هالمادة مليغة مااواطنها كلش واهي كتابين بس مو كل الكتابين مطلوبين مواضيع محددة
اللي مطالبين فيها الكتاب الاول عن نظرية القانون وتتكلم عن القواعد القانونية ومصادر القانون وشغلات وايد الصراحة ناسيتهم اما الكتاب الثاني نظرية الحق واهو ممتع احسن من الاول بوايد يتكلم عن الحقوق المدنية والحقوق اللصيقة بالشخصية وشخصية الانسان اذا كان مفقود والعقارات والمنقولات واشياء وايد بعد وبصراحة اهي مهمة يبيلها تركيز مثل دستوري .
3- مدخل شريعة عليها 6 وحدات هالمادة لا تخافين منها كلش لانها موضوعي ودكاترتها متساهلين حيييل اهي موضوعها عن الفقه والمذاهب وصج فيها حفظ بس كلش لا تحاتينها .
4- مبادى اقتصاد عليها 4 وحدات اهي المادة حفظ حييل يعني صراحة عادي لو مافهمتي المهم احفظي انا كنت جذي والحمدالله اخذت قريد وايد زين وتتكلم عن النظام الراسمالي والاشتراكي والاسلامي والبنوك ومواضيع بعد واهي عادي ييبولج بالامتحان تكتبين 3 صفحات اربعة لا تنصدمين وصج امتحانا الفاينل كان نوعا ما صعب بس الاغلب ياب قريدات حلوة
5- مادة اختيارية واهما 3 علم اجرام ( اسهلهم ) _تاريخ قانون _حقوق انسان
انا كنت ماخذة علم اجرام واهي عليها 4 وحدات بصراحة المادة سهلة دكتورها حبوب وتتكلم عن علم الاجرام وعلم العقاب والنظريات لتفسير الااجرم والسجون و جذي يعني .
6- قاعة بحث عليها وحدتين وهالمادة مافيها امتححان فاينل يعني تسوين بحث وبعض الدكاترة يعطون مدتيرم واكيد بيكون سهل لان المادة مالها كتاب ولا شي يمكن نوت بس

و فالج التفوق

وبس حدددددددددي تعبت بس تستاهلين​

 

[أبتسامة]

واااي سكاينا انا وياج ردنا مع بعض ونفس الموضوع

شعليج منارة بدال الوحدة 2 ردو عليج ​

 

[أبتسامة]

تصدقين سكاينا انا ماكنت احب اصول عندي دستوري احسن منها بوااايد
صج انها ممتعة واحب احل قضايها بس مادري ليش جذي مو حابتها
ونا اخذتها عند د. مشاعل صج ماشاء الله عليها تهبل وشرح واسلوب
وخوش امتحانات ماتقصر الله يذككرها بالخير ​

 

[SKY--NA]

ابتسامه

انا فالبدايه كنت كارهه الدستوري بس لمن شوي بديت اركز وادرس واستوعب الموضوع حبيته

المادتين والله حلوين وحيييل استفدت منهم بحياتي العمليه .. الحمدالله

وبالنسبه للدكتوره مشاعل اعشقها هالدكتور صج .. ادب واخلاق واسلوب واستااانس حيل بكلاسها

ابتسامه عيل انتي كنتي وياي بكلاس مشاعل الساعه 12

 

[أبتسامة]

سكاينا
اي انا كنت كلاس الساعة 12 وترى حتى بدر المطيري مثلج بس انا الساعة 9 ​

 

[SKY--NA]

صج ابتسامه ؟

تعرفيني ؟

 

[أبتسامة]

لا والله مااعرفج
بس انا شاكة بوحدة احسها انتي مادري ليش ​

 

[SKY--NA]

هههههههههههههههههههههههه

ابتسامه جيكي عالخاص

 

[أبتسامة]

سكاينا ماوصلني شي​

 

[SKY--NA]

اممم طرشت الحين يوصل

 

[Miss^_^CoOoL]

صبااااح الخيير:*

ما تدرون اي تاريخ بالضبط يدزون مسجات قبول .؟

 

[أبتسامة]

اوكي سكاينا هم انتي جيكي طرشتلج

 

[روح الغلا]

صبااااح الخيير:*

ما تدرون اي تاريخ بالضبط يدزون مسجات قبول .؟

أتــوـوقع والله أعلــم ,. لما يخلص تسجيل الجامعة ككــل ,.

يمكن آخــر 7 :eh_s(10):

انتــي جم نسبتـج ؟ ؟

________

صبــــــأح الخــير , كيفكــون يا صبــايا

 

[~.ąvȍƈaȚ.~]

مس كوول

القبول عادة بأول 8 عقب ما يخلص تسجيل الجامعة


سكاينا من صجج مبادئ حلوه لاااا حرام عليج لووول أول مره وحده تمدحها

عاد انا ما كنت احب اصول يمكن ليش ما كنت اندمج مع شرح الدكتور و امتحانه الاول كان صدمه لنا فكرهت الماد كنت احب دستوري

و صج المادتين وايد مرتبطين بحياتنا

عاد بالسستم يكتبون نبذة عن المادة بس انتوا مستجدات ما تقدرون تدشون انشالله اذا فظيت على اليومين اللي يايين اسوي كوبي بيست

 

[SKY--NA]

افوكات

الماده زينه مو ذيك الصعوبه بس انا مادري ليش خفست بمعدلي

الحمدالله على كل حال

 

[SKY--NA]

آب

آب

تجمعناااا ليش وراا