التجمع الثاني لطالبات { كـلـيـة الـحـقـوق ] جامعة الكويت . حياكم الله

[pink_dream]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله



السلام عليكم

بنات راح اكتب لكم تجربتي مع الدكاتره عشان تستفيدون

اول شي انا العام كان تسجيلي مبجر بس صارلي ظرف فتاخرت عن موعد تسجيلي و دخلت مع البنات اللي نسبهم اقل مني

اول شي تحبطت لاني كنت ميته و اخذ عند جم دكتور على كثر ما امدحولي ياهم

كنت ابي عزوز العنزي و مشاري العيفان و خالد زغلول لكن الحمدالله كانوا فل صج خيره و دكاترتي كلهم طلعوا يهبلون

اول شي

شريعه: عصام العنزي دكتور يهبل يهبل يهبل عسل هالدكتور يسر و يساعد
و محاضرته تونس و ما تملل و يعطينا قصص و ياخذ راينا و يناقشنا
و عطانا فوق حقنا درجات زياده:eh_s(3):

مباديء اقتصاد: بدر المطيري ذمولي هالدكتور و سمعت من جم بنت انه سقطهم
و كنت خايفه منه وايد بس للامانه طلع العكس وايد زين و اغلب الدرجات عنده 40 باعمال السنه و قليل جدا تلاقين اقل من 40 بس تلاقين جم وحده 38 و 39 و الا العموم 40 ..سوينا جم كوز و اختار الاحسن و في كوز اضافي للي تبي تعدل درجتها و في شفوي و تقرير للي تبي عدل درجتها ..دكتور حبوب و متفهم..
و يعتمد على البوربوينت بشرح محضراته..انصح فيه..و يعطينا امثله و اسئله جم سؤال فيهم دش بالفاينل
و بس احنا طلبته عرفنا نجاوب..طلعت منه باربعين

تاريخ قانون:خالد الهندياني::اخذيها و انتي مغمضه دكتور يوووونس و ما يداوم وايد و اكثر شي الاوفات عنده
و مرات تيي المعيده بداله و معيده تونس تقرى صفحتين و تطلع و الماده خفيفه و سهله
و يطوفلج بالكويزات و عنده تعويضي ..طلعت منه 40 باعمال السنه و الفاينل كان فصلين من الكتاب كله ..انصح فيه

قاعة بحث..مسلط ..دكتور يديد و زين و يناقشج و يساعدج طلعت منه 93 معني توقعت اكثر
بس كل الكلاس كان عنده يا 95 يا 93 و لمن كلمته قالي كلها امتياز :eh_s(3):لووووول
و الماده مالها كتاب بس مذكره 16 صفحه نمتحن فيها و الماده على حسب الدكتور في دكاتره يطلبون بحث و دكاتره لا
دكتوري طلب بحث و ايناس بعد اللي ما انصحكم فيها من تجربة رفيجتي:eh_s(3): الماده يبيلها دكتور يعطي درجات و في دكاتره يعطون درجات اكثر من مسلط

دستوري:الفيلي: كل ما وحده تسالني عند منو ماخذه دستوري اقولها الفيلي كلهم يقولون ويع ولا وحده مدحته
بس و الله العظيم الدكتور يفهم او زييييين و يبنيلج شخصيتج القانونيه و يعلمج شلون تحللين السؤال و تستتنجين الاجابه و تحطين فرضيات..و على فكره بنات ترى انا مانوت !! و الله العظيم سنه كامله مره او مرتين بس نوت عنده ..اول السنه حاولت انوت عنده بس كنت اضيع لي درجة وحده تقولي بالكلاس احنا انوت و انتي بس اطالعين ..حدي انحرجت و تفشلت...: :27d66a9c24b146327bf و اشوف البنات دايما ينوتون و حالتهم حاله و ما يطوفون محاضره الا و ينوتونها ..مره وحده سالتني و كانت اشطر وحده عندنا شنو عنوان الدرس قتلها ما ادري:27d66a9c24b146327bf جان تخزني من فوق لي تحت!!و بالكويزات درجاتي دايما حلوه..على فكره اول السنه ما راح تفهمون شي بس عقب محاضرتين ثلاث راح تعودون و تفهمون طريقته و اسلوبه
طلعت منه 38.5 من 40 باعمال السنه و انا كنت اعلى درجه بالشعبه كلها
و بالفاينل ييبابلنا قضيه كان معطينا ياها وكانت صعبه على الكل الا طلبة الفيلي ..و طلبة الدكاتره الثانين يقولون طلبة الفيلي ضامنين درجة القضيه:eh_s(3) و ما ياخذ غياب طول السنه

اصول قانون :الرضوان:معروف باسلوبه و شرحه قوي و يفهم و شديد و عادي يطرد و يفشل بس مرات يطوف بمزاجه:27d66a9c24b146327bf عطانا تعويضي و عطانا 10 درجات كامله للكل باعمال السنه

و هذي كانت تجربتي نقلتها لكم

و بنات لا يضيق خلقكم اذا ما حصلتوا عند الدكتور اللي تبونه ما تدرون الله شكاتب لكم
وشي طبيعي انه نختلف براينا على الدكاتره كل وحده و تجربتها و رايها تختلف عن الثانيه و بالنهايه لكل مجتهد نصيب
و للامانه كل دكاترتي اللي درسوني العام كانوا زينين و لله الحمد
و الله يوفقكم يا مستجدات و صدقوني سنه اولى سنه حلوه لا تحاتون ولا تخافون

 

[pink_dream]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

بنـآت مـآتدرووووون شصاار على جداااولنا نزلت مـآنزلت ..؟

وحق اللي يبوون فررنسي 1 .. ترى هنـآء بوو قررريص مـآنزلت هـ السنه )

عندكم امم ابتهاج اعتقد اسمهـآ جذي ..؟ يمدحونهـآ وهم بدرريه اوكي ودكتور بعد معااهم زين

بس كلش ولا هدى :

​

سمعت ابتهاج ما راح تنزل فرنسي 1 بس فرنسي 2
و هدى الحمدالله ما راح تنزل
بس بدريه شلونها؟ و شلون نظامها؟تعطي درجات ولا حقج بالضبط تعطيه؟

 

[kwt-oo]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

والحين دوري اقولكم جدولي سنة اولى شلون كان

اصول > كنت ماحذه عند د.الرضوان وااااي هالدكتور
لويقولولي منزل لسنة ثانية على طول عندة حقاني وعصبي شوي بس هالشي مطلوب لان المادة كتابين ودايما
يعطينا كويزات فيجي الفاينل انا حافظة ودارسة مع الدكتور
دستوري > عند الفيلي ماانصح فيه مع احترامي الشديد له

شريعة > د. عصام العنزي روووعه هالدكتور وعامة
دكاترة الشريعة يتساهلون مع طلبة الحقوق
مبادئ]> عند د. زغلول قمة الاخلاق والطيبة لا ترددون
تاخذون عندة ويحاسب على الحضور والغياب
اختياري ( تاريخ القانون ) > الهندياني يهبل هالدكتور . البنات عادينه واحد من
الربع متواضع وغشمرجي وحبوب ومايحاسب عالحضور والغياب بس بالفاينل حيل دقيق
قاعة بحث > العيفان : حلو هالدكتور ومحترم ويحاول يسوي جو بالمحاضرة علشان يكسر جو الجدية وطلب مننا بحث من 20 الى 30 صفحة وانا سويت من 19 صفحة وعطاني درجة كاملة :O_SHH_:
وبس .. اتمنى افدتكم :33_1185028183:


وبنات نبيكم تقولولنا عن سنة ثانية شوي :tek:

 

[pink_dream]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

بناات ساعدوونا بخبرتكم
انا بكتب كل الدكااترة وكل وحده تعطي رايها
هذوولا الدكاترة اللي نزلو حق سنه اولى

1- اصول قانون
د.ياسر الصيرفي
د.مشاعل الهاجري

ماعرفهم بس يمدحون مشاعل
2- مبادىء اقتصاد
د.بدر المطيري << بس البناات يقولون في 4 دكاترة اسمهم بدر المطيري ومادري اي واحد فيهم
د.خالد حلمي زغلول

بدر المطيري جربته زين محاضراته يعتمد على البوربينت و ساعات ودج تنامين بالكلاس لوووووووول بس عادي انتي بدراستج راح تغلبين على هالمشكله ييعطي درجات اغلب الشعبه 40

3- قانون دستوري
د.خليفه الحميده
د.محمد الفيلي
د.عبدالله الرميضي

جربت الفيلي احبه خوش دكتور

4- شريعه
د.ابراهيم السبيعي
د.محمد الحمود

ماجربتهم

5- قاعة بحث
د.ياسر الصيرفي
د.هيثم الاثري
د.منصور العتيبي
د.محمد الفيلي
د.عيسى العنزي
د.احمد الرشود
د.عبدالعزيز العنزي
د.عبدالله الحياان

ماجربتهم
(( بليز بنات كل وحده خذت عند هالدكاترة تقولنا شنو طلب لان البنات يقولون في دكتور يبي بحث وفي دكتور مايبي بحث بس امتحان
وفي دكتور مشاركه ومناقشه ))

والموااد الاختياريه اهيا
أ- علم اجرام
د.عبدالعزيز العنزي
ب- حقوق انسان
د.مدوس الرشيدي
ج- تاريخ القانون والتنظيم
د.خالد الهندياني

انصح بالهندياني عجيييب كله اوفات و المداه سهله و حلوه و خفيفه
:tek:
و بس
:tek:


واتمنى كل بنت تتكلم عن خبرتها مع الدكتور اللي يكون مدرسها مو من الكلام اللي سمعته عنه
مع خالص الاحترام والتقدير لكل دكاترة كليتنا الاعزاء
هذي مجرد اراء وحريه الراي من الديموقراطيه << شفييها

<< جني من الحين صرت قانونيه $$
لوووووول
وفدييتكم حقووقياات
اتمنى تفيدوناا
^
^
^ خوااتكم المستجداات سنه اولى حقووق

و الله يوفقكم يا رب:sfg:

 

[pink_dream]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

.....

وبنات نبيكم تقولولنا عن سنة ثانية شوي :tek:

وياها:27d66a9c24b146327bf

 

[L a w y e R]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

مشكوووووووووووووووووووووووووووووووووره لويييييييير جد جد مشكوووووره


و الله يوديج و يردج بالسلامه ان شاء الله و هالله هالله بالهدايا ما وصيج >> لووووللل



و لانه الجدول عندي شوي معتفس عشان جذي و ان شاء الله ارتبه و اقولكم عن الدكاتره و تقولون لي لاني مابي اطيح بدكاتره يفهمون نص نص و يعطون اعمال توب و هم يا غافلين لكم الله بعدين بالفاااااااينل اتدبس تدبيسه محترمممممممممممه انا هذا قصدي .. فهميني ؟؟

حبيبتي انتي العفو ماسويت شي :*

بس اروح وارد بالسلامه انشالله من وين ؟

الا عاد جانج حاجزتلي حق دبي جم يوم هذا شي ثاني :eh_s(13):

سلمج الله ماني مسافره بس قاعده اوصي البانت يدعولي اعتمر لاني ماقط شفت الكعبه عالطبيعه ، بس بالصور

ولا تحاتين انشالله الله كاتب لج كل خير وانشالله تاخذين عند احسن الدكاتره

 

[L a w y e R]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

مشكوره لوووووير .. والله يوووفقج ..

مشكوورة لوير ماقصرتي


ماتقصروون بناات على ردوودكم

العفوو بنات ماسويت شي :eh_s(8):

 

[L a w y e R]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

مساء الخير حقوقيات


مشكورة lawyer
بس وين صاير المبنى اليديد ؟؟؟
ياريت تساعدوني انا من اخذ ماده عندكم لازم اتوه شوي

ابي قاعد 501 وين صايره والمبنى رقمه 9

مشكورين بنات

العفو حبيبتي

المبنى اليديد صاير بظهر مكتبة الحقوق

ويم مكتبة جابر الله يرحمه

ماعرف ادلي :s141:

ورفيجاتي اللي هني يدرون ، اخاف يضيعج لووول :s142:

بس لا صح بظهر مكتبتنا ويم مكتبة جابر مو جبال مدخل المكتبه الرئيسي لا هناك الاجتماعيه << الا يعني انا ادل لوول :icon30:

.

مس مزاجيه صح لسانج لوول

 

[L a w y e R]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

بنات شتتوني و افتر راسي



الدكاترة اللي منزلين مواد سنة اولى اللي كاتبتهم dazii غير عن اللي كاتبتهم cup cake's

وااااي بصراحة حايشني رعب من الفيلي و مدوس الرشيدي خرعتوني منهم مابي اطب عندهم :\ !!

نـــــــــــــــــــداء للي عندها خبرة في كلية الحقوق (المستمرات)

عندكم ارقام مقررات مواد سنة اولى ؟!

اللي عندها لا تبخل علينا ;s

الفيلي اللي تداوم عنده وتواظب عالحضور وتنتبه معاه مستحيل تنقص

وشرحه وايد ناس ماحبوه لانه يكلم الطالب على اساس انه جامعي مو توه متخرج من الثنويه

ومدوس انا جربته وماعطاني حقي

وشرحه كان بصوب والكتاب بصوب ..

لدرجة انه لما يدخل المحاضره مايشرح من كتابنا !

اييب كتاب ثاني ويشرح منه حتى لو مختلف عن كتابنا المقرر

كان يقول الكتاب دايما عندكم ووقت ماتبون تقدرون تقدرونه ، بس هالكتاب اللي بيدي ماعندكم اياه !!

وتوهقنا بالامتحان الصراحه يعني عادي اييب سؤال موضوعي كل اجاباته صح ، بس يقولج اختاري الاصح !!

وكله يعتمد على فهمج يعني ، مادري الصراحه كيفكم بس انا ذكرت تجربتي

وارقام المقررات راح انزلها هني اليوم او باجر بالكثير

 

[أميرة كويتية]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

بنات الجداول انزلت و لا

 

[L a w y e R]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

>


>


>


>

أسحب اللي قلته مساع لقيتهم لله الحمد ان غيروا كليتي بالسستم أخيراااااااااااااااااااا :d احس راااااااااااحة اللحين صج احس اني حولت

و طلعت من موقع جامعتنا الموقر

بس عندي استفسار

اللحين يوم دشيت السايت صوب الملخص لقيت اوكي غيروا الكلية بس ما صفروا الوحدات و لا صفروا المعدل اللهم شالوني من قائمة الشرف و كنت مجتازة كورس واحد اللحين خلوه -1 !!!

و جدولي ما سحبوه

ما تدرون شسالفه ؟!

حبيبتي بقولج اللي اعرفه ..

1- سيرفر الجامعه السكه لاق كالعاده وبيردون يعدلون الوحدات !
2- وشالوج من قائمة الشرف بحكم انج تعتبرين مستجده بالحقوق ومالج معدل فيها ..

 

[L a w y e R]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

بنـآت مـآتدرووووون شصاار على جداااولنا نزلت مـآنزلت ..؟

وحق اللي يبوون فررنسي 1 .. ترى هنـآء بوو قررريص مـآنزلت هـ السنه )

عندكم امم ابتهاج اعتقد اسمهـآ جذي ..؟ يمدحونهـآ وهم بدرريه اوكي ودكتور بعد معااهم زين

بس كلش ولا هدى :

​

ابتهاج وبدريه وعبدالرضا وهيثم الشرف وفاتن وهناء زينين

 

[L a w y e R]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

باجي البنات مشكورين على نقل تجاربكم

ونصيحه قلتها لكم من قبل وارد اعيدها ..

ارضوا باللي الله قاسمه لكم ، لا تستذبحون على دكتور مهما كان

حاولتي مره ماصار خلاص مو الا ..

انا عفست جدولي عشان دكتور والحين والله متحسفه قد شعر راسي

لو ماخذه عند غيره جان الله اعلم الحين جم يايبه بالمقرر ..

وثقوا تماما ..

الله ماراح يكتب لكم الا كل خير انشالله

 

[حقوقية عسل]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

قوه بنااات شلونكم حبيت انقل لكم تجربتي لما كنت بسنة أولى:

قانون دستوري:

(عبد الله الرميضي) انصحكم فيه حيل شرحه حلو ويأسس الطالب دستوريا ويعطي بونص ومرات يحاسيب عالغياب ومرات لا الصراحه احسن دكتور مر علي بالكلية كلها.

أصول قانون:

(عبد الرحمن الرضوان)وايد زين هالدكتور شرحه حلو ويفهم حيل ويلتزم بالحضور والغياب ويسأل شفوي ومرات يفشل البنات وعصبي بس يعطي بونص وتطلعين من الماده فاهمه. انصحكم فيه

مبادئ اقتصاد:

(فاطمة دشتي) انحاشوووووو عنها اسوء دكتوره بالكلية (سوري)

مدخل شريعه:

(ابراهيم السبيعي)عجييييييييييييييييييب معنه محاضرته ممله واهم شي عنده الحضور والغياب وامتحاناته سهله حيل حيل ويعطي درجات


تاريخ قانون ونظم:

(خالد الهندياني) حيل حيل حيل انصحكم فيه عجيب ومايحضر ولا ياخذ غياب وامتحاناته سهله والماده سخيفه ماتحتاج دراسه وتخلصينها باقل من ساعه جنج قاعده تقرين قصه واللي تحب التاريخ بالمدرسه راح تمشي بهالماده حيل


قاعه بحث:

(صفوت عبد السلام):

عجييييييييييييييييييييييييييييييب والماده سخيفه بس فيها امتحان وبحث وخذيت عنده 98

واتمنى اكون افدتكم وبالسنه للدكاتره الثانين اللي سألتوا عنهم للامانه انا اعرفهم لان رفيجاتي كانو ماخذين عندهم بس ما أقدر امدحهم عشان ماتصير بذمتي لاني ماخذيت عندهم وموفقين ان شاء الله ولا تحاتون:flower:

 

[ملاااك نفسهـ]

احم احوووم << جا دوريـ يامستج‘ـدات اقولكم خ‘ـبرتي :tongue22:

سلمكم الله انا خ‘ـذيت اصوول قانوـؤن عند = ياسر الص‘ـيرفي { حبوب طيوب يفهم حييييل ياخذ حضور وغياب بشكل مفاجىء يعني بعد شهرين مرة عطانا بونس درجتين امتحاناته حلوة وفيها شويـ صع‘ـوبه }

اقتصاد = ح‘ـبيب الكل خالد زغلوووول { حبوب مبتسم دائما ماشاءالله عليه شرح مايطلعه من الكتاب ياخذ حضور وغياب كل محاضرة ويراعي الطلبة حيييييييييييييييل ويعطي بونس ويعطي مج‘ـال اكثر من مرة حق اللي ماجابو قريد زين طيوووووب حييل }

شريعه = كلهم يهبلووووووون انا خذيت عند عصام الع‘ـنزيـ حلوو ؟

دستوريـ = خليفه ما اقدر ازيد عن حجي البنات بشي بث متى تتوهقين لا جا الفاينل اذا ماعندج اعماااااال صراحه لعب بحسبتي لعب انا ولله الح‘ـمد طلعت من دستوري قلت باذن الله اقل شي b
بس الحمدلله على كل حااااااال ,, :eh_s(2):

اختياريـ حقووقـ انسان = د.ندى شنو الماده حلوة وتهبل وخفيفة وسخ‘ـيفة بث الله يسامح‘ـها خلتها شي ثاني لعبت بقريداتنا لعب والله الكل مو بث انا اشكي منها {وحدة من رفيجاتي داشة تكميلي مع ان قريداتها بباجي المواد تهبببل عشانـ حقوق انسان لا حول ولاقوة الا بالله }

اخر شي قاعة بح‘ـث = د.محمد الفيلي { هالدكتور ماشفته طول السنة الا مرتين كانت تجينا الاستاذة حنان بورسلي عسسسسسسسسسسل تهببببببببل بث تع‘ـطينا واجبات وتاخذ حضور وغياب وماكو اختبار احسن شي ولا بح‘ـث }
بث شنو انا كنت مواظبة عالحضوور واسوي الواجبات ولا عطو ولاوحدة من الكلاس فل مارك :eh_s(4):

الله يوفقكم ويوفقناـآـآ بأح‘ـسن الدكاترهـ إنـ شاءالله :eh_s(6):

 

[حقوقية عسل]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

بالنسبة بنااااااات اللي يسألون عن مواد سنة ثانية والدكاتره راح انقل لكم تجربتي:

أول شي بنااات انصحكم تهتمون بالمواد اللي وحداتها وايد وتلعب بالمعدل حيل اللي اهي: الالتزامات(8)-قانون اداري(6)-قانون احوال شخصية(6)


الالتزامات:
(موسى رزيق) للامانه كنت كل ماأسأل وحده عنه كانت تذمه وطلع شي ثاني الدكتور حقاني وعطانا بونص بعد وملتزم بالحضور والغياب ويخلص المنهج بسرعه احنا الشعبه الوحيده اللي خلصنا شهر 3 حيل مبجر وامتحاناته سهله وشرحه بالمحاضره للامانه انا ماكنت ادري شسالفه قاطه راسي بتلفوني <<< لاتسون مثلي لوووول :flower:
بس شوفوا احنا العام حاله استثنائيه الشعب الثانيه توهقوا ما كان فيه دكاتره وجابوا من مصر وتاخروا فاستثناء شالوا القضايا من الماده مع ان
الماده اصلا تعتمد عالقضايا فكنا الصراحه حيل محضوضين فسهلوا الماده حيل حيل علينا وحتى بالفاينل الاسئله بس مقالي والامتحان كان سهل وطلعنا بقريدات حلوه
<< فعشان جذي يمكن امحاناته كانت سهله فمادري مابي اوهقكم.

قانون اداري:
نفس الحاله ماكان فيه دكاتره >>> لووووول العام لعبوا فينا
جابوا لنا دكتور من الهيئه العامه للتطبيقي اسمه( احمد العتيبي) الدكتور زين وامتحاناته سهله بس محاضرته عذاب شنو ممل وينوم.. :ch12:

احوال شخصية:
(طاهر خذيري) امبيه هالدكتووور عجيييييييييييييييييب شويه عليه ومحاضرته وكلامه حلووو يونس ويقوول قصص وامثال ونكته واهو دكتور من الشريعه
ويمدحون عبد الرؤوف الكمالي حيييييييييييييييييييييييييييييل

مالية عامه:
(فيصل الفهد) دكتور محترم ويفهم وماشي سيده وافضل من ابراهيم الحمود دايما طلبه ابراهيم الحمود يتوهقون بالفاينل لان مايفهم بالمسائل

قانون جزاء عام:

(محمد بوزبر) هالدكتور ماراح اوفيه حقه لو امدحه شنو احترام شنو يدخل المعلومه غصب مخج وامحاناته سهله ومتكرره يعني دوري نماذج امتحاناته ومحاضرته عجيييييييييييييييبه ماتملين نوتي معاه راح يفيدج حيل للامانه الدكتور مزيون<<<< لاحد يشوفك لوووول :O_SHH_:

قانون دولي:
(رشيد العنزي) وااااااااايد زين ويعطي درجات بالهبل واكثر من حقج بووووووووااااااااااااااااااااايد مع انه امتحاناته وايد صعبه بس عادي والله انه يوزع علينا درجات بالهبل احنا انصدمنا ويعطي بونص اذا ماغبتي ولا مره 10 درجات وفوقهم 3 يعني 13 درجه ومرات يقول فيه كويز بعدين يقول لاخلاص درجاته عيديه كان وقت العيد لووووول

اختياري قانون بيئه:
(مدوس الرشيدي) الصراحه الماده اكثر من سخيفه وللامانه انا عطاني حقي والماده وايد وايد سهله بالنسبه للمواد الاختياريه الثانيه

قاعه بحث:
(بدر ماجد المطيري) هالدكتور عجيب ويعطي بونص

 

[حقوقية عسل]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

اب



اب

 

[تـوتـآآ]

عفيه بناات بغيت اسأل تسجيل سنة ثانية بالنت يكون حسب المعدل نفس سنة اولى ولا لا .. ؟

والله يووفقناا يارب

 

[حقوقية عسل]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

عفيه بناات بغيت اسأل تسجيل سنة ثانية بالنت يكون حسب المعدل نفس سنة اولى ولا لا .. ؟

والله يووفقناا يارب

ايه نفس سنة اولى على حسب المعدل وموفقه حبوبه..

 

[شادنٌ]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

بنوتات سنه ثانيه مافيها اختياري ؟

وعندي سوال انا عندي ماده ساقطه فيها

يصير اخذها السنه اليايه ولا لازم هالسنه ؟

<< بتروح ثانيه

" ايفا بما انج انتي المتخرجه والاكثر خبره اذا تعرفين نوريني يزاج خير "