رد : التجمع الثاني لطالبات { كـلـيـة الـحـقـوق ] جامعة الكويت . حياكم الله
m.a.i قال:
اختي لوير انا متابعه جهودج بالموقع
ويزاج الله خير
تحبين الخير لناس وان شاء الله هالشي يردلج
انا عندي طلب تقوليلي عن تجربتج عن سنة ثالثه شنو الصعوبات بالمواد ووين الصعوبه وعلى شنو اركز واشلون اتفادها
وشاكرتلج من كل قلبي وموفقه يارب
هذا نص الرساله الخاصه اللي وصلتني من العضوه العزيزه مي
مشكوره وايد حبيبتي عالكلام الحلو واخجلتيني والله لوول :hjy5jewf:
هذا ردي عليج وانشالله تستفيدين انتي وباجي البنات :friends:
.
انا بذكر تجربتي العام ، بذكر المواد + دكاترتي ، وبذكر اسامي الدكاتره اللي كانوا يدرسون نفس المواد وماالله كتب انهم يدرسوني
.
مواد ودكاترة سنه ثالثه :
مرافعات :
6 وحدات
افتخر اني درستها عند د.عبيد المطيري
انسان مهما اتكلم عنه وامدح فيه ماراح اوفيه حقه
وكلكم ملاحظين اني امدحه وايد ، هالانسان غير فيني وايد اشيا وعطى من قلبه والحمدلله الله ماضيع تعبنا
الماده دسمه واجرائيه نوعا ما ، يبيلها مجابل واهتمام والدكتور ماقصر الله يعطيه العافيه
اللي تاخذ عنده ختحط فبالها :
في كلاسات اضافيه مفاجأه او عندكم علم فيها ، كل سبت في مراجعة لمحاضرات الاسبوع ، امتحاناته مو هينه ..
الزبده .. اللي تاخذ عنده لااااازم تتعب وتجتهد والدكتور راح يلاحظ لانه يميز البنات ويحفظ ويوههم ماشالله
اللي يدرسونها بعد :
- عبدالستار الملا ، وسمعت ان السنه اليايه ماراح يدرس لان هذي اخر سنه له ، والله اعلم
عموما يقولون امتحاناته سهله ودرجاته حلوه ، بس هالسنه سمعت ان درجاته كانت مش ولابد
- عزمي عبدالفتاح :
درس رفيجاتي وكلوووها للاسف !
يبي كوبي بيست ولا مو اي كوبي بيست :/
ما انصح فيه الصراحه
.
جزاء خاص :
6 وحدات
- اخذتها عند منصور العتيبي ، للامانه والحق ينقال
شرحه وااااااايد حلو وحده انسان واعي ومثقف ماشالله عليه
بس برايي .. حضريله كمستمعه ، بس لاتمتحنين باللي يقوله
بتضيعييييين ، تبارك الرحمن من كثر ماهو دقيق احس مخه كله مخططات وجداول توضيحيه لوول
للاسف اعمال السنه ماكانت ذاك الزود معنه العام كان معطي بونس قوي
بس هالسنه ماحاشنا شي لوول
امتحاناته من نوتاته ، بس هالسنه تقسيمة الدرجات بالميدتيرمات كلش ماكانت حلوه
وكلمته شخصيا وما انكر هالشي ، بس قال بحكم عدد الطلبه اللي يدرسهم هالتوزيعه اسهل له بالتصحيح :/
وسوا فينا حركه بايخه الله يسامحه بالفاينل ، نزل درجة الاعمال بعد مامتحنا الفاينل يعني املنا اتعدل الدرجة
- الدكتور الثاني : فايز الظفيري
بناته يمدحونه ويمدحون امتحاناته ، ورفيجاتي يقولون شرحه عادي والعبره عنده بالكتاب
مفكره اذا بعيد جزاء اخذها عنده انشالله
.
تجاري :
6 وحدات
- اخذتها عند محمود الكندري ، وايد طيب بس وقت المحاضرة ماسااااة لوول
شرحه حلو بس الماده مش ولابد ، في بنات يحبونها بس انا بحكم اني اكره التجاري من الثنويه فـ ماحبيتها
تعتبر من المواد السهله ووايد سهل تييبين فيها a وتلعب بالمعدل بحكم وحداتها
- الحيان / المطيري .. يمدحونهم بس ماقط شفتهم ولا اعرفهم للاسف
بناتهم يقولون شرحهم حلو ودرجاتهم حلوه ، وعموما كل دكاترة تجاري زينين وحليوين وطيبين
.
ميراث :
4 وحدات
كلش ماحب الماده بس يزاه الله خير د.نايف العجمي مااااااااقصر
وطبعا الدكاتره اللي يدرسون هالماده منتدبين من الشريعه وكل دكاترة الشريعه تقريبا زينين
.
عقود مدنيه :
4 وحدات
- اخذتها عند د.ياسر الصيرفي :eh_s(1):
- الخيار الآخر كان د.حسين شروق ، كان قنبلة السنه :ggdw:
تغير 180% للافضل ماشالله وقلتله هالشي شخصيا ، وقال مثل مانتوا يالطلبه تطورون نفسكم ، لازم حنا بعد نطور روحنا
الكل كان سامع عن شروق وشلون كانت سمعته اولت العام ، ماقصد السمعه الشخصيه
اقصد سمعته التدريسيه بحكم انه دكتور يديد عالساحه ، بدع برفيجاتي اولت العام !
بس العام .. الحق ينقال .. صدمني بالتطور اللي شفته منه ماشالله عليه
اتوقع اذا كلامي هذا بيوصله راح يعرفني لووول :dddds:
- هالسنه انشالله د.حسين ماراح يدرس عقود ، راح يدرس اصول ، وخالد الضفيري بيرد يدرس عقود .. مادري شقولج الصراحه انا نفسي محتاره ، ناس تمدحه وناس تذمه ، لازم احضر له شخصيا عشان اشوف لوول
.
اختياري :
4 وحدات
- اخذت منظمات عند د.شاهين ولو ان الدكتور وايد زين
الماده بايخه ماحبيتها
- انصح بجنائي دولي عند الياقوت اذا بينزل السنه اليايه
- وتشريعات ضريبيه يقولون الماده بايخه ، بس الحمود عسل الصراحه :eh_s(7):
.
قاعة بحث :
وحدتين
- اخذتها عند الفارسي :s141:
موضوع بحثي يديد عالساحه وتعبت حيييييييل فيه وبشهادة ناس كبار بالديره ولهم اسمهم بالساحه ، عجبهم وحبوه
عطاني a+ بس ماحس عطاني حقي الصراحه ، احسه ظلمني ، لان في بنات لاتعليق حجي مايعرفون يتحجون وخذوا 99ماشالله !
- الماده حلوه وسهله بس لا تشتطين نفسي وتنصدمين تالي :eh_s(4):
.
اداري2 :
4 وحدات
- اخذتها عند المعاطي :eh_s(21): احبه هالانسان ووايد احترمه وعطاني حقي وزياده باعمال السنه الحمدلله
ودايما اقول ، لوما المعاطي جان اكيد انا f باداري ! لان الماده بايخه حدها !
بس يزاه الله الف خير وماقصر ، رفع كل الشعبه وعطانا بونس 4 درجات الحمدلله
- اللي يدرسون الماده غيره :
- الباز + الفارسي ، ويقولون الباز بدع فيهم واسوا من الفارسي ، انا شفت درجات طلبته بالاعمال ، الله يعينهم :/
الفارسي زين وعطى بناته بونس بعد ، للامانه مادري اذا الباز عطى بونس والا لأ .. بس درجاته كانت الاكثر انخاضا على مستوى الدكاتره للاسف
.
انشالله اكون الميت بكل الجوانب اللي ممكن تفيدكم ، سامحونا عالقصور
بنات ، الحجي اعلاه من تقييمي الشخصي ومايمنع ان في ناس يخالفوني بالراي ، انا ابديت رايي للمساعده والتوضيح فقط وماجبر احد انه ياخذ فيه ، للعلم بس
