التجمع الثاني لطالبات { كـلـيـة الـحـقـوق ] جامعة الكويت . حياكم الله

[روح الغلا]

السلام عليكم ..

بنـات ماطرشولي موعد تسجيلي ومالقيته بالسستم :eh_s(10):

ولا يكـوـون السستم يخرف ويعلق بيوم التسجيل :eh_s(4):

واي أبــي أفضل الدكـاترة بقاعة بحث 2 .. بصراحه العام لعوزتنـا المعيده :eh_s(2):

اللي منزلين لقاعة بحث أهم :

د.ثقل العجمي | د.يوسف الصليلي | د.فايز الظفيري | د.فاضل نصر الله | د.أحمد السمدان |د.فيصل الفهد | د.مرضي العنزي | د.مشاري العفيان | د.خالد الظفيري | د.البهبهاني | د.عبدالستار | د.ابراهيم ابو الليل ..

ويعطيكــم العافيه

 

[miss_mazajyh]

ليز ولوير

مشكوررين ع رايكم بالمواد وهيك


لوير

اذا بتعرفين شعبه بنات ولا لا
في دائره خضراء مدري زرقاء يم الزائد مال الاضافه ضغطي عليه يطلعلج ان الشعبه فقط للاناث
واتوقع اهم بس يحطولنا شعب الاناث




وبخصوص دكتور فواز كان يدرس رفيجاتي نظم حبوووووب وحيل متساهل معاهم
ويمدحونه


اما دكتور بدر بجاد
فشهادتي فيه مجروحه
دكتور منتظم ياخذ الغياب يخليج تطلعين من الماده فاااهمتها عددل
يساعد عطانا بونصات بالهبل اهم شي عنده الادب محترم جداا
ويحب طلبته ويساعدهم بأي طريقه
امتحاناته غالبا من المراجعه اللي يسويها قبل الامتحان
باختصاار وعن تجربه
كل شعبتنا تدعيله بالفاينل ماقصر مع ولا وحده من البنات



وترى دكتور فواز احب اتابعه بتويتر احب كتاباته
واهو رفيج الدكتور بدر بجاد حييل >> خارج الموضوع لوووول

بوعباس

!! مادري والله بس اختي ليز تكلمت عنه

 

[miss_mazajyh]

مس ديزاستر


شوفي انا ما اخذت بترول فما اقدر افيدج
بيئه يدرسها الدكتور مدوس

نظم
انا ماخذتها اهي الماده سهله بس يبيلها دراسه
قريبه من دستوري فيها انظمه الدول فيدرالي كونفدرالي اسلامي
ويعطيج امثله عليها من الدول بس يبيلها دراسه مو تهملينها علئ انها اختياري




الاموره

اذا انتي شاطره ماعليج من كلام الناس بتمشين فيها ان شاء الله اذا حابه تدخلينها
النسبه يقبلون ٨٦
ومرات ٨٥
حسب الدفعات !!



روح الغلا

مادزو مسجات للحين ماجاني شي !!

تجربتي بقاعه بحث
فايز الظفيري
جم محاضره حضرها وفهمنا الطريقه
وبعدين عطانا عطله عشان نسوي البحث
وبعدين التسليم بس
وقريداتنا كانت اغلبها فوق التسعين
مع ان يقولون في بنتين عطاهم f
لان مسوين من مكتبه خارجيه وهذا كللللش مابعجب الدكتور فايز
انتي وجهدج

 

[miss_mazajyh]

روح الغلا




اهااا فهمت الحين توني طبقتها حلوه طريقتج و سهله
مشكوووره ي قلبي ؛)

 

[أبتسامة]

مرحبا بنوتات شلونكم ؟
miss U

تصدقون ولهانة ع الدوام والكلية بس اقول لاااا منو يعاف الراحة
ويشتاق للشقا محاضرات مبجر و امتحانات واااي لا مابي اتذكر
بستانس بالشهر اللي باجيلنا .

وبالنسبة للجدول انا من الحين احاتي التسجيل واخاف مااحصل عند
الدكاترة اللي ابيهم , حدي خايفة من الجدول والاوقات كلش مو حلوة
انا خو بطاريتي تخلص الساعة وحدة شلون الحين في محاضرات
للثلاث واربع , العام اخر محاضرة عندي كانت وحدة واكون مفهية فيها
جني تحلطمت وااايد

بنات انا محتارة بالاختياري ودي ببترول بس احس هالمادة مثل
مبادى ماتنبلع مادري ليش من اسمها ياني هالاحساس
ونظم اذا مثل دستوري يعني اكيييد يبيلها دراسة وحلات الاختياري
يكون خفيف.

فمادري اللي ماخذة بترول خل تقولنا عنها وتقنعني فيها

​

 

[L a w y e R]

دزولكم مواعيد التسجيل بالتايم والا بس التواريخ ؟؟

 

[SKY--NA]

لوير

بس التواريخ ومو من الجامعه من بنات الجمعيه <

 

[~.ąvȍƈaȚ.~]

همس الوفا & لوير & ليزز يمي يمي عندي ليز كاتشب تبين لووول

خلاص بسمع كلامكم و باخذ عند العيفاان و امرري لله الساعه 8 الساعه 8 :')




بنات سنة ثالثة ترى انا شايفه اداري 2 حق البنات نازله بس مادري جان سحبوها أو لأ شايفتها اول ما نزلوا جداول !!



لوووير

اذا تبين تعرفين شعب البنات من شعب الشباب روحي صوب الجدول الدراسي الشعب الاولى تكون شباب و ارقامها تبدي 01
02
03
04
....الخ

و البنات يبدون تحتهم

51
52
53
....الخ

بعض المرات تكون في شعب سقطت سهوها اتوقع للحين ما نزلوهم

و فواز الجدعي مادري عنه بصراحه بس شكله طيب و حبوب سيماهم في وجوههم

و د.بدر بجاد دكتور فااهم اللي يدرسه و اكاديمي قووي ماشالله يعني متمكن و فاهم اللي يدرسه فغصب يخليج تفهمين يحب الملتزمة بالحضوور و اللي تشارك
للأمانه امتحاناته شووية صعبه بس متناسبه مع مستوى شرحه بالفاينل ما توهقنا الحمدلله
عطانا تعويضي و بوونص قووي بالنسبة للي الطالبه المتوسطة و الشاطرة طبعا ضامنين عنده الدرجة النهائية بس المهمله ما راح يساعدها
اييي و ما يحب احد يجادله وايد و اهوا ما عنده سالفه و ترى شووي يعطي محاظرة بالزف اذا شاف ان الشعبه نايمين و ما يدرسون لووول
اذا منزل مادة اخذيييها و انتي مغمضه



ترى للحين ما نزلوا اوقات تسجيلنا مادري متى يعني :\ !!

ننطرر شوراناا

 

[L a w y e R]

انا وصلني من الجامعه

ولاعزاء لبنات الجمعيه لوول

 

[~.ąvȍƈaȚ.~]

بنوتة الامورة

عليكم السلام الحمدلله زينين و انتي ؟

شووفي اللي يبي يووصل مكان ما راح يوصله بسهوله هذا اول شي...ثاني شي اللي يحبطون و يقولون صعبه مجربينها دارسين ؟! طبعا لأ !!
ما اقولج انها سهله...بس دراستها عادية ما تذبحين عمرج يعني...بالنسبة لي الجامعة اسهل من الثانوية بوايد
و مستقبلها يسوى الواحد يتعب عشانه
اذا انتي تبينها و حابتها دخليها اما اذا لأ لا تدشين لان اللي يبي يكمل فيها لازم يكوون حابها

بالنسبة للنسبة
اللي بقوولج اياه شددددي حيلج
خصوصا و انتي اكيد شايفه هالسنة شلون صار...القبول الفوري 92 و ادنى نسبى للقبول هالسنة المفرووض 85 و ما قبلوا الا فوق 86.5 %

يعني عشان تضمننيين عالاقل ختكون نسبتج فوق الـ88%

و أي سؤاال حاضريين و الله يووفقج

 

[m111]

اب اب | لا يرد ورا التجمع

بنات عفيه اللي تعرف ترد ع استفساري

الجامعة كلهاا نزلت لها مكافأة التفوق الا الحقوق ليش يا حظي !!!!!!:bbbiu:

بعدين بعرف جم المعدل المطلوب للمكافأة

اللي اعرفه انه التكريم بالكليه على 85

ويقولون المكافأة يستحقونها اللي ماخذين 80 فوق .............. يا ترى ليش ....؟؟ حابين طلبة الحقوق مثلا !!

 

[~.ąvȍƈaȚ.~]

m111

طحنا عليج شكلج من اللي يقرون من ورا الكواليس

مكافأة التفوق بصراحه مادري شسالفتها جنه مو حق الكل نازله...و اتوقع ما نزلت حق الحقوقيين عشان التكميلي تدرين يلعب بالمعدل فلازم عقبه عشان ينزلونها << يعنيي يالله شهر 10 اقل شي على احسن تقدير لوول

هذا تفسيري

و حق الحقوق يعطون فوق الـ80%

 

[قدساوية 99]

بنات انا ماخذة بتروول الماده حلووة واسهل واايد من مبادئ واللي منزل هالسنه الدكتور عبدالمنعم اغلبكم ماخذين عنده مبادئ وتعرفون طريقته خووش دكتور وحقاني انا خذيتها عند زغلول وخذيت فيهاا قريد حلوة انصحكم تاخذونها حرام تتطوف صج اول المحاضرات بتخترعون بس الفاينل كان وايد سهل والاغلبيه ماخذين فوق التسعين

 

[~.ąvȍƈaȚ.~]

حقووقيات

شرايكم بالدكتور احمد السمدان حق قاعة بحث ؟؟

مابي دكتور عسر و ينكد علي السنة بسبة قاعة بحث

 

[رمز الترف]

صباح الحب

صارلي دهر مو مشاركة بالتجمع خخخخخخ


ليز
انقذتيني بسالفة الايفوون خخخخ
كنت حدي اكره ادش التجمع من الايفون بسبة رقم الصفحه

ميرسي





بنات

خرعتوني
مشتطين عالتسجيل تو الناس خخخخخخخخخ

تاريخ 21 عدل ؟؟

امممممممممم

انا خايفه من الاوقات اكثر شي

اخاف جدولي يكون من 8 لي 4 >> انتحر

 

[رمز الترف]

تدرون اكثر مادة خايفه منها شنو ؟؟




قاعة بحث


و الله حدييييييييييييي أحاتيها
لاني جد اكره احوس بالمكتبة و اسوي بحث
و دكتور يدقق وراي و كل ساع ادوره بساعاته المكتبية !!
و يكون مكتبه زحمه
انطر هـ الامة تخلص !!

تخيلوا بنات في ايام كنت اداوم مع ان ما عندي دوام
بس كنت اداوم عشان اعطي الدكتور البحث

و اطق درب اخر شي مو موجود :/

حدي كرهت عمري بسبة هالمادة

يا رب اطيح عند دكتور كلش ما يدقق خخخخخخخخ

 

[لفتة فرس]

يشرفني ويسعدني الانضمام للتجمع

وعسى الله يوفقنا ويسهل الدراسه علينا يارب*

 

[L a w y e R]

m111

حياج الله
اهم شي جكتج avocat لوول
انا سمعت ان المكافأه بتنزل بحسابات الطلبه قريب
متى بالضبط مادري
بس هم تحليل افوكات منطقي لوول

.

افوكات السمدان ماعندي اي خلفيه عنه بقاعة بحث
بس شكله حليو ويمشي مادري
يمكن شغلكم يكون مع استاذه ضياء لاننا اذا كنا نبي شي نروح لها

.


رمز الترف شوفي انا الدكاتره اللي درسوني قاعة بحث اهم
فايز الظفيري - عبدالعزيز العنزي - احمد الفارسي

كلهم زينين واكثر 1 شديد فيهم اهو فايز ، بس للامانه كلهم عطوني قريد زين الحمدلله ، لكني اتحفظ على درجة الفارسي لاني وغيري كنا نستحق اكثر من الدرجات اللي انرصدت وبنات 2007 عارفين هالشي ، بس الحمدلله

.

لفته فرس حياج الله

 

[miss disaster]

محد جاوبني :s

بوزبر شلونه؟

و قاعة بحث جد ابي دكتور زين ويعطي درجات لان العام تحسفت اني اخذت عند دكتور معين

و ربي للحين مقهوره

ابي دكتور سهالات ما يدقق وايد :/

 

[m111]

هههههه يمما خرعتيني افوكات ... بنات الحقوق اسمالله عليهم فطااانة
انا اتابع يومياااا واتطمن عليك من بعيد لبعيد .... ع فكرة انا خريجه و من قبل لا ادش الحقوق و انا بهالتجمع
بس غبت فترة ونسيت الباسوورد و بطلعـــــه الروح سويت حساب جديد
خبركم كويتيات اكثر منتدى مرغوب و طق عصي ع النك نييمات

//// و بنتخرج واحنا مالقينا اي تشجيع للمتفوقين غير حفله التكريم اللي ما احب احضرها لانها ممله مو قصورا من الجمعيه اللي مسكتها ابدا
والجامعه كلها نزلت لها واستمتعو فيها الا احنا .... خ ـتنزل عشان نسافر فيها بالعيد

بنات ع التسجيل ترا توالناس ,,, بعد العيد باسبوعين و اكثر بعد
و الجداول في تغير مستممر لا تحاتون