التجمع الثالث لطالبات { كـلـيـة الـحـقـوق ] جامعة الكويت . حياكم الله

[L a w y e R]

قوة بنات شلووونكم توني مسجلة عشان هالتجمع واتمنى استفيد منكم وافيدكم انا الحين بسنة رابعة وما اعرف بعض الدكاترة ونظامهم ومعدلي نااااااااااااازل للاسف ومحتارة اقسمها والا لاء علما باني مو ماخذة ولامادة من اللغات وانا بسنة اولى كان معدلي حلو وكل ما اروح للسنة الي وراها ينزل درجة لين عاد ما نزل هالسنة فياليت تشرحونلي عن رابعة وجم كتاب والكميات والدكاترة عشان احدد هل اقسم رابعة والا لا لان القراار صعب حيييل ومحتااااارة حيل :/

حياج الله حبيبتي
انصحج تقسمين بحاله وحده :
اذا عندج مواد تبين تعيدينها رفع معدل .. فقط لاغير
ورابعه حلوه بس انا ماحبيتها للامانه مادري ليش لوول :/

 

[miss_mazajyh]

لوير


مشكووره حبيبتي ماتقصرين ؛)

 

[فز^الخفوق]

اب







اب

 

[L a w y e R]

ماتدرون متى بيدزون مواعيد التسجيل ؟

 

[a n w a r]

بنات انا ضبطت لي جدول افتراضي والجدول زين تقريبا
بس الطامه الكبرى ماكو مكان كللللللللللش احط فرنسي مادري شسوي !!
اذا ما خذيته الحين وانا بسنه ثانيه متى اخذ والصيف ما اضمن !!!

الاحد والثلاثا من 8-1
الاثنين والاربعا من 9.30-4.20
الخميس قاعة بحث بس مادري متى
فرنسي ماله مكان اشكره

 

[روح الغلا]

ماتدرون متى بيدزون مواعيد التسجيل ؟

لا

نحن من فئة المنسيين :eh_s(14): :eh_s(14): ما أدري متى يرأفون بحالـنا

 

[روح الغلا]

بنات انا ضبطت لي جدول افتراضي والجدول زين تقريبا
بس الطامه الكبرى ماكو مكان كللللللللللش احط فرنسي مادري شسوي !!
اذا ما خذيته الحين وانا بسنه ثانيه متى اخذ والصيف ما اضمن !!!

الاحد والثلاثا من 8-1
الاثنين والاربعا من 9.30-4.20
الخميس قاعة بحث بس مادري متى
فرنسي ماله مكان اشكره

نفســـي

مالنـــآ إلا الصيفــي :eh_s(2)::eh_s(2): شنســوـوي بعد ..

 

[a n w a r]

بنات بترول عند عبدالمنعم اشلونه ؟
وايد يذمونه ويقولون صج بترول اسهل بس دام عبد المنعم اخذي نظم !!
الي تعرف عنه شي لا اتقصر;p

 

[أحلى زمان]

السلام عليكم ..

شلونكم يا الحقوقيات p;

ما ادري تذكروني او لا لان نادر ما اشارك

بس اتابعكم بين فتره و فتره ..

..

اول شي ابارك حق خواتي المستجدات على القبول الرسمي

و شدوا حيلكم من اول سنه لان راح تتحسفون ان ضيعتوها ..

..

و الي بروحون ثانيه بعد شدوا حيلكم لان ثانيه حلوه و لو مشيتي

فيها صح ترفع معدلج .. لان الي اعرفه ثالثه صعبه مو سهله

ترفعين فيها معدلج بسرعه ..

..

و بتكلم عن تجربتي عن سنه ثانيه من ناحي الدكاتره

التزامات : الي يحب اصول راح يحب التزامات .. خذيتها عند دكتور محمد سامي
يخليج تحبين الماده غصب .. و يحاول كثر ما يقدر ان يعطيج الدرجه الاحسن ..
ما ياخذ الحضور و الغياب دايما .. و اذا اخذ الحضور يعطي عليه بونص ..
بس لا تطوفون و لا محاضره عشان ما تضيعون بالماده لانها ماده دسمه
و باختصار دكتور محمد سامي ما يتطوف دكتور اكثر من رووووووعه

اداري : في دكاتره يعقدون الماده و في الي يبسطونها .. اهي ماده حلوه حق
الي يفهمها .. بس الكتاب الثاني ماله داعي كلش .. و كنت عند الدكتور بدر المطيري
دكتور يديد بس محترم و طيب و ما يقصر لا بشرح و لا درجات .. يحب الي تشارك
و يحب الحضور وايد .. و نوعه يعلمج على طريقه كل دكتور بهالماده عشان ما تتوهقين
بالفاينل بنوعيه الاساله لدكاتره ثانيه

جزاء : كلهم قالولي اخذي عند العيفان .. بس اصريت على دكتور محمد بو زبر ..
وايد ارتحت له .. شرحه حلوه يوصل المعلومه بطريقه حلوه .. من ناحيه الدرجات اهو حقاني
يعطي كل وحده و حقها ما يعطي بونص و لا درجه .. عنده امتحانين و الحلو ان امتحاناته
مكرره كل سنه .. فاذا كنتي تحضرين و تفهمين معاه سهل تحصلين ال40 من غير بونص

ماليه : و ما ادراك ما ماليه .. ماده غثيثه و احس مالها اي معنى و لا هدف من دراستها
اذا تبون شرح زين فيصل الفهد يفهم بس مشكلته ان سريع بالشرح و ما يحضر وايد و نادر
ما يكون بالمكتب .. اما ابراهيم الحمود درجات يعطي بس بالشرح نص و نص ..
انا خذيتها عند الفهد و اهم شي عديت المادده و بس لان كانت تسبب لي ازمه نفسيه
ما احب الارقام و لا احب شي فيه رياضيات و حسبه ;"(

دولي : اكيد الكل ينصح بدكتور ثقل العجمي و دكتور و النعم فيه .. بس خذيتها عند رشيد العنزي
لان كانت تتعارض مع جزاء .. و ما تحسفت عليه .. من ناحيه شرح زين لان اهو مالف الكتاب
و يعطي بونص و اذا ما غبتي عنده و لا يوم يعطيج بونص مضاعف !! امتحاناته صعبه بس يعوضكم
و يعطي اوف وايد لاني يسافر وايد .. و الماده اساسا دراستها ممتعه بالنسبه لي بس عيبها بالكميه
وااايد متعبه

قاعه بحث : اول كورس عند المعيده و ثاني كورس عند الدكتور .. خذيتها عند الهندياني .. يحضر مره
وحده يطلب منكم شنو يبي و تسلمون البحث و السلام ..

اختياري : بترول : يمكن ما حضرت الا 3 مرات بالسنه p: خذيت الماده عند زغلول و كان وايد طيب
بس يمكن لو دكتور ثاني الوضع غير مع هالماده لان ماده ما ادري شقصتها عالم اخر ..

و اتمنى اكون افتدكم و لو بالقليل p:

 

[SKY--NA]

احلى زمان

كفيتي ووفيتي اختي ماقصرتي :*

بس ايدي على قلبي احس ماراح ارتاح الا لمن اطبع الجدول نفسيتي بخشمي :s

ان شاءالله تعدي على خير ..

 

[Rurii]

kwtt-oo
سكاينا

انشالله مع الووقت يتعدل السستم
و يزييدون الدكاترره



اموره
كلنا نفسج ماتطلع خطع التسجيل


مس مزاجيه

اوكيه انشالله الله يسهل و تنفتحلي شعبه محمد سامي التزامات
لان التسجيل ع النسب و انا اقل من 80 فأحس كل الدكاتره الزينين بيروحون علي
الله يستر اخرتها بسجل عند فاطمه دشتي و مدوس و الفزيع
وااي لاااا الله يسسسسهل

انوار
دزيلي بنج شطوله المسج

و دكتور عبدالمنعم انا اقوولج
درسني ماده اقتصاد
شوفي انا اكررره الماده و طلعت فيها بالستينات بس مو منه بلعكس اهو حدده عجيب

امتحانات الميد تيرررم ماااكو عليهم سسسهلل كلشي مباشر و اذا انتي تهتمين لشرح فشرحه مو ذاك الزود و الصج ان بكلاسه البنات ما يدرون عن هوا داره كله طايحيله بالتلفونات
المهم بس عنده مشكله وحده لا وعنده حل لها
ان كل يوووم ياحذ الحضور يوم بيومه
بس اخر شي اللي عندها وايد مسكين قال كل 3 غيابات يبوا عنهم بحث
والله حبييييييييب عجججيييب !
طلعت منه 38 اعمال سنه الحمدلله



احلى زمان
مااقصرررتي



بناااات
متى درجات تكميلي
دستوري واقتصاد
انا ناجحه بس اتمنى يرفعوني

 

[SKY--NA]

روني

اتمنى ذلك

وبالنسبه للتكميلي لا تحاتين اذا يايبه اعلى من الاول اكيد بيرفعونج بس كليتنا لازم تقهر الطالب شوي

 

[أحلى زمان]

اتوقع خطه التسجيل ما راح تفتح الا لمن يخلص الباي فورس
و اخر يوم باي فوري يوم 15 فاتوقع بعد يومين يبطل
و الجداول مو ثابته في شعب بتزيد اكيد فلا تحاتون من الحين
انا بس اتمنى يتكرمون و يتدزون لنا مواعيد التسجيل عالاقل ؛@

 

[Rurii]

بناااات
ابشركم فتـح السسـتم عنــدي!

المهم
رحت حق التسجيل و طلعولي المواد و اضفت 8 مواد فقط !
انزين الاختياري اللي اخترتها بترول مثلا مسكرا شلوون اسجل بغيرها اذا مايصير نحط بخطه التسجيل اكثر ؟؟

 

[L a w y e R]

بنات حبيبتي

لاتعتمدون عالسستم اعتماد كلي

لان في دكاتره وشعب يديده ليلحين مانزلت بالسستم

نصيحه اخويه لوجه الله

 

[a n w a r]

الحين التسجيل مو تاريخ 21 :/
شكو اتدشون اتضيفون مواد .. يعني شنو قصدكم اتجيكون ولا شالموضوع ;$
ادري اسألتي وايد بس ابي افهم ;$

وبعدين بترول ماكو غير هالشعبه الزفت الي ليما اربع وثلث العصر ؟ :/

 

[L a w y e R]

انوار هذي يسمونها خطة التسجيل

وبنات ترى الخطه ماتشيل اكثر من 8 مواد

 

[L a w y e R]

وهم نصيحه اخويه بنات

لاتستذبحون على ماده معينه والا دكتور معين

لان عن تجربه لما اسوي المستحيل عشان اخذ ماده معينه والا اطيح عند دكتور معين

سبحان الله الماده ماحبها او درجتي ماتعجبني او انصدم بالدكتور حتى لو مجربته من قبل !!

حاولوا مره و2 واذا ماصار لاتصرون عالموضوع وارضوا بقسمتكم والتوافيق من رب العالمين

 

[SKY--NA]

اب


اب


اب

 

[~.ąvȍƈaȚ.~]

انا و سكاي حددددددنا متأزمين من التسجيل لوووول


اللحين ما نبي شي بس نبي مواعيييدنا وااي شنوو هذا انشالله يتذكروون لا يدزون مسجات بس عالاقل نزلوها بالسستم لي متى و احنا ننطر انا بسافر شنو هذا لي متى يعني !!!


و مادري ليش ما كان فاتح معاكم انا امس فتح معاي

و ظايفين شعب يديده و دكااترة يدد سنة ثانية

للي مهتم بالموضوع هذي التغييرات اللي اذكرها

التزامات
صارت شعبة وحده د.محمد سامي و زادوا شعبتين حق د.مشعل حياة ( صج شلونه ؟)


اداري (1)
زادوا شعبة د.فاطمة دشتي


جزاء
غيروا شعبة د.مشاري العيفان من 8 الصبح لي 3 العصر ( حددددي استانست كنت متأزمه من الوقت )
وشعبة د.محمد بوزبر نزلوها بالسستم جنه الساعه 9 مادري 8

دولي
ما تغير شي فيها

المواد الاختيارية مادري بس النظم ما تغير شي

مالية
ظافوا شعبة حق د.فيصل الفهد و مغيرين اوقاتهم

احوال
مغيرين موعد شعبة وحده والشعب الباجي للحين ما نزلوا :\




و ناطرين آخر التغييرات خخخ