البواسير

[الالماس واللولو]

انا اعاني من فترة من البواسير بصراحة لما الطبيب وهذا بعد ترددددددددد تدرون ليش لاني ما ابي اكشف المهم قالت لي الدكتورة ان فيني بواسير وبعدها تركت الموضوع وما سويتها والحين احس انها كل مالها وتكبر وشنو تنصحوني فيه وهل تعرفون اسم دكتورة شاطرة ..........ناطرة الرد

 

[غيوووض*]

اختى انا وحده فينى بواسير وزاتدت معاي عقب الولاده ومانفع معاى الا العمليه الجراحيه لان الكبس ما ينفع ونصيخه سويها لانها راح تكبر وتاذيك بالحمال والولاده ولا زم ما يسير معاك امساك وانا سويتها بالهادى عند دكتور محمود بس يمدحون الدكتور ابراهيم والله يهون عليك

 

[الالماس واللولو]

يزاج الله الف خير يا عمري وتنصحينه عنده بس انا افضل دكتوره عن الدكتور

 

[ضحكة الدنيا]

انا كنت اعانى منهم بفترة النفاس بس
وكانوا يقولون لى انها بواسير النفاس وعالجتهم عند الدكتوره ماجده اليتامى وبسرعه خفوا بس عوارهم كان رهيب
الله يعينج حبوبه بس لاتسكتين على عمرج عالجيهم احسن ولازم تشربين ملين علشان الخروج مايطلع جاسى ويزيد من المشكله ولايصير عندج امساك
وموفقه حبوبه وماتشوفين شر

 

[جكورة]

أنا أخووي مسويهم بطيبه كلينــــك ويمدحهم حيل ومن عقبها ولله الحمد مرتاح....

وماتشوفين شر إن شاء الله :eh_s(17):

 

[الالماس واللولو]

شاكرة ردودكم وما قصرتوا وانشاء الله راح اعالجهم بسرعة ............

 

[النبع المتدفق]

شوفي حبوبه إذا ما وصلت لمرحلة نزول الدم مع التبرز بشكل واضح
أقولج خففي من البهارات في أكلج وإقطعي الحوار بشكل نهائي لين تتعالجين وحطي من تحاميل البواسير تاخذينهم من الصيدليه وما تشوفين شر

 

[أفوكادو]

سألتي عن عظيم
انا ما خليت شي بالدنيا ما سويته !!!
ماكوووووووووووووو فايدة
لازم عملية وكاني اعاااااااااااني بس مو متجرأة اسوي العملية

 

[توتة27]

انا من زمان الحمدلله ما احس فيها بس اول الله لا يراويج معاناه بس التزمت بالملين واهو عباره عن لهوم من الصيدليه وكنت آخذه من المستشفى حتى لو صارت المعده زينه لازم تستمرين ليم تتعود....والعمليه ماانصحج فيها الا للشديد الاوي لان وحده مسويتها تقول احيانا ماتقدر تمسك روحها بالغازات

 

[الالماس واللولو]

شوفي حبوبه إذا ما وصلت لمرحلة نزول الدم مع التبرز بشكل واضح
أقولج خففي من البهارات في أكلج وإقطعي الحوار بشكل نهائي لين تتعالجين وحطي من تحاميل البواسير تاخذينهم من الصيدليه وما تشوفين شر

يزاج الله الف خير يا عمري :eh_s(17):

 

[الالماس واللولو]

سألتي عن عظيم
انا ما خليت شي بالدنيا ما سويته !!!
ماكوووووووووووووو فايدة
لازم عملية وكاني اعاااااااااااني بس مو متجرأة اسوي العملية

مثلي يا عمري معانتج مثل معانات انا مو متجرأة اسويها لكن من نصايح اخواتي راح اخطي الخطوة وانت معاي لازم نسويها .............:eh_s(6):

 

[الالماس واللولو]

انا من زمان الحمدلله ما احس فيها بس اول الله لا يراويج معاناه بس التزمت بالملين واهو عباره عن لهوم من الصيدليه وكنت آخذه من المستشفى حتى لو صارت المعده زينه لازم تستمرين ليم تتعود....والعمليه ماانصحج فيها الا للشديد الاوي لان وحده مسويتها تقول احيانا ماتقدر تمسك روحها بالغازات

يعني العملية لها اثار وايد يعني الغازات شلون يعني من كلامج ما اسويها لاني بصراحة البنات انصحوني وانتي شرايج هل سويتها وكانت هذه نتايجها بليز ردي علي

 

[أم حيدر]

حبوبة انا ما كان فيني قبل ، بس طلعولي بالولادة ، ما ظل مرهم ولاتحميله عزكم الله الا استعملتها . لحد ما امي حبيبتي الله يعطيها الصحة والعافية قامت ويابتلي (جفت) من الحواي وغلتلي كمية وحطتلي ياها بالحمام كل ما ادخل الحمام غسلت او نقعت روحي في والله 10 ايام تقريبا صغروا ونشفوا.

عسى الله يشافيج

 

[حبيبته آنا]

روحي عند الدكتور عامر الفواز في مركز العيادات التخصصيه واااااايد شاطر بهالسوالف

 

[BlackRose]

دكتورة ميرفت الصالح وايد زينة عالجت امي

عيادتها بالجابرية يم زهور رشا

 

[هوّن على قلبي]

نفس مشكلتي
انا زادت بعد الولاده
مدري شسوي ؟؟؟

 

[المرام]

ما تشوفين شر,,اختى سوتها امس عند الهادى ,,,بس تفاجأة ان مخيطين لها وكانت تحسب انه بالليز,,,وما سوتها الا لما وصلت مرحلة اذا دشت الحمام <الله يعزكم>ينزل منها دم ,,,وبعد ما طلعت من المستشفى اليوم صرخت على ولها حست بشى انفتق وردت على المستشفى ,,بس تكلمنى وهى تبكى من الالم ويقول لها الدكتور ان الالم شى طبيعى ,,,,والله كسرت خاطرى ,,,ادعوا لها ,,,,,,والله يوفقكم

 

[هوّن على قلبي]

الله يعافيكم ويبعد عنكم البواسير

شنو تنصحوني فيه
انا معاي بواسير بعد الولاده والحين ذابحيني حيل من الالم مدري شسوي
شنو احسن دكتور؟
بس انا خايفه من العلميه