البجر ولد والا بنت

[iLLuMinaTion]

هلا بنات

شنو تفضلون يكون بجركم ولد والا بنت


ها شرايكم

 

[kanoosha]

بنت عشان اتساعدني واتساعد اخوانها لما تتكبر

 

[MissChoco]

حلاته بنت

 

[ملكه الحطب]

صح حلاته بنت

بس هم حلو الولد

 

[خير ان شاءالله]

مو مهم بالنسبه لي هو بنت احلي بالنسبه للام وللاب الولد بس انا افضل اذا الاول ولد الثاني بنت او العكس ماحب 2 وري بعض نفس الجنس..

 

[فـراوله]

أنا ما كان بالي شيء مو مهم عندي

بس الحين عندي ولد بجري


والأم تتمنى بنت عشان تساعدها اذا كبرت

والابو يتمنى ولد عشان يطلع معاه ويسانده اذا كبر

 

[om batool]

ولد عشان زوجي

 

[ورود خذلتها العاصفه]

ولد


يذبحونا من يتزوجونا يقوووووووولون>>>نبي ولي العهد

 

[wa7a90]

رد : البجر ولد والا بنت

البنت احلى شي للبجر

كنت اتمنى بنت لحمالي والله رزقتي ببنوته عسل

 

[أم عبداللطيف]

واااي ياحلات البنات انا اول شئ بنت وتهبل ومهبله ابوها وان شاء الله اللحين حامل واذا ولدت بالسلامة اقولكم شنو ؟

وفعلاً الواحد يتمنى بس اللي الله كاتبه يصير سبحانه والحمدالله كلهم خير وبركه بس ادعي الله انه الله يهديهم ويعينا على تربيتهم ونشوف برهم

 

[قلبي سلومي]

بجر بنت

وانا بجري بنت

ابيها تساعدني لا كبرت وتمسك اخوانها وخواتها

والحين بجيب وراها بنت عشان يتساعدون مع بعض ويكبرون مع بعض

وصراحة عن تجارب حاتها البجر بنت

من عقب اللي شفته

 

[ملوكـه]

ولــد عشان يقوم بالمسؤليه على اخوانه وخواته لاكبروا
ا

 

[غلا الروح79]

مو مشكله اي شيء بس يكووون سليم
واللى ييى من الله حياااه الله
مع انا بجرى وولد الله يخليه لى ياااارب

 

[اشواق المطيري]

رد : البجر ولد والا بنت

تبارك اللذي تبجر فيه بنت بس انا ابي بجري ولد

 

[iLLuMinaTion]

مو مشكله اي شيء بس يكووون سليم
واللى ييى من الله حياااه الله
مع انا بجرى وولد الله يخليه لى ياااارب

يارب

 

[أأأميرة الورد]

رد : رد: البجر ولد والا بنت

بنت أحسن علشان تساعدني اذا كبرت

 

[bint_looda]

البنت ونيسه لامها سبحان الله بس كل شي من الله حلو بنت والولد طبعا

 

[" ام حمود "]

مو مهم والله ولد او بنت كل شي ايي من الله حيالله
المهم بصحه وعافيه ومافيه الا كل خير
انا افضل ولد والحمدالله بجري ولد

 

[Q.8.h.2]

احيانا البنات يطلعون العين لا كبرو المهم الذريه الصااالحه والله اعرف ناس بنات ورا بعض ما شاء الله بس تحسينهم عدد لايساعدون ولا شي وناس عندهم صبيان يموتون عاليهال وساعدون الام حتى بالتنظيف وهذا شي شايفته بعيني

انتي ادعي ربي يرزقج الذريه الصالحه اللي تكون سند لج وتبرج لا كبرتي

والله يصلح عيالنا كلنا يارب

 

[sh3noon]

تمنيت بجري بنت والحمدالله ربي يرزقني بنوته
مطلع عيني وااااخي حلاتهااااااااا

وان شاء الله احمل وجيب ولد سليم يرفع راس ابوه يارب