~الا يا كاره افراحي خلاص لاتعذبني~ }واقعيه {[ روآيه مسمُوح بهآ ]

[miss disaster]

بارت (9)​

حمد تنح شوي بعدين مشى واهو مصدوم لان ما توقع هالشي

مرو جم يوم على هالسالفه ونزلنا كلنا من الشاليه عشان عرس عزيز و روان

بهاليوم قمت الصبح ولا سعود داق اتصلت و ظلييت اكلمه لحد ما انطق الباب
ولا امي تقول: يلا ما شبعتي منه خلاص صكييه ابي اكلمج
ريان: زيين جذي انزفييت عشانك 
سعود:عادي ريلج اموون صح؟
ريان:ولو اكييد
امي : اقولج يلا (واهي تمثل التعصيبه)
ريان: خلاص سعود يلا باي
سعود:ديري بالج على نفسج ويلا باي

امي : ما بغيتي تصكيين!!!
ريان: لوووول يما شسوي سعود يحب القرقه والسوالف
امي: ما علينا الحيين استلمتي بدلتج؟
ريان:ايي كاهي اللي بالجيس
امي:حجزتي صالون؟
ريان:ساره حاجزتلي معاها
امي: كالعاده اكييد بتحطيين مكياج جنه مال طلعه؟
ريان: لا بحط سموكي مع حمره عنابيه
امي: شعجب ؟ ليش؟
ريان: بغير وفي غايه من هالموضوع
امي: اي شنو ؟ ها بدينا نخش؟
ريان: لا اخش ولا شي سعود بيكون موجود وابيه يشوفني بنيو لوك
امي: ايي دام حق سعود ما اقدر اتكلم.. الا صج باجر انا ومنى بنشتري الشبكه تبيين تيين تنقيين؟
ريان: لا بس انتي تعرفين انا احب الناعم ما احب الدفش وايد
امي: اي ادري حتى منى حافظه هالدرس
ريان: لووووول انزين عيل خل ادق على سارووه اشوف وينها؟
امي : انزين وطلعت
ودقيت على ساره

ريان :انتي وين ؟
ساره (واهي نعسانه ) : افف يعني الواحد ما ينام ؟
ريان :شتناميين واليوم العرس قومي يا حظي ادري انج للحين مو يايبه البدله 
ساره :امبيه شدراج؟
ريان :بنت خالي وحافظتج
ساره :لووووول اي والله يلا الحين ابدل واروح ..شرايج تمريني ؟
ريان :اوك بس بسرعه مو ايي وانزرع بره
ساره :اوك و بعد ارييج بتيي معانا ولا يطوفج بتلبس نفنوف
ريان :لوووول من صجج؟
ساره :اي والله

اريج كانت وايد ضعيفه فالنفانيف ما تطلع حلوه عليها عكس سارو لانها متروسه يطلعون حلوين عليها فأريج ما تلبس نفانيف كلش عشان لا احد يعلق عليها

لبست ترينج جوسي وردي وسارو كان لونه فوشي و أريج اصفر
و رحنا الصالوون وبدت اريج اول شي بعدين ساره وانا اخر وحده
ووصلنا بيتنا ونزلو البنات نفانيفهم عشان يبدلون ملابسهم لان امي اللي بتودينا كلنا (اقصد البنات) بعد مده يو شدن ووسن وشادن وسميه مع خالتي افنان وخالتي منيه وخالتي فاطمه سبقتنا لان عرس ولدها

وبهالوقت ام روان مع روان كانو بالصالون
روان : شدعوه ولا وحده منهم قالت ايي معاج
ام روان :شتبيين فيهم ؟عليج بريلج و امه
روان :اف والله اكره اروحلهم والسبه هالريان الكل يكرهني من اول سالفه قلتيلي سويها
ام روان : اوله للحين ذاكريين ؟
روان :ايي مو هاذي العزيزه اذا كلمتيها انتي عدوة الكل .. اموت واعرف شلون ماخذه قلبهم
الماكييره :بلييز لا تتكلمين عشان احط المكياج عدل
روان :سوري مو قصدي
ام روان :خلاص عاد
روان ولا كلمه

وصلنا العرس

بوصفلكم البنات كلهم

ساره :كانت لابسه نفنوف اسود قصير على الجسم و مسويه شعرها ستريت مع مكياج من الستينات ..

وسن :كانت لابسه نفنوف فوشي قصير قصته شوي واسعه شعرها لا اله الا الله طويل فسوته كيرلي ومكياج بنفسجي بفوشي

شدن "لابسه نفنوف اخضر قصير مع مكياج رمادي بأخضر وحمره ورديه

شادن :لابسه نفنوف اسود طويل فيه قصه على الصدر مع مكياج من الستينات بعد وحمره حمره

سميه :كانت لابسه نفنوف قصته واسعه طويل لونه كحلي وما كانت حاطه غير كحل داخل عيونها وحمره ورديه فاتحه لان خالتي افنان ما ترضى تحط مكياج

اريج :لابسه نفنوف اصفر قصير هم على الجسم نفس موديل ساره ونفس مكياجها بس سارو احلا

ريان :كانت لابسه نفنوف اوف وايت قصة السمكه (طويل على الجسم )وفيه صوب الصدر شريطه عنابيه وحاطه مكياج سموكي مع حمره عنابيه وتسريحه ويفي على حنب

ويا الوقت اللي تدخل فيه روان ادخلت على زفة طفلتي(الزفه حلوه بس مو لايقه على روان )
طفلتي يا احلى العرايس
أقبلي وامشي الهوينة
في سحابة شوق مرّي
وعطرها ينسم علينا
لج غلا يا بنت عمري
جعل ربي يهتنينا
وإن بدا الثاني نهادي
والخجل للبنت زينة
طفلتي يا احلى العرايس
أقبلي وامشي الهوينة
في سحابة شوق مرّي
وعطرها ينسم علينا
وقعدوا البنات يرقصون لحد ما قالوا الرياييل بيدشون ولبسوا الحريم ملافعهم

طبعا سعود متفق مع امي وابوي انه بياخذني ويردني بعديين وابوي ما قدر يقول لا لاني على ذمته و سعود مو المفروض يستأذن بس اهو يستأذن من الذوق

سلمو الرياييل على عبدالعزيز واهو كان يدور ريان بين الحريم بس ما لقاها كانت قاعده ورا
اتصل عليها سعود وردت بس ما سمعت ولا كلمه من اللي قاله فدز لها مسج طلعي بره ابيج بموضوع وقالت له اوك بعد ما خذت اغراضها وقالت حق امها طلعت حق سعود

سعود (الابتسامه شاقه الحلج ):السلام عليكم ..
ريان (بخجل ) : وعليكم السلام
سعود :يلا مشينا
ريان :وين ؟
سعود :بنمر بيتكم بتبدليين وبنروح نتعشى بره حاجزلنا بفندق
ريان:اوك بس اقول حق امي
سعود : ماله داعي انا قلت لهم واهم راضيين
ريان :اوك

ورحنا البيت وانا صاعده غرفتي فصخت الجاكيت بالصاله وسعود لما شافني حب يحرجني جان يصفر وانا و ويهي الوان مو طبيعيه

ريان:خلاص سعود اف ترى والله ابجي
سعود (واهو لامني ):لا لا يبا لا تبجيين ابي يوم يمر من غير لا تبجيين
ريان :خلاص وخر عشان اروح ابدل ونطلع ولا تبي اروح انام واخليك تسهر مع وهابو لان اهو ترى ما يمانع يقعد معاك ويصك راسك بالقرقه
سعود : لا يبا روحي بدلي و تعالي بسرعه
ريان:اوك

و رحت لبست بنطرون هاي ويست بيج مع قميص وكارديغان ابيض وملفع بيج والمكياج ما غيرته
واخذت جنطه هيرميز العنابيه مع فلات عنابي
ونزلت حق سعود عشان نمشي
سعود :يلا طولتي
ريان :لووول على ما فكرت شلبس
سعود :يلا خنطلع
ريان :اوك

و رحنا طبعا البنات من اول ما طلعت واهم حش وقرض فينا

ساره :واي سعود يهبل بالغتره
شدن :اي والله بس ترى ريون احلى
شادن :لا يبا اثنينهم حلويين ولايقين على بعض ويا رب ترزق كل وحده فينا واحد كوبي سعود بكل شي
البنات :امييين
وسن :عيب عليكم شنو هالسوالف لو ريون تدري راح تزعل
ساره :هاو قاعديين نتغشمر وشرايج اذا الحين دقينا عليها ما راح تقول شي
وخذت التلفون ودقت

رن تلفوني ولا سعود يطالعني رديت :هلا ساره ... لووول ايا جليليين الحيا هذا وانا توني معاكم ماشي انا اعلمكم

سعود سحب التلفون وسمعها تقول انهم قالو عنه يهبل ولا يقول :لا صج اول مره ادري اني حلو لهالدرجه

وساره من الفشله صكت التفلون بويهه

سعود :لوووووول هاج صكته وانتي سكري الجهاز ولا احذفه من السياره
ريان :لووول انزين بس لا تصدق انك حلو لانهم قالو اني احلى منك بس انت ما سمعت الا الحزء المحرج
سعود :لووووول لا تخافيين من زمان ادري اني حلو والدليل البنات اللي بالكليه
ريان (معصبه ) :شفيهم ها ؟
سعود :لوووول وايد يتحرشون فيني واشكره يقولون انت جميل
ريان :لا عيل خلهم ينفعونك وردني البيت (زعلت)
سعود : لاتزعليين وماكو رده البيت ويلا عن الدلع
ريان (ماده بوز) :ما ابي خل بنات الكليه ينفعونك
سعود :لوول شبي فيهم وانتي عندي ؟
ولا يغني

طول مانت جنبي هبص لمين سيب الكلام دا لناس تانيين
هو اللي يبقى في إيده ملاك هيبص برضوا لبني آدمين

ولا يصير ويهي :$
سعود :لا تزعليين
ريان:مو زعلانه
سعود :اكييد
ريان :ايي

نروح حق مناير اللي كانت تتصل على ريان وكله يطلع مغلق

مناير :اووه هاذي وقته تسكر الجهاز
لما ابيها سكرته افف يا رب منو يساعدني غيرها صج اصغر مني بس والله افهم مني بملييون مره واهي اللي تحل كل مصايبي
ردي ريون ردي يرحم امج اووه انا بعد غبيه خل ادز مسج

ودزت مسج "ريون بلييز ردي ابيج ضروري"
بعده"رييون ضروري ترديين "

ردينا البيت ونزلت وسعود راح اول ما صغدت الغرفه شفت المسجات​

تتوقعون مناير شتبي بريان ؟
وليش تحن وايد ؟​

 

[miss disaster]

مكرر :nocommint:

 

[فيلجـ كول ـاويه]

البارت وااايد حلو وسعود وريان مشالله عليهم يهبلووون
وودي اطق عزوزو هذا

يعطيج العافيه

ويتنغ

 

[rayona]

akid fe moshkila bainha oo bain 7amad 3shan chethi tabe ryan etsa3edha .. oo thnx galbi 3La iLpartat na6rinich ..

 

[Tom ♥ Jerry]

>£


واااي أكيد حمد مسوي مصيبه يديده !

تسلمين حبيبتي عـ البآرت =)

نآطرينج عفيه لا تطولين

 

[Miss.blue berry]

رد : ~الا يا كاره افراحي خلاص لاتعذبني~ }واقعيه {[ روآيه مسمُوح بهآ ]

ثييينكيووو حبي على البارت !!
امم اتوقع انه حمد مهدد مناير بشى عشان جذي بتكلم ريااان !!
لوول نبي بارت بدام انه المنتدى سرييع ...تساحل لوول

 

[Tom ♥ Jerry]

.


waiting !


.

 

[miss disaster]

البارت وااايد حلو وسعود وريان مشالله عليهم يهبلووون
وودي اطق عزوزو هذا

يعطيج العافيه

ويتنغ

الله يعافيج والبارت الحين ينزل:ggdw:

 

[miss disaster]

akid fe moshkila bainha oo bain 7amad 3shan chethi tabe ryan etsa3edha .. oo thnx galbi 3La iLpartat na6rinich ..

ويلكمووو حبيبتي :eh_s(8):

 

[miss disaster]

>£


واااي أكيد حمد مسوي مصيبه يديده !

تسلمين حبيبتي عـ البآرت =)

نآطرينج عفيه لا تطولين

الله يسلمج

 

[miss disaster]

رد: رد : ~الا يا كاره افراحي خلاص لاتعذبني~ }واقعيه {[ روآيه مسمُوح بهآ ]

ثييينكيووو حبي على البارت !!
امم اتوقع انه حمد مهدد مناير بشى عشان جذي بتكلم ريااان !!
لوول نبي بارت بدام انه المنتدى سرييع ...تساحل لوول

ويلكمووو

والمنتدى عندج سريع بس عندي ويع ويع ويع:ssssso:

 

[miss disaster]

بارت (10)​

بعد ما بدلت اتصلت على مناير

ريان :الوو هلا منور بغيتي شي ؟
مناير :ريون (بدت تبجي ) حمد خذا ال100 اللي عطيته اياها عشان يعطيها اللي داعمني وصرفها ويقول مالج عندي شي ورقمج ما ابي اشوفه
ريان :شنو@@ هالجليل الحيا يما حذرتج بس ماكو فايده عالموم شلون بتدبرين 100 ثانيه بدون لا يدرون اهلج ؟
مناير :والله ادري انج قلتيلي وانا حماره ما اسمع الكلام وعلى ال100 انا قلت حق يدتي محتاجتها وراح تعطيني اياها بس الولد قال عندج مهله اسبوع ولا بروح اشتكي عليج وانا ما ادري متى بروح لها
ريان:انتي مجبوره تروحيين باجر وحمدي ربج يت على الفلوس مو شي ثاني وانتي فاهمه قصدي
مناير (للحين تبجي ) :الحمد الله .. ريون ابوي الحيين ايي يقعدنا حق صلاة الفير لازم اسكر
ريان:اوك بس طمنيني انزين
مناير:انزين

وصكته وانا بس اتحسب على هالحمد اللي ما يخاف ربه واتصل سعود رديت بس حس ان في شي

سعود :حبيبتي شفيج مو على بعضج ؟
ريان :لا عمري ماكو شي بس تعبانه من العرس
سعود:اوك عيل اخليج تناميين
ريان :اوك حبيبي وباجر ادق عليك اول ما اقعد انزين
سعود: اوك مع السلامه
ريان :بحفظ الرحمن
وسكرته وانا بس افكر فيها و اذا اهو مسويلها شي عشان جذي تبجي وتبيه
فقررت اني نام والصبح اروح لها البيت

قعدت الصبح على9 ودقيت على سعود ولا للحين نايم

سعود (واهو نعسان ) :الووو
ريان :صباح الخير
سعود (صحصح) :هلا والله صباح الفل والورد والياسميين
ريان:لوووول كل هذا لي ؟
سعود :اكييد عيل حق منو ؟
ريان :سعوود (بدلع)
سعود:عيون سعود قلب سعود امري بس
ريان :ما يامر عليك عدو .. ممكن اروح بيت عمي صالح
سعود :اوك بس لا تطوليين بطلع معاج
ريان :لا سعود ترى وايد قاعدين نطلع مع بعض خف شوي عشان تشتاقلي مني لي العرس
سعود :اوله العرس بعد 4 شهور وانتي تقولين لي العرس
ريان :اي حبيبي بعدها اطلع معاي لما تشبع وعلى طاري العرس قالتلك امك ولا لا
سعود :على شنو ؟
ريان:امي تقول جهازي ما تبيه من الكويت عشان جذي راح نسافر
سعود :نعم!! متى ومن بأمره؟
ريان :انت راح تسمحلي لانك ما تقدر على زعلي صح ؟ ومتى بعد شهر بالظبط
سعود :بيي معاكم
ريان :ترى مو بكيفي اهوا
سعود :اقول حق امج وما راح تقول شي
ريان:لووول وايد متأمل
سعود :انشوف
ريان :يلا اخليك عشان تكمل نوم وانا اروح
سعود :اوك .. ديري بالج على نفسج انزين
ريان :اوك باي
سعود :باي

بهالوقت مناير توها قاعده من النوم واستوعبت اللي صار امس و بدت تبجي مره ثانيه وميريام مو عارفه شتسوي
ميريام(بينها وبين نفسها ):ماكو غير ريون اهي اللي تعرف شلون تسحب منها حجي
واتصلت علي
ريان:الووو
ميريام :ريون لحقي علي منور بس تبجي واخاف امي وابوي يردون ويشوفونها
ريان:ليش اهم مو بالبيت .؟
ميريام :لا طالعيين
ريان:عيل فجيلي الباب بسرعه
ميريام :اوك

وفتحت الباب ودخلت وعلى طول ركض لما غرفة منور
ريان:ميريام بلييز خلينا بروحنا وصكي الباب وراج واذا يو امج وابوج قوليلي اوك
ميريام : اوك

ريان:منور قوليلي حمد سوالج شي ؟
مناير :مثل شنو (باستغراب)
ريان :منور فهمي رحتي معاه بيتهم ولا مكان ثاني وسوالج شي
مناير :لا يبا يخسي .. انا ما رحت معاه لا بيتهم ولا اي مكان بروحنا.طلعاتنا كانت بس اماكن عامه
ريان:اشووه
مناير:ليش انتي تشكيين فيني
ريان:لا مو انتي اشك بحمد لانه حيو.. ويسوي اي شي القذر
مناير :ريون انا حبيته من كل قلبي ليش سوى جذي ؟
مناير:تدرين ان قبل لا توصليين حبيبته اللي قبل دقت علي
ريان :شتبي بعد؟
مناير:تقول انهم رجعوا حق بعض وان اهو ما يبيني وان لما رحنا ماك اهي دقت عليه ورد عليها بالحمام وصج انا سمعت رنة تلفون لما سألته قال ماكو شي
ريان :مو هاذي اللي قلتي انه خانته وانتي اللي قدرتي تنسينه اياها ؟
مناير :اي اهي والله انا ما خنته ولا سويتله شي ليش خلاني
ريان:خيره .. اصلا انا من اول ما احبه .. خلج منه الحين وقومي معاي غسلي ويهج وصلي جم ركعه على ما تهديين
مناير قامت واهي منهاره وبعد ما صلت هدت
مناير:ريون ابي انام احس اني تعبانه
ريان: اوك بخليج ولا تنسيين اللي وصيتج عليه
مناير:اوك وتغطت عشان تنام وانا طلعت من الغرفه

ريان: مريوم خليها نايمه ولا تقعدينها
ميريام :اوك بس شصاير
ريان :تذكريين اللي شفتيه معاها؟
ميريام :اي الله ياخذه
ريان:اميين .. هدها وما يبيها وكان يقص عليها
ميريام :امبيه سوالها شي
ريان :لا ما سوالها شي ..الحين انا بروح و اول ما تقعد حاولي انكم تييون تنامون عندي اوك
ميريام: اوك بحاول
ريان :يلا باي
ميريام :باي
وطلعت من بيت عمي وانا افكر ليش كل هذا يصير حق منور الطيبه اللي عمرها ما اذت احد واللي مأذيين الاوادم ما يصير لهم شي ؟ بس الحمد الله انها وخرت عن هالحمد قطيعه تقطعه ..روح يا حمد يعلك ما تتوفق دنيا واخره ويا رب حوبتها ما تتعدالك يا رب
صار الليل ويو البنات عندي بس بشرى ما يت لانها مريضه

ريان :يلا خنشوف مسرحيه
ميريام :اي وحده
ريان : ما ادري اشكثر جدامج اختاري وحده ولا اقول خل منور تختار وحده
وبهالوقت وصلني مسج من سعود "افف متى يروحون بيتهم مشتاقلج"
رديت عليه "لوووول عيب هذول حسبة خواتي والبيت بيتهم "
و رد " اي لان انا مالي رب صح ؟"
ما رديت لاني ادري لو رديت ما راح انخلص اليوم
وطول هالوقت مناير ساكته حسيت انها بتقول شي بس لان مريوم قاعده ما تبي تتكلم فقلت:وااي مريوم بلييز روحي يبيلي ماي من تحت
ميريام :اوك حاضر (حست اني بصرفها )

ولفيت على منور وقلت :احس بتقوليين شي يلا قولي ماكو احد معانا
مناير :تدريين الحقير ليش هدني ؟
ريان:اي مو قلتي رد حق حبيبته الاوليه
مناير:لا طلع يبي حصون بنت خالتي لانها تسوي اللي يبيه واللي داقه علي وحده تصيير لهم بس عشان تصرفني
ريان:الحقيره و اهي تكلمه الحيين ؟
مناير :ايي
ريان : انتي متأكده اللي اعرفه انها اصغر من مريوم بعد يعني بال 14 جذي
مناير :اي متأكده ودزييت مسج شرشحتها عدل وعلمتها منو انا الحيوا.. اهي الحين مع اهلها بالبحريين وقلتلها لا الساني يطب على السانج مره ثانيه فاهمه وقاعد اتدز مسجات عشان ارد بس ما ابي
ريان:انزين منور في شي لازم تعرفينه
مناير:شنو ؟
ريان : نطري شوي وقمت انادي ميريام
ميريام :نعم ؟
ريان :تعالي مريوم قعدي يمي
ميريام :اوك
ريان :منور تذكريين لما كنا بالشاليه ومريوم كانت تبجي وقلت انا انها شايفه شريب
مناير:اي اذكر
ريان :انا جذبت هذا مو الصج و مريوم الحين يا الوقت اللي تتكلمون مع بعض و تفهمون بعض انا بروح شوي وراده
ميريام :لا ماله داعي قعدي معانا انتي تدرين بكل شي
ريان :لا ما عليه انا بروح اكلم سعود شلخني مسجات
البنات :اوك بس لا تطوليين وبدو يتكلمون مع بعض ويتعاتبون

وانا طلعت اكلم سعود
ريان :مساء الخير والاحساس والطيبه مساء ما يليق الا بأحبابي
سعود :يه يه كل هذا حقي حياتي والله I miss you
ريان :me too
سعود :صج ولا بس عشان اسكت
ريان:لوووول انا ما عمري جذبت وما راح اجذب الحين
سعود :لوووول ليش معصبه ؟
ريان:باي بروح حق البنات
سعود :لحظه توج مكلمتني وتقولين بروح حق البنات ما شبعتي منهم ولا تطلع رنه الخط الثاني (تعرفونها اللي تصير طوط طوط جذي)
ريان: منو داق عليك ؟
سعود : ما ادري رقم غريب ؟ باي حبيبتي ارد وادق عليج اوك
ريان: اوك
ولا يوصلني مسج من رقم غريب" ديري بالج من سعود ترى قاعد يلعب عليج واهو الحين قاعد يكلم حبيبته ورقمها ......99 و اذا مو مصدقه مسكي موبايله وتأكدي "​

تتوقعون سعود صج يخون ريان ؟
وحمد هل بيرجع في حياة مناير مره ثانيه ؟​

 

[rayona]

tesLmen GaLbii 3La iLpart .. mm oo a3tged Enah s3ooD Ma y5oon Rayoon oo haL '3areb yabi e5areb bainhom Oo 7mad a3tged Ee ymkin yrja3 b7yat MNAYER ..

 

[غــلآهاا غير]

حبيبتي مشكووره عالبارت وما اظن سعوود يخون ريوون لانه يحبها حييل والله من زمان ودي اشوف البارتات بس المنتدى لعب فيني لعب وتسلمين ناطرين يالغلآ

 

[miss disaster]

tesLmen GaLbii 3La iLpart .. mm oo a3tged Enah s3ooD Ma y5oon Rayoon oo haL '3areb yabi e5areb bainhom Oo 7mad a3tged Ee ymkin yrja3 b7yat MNAYER ..

حبيبتي العفو :icon30:

 

[Miss.blue berry]

رد : ~الا يا كاره افراحي خلاص لاتعذبني~ }واقعيه {[ روآيه مسمُوح بهآ ]

ثييينكيووو حبي على البارت ~~
امم لا ما اعتقد انه سعوود يخووم ريووون اكييد هذا احد بيخرب بينهم ....اممم و اتوقع ياا روانووو يا حمد
و اممم و اتوقع حمد راح يرجع بحياة مناير مره ثانيه

 

[miss disaster]

حبيبتي مشكووره عالبارت وما اظن سعوود يخون ريوون لانه يحبها حييل والله من زمان ودي اشوف البارتات بس المنتدى لعب فيني لعب وتسلمين ناطرين يالغلآ

الله يسلمج

حتى انا مع المنتدى لا تعلييق :23_asmilies-com:

 

[miss disaster]

رد: رد : ~الا يا كاره افراحي خلاص لاتعذبني~ }واقعيه {[ روآيه مسمُوح بهآ ]

ثييينكيووو حبي على البارت ~~
امم لا ما اعتقد انه سعوود يخووم ريووون اكييد هذا احد بيخرب بينهم ....اممم و اتوقع ياا روانووو يا حمد
و اممم و اتوقع حمد راح يرجع بحياة مناير مره ثانيه

ويلكموووو والبدليه والله فصلت عليها (سوري احب اصيد بدليات)

وعلى الباجي نشوف :eh_s(9):

 

[miss disaster]

بارت (11)​

ما ادري ليش حسيت الرقم مألوف وقلت :"انا شايفه هالرقم من قبل بس وين ماكو الا اسأل منور"
ودشيت الغرفه
ريان:منور تعرفين احد رقمه .....999 ؟
مناير :لا بس ليش؟
ريان:هاا لا بس داقيين علي وابي اعرف منور
مناير :اي دقي راح يردون
ريان:دقيت و اول ما قلت الو صكوه
مناير:هاج تلفوني دقي منه
ريان:اوك بس انتي تكلمي
مناير :اوك ودقت
ورد صاحب الرقم وكانت اكبر صاعقه لي اللي داز المسج عزيز وتذكرت بجهازي القديم انا مسيفه الرقه وقمت طيران فتحته وشفت الرقم يومها من كثر ما انا مو متأكده دزيت مسج لرقمه :"منو انتي وليش قاعده تتبلين على سعود ؟"
ورد :"انا فاعل خير وحاب اساعدج دقي من تلفون بيتكم على رقم البنيه وبنفس الوقت على سعود وبتشوفيين "
من كثر ما انا محتاره قمت ودقيت وطلع الرقمين عندهم ويتنق
ولا شعوريا بديت ابجي بصوت عالي لان اخر انسان كنت اتوقع منه هالشي سعود

بنفس الوقت نروح حق سعود

سعود :يا بابا انا ما اعرفج ؟شنو مو صاحيه ؟
البنت:هاوو انت كنت حبيبي هالدرجه هانت العشره عليك
سعود :شفيج انتي مينونه شوفي عاد اذا اتصلتي على هالرقم مره ثانيه لا تلوميين الا نفسج فاهمه .. استغفر الله ما ادري من وين تتحذف هالمصايب علينا
البنت :خلاص يلا باي
سعود اتصل على ريان بس ما ترد انشغل باله بس قال اكييد مع البنات خل ادزلها مسج احسن ودز:"حياتي كان ودي اسولف معاج قبل لا انام بس ما عليه مره ثانيه "
قريت المسج وانا احس نار شابه بقلبي ومنور مع مريوم ما يدرون شيسوون

نروح الحين حق البنت

البنت :انا سويت اللي قلت عليه بس انت اوفي بوعدك لي
عزيز :ولو الحلاوه باجر توصلج
البنت :اي وابي اشوفك مع الحلاوه
عزيز :اوك بس تعالي اول ما وصلت الاشاره طفيتيه ولا قعدتي تسولفيين
البنت :لا ما يعطي ويه كلش
عزيز :اوك عيل اشوفج باي
البنت :باي

ريان كانت للحين تبجي وانا مو فاهمه شي كل اللي كنت ابيه انها تسكت طول عمرها ما تبجي جدامي هذا وانا كله ابجي جدامها طول عمرها قويه وتخش بقلبها يارييت يا ريون اعرف شفيج ؟ لو اقدر اردلج نص اللي سويتيلي اياه

مناير : ريون حبيبتي شفيج؟
ريان:منور يخوني (وانا ميته بجي ) والله حبيته وكسرت الخجل اللي فيني عشانه واخر شي يخوني
مناير :لا ما اتوقع اهو كان معاي بالكليه وماعنده هالسوالف انتي متأكده
ريان : ايي متأكده و وريتها المسجات
مناير: لا يبا هذا اكييد احد بيخرب عليكم ..انزين انا عندي فكره
ريان:شنو ؟
مناير :ادق على البنت واسألها
ريان:انتي قوطي اكييد ما راح تفتن على عمرها
مناير :لا لا خلي الموضوع علي
ريان:اوك انشوف ..قعدت امسج دموعي
ودقت مناير

البنت :الوو
مناير:الو السلام
البنت :وعليكم السلام
مناير :شلونج ؟
ولا اطقها واقول بصوت خفيف بتطقيين صحبه معاها
البنت :تمام منو انتي ؟
مناير :انا وحده تموت بسعود وسمعت انج صديقته صج هالحجي ؟وان اهو يخون مرته معاج ؟
البنت : ويي مسكينه هذا ملييق ما يعطي ويه .. وانا مو صديقته انا دازيني عشان اخرب بينهم وشكلي خربت ما ادري ؟

ولا ااشر خق مناير سأليها منو دازج
مناير:هاو منو هاللي سوى فيني خير قوليلي بس عشان اعطيه الحلوان
البنت :لا ما تعرفينه بس اذا ودج تشوفينه باجر بيشوفني ويعطيني حلوان طلاقها تعالي وشوفيه وشكريه بنفسج
ولا اسحب من مناير التلفون
ريان:الوو انا ريان مرت سعود ما ابيج تسكريين التلفون وسمعيني للأخر
البنت (مخترعه) :اوك اسمع
ريان:انتي حاولتي تخربيين بيني وبين سعود بس الحمدالله ما قدرتي ولا راح تقدريين اللي ابيه الحيين وكملو السالفه

نروح حق سعود
سعود :معقوله ما ردت ..اخاف صاير فيها شي
اووف وانا ليش افكر خل ادق يمكن محد يمها وترد ؟
ودق على ريان
ريان:فهمتي اللي قلته ولا اعيد مره ثانيه
البنت :اي فهمت
ريان :انزين اشوفج باي
البنت :باي

ورديت على سعود
ريان:الووو
سعود :هلا حبيبتي صار لي ساعه ادق ما ترديين :s
ريان:اي حبيبي بعد مع البنات ما اقدر
سعود :اها
ريان:الا ما قلتلي منو الرقم الغريب دقيت كذا مره وانت للحين ويتنق (تختبره)
سعود :هاذي وحده دعله وقالها السالفه كلها بدون لا يخش ادنى تفصيل
ريان:اها انزين حبيبي الحين اخليك بروح حق البنات وكاك سمعت صوتي قبل لا تنام
سعود :لووول اي بس قوليلي قصه عشان انام (يستعبط ما يبيها تروح )
ريان :لوووول ياهل لا ماكو يلا روح
سعود:انزين مردوده يلا الحين اخليج باي
ريان:باي

تدرون شنو حسيت براحه انه ما خش علي وحمدت ربي ان منور موجوده ولا جان خسرته وخسرت حياتي معاه

ريان:منور احبج
مناير: لوووول ترى انا مو سعود اصلا ماكو شبه
ريان:طبعا لان سعود احلا بس انا قصدي احبج لان لو انتي مو هني جان من زمان خبصت الدنيا وتطلقت
مناير:وي فالج ما قبلناه

نروح حق جاسم اللي كان يفكر فيها ومو عارف يشيلها من باله اكييد تبون تعرفون منو بس ما راح اقول الحين

جاسم: ماكو الا افراح اهي تعرفهم عدل واكييد تعرف اذا عندها سوالف مني مناك ولاحظت امي تحب امها
وراح يسأل افراح عنها

افراح :وانت ليش تستجوبني عن البنت ؟
جاسم :تبيين الصج قررت اتزوجها
افراح :صج تستاهل كل خير عاد اهي خوش بنيه
جاسم: يعني اتوكل على الله واقول حق امي
افراح :روح توكل على الله دربك خضر
جاسم :يلا عيل خل اروح اقول حق امي
وراح جاسم يكلم امه عنها

نروح حق عبدالوهاب وربعه

احمد: يا اخي جرب البنت ميته عليك
عبدالوهاب: لا يبا انا عندي اخت
احمد:اي عادي جم يوم اذا ما اعجبتك السالفه هدها وكلم غيرها
عبدالوهاب تضايق وقال: عن اذنكم يا جماعه انا رايح وايد تأخرت

وطلع واهو مقرر انه ما يرجع لهالربع مره ثانيه وكان يقول :انا اللي هديت تروك عشانه طلعت هاذي سوالفه ..لا يبا لا يحوشك عندي اهل واخاف عليهم ...يلا ماكو الا ان نكلم تروك ودق على تركي وعساس بيروحله

نروح حق وسن اللي كانو توه طالعين منهم ناس خاطبينها
وسن:يما دقي على المره قوليلها ما كو نصيبب
ام وسن:هاو توهم طالعيين حتى ما مداج تصليين استخاره
وسن:يما عقب بدر انا ما ابي اتزوج ما اتخيل نفسي مع غيره وبدت تبجي ولا بدشت خالي
خالي :شفيها خير شصاير
مرت خالي :بنتك بتينني بدر مات وشبع موت واهي للحين ما تبي غيره
خالي :يبا ولا يهمج مو قصب الزواج ما تبينه بيت ابوج موجود
مرت خالي :لي متى واهم قاعديين عندي ؟؟لما يعنسون
خالي عطها كف وقال :بناتي يقعدون معززيين مكرميين في بيت ابوهم ودام اخوانهم موجودييين عزوه لهم ماراح يحتاجون احد بعد عيني
وسن:بعد عمر طويل يبا وباسته على راسه وراحت

خالي :انا اول مره اشوف ام تبي فرقى عيالها مو كافي واهم صغار قطيتهم على خواتي وياله همج نفسج الحين استوعبتي بناتج كبروا والله زين الاستيعاب عندج سريع (باستهزاء)
مرت خالي :اي هذا اللي تقدر عليه بس مجابلني انا بدال لا تأدب بناتك ياي تكلمني خلهم يتزوجون وافتك من همهم
خالي : مو بكيفج اذا ما يبون يتزوجون محد يغصبهم

نروح حق وسن اللي من دشت الغرفه واهي تبجي

وسن :والله مو قادره اتخيل نفسي مع احد غيره والله مكانك خالي وينك تشوف اللي قاعد يصيرلي من بعدك اااااه يا رب ترحمه وتغفر له ولكل المسلميين يا رب...
ولا يدخلون شدن وشادن وشافواها تبجي
شدن :بس وسن لا تبجيين
شادن :خلاص ابوي قال لا يعني لا ...انزين شرايكم
وسن + شدن :شنو ؟
شادن :لحظه شوي و طلعت من الغرفه
شدن :هالخبله شكلها بتسوي مصييبه
وسن :لا حرام شدون ما تسويها اذا ابوي موجود
شدن:والله كل شي جايز مع اختج الهبله ..تدرين وسن ساعات اقول لو ما انتو معاي ولا جان ضعت من زمان
وسن :ليش يعني؟
شدن :انتي تدرين ان امي من واحنا صغار ما تدري عنا وهاملتنا الله يعافي عماتي اللي ربونا.. لو وحده غيري جان صار عندها سوالف
وسن :اي والله لو مهما نسوي ما نوفيهم حقهم
شدن :اي والله
ولا ادش شادن ركض وتقول :يلا بسرعه قوموا يلا بسرعه
البنات (باستغراب) :وين نروح ؟
شادن :قلت حق ابوي يودينا عند ريون ادري تموتيين عليها لانها من ريحة بدر
وسن :اي والله هالبنت ذهبه عسى الله يخليلها سعود وعسى يسعدها طول عمرها قولوا اميين
البنات:اميين ... وكل وحده راحت تحط ملابسها ودقوا على ساره وقالولها وبعدها على ريان

ريان:هلا والله ..هلا بالطش والرش وماي الرود المصفف بالقرش
وسن :هلا فيح ..اقول عندج شي اليوم ؟
ريان:هاو شايفه جم الساعه؟ الساعه 10 شنو بيكون عندي هالحزه موعد ردتي من بره
وسن :عيل خلاص الحين سارو باي لحظه بتطب عليج عشان تنام عندكم واحنا وراها
ريان:حياكم الله العين اوسع لكم من المكان
وسن :اووه تزوجنا وقمنا نعرف نتكلم
ريان:اقو يلا باي انتي مو ويه حشيمه باي
وسن:لوول باي
ويوا ساره واريج وبعدها وسن وشدن وشادن​

تتوقعون ريان شنو ناويه عليه ؟
منو اللي يبيها جاسم ؟​

 

[am_kshaa]

البارت حدى اينن بس الموقع يننا وياه انا صارلى 3 ايام احاول ادش موقادرة بس الحمدالله اليوم قريتهم كلهم مع بعض
يعطيج العافيه على الكتابه وناطرينج