الالوان الشينية على الطوفه اشلون اتروح --- ياترى؟؟

[ملكة زماني]

قوووووة

بنات


ابيكم اتساعدوني

:eh_s(1):عبودي ولدي الله يحفظة
املون على الطوفه بالالوان الشينيه

ومو راضي ايروح

منو تقدر اتساعدني ابشي يروحه من غير مايطير الصبغ
لاني حرام ماصارلي شهرين من صابغه:eh_s(1):

 

[Om 7oo7oo]

و الله آنا نفس مشكلتج و المصيبه اني مسويه ترخيم يوم بغيت أنظف اللون اللي على الطوفه جان يروح الصبغ معاه يعني ما كو فايده ، و الوالده الله يطول بعمرها قالتلي ماكو الا الصباغ يعدلي عليه

 

[دانه الهيرات]

والله انا ارش عليهم فانش السبراي مال البقع عرفتيه ؟؟؟ و امسحه بسفنجه ويروح.

على فكره في الوان بالمكتبه تروح مع الغسيل حتى لو عالهدوم

 

[مي الحلوة]

في اسفنجة اسمها الاسفنجة السحرية حلوة تشيل البقع اللى على الطوفة من غير ما تشيل الصبغ..
وتشيل البقع اللى على السيراميك..اخذتها من ارض المعارض يمكن بدينارين..ولما جربتها بالبيت رديت اخذت منها كمية..
فعلا فعلا عجيبة حق شخابيط اليهال على الطوفة..بس والله ما عندي رقمهم..بس على طول تنزل بالمعارض..

 

[شيــوخه]

جربي حطي عليه معجون اسنااااااااااان

وبعدين فركيه بسفنجه واسويه ماي وشوفي يروح ولا لا

 

[ابلة رسم كتكوته]

حتى انا اعاني
وجربت الاسفنجه العجيبه انهد حيلنا انا والخدامه وما انمسح شي
وعقبها بيوم اصلا ولدي عشان يبينا نغسل الطوفه مره ثانيه راح شخبط شخابييييييييييط على الطوفه بالشيني الاسود
فحتى لو لقيت حل ما راح انظفها
هههههههههههه

 

[بنت العمدة]

استخدم كلينكسات جونسون مالت المكياج أو بيجون مالت الجهال

 

[pinkmoon]

انا مثلج وابي حل .... ناااطرين ؟؟؟

 

[ملكة زماني]

مشكورين بنات
على التفاعل
عسى الله ينولكم اللي ابالكم يارب

اليوم بجرب معجون الاسنان
ومناديل بيجون وبشوف انشالله يفيد

وراح اقولكم شيصير معاي

 

[شانيل نمبر 5]

انا مشكلتي العن من مشكلتج.....
انا ولدي مشخبط علي طوفه مسويتها رسم.......واخاف امسحه حيل يروح الرسم؟؟؟؟؟؟؟؟؟؟

 

[شانيل نمبر 5]

...........جربي كلورس مع شوي صابون ملابس....وبشريني شنو صار معج؟؟

 

[ملكة زماني]

انا مشكلتي العن من مشكلتج.....
انا ولدي مشخبط علي طوفه مسويتها رسم.......واخاف امسحه حيل يروح الرسم؟؟؟؟؟؟؟؟؟؟

:eh_s(1):
امبييييييييييييييييييه انا نفسج بعد
غرفتهم رسم :0bee2e8d89:وهذا اللي حارني توني امسويتها

 

[pink]

الله يعينج و يعينا على الشخبط شخابيط ..

المهم في أنواع شيني تروح بسرعة و في أنواع لأ

انتي و حظج .. آنا استخدم يا مناديل ديتول أو

مناديل سيباميد مالوت اليهال .. بس أحس الطوفة

لما تكون نص لمعة أسهل نوخر منها الألوان من

الطوفة الطافية ..

و موفقة حبيبتي

 

[ام العبايه]

دقى على الصباغ واهو يقولج ترا عندهم حلول لانها شغلتهم

 

[دلوعة-فهد]

الله يعينااا على الورااااعين

 

[شانيل نمبر 5]

:eh_s(1):
امبييييييييييييييييييه انا نفسج بعد
غرفتهم رسم :0bee2e8d89:وهذا اللي حارني توني امسويتها

وووووووووووووووووووي:krkrkr:
انا حسبت انه طوفه ساده!!!!!!!!!

 

[بنت العمدة]

نصيحة اذا مسوين تعتيق او رسمين على الطوفة خليهم يحطون اللمعة الشفافة مادري شنو اسمها نفس صبغ الاظافر الشفاف

 

[ام دودو المزيونه]

انا ناطره عيالي يخلصون اللوحه الفنيه ( يقلدون بيكاسو) كان يرسم علي الأطوف مو بس اعيالي وبعدين لما يشبعون بصبغ من يديد بس بلمعه كامله علشان ينمسح بسهوله

 

[baby johnson]

لوووووووووول
واي يحلووهم الله يخليهم حقكم


حبيبتي مالج الا الصباااغ احسن اخاف تجازفين واللون يخترب

 

[ملكة زماني]

هلا وغلا بحبيباتي

مشكورين على المشاركة ولاخلا ولاعدم يارب

اذا اتبون اخر النتايج

ترى

لا اكلينكس ديتول
ولا ماي وصابون
وملح الليمون

ولا معجون اسنان فاد مع الالوان

: (