الاقشر اقشر لو تولعيله اصابعج شموع ولو صبرتي عليه دهر !

[* بنت المطر *]

السلام عليكم ​

شلونكم حبيباتي @@​

بنات كلكم عرفتوا معاناتي مع زوجي وحقارته وبخله

ووووو .............. الخ
​

تعالوا اقولكم شسوى فيني ؟؟ جد جد عرف يحرررني ويقهرني حسبي الله ونعم الوكيل ​

هالرجال حق اللعانه عند وجهج اما الطيب مفارقه لو مهما

سويت له طيبه بس كلام ثاني ​

يوم يطير بالهوا ...​

طبعا انا قتلكم ان ماخذله غرفه بروحه ومخليني اولي لاغرفه

ولاحتن تكييف بالغرفه لانه ​

خربان من الصيف اللي فات وماصلحه وطبعا كله بعدين بعدين .. اخر شي قال ماني شاري انتي اشتري​

قبلها كنت لمن اتحلطم يقولي تعالي نامي عندي .. ​

عاد طبقت المثل اللي يقول الحق السارق لي باب الدار @@@

بنات انا ابي اعرف هالرجال شقصته ؟؟ لان صراحه من تزوجنا

واهوا منعزل عن الناس وغامض
​

عاد قلت ابي احشره بضغطه بعرف مايته رحت له وقطيت

نفسي عليه وقمت انام بغرفته طبعا انا سويت نفسي اني طوفت

له كل اللي سواه فيني وكنت اضحك وياه واسولف وكان

ماسوى شي وبالعه حررتي ::
​

وطبعا ماكان يلمسني الا لمن اقوله وع ياكرهي لطبعه هذا

ماحس فيه رغبه !!!

​

بعدها اتفقنا نروح العمره وانا من سكنا وانا احن عليه ابي

العمره يعني من سنه تقريبا
​

وكل مره بعدين بعدين @@ نتراضى نتفق بعدين يفتعل زعل

ويعصب على اتفه الاسباب
​

تحملت وبلعت كان يزفني زف ويهددني بالطق وثاني يوم

اسولف وياه وكان شي ماصار
​

لان لاعت جبدي من المشاكل والهواش والتزعل اللي مامنه فايده !!

​

قبل فتره قالي ماابي منج عيال بعد لاني مااثق فيج >> يحق له

مايثق فيني لانه عارف اني ​

حلوه والف من يتمناني واهوا مقصر بحقوقي الزوجيه

وبشهادته قالي كل ماتكبرين تصغرين

​

وتحلوين _ بنات انا الحمدلله اهتم بنفسي وبجسمي ومومبين علي عمري كلش لكن سوالف خربطه ​

وسوالف مغازل وبوي فريند اعوذ بالله ماسويتها وانا بنت

وعزوبيه اسويها الحين وانا ام يعني الحين مهملني يبيني ابهذل

بعمري ولمن اهتم بنفسي مومعانته ادور خرابيط لاحول الله

​

لكن ما اقول الا كل من يرا الناس من عين طبعه @@

​

عقب هالكلام كرررررررررررررررررهته

كررررررررررررررررررهته كرررررررررهته

​

اعجز اقولكم شكثر كرهته _ بنات صوته ماودي اسمعه ودي

اسكر اذوني عنه عفته عفته ​

من كل قلبي _ ماقمت اكلمه خللاص ايست بس قتله شخص

مايبيني ومايثق فيني مالي قعده​

عنده انا قاعده عشان دوامي من تبدي العطله بمشي لان دوامي

قريب من البيت ومنطقة​

اهلي بعيده ومن يومها مااكلمه خير شر وطبعا اهوا مستانس

هذا اللي يبيه بدا الصيف

​

بدت السفرات بيهملني انا وعيالي وكل شوي بيطق التذكره

ويطير ولاجا بيطلعني رديه ​

وبيتهاوش وبيقول انتي اللي حديتيني كالعاده >> عذر اقبح من ذنب ​

قبل كم يوم راح للعمره !!! اي راح وخلاني اولي ولاحتن قالي

ولاعطاني مصرف لعيالي

​

تدرون ليش ؟؟ انا اقولكم @@

​

قبلها باسبوع عيالي يبون من كنتاكي قالوله قال ماوياي كاش

كالعاده جعاصه المهم جان ادق ​

انا بطلبلهم طلعلي ذاك المصري العبيط اللي يالله يفهم عادلي

الطلب يمكن خمس مرات ​

اخر شي ضحكت قلت الظاهر الطلب ماراح يجي كامل !! بعدها

قالي السعر ولانه عبيط قلت خاف ​

غلطان قتله تاكد من السعر !! المهم شوي والا زوجي يقولي


(( عطيه رقمج بعد ياقليلة الادب ​

هذا جدامي جذي الله يعين من وراي !!!!! ))


انا انصدمت احسه يدور الزله عقب خذا تلفون البيت​

وحطه عنده بالغرفه !! سكت انا قلت انت ماتمل من المشاكل الله

يهديك بس ​

عقبها قعد اسبوع مايكلمني سكت عنه شسويله بعد ملييت وراح

العمره وكشت فيني عقب تايلاند الله هداه للعمره عناد فيني بس

استغفرالله ​

الله لايسامحه سنه وانا احن عليه متمنيه العمره لي 10 سنين


مارحت واخرتها راح وخلاني

​

الله لايتقبل عمرته ولايتقبل طاعته جانه حرررني اهلي كانوا

رايحين قبله قتله بروح وياهم
​

رفض قالي انتي ماتروحين الا وياي وتقعدين وياي وتالي كشت

فيني عشان شي تافهه وخلاها في جبدي
​

ياربي بنات انا احس انه جعاصه وبخل والا محد يسووي سواته
​

ززهقت ززهقت يابنات ودي اتطلق يس تدرون شالمشكله !!!

​

عيالي مايبون بيت اهلي مرتاحين هنيه ويقعدون عنده يلعبهم

ساعات وماخذين راحتهم ابيتهم
​

بروحهم لاحد يطقهم ولااحد يضايقهم !
​

والله اني بين نارين ساعات افكر اخليهم واروح بس قلبي

مايطاوعني وخايفه اخذهم واتبهذل انا
​

وياهم وانا ادري انه ماراح يسال فيهم كلش !! اااااااااااااااااااه واااااااااااااااااهي​

وماعاد لي قعده عند هالرجال اللي مايدري عني ولاعن هوا

داري حتن لاطلعت مايسالني وين ​

رايحه ومن وين جايه بس يبي ياخذ راحته ويعيش جوووه حتن

لو مرضت وطحت ماراح يشيلني

​

يوديني الطبيب والله ياذاك اليوم شرقت شرقه بغيت اموت

بالصاله بروحي انقطع النفس عندي ​

وقعدت اشهق هوا بدون زفير حتن ماجا قال عسى ماشر !!!​

عسى الله يفرجها علي بس وربي ضايقه ضايقه ادعولي


تكفوووووووووووون:yaaaaaarb:

​

انا احس زوجي موطبيعي معموله عمل لاني احس انه يبيني

بس موقادر يصير زين وياي ​

ومادري شسوي مالي بهالسوالف كلش ولااعرف مشايخ يفكون

سحر ولالي احد يساعدني


​

 

[ام زهقانه]

عورتي قلبي حيل الله يهديه لج ولعياله امين بس نصيحه حتي لومومهتم فيج بيتج احسن من بيت اهلج واعيال يرتاحون من بيتهم واذا رجلك راعيه تلايند وسوريا يصير عملونه عمل والله اعلم بس انا اشوف حالته مما يهتم نفس واحده اعرفه عدل لا يهتم لا بالمره ولا اعيال ومرته اطلبت الطلاق وتطلقت بس اصبري ان الله مع الصابرين

 

[! بــدويه وآآيــد !]

،


حبيبتي والله من شفت موضوعج على طول دشيت
اختي هذا عايش لـ نفسه بس !
شنو مستفيدين عيالج؟ ترى باجر يتطبعون باطباعه
ليش مايبون بيت اهلج
اخذي لج غرف انتي وياهم وعيشو ابيت اهلج ومولازم يسأل عنهم كافي المصروف الي ينقص من معاشه بيعيشهم ويغنيهم عن معاشج والناس
انا اقول زوجج مامنه رجا والا فيه احد يعاند بالعمره استغفر الله ياربي !!
مادري ليش احسج متردده وقاعده اطلعين اعذار او اي حجه مثل الدوام وغيره وغيره ! ​

 

[ماركة انثى]

يابعد عمري يابنت المطر كل هذا متحملته الله يكون بعونج


سبحان اللي يغير ولايتغير ربج قادر يغيره بين يوم وليله


الزمي الاستغفار ةاقري سوره البقره كامله لمده الـ 40 يوم وربج يفرجها




بقولج معلومه ان الرجال يحبون اللي تحقرهم انتي عيشي حياتج ولا كأنه موجود ؛؛ وصدقيني اهو اللي راح يجيج ويحس بغلطاته



والله يصبرج ياقلبي​

 

[ايمان_22]

الله يصبر قلبج ويعوضني وياج خير

 

[فلنتينو]

الله يكون في عووونج حبيبتي

 

[خشف العذارى]

والله ما الوم عيالج الجهال ما يصبر عليهم الا بيتهم
دخلي احد بالسالفة ابوج اخوج واحد من اهله خل يعدلونه
يكلمونة عن سواته فيج
الله يعينج ويسخره لج

 

[فانتا ستروبري]

الله يكون في عونج

والله انج صبرتي ان الله مع الصابرين​

 

[ابدا يالغالي مانساك]

حبيبتي
انتي وينج انقطعتي احاااااتيج عقب سوالفنا بالخاااااص


المهم شوفي انتي تركيه ولاتحرري عمرج
عليه
وانتي عايشه لاجله عياله وقاعده لاجلهم فهميه
وسالفة سحر لاتحطين ببالج هذي وساويس ابليس ولافيه شي
طيب انتي لي خالتج
او اي احد من حمولتج يتدخل
يكلمه
وربي يسخره لج وكثري من قيام الليل والاستغفار وسورة البقره
وربي يهديه ويسخره لج يارب

 

[A.E]

الله يصبرك ويسخر زوجك لك

 

[(*ام عهــــد *)]

الله يكون بعونج

 

[هــنــوف]

الله يعينج بصراااااااحه مادري شقووول بس تحملي علشان العيال وانشالله جنتج بسبت صبرج من شره

 

[~ ام خالد ~]

ياقلبي قلبك

الله يصبرك
داومي على قراءة سورة البقره كل يوم وان شاء الله ربك يفرج همك

 

[ناعمه و رزه]

الله يهديه لج ويصبرج



\

 

[* بنت المطر *]

بنات حبيباتي وخواتي كلكم اتشكركم

وانا اي متردده بالطلاق لمن اشوف عيالي مرتاحين ومااحاتيهم لارحت والا طلعت !! هذا شي

الشي الثاني امي مره حارررره وكلامها قوي لي ولغيري هذا غير ان زوجة اخوي اللي اهيا اخت طليقي الاول

تصير مرت اخوي ومخرفنه اخوي الوحيد مع الاسف مع انه مومن زينها مااطيقها ولاتطيقني حتن امي طفشتها

من البيت راحت بيت اخوي وماتبي ترد !! الوضع كلش صعب وزوجي داري ومستغل وضعي حسبي الله عليه الظالم

انا خايفه يابنات وربي خايفه من الحرام ابي اتزوج واصون نفسي وي رجال يحصني ويسترني وضعي جذي ماعاد اقدر

اتحمله واللي تقولي اصبري اصبر ايه لو كنت احبه وربي جان حذفت روحي عليه بس انا كارهته كارهته ياناس مافيه شي

ينحب لاوسامه لااسلوب لانظافه لا طيبة قلب ! شالعين قلبي عيالي مابي مرت اخوي وعيالها يبهذلونهم لاتلوموني تكفون

انا افكر اخليهم واطلع اسكن بروحي واتزوج لان ولد خالتي موجود ويبيني واهوا ولد واصغر مني وقايل حق امه ان لوتطلقت

بياخذني بنات شرايكم ؟؟؟ شسوي ؟؟

 

[.،:"$الـعـوبــــة$":،.]

انتي الغلطانه،
انتي اللي خليتيه يركب على راسك،
والا اللي مثل هذا ينصك بالطوفه وينحقر مثل اللي ماله وجود،
خلك قوية لاعاد تبينين له ضعفك،
يغلط وتزعلين كم يوم وترضين من نفسك!
يسافر الدول القذرة وتسكتين!
يستلعن عليك وتضحكين له!
حتى بالمعاشره انتي تطلبينه!
عطيني سبب واحد يخليه يتعدل معاك!
ترى فيه نوعيه من الرياجيل تفهم وتحس وبالزعل او العتاب اتعدل واتغير!
وفيه نوعيه تلعنين خامسهم وتاخذين حقك من بين عيونهم!
بيزعل باللعنه بيكرهني باللعنه بيطقني فييييه خير لاروح اقرب مستوصف واخذ تقرير طبي
واردى محامي بدون التقرير يطلع عينه شلون لو معي تقرير! بيطلقني فرقااااه عيد وبعده بشاره!
ميخالف لاشفت الرجال فيه اطباع زينه وفيه شينه عادي كل البشر كذا،
اما هذا يبيله اللي يلعن خيره!
فكري بنفسك شوي فكري بعمرك اللي قاعد يمشي ويضيع على امل ميت!
عزي نفسك ورزيها،
شنو قاعده عنده عشان دوامي قريب وعيالي محد يطقهم!؟
شهالاعذار؟؟
تبين بيتك من حقك ، مرتاحه فيه وماتبين تردين لاهلك مومشكله،
تعطين اهلك واهله خبر،تقولين لهم عن كل شي وان بتقعدين فبيتك عشان عيالك،
بس لو يمصخها بينك وبينه المحاكم،
دام وجوده مثل عدمه معاشك ومعاش عيالك يحوله بحسابك كل شهر
لايقول اعطيك بيدك لأ!! يحوله بحسابك شهريا ،
بس هو ينحقررر يفاااارق والله لامر من عنده ولاكنه موجود لالبس واكشخ واروح واطلع ولايهمني،
لاخليه يعرف قيمته عدل!
لاتقولين مايهمه لا يهمه وبيهمه ،
عزي نفسك ورزيها ،صدقيني دامك بهالطيبه والخضوع هذا ماراح تشوفين منه الا الاستحقار والنذاله والاهمال،​

 

[زوجة عزيز]

الله يعينج ويعينا على مابلانا اكره شي الريال البخيل لانه دايما يكون اناني في كل شي

 

[eman84]

الله يعينج و يسهل امورج

صلي صلاة استخاره والله يكتب اللي فيه الخير

 

[* بنت المطر *]

انتي الغلطانه،​

انتي اللي خليتيه يركب على راسك،
والا اللي مثل هذا ينصك بالطوفه وينحقر مثل اللي ماله وجود،
خلك قوية لاعاد تبينين له ضعفك،
يغلط وتزعلين كم يوم وترضين من نفسك!
يسافر الدول القذرة وتسكتين!
يستلعن عليك وتضحكين له!
حتى بالمعاشره انتي تطلبينه!
عطيني سبب واحد يخليه يتعدل معاك!
ترى فيه نوعيه من الرياجيل تفهم وتحس وبالزعل او العتاب اتعدل واتغير!
وفيه نوعيه تلعنين خامسهم وتاخذين حقك من بين عيونهم!
بيزعل باللعنه بيكرهني باللعنه بيطقني فييييه خير لاروح اقرب مستوصف واخذ تقرير طبي
واردى محامي بدون التقرير يطلع عينه شلون لو معي تقرير! بيطلقني فرقااااه عيد وبعده بشاره!
ميخالف لاشفت الرجال فيه اطباع زينه وفيه شينه عادي كل البشر كذا،
اما هذا يبيله اللي يلعن خيره!
فكري بنفسك شوي فكري بعمرك اللي قاعد يمشي ويضيع على امل ميت!
عزي نفسك ورزيها،
شنو قاعده عنده عشان دوامي قريب وعيالي محد يطقهم!؟
شهالاعذار؟؟
تبين بيتك من حقك ، مرتاحه فيه وماتبين تردين لاهلك مومشكله،
تعطين اهلك واهله خبر،تقولين لهم عن كل شي وان بتقعدين فبيتك عشان عيالك،
بس لو يمصخها بينك وبينه المحاكم،
دام وجوده مثل عدمه معاشك ومعاش عيالك يحوله بحسابك كل شهر
لايقول اعطيك بيدك لأ!! يحوله بحسابك شهريا ،
بس هو ينحقررر يفاااارق والله لامر من عنده ولاكنه موجود لالبس واكشخ واروح واطلع ولايهمني،
لاخليه يعرف قيمته عدل!
لاتقولين مايهمه لا يهمه وبيهمه ،​

عزي نفسك ورزيها ،صدقيني دامك بهالطيبه والخضوع هذا ماراح تشوفين منه الا الاستحقار والنذاله والاهمال،​

حبيبتي وربي سويت كل اللي قلتيلي اقولج مات احتر سويت دايت وقمت اهتم بنفسي واكشخ

واطلع وربي حتن اخلي الجهال عنده واروح لايسال ولايحاتي حتن لو تاخرت !!

وبالاخر قام يشك فيني ويشكك باخلاقي !!

انا ماابيه صح بس المثل شيقول >> شجابرك على المر غير الامر منه !!

وانا وربي الحين حاقرته وعايشه حياتي بين دوامي واطلع مع رفيجاتي ومرات اخذ عيالي

ونروح البحر انا اقعد واخليهم يستانسون طووول اليوم بس المشكله الفتنه يابنات الفتنه

وانا ليلحيني صغيره وفيني رغبه !! ومااحب الحرام وماابيه كلش لازم اتحصن يابنات افهموني

انتوا متزوجات وحاسين !!

 

[ابدا يالغالي مانساك]

مدري شقولللللج
وولد خالاتج يعني يبي يتزوجج
لاتطلقتي
من زوجج

دااااام معيشج هالعيشه
افراقه عيد
عذاب مع مذله مع مدري شنو يضرب هيك
زوااااااااج
المهم لاتحطي ببالج هالزوااااااااج

وهذي مرة اخوج عطيها طاااااااااف
وروحي سكني عند اخوج اللي امج عنده