الافادة اللي كل يوم والثاني مهدديناااااااا فيهاااا تعالوا أبيكم ضرووووري

[@سيدة نفسي@]

السلام عليكم أبلات


شسالفة الافاااااااااااادة؟؟


وعلى أي أساس يحق للمديرة ومساعدتها انها تحطها للمعلمة؟؟


يعني معقولة اذا المعلمة تأخرت 3 أيام ورا بعض والادارة عارفة شنو ظروفها معقولة يهددونها

انهم يعطونها افادة؟؟ اذا المعلمة ماناوبت 3 مرات ورا بعض هم افاااااادة ؟؟

الزبدة أبي أعرف قانون الافادة من وين مطلعينه ؟؟

في شي اسمه افادة ولا اهي كالعادة بعبع اخترعوه الادارات عشان يخرعونناااا فيه

 

[روح عاشقها]

والله اللي سمعناه انها تنحط بالدرج واذا كثرت عطوج لفت نظر
والله يعينا

 

[بعيون مغليك]

انا ابي اعرف بعد

 

[مشغوله و محتاسه]

الافاده ... كتابة العذر او السبب بشكل رسمي لا اكثر ولا اقل ..

مو حلوه نفسيا ... بس ما يترتب عليها اي عقاب ..

لفت النظر اهو اللي المفروض تحسبون حسابه

 

[قـہۈه فـرنسيـہ™]

لا توقعين ماراااااح يقصووون رقبتج ولا راح يسوون شي ... واذا تأخرتي شكووو إفاده ...بعد !

التأخير من وقتج واذا تعدى ما دري جم دقيقه بالشهر ...خصصصصصصصصصصصم ...

 

[يتيمة العقـد]

حبيبتي ... أنا سكرتيرة احب افيدج ان صح في شي اسمه افادة بس مو للتأخير لأن التأخير كل اخر شهر نحسب الدقايق المستنفذه وتنخصم من معاشج ، بس يمكن قصدج اذا تأخرتي عن حصتج صح يعطونج الافادة وتنحط بملفج مدة 3 شهور اذا ما اخذتي افادة ثانية بهالثلاث شهور تنشال من ملفج وكل 3 افادات وراها لفت نظر ..اسأل الله ان يبعدنا عن الافادات و لفت النظر

 

[* jorry *]

رد : الافادة اللي كل يوم والثاني مهدديناااااااا فيهاااا تعالوا أبيكم ضرووووري

أنا وقعوني على لفت نظر لأني غلطت بدرجة طالبه
شيصير اذا رفضت توقيع الافاده او لفت نظر
صج يحولوني شؤون قانونية؟

 

[هدوء .]

رد : الافادة اللي كل يوم والثاني مهدديناااااااا فيهاااا تعالوا أبيكم ضرووووري

ادارتنا المعقده الكورس الي طاف عطوني لفت نظر عشان تاخرت عن المناوبه يابوها من الاخر لفت نظر مره وحده بس ما وقعت وما قدرو يجبروني لانهم يدرون انها ظلم وانا تاخرت لظروف واهم حظراتهم حتى ما سالو عن ظروفي

 

[@سيدة نفسي@]

يعني مثل مااتتوقعت التأخير ماينعطى له افادة ... اللي أعرفه التأخير اذا تعدى ليمت معين خصم

شكوووووووو افادة ولفت نظرر؟؟؟!!

 

[رحيق الورد]

يعني يبون يخرعونج عشان ما تتأخرين ..

واالله حالة التأخير و الغياب كله من حسابنا ..

انزين بسأل جم مدة التأخير و يبدا الخصم ..؟

ساعة أو أكثر ..؟

 

[المـــاســــة]

انا العام عطونى افادة على الغياب وانا حاامل وتعبانه فقلت لهم يبه اهو مخصوم من معاشي على شنو الافاده بعد
بس غبية ووقعت المرة هذى لو يموتون مانى موقعه

فى حرة عليهم

 

[يتيمة العقـد]

رحيق الورد بالنسبة للتأخير الصباحي عندي جدول يوضح التأخير بالدقايق بس اللي اذكره حالياً

من 82 دقيقة - 164 دقيقة خصم ربع يوم
وفي نص يوم وفي يوم كامل بس اداوم اجيب الورقة واحطها بالموضوع

 

[درة أهل الطولات]

رد : الافادة اللي كل يوم والثاني مهدديناااااااا فيهاااا تعالوا أبيكم ضرووووري

ما ادري بس تعتبر الافادة عقوبة او مسائله

 

[كوكه احلي بنوته]

رد : الافادة اللي كل يوم والثاني مهدديناااااااا فيهاااا تعالوا أبيكم ضرووووري

مشكوره يتيمة العقد علي افادتنا



واللله محنا عارفين حقوقنا

 

[Om/FhoOod]

رد : الافادة اللي كل يوم والثاني مهدديناااااااا فيهاااا تعالوا أبيكم ضرووووري

الافاده خل تنقعها الناظره وتشرب مايها مالها اي فايده 6 شهور وتنحذف اهى مجرد ديكور
وبعدين كتبي فيها سويجي ضايع ولا المنبه خربان رحت اود العيال المدرسه زحمه عطيهم حجى بس

 

[شيخة الغيد]

احنا الناظرة كل يوم تاخير لو دقيقه و الله انها معطيتني على دقيقه وحده افادة .
تاخير مناوبه افاده ... غياب بالامتحانات ... افادة ... كحيتي افادة .....
الحمدلله و الشكر .. الله يكملهم بعقولهم و يلهيهم برياييلهم و عيالهم

 

[الكيكة الأمورة]

اللي اعرفه انج اذا وقعتي يعني انج مقرة ومعترفة بخطأج

 

[اريج الجوري]

رد : الافادة اللي كل يوم والثاني مهدديناااااااا فيهاااا تعالوا أبيكم ضرووووري

انا قبل من خبالي اوقع على كل افاده تافهه ,,,

اللحين والله لو شنو ماراح اوقع على اي افاده ,,,

وخل تنقعها وتشرب مايها لأنها ورقه غير قانونيه ,,,

 

[عنابة4ذ]

شلون ارفض اوقع

 

[اسمي بين الاسامي]

انا جتني افادات لاتعد ولاتحصى واغلبها ارفض التوقيع اذا كان فيه جذب اشكره
مثل مره تليفوني ضايع بالمدرسه
ويوم سألت الوكيله اذا في احد لقى تليفوني ولا تقولي "افادة استخدام الهاتف اثناء الحصة الدراسية"
مع ان بهذا اليوم عندي حصه اولى وتليفوني ضاع بالحصة الرابعه
بس اهي بديهيا استنتجت ان تليفوني ضاع بالصف واني استخدمته بالحصة الدراسية
وطبعا الجواب رفضت اني اوقع الافاده