اكو حريم خرفان جذي !!!

[Tulips]

رد : اكو حريم خرفان جذي !!!

اجابة لعنوان موضوعج

اي اكو و اكو وايــــــــــد بعد

واللي شفتيهم بالسوق لانه ريايلهم مايخلونهم يروحون السوق بروحهم فاهو يقطها السوق اتشرى واهو ينطرها برا ويتسلى يا بتلفونه او ببنات خلق الله (( مو الكل طبعا ))

 

[sweet december]

رد : اكو حريم خرفان جذي !!!

واي بنات شفيكم انا كاتبه الموضوع كله لانه كاسرين خاطري هالحريم وادري ظرفوهم جذي

بس الناس الي اهي انا وغيري الي يشوفونهم جذي شنو المصطلح الي ممكن ينطبق عليهم

والرياييل لا تقولون كلهم مو فاضين خلي عمهم او اخوج او ابوج يويدهم شكو انتي تدشين حلاق يهال

اصلا انا ما اروح السوق بروحي ريلي ما يرضى يونفس عيميه ريلي يقولي الي تروح بروحها مو وراها رياييل مع اني احس هالشي غلط ودايما اقوله لا تحط بذمتك حرام انتي ماتدري شنو ظرزفهم وليش يو بروحهم

بس الرياييل جذي تفكيرهم



وارد اقولكم انا مع الحريم دايما مو قصدي ذم فيهم بس من كثر ما باطين جبدي هالرياييل الي مطاوعينهم رياييلهم على كل شي


وفعلا الحريم مساكين مالهم ذنب

بس كلمه خروف عادي لا تحسسوني اني قاعده اسب لووووول

 

[ام محمد الشمري]

انا اعترف اني منهم_shh_:

 

[tmtmt]

اول شي عندج بدليه كاتبه شوق

ثاني شي بالنسبه للحلاق اشوفها عادي ومو عادي
بعني انا لاااازم اروح مع بنتي ما اعرف اخليهم بروحهم اول شي
ماراح يعرف يقوله القصه مثلا
ثاني شي لنها تبجي لازم اول ماتخلص اتيي عندي
بس انا اقعد واهوا يمسكها عند الريال ويعابل فيها

بس بروحي انا فطنت ريلي قتله شلون اول مره ماكان حاط فباله
قتله بتعفر وبحضني والحلاق يقصلها !!!!

عاد مستحيل اروح بروحي ومستحيل يروح بروحه

وبالنسبه للسوق ريلي مايرضى لازم معاي
معني اتمنى يقطني ويروح اي مكان
جم مره اقوله ولا اقوله اقعد باي كافيه وانا افتر
ما يرضى مو حبا فيني لكن خوفا علي _03BA:

 

[chakletaA]

رد : اكو حريم خرفان جذي !!!

للاسف الله يعين الحريم اللي جذي
مافي اي حنيه على مرته

احمدي ربج ياحلوة ترا النعمه زواله
وبعدين عيب عيب تقولين خرفان الخرووف اللي بالبر
هذااا رجاااااااااااااااال مسولياته واااايد ومهما كان الرجل يبقى رجل
انتقي اسلوبج ياحلوة

 

[شيخه_البيض]

رد : اكو حريم خرفان جذي !!!

امممم

مادري شقولج

بس بلييييز لاتحكمين على اللي تشوفينه

تاكدي بعدين احكمي

بتكلم لج عن بيتنا

اذا كان ابوي موجود اهوا يوديه اواذا اخوي موجود اهوا يوديه

بس ابوي مو دايما موجود دايما سفر مؤتمرات ودورات واخوي يدرس برا

فمنو يودي اخوي الصغير ؟؟؟

يا انا يا خواتي

لو تشوفين اخوي معانا بتقولين هذا ولدنا امي يابته متأخر

انزين اذا احنا ماوديناه نخلي منو يوديه ؟؟؟؟

ولا يسوي ذيل حصان على مايرجع ابوي واخوي من السفؤ :080402ask_prv:


واللي تتكلمين عنهم باسوق قاطين حريمهم ورايحين الديوانيه او عند ربعهم او يكلمون فون

ليش انتي سالتيها ؟؟؟

قلتيلها وين ريلج وجاوبتج بهالاجوبة :s141:


الله يهديج

ولاتتكلمين عن شيء الا اذا كان عندج دليل قوي بحاله كل شخص تكلمتي عنه

تقبلي مروري

 

[حياتي فراغ]

رد : اكو حريم خرفان جذي !!!

حبيبتي ندري أن مو قصدج أي شي ونيتج سليمة
بس الناس لها ظروفها
و بصراحة أنتي قلتي خلي أخوها وعم اليهال او أحد يوديهم بدال ما أهي توديهم
أنا أقول شلها بمنت الناس والكلام اللي يجرح
صج اخوها بودي عيالها بس مرده بيقولها
وين ريلج ليش مايودي .. ؟؟
بصراحة الواحد يعز ويرز عمره تاخذ عيالها وتوديهم ولا منة فلان ولا علان ألزم ماعليها كرامتها
وبعدين حتى لو محد قالها كلمة تجرح يكفي النظره تعور القلب
أو حتى لو يقولها مشغول .. ولا يحقرها ما يرد عليها هذي بروحها تعور القلب .. الناس بتودي مره ومرتين بس مو فاضية كل شهر تودي
الواحد يالله يربي عياله تبينه يشيل عيال غيره ..\


بالعكس أنا أشوف الوحدة تودي عيالها أشرف لها و أحسن
واللي بالبيت تخليه مستور و شلها بالتشكي وتطرع خياس الريال .. ​

 

[dnyay_mll]

رد : اكو حريم خرفان جذي !!!

انتي مثـل ريلي

مادري ليش جذي برج القووس واااااااااااي الله يعيننا عليكم:dddds:

اذا الزوجه عطت الريال خبر والريال يواعدها اليوم وباجر ويمر اسبوعين والعيال شعرهم كشش

شتسوي الزوجه فهميني ؟ تنطر اكثر .؟ لاطبعا تودي العيال بروحها

ريلي جم مره يعصب من يشوف عيالي محلقين ويقولي منو وداهم واقوله انا يقعد يزف شكوووو

انت ماتوديهم انا شذنبي

اما الموقف الثاني

اتفق معاج

وصلني السوق وماينزل معاي ؟

شعنده بالله ؟ وشلون يرضى على نفسه انه يقعد بالسياره ؟

 

[صمــت_ALsHfaaH]

لاتعلييق

 

[Miss Cherry]

انا ماقريت الردود


بس ماني فاهمه انتي ليش محتره .. تبين توصلين لنا انه زوجج يودي عيالج الحلاق ويغار عليج مايرضى تطلعين بروحج .. الله يهنيكم بس ليش تطالعين الناس انتي رايحه السوق عشان تطالعين الحريم كل وحده شنو زوجها مسوي لها .. شعليج منهم ماتدرين شنو ظرف المرا وماتدرين شنو وضعهم كيفهم

بس ترا عنوان الموضوع ماله داعي

 

[شوكولآ]

رد : اكو حريم خرفان جذي !!!

من راقب الناس مات هماً
احمدي ربج ع النعمه اللي انتي فيها
وخلاص

ماله داعي تقولين عن الحريم جذي !
لان كل وحده ولها ظروفها

 

[sweet december]

رد : اكو حريم خرفان جذي !!!

لووووووووول بنات والله اتهبلون

الحين الي تقولي شدراج انتي سالتي الحريم وين رياييلكم

يعني بليز انا ماعندي عيون ولا شنو

طبعا لما يكون صافط وبيده الفون ولما بيي ياخذهااا يطقلها الف هرن عشان يقولهااا انا كاني يعني ليش ما يدق عليها مادري ليش اكيد لانه معاه خط ثاني

انزين ليش الرياييل قاعدين بالسيايير كويتين طبعا مو سواق؟؟؟؟

قاعدين يتحجون بالفون شنو مثلا السوق مكان فيه سيرفس قوي ولا شنو

يا مواعد هالريال يا ينطر مرته بالسوق

ما يبيلها تفكير

وبعدين الي يكون قاعد بالسياره اتيي مرته وتركب اهي وعيالها مبين ريلها السؤال اهني ليش ما تعبت روحك ونزلت معاهم

وشتسوي بالسياره

ترا بنات احنا مو هنود نفهم وحتى الهنود الي نعيب عليهم عندهم نووي لوووول :ggdw:

 

[chakletaA]

رد : اكو حريم خرفان جذي !!!

شللي تبين توووصلينه تبي تتدلعيين ان عندج ريال خاتم بصبعج
انتبهي انا اقول ترا الدنيا دواره وينقلب السحر على الساحر ياحلوة
ماله داعي التجريح ترااا في حريم لا حول ولاقوة مسوليات الدنيا عليهااا
ظروف الدنيا حدتهاا انه تسير الام والابوو
رااعي مشاعر غيرج ترااا الله يوفق اللي نيته صاافيه
لاحول ولاقوة الابالله

 

[غيمه ظميانه]

رد : اكو حريم خرفان جذي !!!

ترا اسمه صالون أطفال

مو حلاق رجال

صاالون بمجمع او بمكان راقي مو مال الجمعيه ولا الفرع

اغلب صالونات الاطفال يشتغلون فيهم فلبينيات واللي يقصون رجال

يعني بالله ماراح مكان ما فيه رجال مثلا

 

[حياتي فراغ]

رد : اكو حريم خرفان جذي !!!

حبيبتي يمكن الريال كان مفتر مع المره بأكثر من مجمع ولما وصل للمجمع اللي انتي فيه تعب وقالها ماراح
أنزل


وبعدين تعرفين الرياييل مايحبون السوق مثل الحريم ..
المره عادي عندها يوم كامل تفتر بالسوق بس الريال لا حدة ساعه ويتعب

وبعدين مافيها شي يتكلم بالتليفون شنو التليفون ممنوع على الرياييل .. يعني اهو ماعنده ربع ولا شركة ولا حتى اللتزامات .. شدراج ان يكلم وحدة
ويعدين يمكن هذي اخته وعيالها اللي نازلين السوق واهو يكلم خطيبته بالتليفون

حبيبتي مو كل شي نفسره على هوانا .. ..​

 

[girl k.s.a]

خالتي مع الاسف من هالنوع
زوجها مو لانه ماعنده وقت لا لانه مااااااااااافي نص امل يودي عياله يحلق لهم وتظطر اهي تروح وياهم والحين قامت تخلي الخدامه

 

[sweet december]

رد : اكو حريم خرفان جذي !!!

لوووووووووول اكو ردود وايد الحمدلله والشكر ماني راده عليها

والله شي يخصني انا وريلي شنسوي انا انتقدت شي شفته بالسوق ما اظن اي واحده تحترم نفسها وكرامتهاااا بترضى بهالشي

ولا تقولون الريال بس الي اهو غلطان المره بعد غلطانه لانها سمحت لروحهااا تاخذ مسؤوليات مو مالتهاا وتسويهاا

والي تقولي مستانسه انتي لانه ريلج خاتم بصبعج وانتي شدراج انه خاتم بصبعي لو خاتم بصبعي صج جان ما صارلي سنتين اناقز ارد دوامي ويله توه رضى ارد ولا بشروططططط وحطني بالمين حكرني تحت ما اشوف ناس ولا يشوفوني


بليز الي تبي تتفلسف تتكلم عن روحها

انا طرحت مشكله لانه هالحريم اولا واخيرا والله العظيم كاسرين خاطري ادري العنوان ينرفز بس انا طبيعتي جذي عنوايني احبهم فيهم اكشن

بس الله يعين الحريم ويارب لا تحطني بهالموقف

وبليز بسكم هواش لوعتو جبودنا اف

 

[ورد منثور]

باين عليج فاصله وبقووه بعد
انتقي ألفاظج ترا الملآفظ سعد
خرفان= اتوقع نوع من انواع الحيوانات
ماتدري عن ظروف الناس لآتحكمي ع ليهم
ئال خرفان ئال
سي يو ياحلووه:ceaf32e183:​

 

[الاحساس والطيبة]

رد : اكو حريم خرفان جذي !!!

انا ماني مقتنعه بكلامج بالمره يعني اذا المره تسوق او جايب لها رجلها سايق ماتروح للحلاق الامع زوجها باقي كلامج اعتقد كل وحده حره تمشي وراه تمشي قدامه تقعد تنطره تاخذلها فره لين يجي من الدوانيه

 

[حياتي فراغ]

رد : اكو حريم خرفان جذي !!!

حبيبتي أحنا ماتهاوشنا احنا نتناقش يا قلبي
وعادي كل وحدة تقول رايها
ونحترم راي الكل ..
بس مرات لازم الانسان يعرف يشوف الموضوع من كل الجوانب .. لاتشوفين الموضوع من زاوية وحدة

كـل أنسان له ضروفـة و موكل ريال ينشد فيه الظهر
وبصراحة أنا اقول عن هالنوعية من الحريم
أنهم قويات وعن ستين ريال اللي شايلين البيت بروحهم وبدون لايذلون نفسهم ..
أما من ناحية ليش الريال ينطر بالسياره .. فهالشي أشوفه عادي .. يعني في رياييل وايد فيهم اعاقة بريلهم بسيطة يتعبون من المشي .. وماديتهم ماتسمح يحطون سيارتين .. فيه الخير اللي يودي مرته وينطرها​