اكمل ولا ما اكمل ابي رايكم خصوصا اللي زوجها اصغر منها

[شــــــــــــــوقــــه]

امم والله موضوعج محير

الشروط ممكن تترقع بس اهم مشكلتين طريقة الزواج و فرق العمر

اهو عادي فرق العمر بس ما ينفع تقارنين بتجارب الناس وتقارنين بالرسول عليه السلام بعد

ما نقدر نييب الرسول حق رياييل الحين شتااان ما بينهم

 

[امـ خــزامـى]

ماادري احترررت انصحك تستخيريييييييييييييييييين وربي ييسر الزواج اذا فيه خير لك
ويبعده عنك كان فيه شر

بس الستر زين وواجب علينا وش جميل اللي يطالبك فيه الله يجزاه خير

 

[نونا**]

عادي تزوجيه ترا وايد ناس تزوجوا بهالطريقه اهم شي نيتكم سليمه

 

[كويتية تكفي مية]

طريقة الارتباط مو زينه مو عن العمر بس باجر بيعايج ويشك فيج كل ماشافج ماسكه الفون ! دايما هالنوعيه من الارتباطات تكون مندفعه وغير عقلانيه وانا دايما ارشح الزواج التقليدي

 

[نونه المنكوشه]

استخيري والله يكتبلج الخيره

 

[غمزه وإبتسامه]

عندي اختين ماخذين ازواجهم اصغر منهم باربع سنين
وزوجة اخوي اكبر من اخوي بخمس سنين
يعني ترا عادي جدااااا
بس هل مستواه الدراسي جيد هذا الي تقيمين عليه ؟

 

[3thbya]

عندي اختين ماخذين ازواجهم اصغر منهم باربع سنين
وزوجة اخوي اكبر من اخوي بخمس سنين
يعني ترا عادي جدااااا
بس هل مستواه الدراسي جيد هذا الي تقيمين عليه ؟

اهو يدرس بالجامعة وباقيله عالتخرج سنتين وناقشني بهالموضوع ان ما وده ينطرني سنتين ويقول نخلي العرس بآخر سنه لي

 

[3thbya]

بناات بالنسبه لموضوع النقاب والستر اهم شي يكون اللبس محتشم وانا اصلا البس عباة وما اشوف الستر بنقاب
وهالموضوع مهم عندي ولو واحد غيره ارفض بسبة هالشي بس انا حابه علاقتنا احس شخصياتنا راكبه على بعض
وانا اقدر اقوله ما راح اوافق الا اذا صرفت نظر عن موضوع النقاب بس راح احس اني امسكه من ايده اللي تعوره لأنه بصراحة متمسك فيني
فقمت اميل للرفض بس عشان ما اخليه يتنازل عن شي مهم بالنسبه له ولا انا اتنازل عن شي مهم بالنسبه لي

 

[Mawiya]

بصراحه حسب شخصية الزوج وحسب شكل الزوجه واهتمامها بنفسها

انا الفرق اللي بيني وبين زوجي اكثر من الفرق اللي تقولين عنه

رغم هذا ماحسينا بهالشي

بس نصيحة انتي حكمي على نفسج انتي من النوع اللي يبين فيج العمر او لا

والاهم من كل هذا استخيري رب العالمين وهو يا انه يسهلها او سبحان الله تنتهي السالفه

ربي يكتب لج الخير

 

[نـعـومـه]

في بنات خذو اصغر منهم وتهنو بس انا شخصيا ماحب ماراح اعيش بثقه بنفسي

 

[نـعـومـه]

طريقة الارتباط مو زينه مو عن العمر بس باجر بيعايج ويشك فيج كل ماشافج ماسكه الفون ! دايما هالنوعيه من الارتباطات تكون مندفعه وغير عقلانيه وانا دايما ارشح الزواج التقليدي

شخباري هذاك اول الحين عادي شكثر ياخذون عن حب ومايشكون ولاشي

الشك طبع ماله شغل حب تقليدي

 

[منال $]

موضوع انة اصغر منك مو مشكلة ياما ناس تزوجوا اصغر منهم وعايشين مبسوطين ومرتاحين
بي هوا 22 يعني اصلا بنظري صغير انة يتزوج بهالوقت لسا العمر هدا مراهق
استخيري ولا تندفعي بعواطفك( والخيرة فيما اختارة الله)
وبالنسبة لطلعاتك وروحاتك كلنا كنا نفس الشي قبل الزواج بس بعد خلاص الوحدة بتعقل وتركز وبصير عندها مسئوليات كبيرة وبالوقت نفسة لازم تعودية انة في اشياء بتخصك لازم هوا شخصيا يعملة عشان يتحمل المسئولية

 

[Emanii]

اخواني اثنينهم اصغر من حريمهم
و الحمدلله عايشين احلى عيشة
العمر ماله شغل
دامكم فاهمين بعض
يمكن تاخذين واحد اكبر منج و يطلع عينج

 

[شادن33]

عاااااادي حبيبتي المهم يكون عقله كبيييير ومتزن

 

[اقماري]

مااييد ابدا ابدا ابدا تاخذين اصغر منج شناقصج بالله عشان تاخذين جاهل بهالعمر؟؟
المشكله مو مشكلة يعطونج اصغر من عمرج واهو اكبر من عمره اهو اصغر منج وعمره حيل صغير ع الزواج يعني لو انتي ثلاثين واهو باخر العشرين اوكي بس اهو توه جاهل،،

ماراح يتحمل المسؤليه حتى لو تهياء لج انه بيتكمل ماراح يتحمل بيشوف ربعه اللي بعمره عايشين براحتهمواهو مبتلش مهما كان هالشيء صعب !!

انتي براحتج بس انا اشوفج راح تتعبين البنت تبي واحد يحتويها ايدلعها واهو جاهل راح تحتوينه واتدلعينه واتعلمينه شغلات وايد ..
حلات الزواج الرجال اكبر انتي محتاجه سند وابو واخو اهو يبيج انتي هذيل لانه توه صغير ماوصل مرحلة الأكتفاء والعطاء لا للحين محتاج.

عموما للحينج صغيره وجدامج عمر والله يرزقج.

 

[طيبة83]

اذا جاءكم من ترضون دينه وخلقه فزوجوه

 

[granted]

انا مو حابة الطريقة الي تعرفتوا فيها على بعض مااثق بتفكير الرجل الشرقي شكاك ومعقد

 

[oorccia]

حبيبتي فيس تو فيس يبان كل شي

ومادامة صغير وجت منه باين قلبه وعقله نظيف ماشا الله عليه

استخيري

والله يكتب اللي فيه الخير

اذا من نصيبك راح يكون واذا لا الله اعلم


وفارق السن ما يهم الرسو ل تزوج خديجة وهي اكبر منه
واعرف واحد متزوج واحده اكبر منه ب عشر سنوات ويركض وراه ركض تسوى عيونه وهي مو هاك اللي

حتى يخليه احيان تسافر لحاله للبرى لأنه مشغول عشان ماتزعل

 

[oorccia]

نصيحة مني امور الزواج لاتشاورين فيها احد

شاوري نفسك واحد اكبر منك وعنده خبرة وحكمة بالحياة واتكلي على الله

لأن كل واحد هنا بيرد عليك راح يرد بناء على نظرته هو وتجربته الشخصية وقناعاتة


والله يوفق

 

[تبطي عظم!]

استخيري والله يقدم الي فيه الخيير

عمتي اكبر من زوجها بسنتين

ومرت عمي اكبر من عمي هم بسنتين

اهو على حسب شنو قناعتج انتي !

عن نفسي راح ارفض مااقبل اتزوج واحد اصغر مني لاسباب انا اشوفها مهمه

بس انتي شنو رايج بالموضوع هذا الاهم هذي حياتج اتخذي هالقرار بروحج احسسن

ومالج شغل بتجارب البنات لا انتي هي ولا هو زوجها !