اكره نفسي اكررررررررهها واكره عيشتي معاها

[رشــــة مطــــر]

مهما كان لاتخسرين أمك حتى ولو كانت معاملتها سيئة معك هذي الأم والجنة تحت أقدامها لازم تبرينها وتحسنين التعامل معاها اكسبي رضاها ومودتها وحبها ومافي ام تكره ضناها مستحييييييييييل يمكن يحصل منهم بعض التعامل السيء لكن توصل لحد الكُره هذا شيء مايُصدق , وترى أغلب الامهات والله يعاملون بناتهم معاملة سيئه جججججججججدآ لدرجة توصل لحد الضرب حتى وهم كبار بالسن ,, وقبل كل شيء خليكي قريبة من ربك اجعلي الله قدامممممك ولاتنسين الاستغفاااااااااااااااار والاكثار من ذكر الله وراح تنفرج وتنحل لك اشياء ماتتوقعينها لاززمي الاستغفااااااااااااار ليل نهار والصلاه بوقتها ’’’’’’ودمتي بــّود

 

[شمعة مزاجيه]

مشكلتك منك وفيك
عدلي نفسك يتعدلون اللي حوليك
وحيده ومدرو شني واكره نفسي انت تحكي عن شي شخصي يعني أهلك برى الحسبه
كثير قريت مشاكل بنات جذيه
الوحده منهم لو نظرت للجانب الايجابي في أي شخص كان انخفضت نسبة المشاكل ان زين
اما بأسلوبك ذا انك تركزي على شي السلبي فأعتقد ذنبك على جنبك
وبالتوفيق لج

 

[عسل سل]

شكووو تكرهين نفسج شذنبج انتي
ليشش تجلدين نفسج على شي سخيف ومالج ذنب فيه اذا كنتي تشوفين اهلج على غلط شكو انتي تروحين تكرهين نفسج !!ماني عارفه شنو الربط بين هالموضوعين
تعوذي من ابليس وماله داعي كره الحياه عشان شي مو بايدج انصحج شوفي على اليوتيوب دكتور بشير الرشيدي ودكتور ابراهيم الي على الراي كل سبت 9 ونص بليل راح يفيدووونج حيييييييل بأن السعاده من صنع الانسان لو كان عاايش بسجن !​

 

[7o0o0r]

ياحيااتي لو تشوفين مشاكل الناس بتهون عليج مشكلتج
احمدي ربج في ناس ماعندهم لا أم ولا أبو ولا أخت ولا أخو ولا حتي بيت
انتي علي الاقل تضحكين معاهم مره باليوم او بالاسبوع غيرج يتمنى عيشتج
انا ماألومج والله ادري انه مو حلوو انه تعيشين في بيتج ومع اهلج وجنه مو عايشه معااهم
انتي بأيدج تقدرين تغيرين نظام بيتكم انتي روحي غرفة خواتي اقعدي معاهم سولفي حتي لو قلتي خبيثه عادي صيري انتي احسن منها
سوي شاي وقهوه ونادي امج قولي تعالي تقهوي او اذا كنتي تعرفين موعد امج تعالي اقعدي عندها وسولفي عن موضوعج اللي قلتيه لنا بس قولي هاذي قصة رفيجتي شوفي رايها بالموضوع انتي قول عسى الله لا يبلانا ويخليج لنا ومن هالكلام حاولي تكسبينها انتي وشوفي ترا مافي ام تكره بنتها صدقيني يمكن تعصب عليها يمكن تحب بنتها الثانيه اكثر يمكن ويمكن بس صدقيني ماتوصل للكره
انتي تقربي من ربج وادعي انه الله يصبرج ويهدي اهلج كثري من قرايت القراءن صدقيني سوي اللي قلتلج عليه صدقيني ماراح تندمين وراح تحسين بالفرق
حاولي انتي تكسبيهم بطيبج بغشمرتج بسوالفج وطنشي النغزات وله السوالف اللي تطلع منهم لو كانت سلبيه انتي حوليها للأيجابيه صبري نفسج بنفسج بس لا تحطمين نفسج.

وخلاااص ولا يهمج انا اصير رفيجتج شتبين بعد حوور صارت رفيجتج<< صدقت نفسها خخخخخه
اضحكي اضحكي ترا الدنيا فانيه ومحد قاعد فيها

والله يصبرج ويهديج ويهدي اهلج حبيبتي وسوي اللي قلته لج وقوليلي شنو يصير مو تنسين
وانا راح ادعيلج ان شاءالله

 

[بيلسسان]

الله يعوضج بالريال والعيال اللي يملون عليج حياتج
بس هذوووول اهلج لحمج ودمج

 

[غراوي]

بعد عمري عورتي قلبي
اذا الواحد ماحس براحة البال ببيته وين بيلاقيها

بعد عمري هدي بالج واذكري الله واستغفري
والله ادري وحاسه فيج في امهات اعوذ بالله ..وعندنا وعندج خير الله ياجرنا على البر فيهم

انتي تحنين لصديقاتج ومالومج لانهم يفهمون عليج ..حتي انا مريت بهالفتره احن لرفيجاتي ياحلوهم وياحلو ايامهم
بس احنا مو راضيين نصدق ان الدنيا تتغير واحنا نكبر والناس تتغير وكلن يروح لدنياه
نبي كل شي يبقي مثل ماهو عليه

حبيبتي مرات في امو غصب عننا اننا نتقبلها حتي لو اننا مو حابينها
مطرين نتقبل امنا القاسيه
مطرين نتقبل خواتنا العينات
مطرين نتقبل حياتنا بكبرها هذا اذا مابيدنا نغيرها

بس طالعي قدام قول يان شاءالله بتزوج وبعيش مع زوجي بروحنا بعيد عن امي وخواتي
عيشي لنفسج اقعدي بدارج ادرسي واشغلي نفسج باي شي وكوني صداقات جديده
تعالي خليج معانا دايم بالمنتدي نزلي موضوع وردي عالبنات

صدقيني انا اعيش نفسج
يمكن الاختلاف البسيط ان اختي زينه معاي
بس متزوجه وما اشوفها الا بالويك اند
وباقي الايام كله بداري احاول اشغل نفسي صج نص الوقت بجي بس املي بالله كبير اني اتزوج واطلع من هالسجن
ترا انا عمري 30 يعني شوفي شكبري ومفروض اياس من فرص الزواج بس املي بالله كبير

حبيبتي كثري استغفار

 

[هيفا يوسف]

الله يعينج ويفرج همج إن شاء الله والله يألف بين قلوبكم ..؛