اكتب لكم وانا ابكي تعالوا واسوني وانصحوني تكفون

[نور الكوثر]

ماعليه يمكن بالغلط قطتها حبيبتي انشاءالله شانج مرفوع عند كل الي يعزونج

 

[صمت المرافئ]

السلام عليكم ورحمة الله وبركاته

صباح الخير كيفكم حبايبي

انا مثل ماقلت لكم من قبل اني حامل والحمدالله والشكر المهم كلن فرح لي ياربي لك الحمد وعقبال كل المتاخرات المهم هذا حملي البكر امس خالتي ام زوجي تسالني تقولي وين راح تولدين قلت بولد هنا اقصد الرياض عند زوجي ان شاءالله قالت ماراح توالدين عند اهلك قلت ان شاءالله لا لان متابعاتي للحمل هنا المهم قالت ايه احسن اولدي هنا عشان مانجيك تقصد عند اهلي وللمعلومية اهلي يبعدون عند الرياض 300 كيلو تقريبا يعني مو بعيد المهم انا انصدمت ليش انا وحمواتي الثانيات تعملهم حساب وتروح لهم ليش انا عشاني طيبه وكل امس وانا ابكي وزوجي يقول وش فيه وجهك كذا قلت مافيني شي وش رايكم انا مررة ضاق صدري وزوجي قال لاولدتي بمر البيت واوري المولود ابوي لانه كبير بس ولا يقدر يسافر مسكين وخالتي فرحت قالت احسن عشان مانجيك المهم قالت انا بصوت مررة مخنوق لان شاءالله تجين قالت والله كاني شفته ماجيت لك وش اسوي تكفون توقعت انه بتفرح وكل شي وللمعلومة اكيد زوجي بيجي يعني تقدر تسافر معه

بالنسبة للكلام اللي حطيته بالاحمر
ما أدري ليش تزعلين
سويت مشكلة من لا شي وزعلت ؟؟؟
خالتج تسألج وين بتولدين
علشان تروح لج إذا عند أهلج وتتعنالج
وبالنسبة للكلام اللي حطيته باللون الأزرق
أقول حبيبتي صفي النية
يمكن قصدها انها ما تبي تعني الشايب
وعلى العموم ليش مزعلة نفسج وتسبقين الأحداث
انت اولدي بالسلامة ... ولكل حادث حديث
وان شاء الله تزورج خالتج وتتحمد لج بالسلامة وتفرح لج
لا تكدرين عمرج وتضيقين خلقج




​

 

[شرغوفة]

السلااام عليكم اشلونج حبوبة اختي لا تصيرين حساسة ام زوجج مراا كبيرة عادي الحريم الكبار وواااجد يقطوون كلااام عاادي اخذي الامر عادي وا تضايقين على امور عادية ولا تعبين نفسيتج لانج حامل مووو زين عليج والله يقومج بالسلااامة ​

 

[رفيف الخير]

هالايام الي تعشينهاايام رغم تعبها وثقلها الا انها احلى ايام تمر استمتعي بها واقري قرآن عشان الي في بطنج يرتاح مو تصحين ودموعج على خدودج ترى كل شيء يأثر على النفس الي انت شايلتنها ولو اني بصراحة ماشوف له داعي حزنج بس يمكن انج حساسة بسبب ظروف الحمل وتلخبط الهرمونات خافي على صحتج وريحي بالج وعسى الله يقومج بالسلامة