اقووووى تجمع لأحلى مدمنات Make Up{{ مغلق حتى اشعار اخر لظروف العضوه الدراسيه }}

[krkooora]

رد: اقووووى تجمع لأحلى مدمنات Make Up .. حيااااكم *_متجدد_*

سووووسووووو حيااااااااااااتي وينج ؟؟؟؟ اشوف البنات يقولون ما تشوفين شر !! عسى ما شر ؟؟؟ عالعموم ربي يقومج بسلامه

وناطرين البوست اليديد يا حلو

وصراحه موضوعج من احلى مواضيع القسم

 

[SeDuCTive]

رد: اقووووى تجمع لأحلى مدمنات Make Up .. حيااااكم *_متجدد_*

ما شاالله عليج يا سوسو
إذا هالمعلومات بس من الخبرة الشخصية
برايي الخبرا لازم ييون يتعلمون
حتى المفردات والterms اللي تستخدمينها واللي انتي ابتكرتيها
لازم يعتمدونها
موضوعج روووعة وكامل متكامل
وعلى قولتهم
اسأل مجرب ولا تسأل طبيب
أممممممممممممممممواه
:

مشكوره حبيبتي كيوتي .. مالي تعليق على كلامج كلج ذووق يالغاليه :tek:
وهذي حلاوه فكره الموضوع .. انه الكل يطرح الخبرات والتجارب (مو بس الاغراض) اللي عنده وبالنهايه نوصل لأحسن وافضل نتايج ..مو الغرض عرض المنتجات عالفاظي وبس .. وعموما انا لما اكتب الموضوع اكون على طبيعتي واللي
على لساني يتترجم على الكيبورد وكل ال Terms مثل ما تفضلتي عاديه وكلنا نسولف فيها حتى بالايام العاديه
واللبيب بالاشاره يفهم :dddds:
واللا شرايج كيوتي ؟
و اموااااااااااااه للإلك حبيبه ألبيييييييييييي :*

السلام بنات
ممكن تساعدوني
انا بالجامعة وابي اسم كريم اساس حلو

هلا حبيبتي اكيد نساعدج .. حق الجامعه يبيلج شي خفيف .. عندج اساس Max Factor
حلو وخفيف حق الصبح .. واذا عندج طلب معين تبينه بكريم الاساس ياريت تقولينه لنا عشان نساعدج اكثر :68_asmilies-com:

حبيبتي الموضوع لو مو قيم ومهم جان ماشفتيه تثبت من اول انطلاقة له
وانا اشوف ان المعلومات اللي تقدمها سوسو متعوب عليها
لان مجهووود شخصي مو نقل من مواقع اجنبية
وفعلا مثل ماقلتي حبيبتي لكل مجتهد نصيب :

حبي

سيد اكتيف .. بغيت اسألج في فرق بين اللوز باودر والمينرال ..؟؟
ويعطيج العافيه جد تسلم هالاديات اللي تكتب وتتعب مجهود روعه

اكيد حبيبتي في فرق .. ال Loose Powder او البودره السائبه تكون بودره عاديه ومكوناتها ممكن تحتوي على
المواد الحافظه وبودره التالك Talc Powders .. اما ال Mineral يقال انها لا تحتوي على مواد حافظه
ولا بودره التالك وبالتالي مالها اظرار للبشره ومناسبه للبشره الحساسه والمرهقه واللي تعاني من حب الشباب .
ومشكوره قلبي على سؤالج وانشالله بظيفلج معلومات اكثر لما نوصل لموضوع ال Powders .. تابعينا :*

فعلا انا عمري ماشفت موضوع بهالتصميم (راااااااائع )والله شوي علييه ...انتي اخذي لفه على المنتديات الثانيه واذا شفتني شي على الاقل مقاارب له (مومثل مستواه لانه ماافي موضوع مثل كمال هالموضوع ) ساعتها لج كامل الحق انج تنتقدينه ..
بس انج تقللين من قيمه موضوع ثقيييل باعداد زوااره قبل مضمونه..فانتقادج مو بمحله !!!
:

مشكوره حياتي ريووومه على الحجي اللي ان دل .. دل على ذوقج الأرررروع وتقديرج وطيب اصلج :*
مالي بعد تعليق كلام فديتج ..

مشكوووووووووووره حبيبتي
تعلمت اشياء ماعمرها جت على بالي معلومات جديده
دايما مواضيع المكياج تدور حول موضوع واحد يعني الاشياء الاساسيه بس
مشكوووووووووره للمليووووووووووووووون
الذوق مايجيب الا الذوق مثله

العفو حبيبتي هيله .. انتي الذوق والسنع كله فديتج .. واللي مثلج وشرواج هم ااااااكبر مكسب لي :tek:

:سيداكتف مشكورة عالموضوع الروعه انا من اكبر مشجعينك خلف الاضواء بغيت اسالك اختي امس اشتريت الدايموند كريم من ميك اب فور ايفر على مدحكم بس االلي تبيع هناك عطتني لون ابيض صدفي وانا لوني اسمر برونز بس احب افتح لوني شوي بكريم الاساس::بيلوق علي ولا بيطلع مو حلو تكفين ردي بسرعة عشان اقدر ابدله واجيب اللي تشوفيه مناسب طالبة مجتهدة::

هلا حبيبتي .. اول شي حبيت اعتذر منج على التاخير يا قلبي انتي ومشكوره على سؤالج ..
ودام لون بشرتج برونز اي لون فاتح بيطلع عليج وااااو .. اللون الصدفي حلو لا تبدلينه و ان شاء الله راح يطلع حلو اذا
حطيتيه على خدودج لأنه افتح من بشرتج بس لا تكثرين منه .. ومتأكده مع اللوك البرونز بيطلع روعه عليج ..
جربي وناطره رايج .. ونبيج معانه دوووم كافي صممممت حياتي نورتيني :*

متاااااااااااااابعة​

:*

يآ حيآتي مآقصرتي

موضوعج يهبل

وحيل آستفدت منه


:

يا هلا وغلا باحلى عيون .. مشكوره قلبي على مرورج ..
انتي اللي تهبلين فدييييييييييييييييييت عيونج :*

الموضوع يجنن
و متعوب عليه
عساج على القوه سوسو
و متابعه و بقوه

مشكوره حبيبتي هابي .. كلج ذوق يا عسل :*

عاشت سوسو بانتظار البوست اليديد و موضوعج قمه الصراحه

عاااااااشت ايامج يا احلى زشتووو .. والله القسم وله على مواضيعج واخبارج المتجدده ..
نورتي الموضوع عسوووولتي :*

سدكتف
حبيبتي حيل تاخرتي هالمرة عسى المانع خير؟؟؟

هلا حبيبتي .. ما من شر انشالله .. فديت متابعين الموضوع الحلوووين :*

وجاري الانتظار لابداعات يوسو

عساني مانحرم منج قولي آمييين :*

نااااااطرينج سوسو
لا تتأخرين أكثر حبيبتي
وعساج عالقوه

هلا بحبيبتي مرمر .. سامحوني عالتاخير كنت مرهقه شوي وتعبانه ..
نورتييييييييي حياتي :*

فناااااااااااانه

مشكوره حبيبتي اسيره وصدقيني انا مو ناسيه طلبج .. او اي طلب ينطلب مني ..
بالعكس متعتي أسمع منكم.. وألبي رغباتكم لأنه بالنهايه كلنا بنستفيد ..
وان شاء الله بحاول كثر ما اقدر اقدمه بالمستوى المطلوب يا قلبي ..

ماتشوفين شر سوسو ان شاءالله
وفي انتظارج

الشر ما ييج حبيبتي وتسلمين على مرورج و نقاشاتج الحلوه :*

بانتظارج فدديتج
من امتع المواضيع الي احب ارجع اقراهم من فترة لفترة

هلا بالغاليه .. انتي صاحبه موضوووع يا كل الذوق :*

عسى ماشر سوسو
وينج حبيبتي؟؟؟؟؟؟؟

الشر ماييج حياتي .. انا موجوده ووجودي ماله طعم من غيركم ..

مشكوووووره

العفو حياتي ..

سووووسووووو حيااااااااااااتي وينج ؟؟؟؟ اشوف البنات يقولون ما تشوفين شر !! عسى ما شر ؟؟؟ عالعموم ربي يقومج بسلامه
وناطرين البوست اليديد يا حلو
وصراحه موضوعج من احلى مواضيع القسم

هلا كركورتنا الحلوه .. الشر ماييج حياتي .. ما من شر انشالله ..
وتسلمين حياتي .. الموضوع ما يحلى من غير تواجدكم ومشاركاتكم واللللللللللللله :*
وتستاهلون احلى مواضيع يا قلبي انتي :ggdw:

 

[عاشقة الجنان88]

رد: اقووووى تجمع لأحلى مدمنات Make Up .. حيااااكم *_متجدد_*

مشكورة يا احلى ابلة والله وحشتينا نبي نشوف جديدك على طول

 

[باربي للابد]

رد: اقووووى تجمع لأحلى مدمنات Make Up .. حيااااكم *_متجدد_*

بانتظار يديدج ​

 

[zYoOoNa]

رد: اقووووى تجمع لأحلى مدمنات Make Up .. حيااااكم *_متجدد_*


سوسو يالله وينج طولتي نبي بارت يديد
ادري ان عندج بلاوي متلتلة بتعلمينا عليها_03ba:

 

[SeDuCTive]

رد: اقووووى تجمع لأحلى مدمنات Make Up .. حيااااكم *_متجدد_*












شلوووونكم حبيباتي يا احلى رواد لأحلى منتدى ..




ال Topic اليوم .. كنت مخططه عليه من فتره بس كان المفروض انزل Another Topic لكن
للاسف في شغلات فنيه ما اكتملت فيه .. فقررت نبتدي بموضوع وايد بنات وصوني اتكلم فيه من A-Z ..
وان شالله نبدي فيه اليوم وبنكمله على اجزاء وبنهايه كل ال Topics بتكون الصوره واضحه لكم اكثر..
ويهمني بهالموضوع ترتييييييب الافكار .. والموضوع الرئيسي بيكون ..




Sequence Of Make Up




هذا الموضوع الرئيسي اللي بنتكلم فيه وهو ترتيب عمليه وضع الميك اب وبيكون على عده اجزاء ان شاءالله ويهمني بنهايه الموضوع كامل انه نحفظ الخطوات مع بعض والموضوع حاولت اجمع فيه اكبر معلومات اكتسبتها
يمكن تلاقون شويه اطاله او اسهاب بتفاصيل كل نقطه لكن بالنهايه اهي للي يحب يعرف ادق تفاصيل الامور .. وبالتالي اي وحده فينا عندها شك او عدم درايه ببعض الخطوات تستفيد ويتحول الموضع الى روتين سهل ومهضوم بالنسبه لها :ggdw:




Step 1: Before Make Up


وهي خطوه ما قبل الميك اب .. وهي خطوه مهمه واساسيه لأنها البشره النظيفه والتهيئه الصحيحه للبشره
تخفف من اضرارالميك اب السلبيه على البشره خصوصا في اقاليمنا الحاره..
وما ننسى انه البشره الصحيه المتوازنه هي الاساس والقاعده القويه لجمال المرأه بدون او مع مساحيق التجميل ..
وترتيب الخطوات قبل وضع الميك اب يكون كالآتي:


1- التنظيف (CLEANSING) :

وهي الخطوه الاولى قبل وضع اي من المستحضرات على البشره .. وبهالجزء قررت ما اتطرق لأي من منظفات
الميك اب او ال Make Up Removers لأنه خصصت له جزء بروحه بتكلم فيه وبفترظ انه البشره خاليه من الميك اب .. وبالتالي بنستخدم لها غسول والغسول عده انواع.. جربت منهم وايد وحبيت اقولكم شنو استنتجته وبتكلم عن كل نوع بتفاصيله.. ولا تستهينون بغسول الوجه لأنه له تأثير حتى لوكان بطئ وغير ملاحظ بتوازن البشره..

1- الغسول اللي يكون على هيئه Gel :
اكتشفوا اخيرا انه ال Gel يعد من احسن انوع ال Cleansers وهومناسب لجميييييع انواع البشره ولا يسبب جفاف
البشره الجافه ولا الدهنيه .. والميزه اللي فيه انه ال Gel يبرد على البشره و تقدرين تستعملينه وانتي حاطه ميك اب او من غيره .. وازدا بالفتره الاخيره انتشاره لأنه اثبت فعاليته ..

2- الغسول المقشر او ال Exfoliating :
مهم استخدامه خصوصا للسيده التي نادرا ما تعتني ببشرتها لأنه يوفر تقشير يومي يغني عن المقشر الاسبوعي مؤقتا
وما ينصح انه هالنوع من الغسول يلامس منطقه العين.. يعني لازم يستخدم مع غسول ثاني.. وهو مناسب للبشره
الدهنيه .. ولكن!
اذا صارعندج مناسبه او عزومه لم يتم التخطيط لها مسبقا وما قدرتي تستخدمين ماسك ينصح انج تغسلين ويهج بالغسول
المقشر لأنه تاثيره المقشر يحفز الدوره الدمويه في خلايا الوجه ويعمل على ازاله طبقه خفيفه من الشوائب التي تتراكم
على البشره ..

3- الغسول الخاص لأزاله الميك اب:
انا شخصيا احب هالنوعيه من الغسول خصوصا اذا كنت حاطه ميك اب ما يكون حيل ثقيل .. بس هالغسول راح يفيد
بحاله وحده! لو غسلتي ويهج فيه اكثر من مره يعني ابتداءا من مرتين.. يعني مره وحده غير كافيه ابدا عشان تقولين انه الوجه صار نظيف. وانصح فيه كل البنات واتوقع ما يخلى من اي بيت لكن لا ينصح باستعماله اذا كانت البشره خاليه من
الميك اب بنات!

4- الغسول الكريمي او Cream Cleanser :
في ماركات كثيره تنزل غسول على هيئه كريم .. واهو ممتاز جدا لأزاله الميك اب الثقيل .. انصحكم بماركه Clarins
عن تجربتي لأنها توفر هالغسول الكريمي لمختلف انواع البشره .. وممكن استخدامه للوجه وحول العين سؤاء مع او بدون ميك اب..

بعض ال Tips الخاص بهالجزئيه:
1-ظروره غسل الوجه بماء فاتر اولا وعند الانتهاء يرش الوجه بالماء البارد لمنحه الحيويه ولسد المسامات.
2-للتاكد من جوده الغسول .. اذا ترك الغسول ويهج جاف ومشدود بعد الغسيل تأكدي انه الغسول غير مناسب لبشرتج.
3- ظروره وظروره التاكد انه اي غسول تستخدمينه خالي من الصابون او به نسبه قليله جدا.
4- غسل الوجه باطراف الاصابع وبطريقه المساج الدائري وخصوصا منطقه العين حيث يتم البدء من الجز الداخلي للعين
للخارج ثم منطقه الحاجب بحركات دائريه رقيقه و Never To Strech The Face .
5- عدم اهمال غسل الوجه والاكتفاء بمزيل الميك اب.
6- للاخوات اللي يستخدمون منتجات الصاون العاديه ومرتاحين عليها .. مافي مانع من الاستمرار دام انها مو مسببه لكم مشاكل ظاهريه لكن لازم تكونون على درايه تامه انه ماده الصابون مهيجه ومضره للبشره وهالمعلومه مثبته علميا.





2- التونر (TONING) :

التونيك وظيفته ازاله الدهون والشوائب المخلفه من وراء منظفات الميك اب وحتى من الغسول..
وطريقتها المعتاده انها توضع على قطعه نظيفه من القطن ويتم الضغط الخفيف على كامل الوجه والرقبه وتترك لكي تجف.
وراح تستغربون لو تعرفون انه التونك يعمل على قبض المسام ووامتصاص الدهون باللحظه ذاتها من تطبيقه ويعمل على
انقباض عضلات الوجه فبالتالي يترك البشره نضره و Fresh .
بالنسبه لأنواع التونك.. جربت انواع كثيره منها الغالي والرخيص واحسن شي جربته وانصح الكل فيه اهو ماي الورد!
وحاولت اغير من استخدام طريقه التونك العاديه واهو اني حولته الى Spray واهو اسهل وانظف واسرع بالنسبه لي لأني ماحب ال Coton Pads .. وارتحت على هالطريقه... باختصار بعد ما تغسين ويهج ترشين عليه ماي ورد ..
وقلت افيدكم بما انه اغلبيه بناتنا يستعملون ال Fix Plus او مثبت الميك اب من MAC .. فحبيت استغله لأنه نوعيه البخاخ جيده وشكله حلو بعد ليش ينقط؟.. ولا يمنع انكم تستخدمون اي بخاخ فاظي عندكم بشرط انكم تغسلونه عدل وتحطون فيه ماي الورد.. وهذي الطريقه ..

1- تفتحون علبه ال Fix Plus وتنظفونها .

2- تختارون اي ماي ورد تفضلونه .

3- تحطونه بالعلبه و Thats It !

3- الترطيب (MOISTURISING) :

وهي اخر واهم خطوه للتحظير لأستقبال البشره للميك اب وتنقسم الى قسمين :

1- السيروم المعالج (Serum) : اغلبيه السيدات ما يهتمون بالسيروم واولهم أنا .. لكن لما عرفت اهميه السيرم
و شفت بشرتي فتره تعبت قررت استخدمه .. والسيرم بحكم طبيعته خفيف وبالتالي البشره تمتصه بسرعه وهو يعمل كواقي للقسم الداخلي للبشره وفيه منهم انواع تكون علاجيه للبشره منها لأصلاح البشره الباهته ومنها لتنظيم المسامات الدهنيه لللبشره والطريقه الصحيحه لوضع السيروم هي انج تاخذين اللي يكفيج وتحطين بايدج وتمسحينه عالخفيف على كل راحه اليد وتكبسينه على الويه لأنه حراره اليد كفيله انها تساعد على سرعه امتصاص البشره للسيروم.. وابدا لا تحاولون تهدنون بشرتكم فيه بنات .. وطبعا مع الابتعاد عن منطقه العين..
ومثال عليهم من تجربتي :

A- سيرم ال Idialist :
هالسيروم دلتني عليه وحده الله يجزيها الف خير من Estee Lauder .. وهو فوق الرائع وسعره فيه.. للبشره الدهنيه اللي تعاني من المسامات الظاهره ويوضع بالطريقه اللي وضحناها سابقا.

B- سيرم ال Advanced Night Repair :

اما هالسيروم دلتني عليه حبيبتي ZizoO .. واهي تستخدمه من فتره لكن لأنه بشرتي دهنيه .. ما قدرت استخدمه دايركت..
بالاول خلصت كورس ال Idialist اللي اهو علبتين منه .. وابتديت بهالسيروم الحائز على براءه اختراع.
ووظيفته الاساسيه اصلاح الخلايا التالفه من البشره وفعلا تحسين فرق في بشرتج ..
للبشره الجافه تقدر تبتدي فيه من غير تفكير راح يعطيها نضاره ونعومه ملاحظه ..
لكن للبشره الدهنيه .. افضل وبقوه انهم يستخدمون ال Idialist كخطوه اولى وان شاء الله بيرتاحون عليه ..

2- المرطب (Moisturizer ) :

المرطب خطوه مهمه وحيويه قبل ما يلامس بشرتنا الميك اب ..سواء البشره دهنيه او جافه او مختلطه ..
اهميه الترطيب موضوع غير قابل للنقاش فيه وهو يشكل حمايه للطبقه الخارجيه للبشره ويقوم بتعويضها عن
المفقود من حيويتها ورطوبتها .. ومستحضرات الترطيب بدورها تنقسم الى نوعين :

A- مرطبات الوجه: وهي تختلف حسب اختلاف نوع البشره .

وبهالقسم احتاج خبرتكم معاي باحسن انواع المرطبات للبشره الجافه .. بما انه بشرتي دهنيه .
بالنسبه للبشره الدهنيه يفضل استخدام المرطب على هيئه اللوشن Lotion لأنه قوامه اخف ونسبه الدهون فيه
تكاد تكون معدومه وهو اسرع بالامتصاص للبشره .اما البشره الجافه الى المختلطه فيمكنها استخدام الكريم لأنه قوامه اثقل
ومعزز بكميه زيوت مرطبه اكبر تفي باحتياجات البشره الجافه الى المختلطه وايضا بامكانها استخدام اللوشن.. ومن تجربتي بما انه بشرتي دهنيه جربت نوعين من ال Lotions .


هذا المرطب اليومي اللي استخدمه محتواه الاساسي الخيار .. والخيار معروف بارتفاع نسبه الماي فيه..
خالي من الدهون ومناسب للصيف .. ممكن للبشره الجافه انها تستخدم ال Day Wear Plus Cream
وايد بنات يستخدومه على حد علمي وينصحون فيه ..

اما لوشن التفتيح من Clarins مناسب للسيدات اللي يعانون من عدم توحيد بلون البشره وهو مناسب لجميع انواع البشره.
وهو مجرب.

B- مرطبات العين (Eye Moisturizer ) :

منطقه ما حول العين .. من اكثر المناطق الحساسه في الوجه وهي اكثر عرضه للتجاعيد المبكره اذا لم يتم العنايه فيها
بمراحل العمر المبكره.. ووظيفه مرطب العين مو بس للترطيب .. ايضا لسهوله وضع ال Concealer او خافي العيوب حول منطقه العين وبالتالي حمايه المنطقه من اظرار الاستعمال المتكرر لمستحضرات التجميل التي غالبا ما تكون ثقيله
القوام نوعا ما لتعطي افضل تغطيه ممكنه خصوصا للسيدات اللواتي يعانين من الهالات الداكنه حول العين.
عموما ظهرت اهميه مرطب العين .. بما انه اغلبيه المرطبات تكون مختصه بالوجه اكثر ولاختلاف ورقه
طبقه الجلد اللي تغطي منطقه العين .. فتم عمل كريمات خاصه لهذي المنطقه لضمان حمايه اكبر لها ومقاومه للتجاعيد المبكره.
وهذا مرطب العين اللي جربته مناسب للبشره الجافه والدهنيه .. واهو من مجموعه Estee Lauder اليديده.

وال Tips لهذا الجزء :
1- يجب استخدام مرطب الوجه بحيث لا يقل معدل واقي الشمس اللي يحتوي عليه بنسبه SPF 15 .
2- للبنات اللي ما يستخدمون اي ميك اب و يفضلون يستعملون حمايه الشمس Sun Screen .. يجب استعمال واقي الشمس بعد استخدام المرطب.




واخيرا عشان لا ادوخكم معاي بسوي Quick Review للخطوات الاساسيه :
1- التنظيف بالمنظف المناسب Cleanser .
2- التونيك Toner .
3- الترطيب Moisturizing :
اولا بالسيروم (اختياري) وثانيا بمرطب الوجه والعين .

هذا ال ABC او الخطوات الاساسيه الثابته في تحضير البشره للميك اب ..
و في نقطه مهمه بنات .. واهي الواقعيه يعني ما نتوقع من اي منتج انه يعطي نتيجه سحريه بوقت قصير.. والسبب انه التلوث البيئي له دور انه يأخر هالعمليه غير اختلاف العادات الغذائيه ومعدل شرب الماي.
لكن ما نقدر نساوي البشره اللي محافظين عليها مع البشره المهمله .. اكيد في فرق !







وبجذي اكون انتهيت من المقدمه للجزء الاول من الموضوع .. ان شالله تكون مناسبه ومفيده ..
وان شاء الله بنكمل بالخطوه التاليه واوعدكم من الموضوع الياي بنكتشف شغلات يديده خفيفه وحلووه يمكن مو ماره على مجموعه لا بأس فيها من البنات .. وسامحوني عالقصور .. وبانتظار خبراتكم بهالمجال ..
لأني ابي اتعلم منكم اكثر واكثر ولا تحرمونا من الردود الهااااااااااااااااااااااااااادفه ..

 

[أسيرة_أحزاني]

رد: اقووووى تجمع لأحلى مدمنات Make Up .. حيااااكم *_متجدد_*

قواااااج الله ويعطيج العافيييييه عالمجهوود

 

[zYoOoNa]

رد: اقووووى تجمع لأحلى مدمنات Make Up .. حيااااكم *_متجدد_*


وااااو برافووووووووووووو برافووووووووو سوسو:ggdw:
كفيتي ووفيتي صراحة
وصج هالخطوات وايد وايد مهمة ويبين تأثيرها اكثر لما تحطين الميك اب

 

[ريموه]

رد: اقووووى تجمع لأحلى مدمنات Make Up .. حيااااكم *_متجدد_*

حبيبتي موضوع اكثر من هاادف ومفييييد وفعلا يشرح النفس واسلوبج راقي والمهم انه واضح ومدعوم بصور من الاستخدام الشخصي والتجربه الذاتيه وهذا اللي يخلي موضوعج واقعي اكثر ..

قواج الله حبيبتي ومتابعه لج دووم

 

[.:SuGar^GirL:.]

رد: اقووووى تجمع لأحلى مدمنات Make Up .. حيااااكم *_متجدد_*

تسلمــــــين عالمجهود الطيب
وبإنتظار البقيه

 

[*هيله]

رد: اقووووى تجمع لأحلى مدمنات Make Up .. حيااااكم *_متجدد_*

يعطيك العافيه

هذي المواضيع اللي تسر الخاطر

طيب نبدا بالاسئله ... قريت في منتدى انه التونر غير التونيك واحد للبشره الدهنيه والثاني للجافه بس اي واحد فيهم مدري ؟؟

 

[thenutybee]

رد: اقووووى تجمع لأحلى مدمنات Make Up .. حيااااكم *_متجدد_*

روعة سوسو ويسوي النطرة اللي نطرتينا اياها ومتعوب عليه

 

[أم غايب]

رد: اقووووى تجمع لأحلى مدمنات Make Up .. حيااااكم *_متجدد_*

من احلى الاجزاء و للامام دايما
شوقتيني على منتجات استي لودر خصوصا ان بشرتي دهنية و فيها مسام
بس الغسول من وين اول مرة تمر علي براند اسمها سمبل

 

[sosotchino]

رد: اقووووى تجمع لأحلى مدمنات Make Up .. حيااااكم *_متجدد_*

مآشآء الله سيدآكتيف إنتي صكيتي على كل الخبرآء بشرحج وأسلوبج الحلو مع البنآت

ونآسه انا بشرتي دهنيه وحييييل إستفدت لأني كنت حآيسه بالخطوآت فديييييتج :*

 

[TuTTi^FruTTi]

رد: اقووووى تجمع لأحلى مدمنات Make Up .. حيااااكم *_متجدد_*

يعطيج الف الف عافيه في وايد شغلات ماكنت اعرفها ووايد اشياء غلط اسويها ( اغسل ويهي بماي وصابون ) وويهي يصير مشدوود وجاف وعقب فتره يتشقق بس من عقب اليوم انشالله ماراح اسوي جذي وصج صج صج حدي استفدت يعطيج العافيه =**

 

[Pissy Missy]

رد: اقووووى تجمع لأحلى مدمنات Make Up .. حيااااكم *_متجدد_*

احييج سوسو خووووووووووووش topic ولو انه انا صايره طالبه كسوله بس والله مو مني من الظروف

انشاء الله باجر راح اعوض عن كل المواضيع الي ما شاركت فيهم ( يصير ولا تبينه نتكلم بس عن اخر موضوع) ؟؟

بالنسبه حق اخر topic كنت ناطرته وانشاء الله بعطيج تجربتي عن البشره الجافه لان بشرتي من هل نوع

الى الامام

 

[كوكو شانيل]

رد: اقووووى تجمع لأحلى مدمنات Make Up .. حيااااكم *_متجدد_*

مشكورة على المعلومات المفيدة

تصدقين انا ماحط مرطب ادري انه غلط بس شسوي بشرتي وااااااايد دهنية بس احط فكس ماك وبيس من سان لوران

والمشكله كل يوم احط مكياج حق الدوام حمستيني اخذ لي مرطب حق العين والوجه ومحتاره بين استلودر وكلينك

بس عقب ماحط المرطب كم دقيقه اتم على ماحط الاساس

 

[zYoOoNa]

رد: اقووووى تجمع لأحلى مدمنات Make Up .. حيااااكم *_متجدد_*


بحطلج مجموعتي ماقبل الميك اب اللي موالمتني حاليا لان بشرتي وايد حساااااسة

اول شي الغسول انا استخدم foam
من جونسون الوردي خفيف وحلو والثاني من بوتس نفس المستوى


التونيك
استخدم من لوريال الازرق وايد زين حق التحكم بالدهون بس شوي ينشف
وهم الثاني من بوتس حليو وطبعا ماننسى ماي الورد
(عجبتني فكرتج بالفكس لاخلص بحط فيه الماي ورد)


السيرم
استخدم البيرفكشن من استي لودر بالكولاجين وايد حلو يخلي البشرة ناعمة


المرطب
استخدم بودي شوب فيتامين E او لوريال هم حلو حق الدهون بس احطة صوب الخشم والحنج اكثر شي
ومن بوتس حلو بعد خفيف عالبشرة


كريم العين
استخدم كلنك all about eyes حلو حييل وساعات احط من نيتروجينا او بودي شوب فيتامين e
واللي صج صج روعة كريم ST.Ives بالخيار وايد حلو حق العين


وبسسسسسسسسسسسسس

 

[CUTE ENGINEER]

رد: اقووووى تجمع لأحلى مدمنات Make Up .. حيااااكم *_متجدد_*

وااااااااااااااو

أخييييييييييرا يي دوري :ggdw: :ggdw:

عاد آنا أهم شي عندي بشرتي

ما راح أتكلمعن تنظيف البشرة لي طريقتي العادية وايد وما أستخدم أشياء إكسترا

نفس اللي شرحتيه بالضبط washing gel و بعدين toner

وأسبوعيا تقشير مع ماسك طين

بس الأهم كريماتي _03BA: _03BA:

للأسف مو قادرة أحطهم الحين لأن ولا مركز تحميل راضي يشتغل

باااااااااااااجر بحول الله أحطهم :eh_s(6):

وتسلميين عالبارت الحلو والمشوق والمتعوب عليه ح

حبيبتي سوسو :eh_s(6):

 

[عز النفس يغنيني]

رد: اقووووى تجمع لأحلى مدمنات Make Up .. حيااااكم *_متجدد_*

روووووووووووووووووووعه موضوعج الاخير سيد اكتيييييييييييف وصج مهم التسلسل وواجد نخربط فيه

وما قصرتي زيزو يعطيكم العافيه .. وانا اللحين بنزل خطواتي