اقرب انسانه على قلبي اكتشفت انها تعصي ربها

[wjdaan]

مشككورين حبايب قلبي

 

[VSVS]

لو مافي بشر يعصي ربه كان ربي انزل مخلوقات غيرنا بتعصي واتوب الى يوم الدين مافي حد معصوم من الغلط صديقتك اندعي لها بالستر واستغفريلها واذا مثل متقولي ياحبيبتي هي اقرب الناس لك صارحيها وانصحيها كاختك وحبيبتك بطريقة حلوة واسلوب راقي او انصحيها بدون متحسييها بطريقة غير مباشرة

 

[فّقدّ]

أدعيلها وللمسلمين بالهدايه , وقد ماتقدرين لمحي لها
وحاولي تكونين عون لها أنها تترك هالاشياء ()*
+ الله يججزآج خير يآرب ..

 

[مـوج]

والله سآلفة آنج فتحتي جهآزهآ ودشيتي عع آلمتصفح ، قهرتني أكثر من سآلفة رفيجتج

بعدين تأكدي ممكن مو هي اللي حطتها ، ممكن وآحد من آخوآنهآ أو خوآتهآ دخلوا ع المتصفح


لإن مستحيل اللي تسوي جذي بتقولج بكل ثقه اي دخلي المتصفح ؟؟!!


اختي حبيبتي انتي يوم تقولين انهآ طيبه وبنت نآس وو..آلخ


يعني الطيب مايغلط ؟ الطيب ماعنده ذنوب ؟


آلله يهديهآ ويسآمحهآ يآرب ، ومثل ماقالت اختي تحت ظلك


تقدرين تسوين لهآ رسآله وتكتبين فيهآ نصآئح للعبره والاتعاظ ، بس الأفضل خليه من يدج انتي


يعني خليه من طريقة كلامج ولهجتج ولهجتهآ ، يعني اذا جافت ان الرسآله مكتوبه بالعربيه الفصحه


مآرآح تقول ياتراا مين ارسلها لي وو .. آلخ


بس لو خليتهآ بأسلوبنآ الاعتيآدي جذي بتستحي من نفسهآ وبتتفشل وان شاء الله تترك الذنب القبيح اللي ارتكبته


ويسلمو على اهتمامج فيهآ وفي مصلحتهآ هذا يدل على انج وفيه وخآلصه ، وتهمج مصلحتهآ

 

[أحبك أمي]

اسمعي حبيبتي
برامج التوصل الاجتماعي صائر كل شيء فيها سهل
يعني اكتبي اي كلمه يطلع لك بلاااوي
أتوقع حتى المراهقين صاروا يعرفون كلشششش
فالإنسان بطبعه يحب يبحث ويطلع هذي الشي
ترا غريزه مو شيء عيب او قذر
صح خطاء ارتكبته بس مو تكرهينها الى ندرجه

 

[لهفه لقاء]

الله يهديها

 

[shak!shoka]

دزيلها اشيا دينيه

وبس مالج حق تتدخلين اكثر من جذي لان هاذي امور خاصه و شخصيه
وشي بينها وبين ربها

اكيد خوفج عليها شي حلو بس انتبهي ان في خطوط حمرا