%افكار هدايا هاند ميد للبنوتات المراهقات الفنكيات% ما تخرب الميزانيه وكول%

[بنوته@كيوته]

السلام عليكم ورحمة الله وبركاته

شلونكم بنات يا رب باحسن حال

اليوم انا موضوعي يخص البنوتات المراهقات الفنكيات إللي لما الحين ما اشتغلو وما عندهم معاش علشان يشترون هدايا حيل غاليه

خصوصا لو كان الشخص إللي بعطي الهديه رفيجتي حيل المقربه كلش وبينا ميانه او اختي العوده او حتى اختي الصغيره

تقدرين تسوين هديه كووول ومن مصروفج وما ترهق الميزانيه لان احيانا يصادف عيد ميلاد شخص وانا مو مستعده ..صح؟؟

بغض النظر انا شخصيا طول عمري احب هالنوعيه من الهدايا ويضيق خلقي لما وحده تييب لي عطر او ساعه

احس نفسي كأني غريبه عنها بس استانس لما احد يعطيني شي من صنع ايده وتكون كيوت وكووول احس لها طعم غير

(ملاحظه: الحين الموضه الدارجه بالهدايا انج تيبين بوكس كبيير وتملينه شغلات وااايد فناتق يعني تخلينه وشوي شوي تضيفين عليه اغراض لما يصير موعد عيد ميلاد رفيجتج او اختج تقدمينه .. موضوعي يخدم هالنوعيه
من الهدايا ويجاري الموضه )

(ملاحظه: في بنات يحسون انهم مقصرين بحق الشخص إذا قدمو له هدايا بسيطه.. لكن لو كان الشخص قريب كلش وميانه وكووول راح يحس بقيمة الهدايا رغم بساطتها وراح يقدر انج مو موظفه وانج طالبه كيوته)

بوريكم بعد شوي هديه انا مسويتها وما كلفتني 2 KD تصوري!!!؟؟ :eh_s(12):


بس اول اوريكم افكار الهدايا وبعدين التتوريال


بسم الله الرحمن الرحيم


ممكن تحطين بالبوكس شوكلت بار بس تسوين له ظرف كيوت



هذي افكار لأظرف بار الكاكاو



وممكن تحطين بالبوكس MUG او حتى ممكن تقدمين الMUG بروحه





الصورتين إللي فوق حاطين داخل المق اظرف كبتشينو سريعة التحضير ومارشملو وكيكه انت ممكن تضيفين شي لذيذ مع اظرف الكبتشينواو الهوت شوكلت وتغلفينه على ذوقج


والمق إللي تحت مسوينه مثل بوكيه وتقدمينه علشان الواحد يفرح بالورد ويحتفظ بالمق :eshrab::blueSmCLR:



وممكن تقدمين حلويات من صنع ايدج - إذا كنتي شاطره بالطبخ - وتغلفين الهديه بطريقه كووول




الله انا مره صديقتي اهدتني مربى فراوله هووم ميد ما تصدقون اشكثر فرحت بالهديه ولها طعم ثاني



وممكن تقدمين هديه في برطمانات Jar هم هذي ممكن تضيفينها بالبوكس إللي تكلمت عنه





شفتي الصوره إللي تحت هذي خلطات جاهزه للبروانيز للكوكيز والكب كيك إذا كانت صديقتج تحب الطبخ

تقدرين تهدينها هالهديه في Jar كيوت ومزين بس لا تنسين تحطين الطريقه تحت البرطمان :080402ask_prv:



ممكن تعطين هديه لصديقتج نوت بوك او كارد بس يكون مزين على ذوقج




هذي افكار للتزين النوت بوك والكاردز



انت شاطره بالكوروشيه؟؟





سوي فناتق بالكوروشيه وقدميها .. صدقيني صديقتج راح تفرح فيها حيل وخصوصا لو اعرفت انها من صنع ايدج



وهذي افكار منوعه





ممكن تهدينها بروش.. نبته غريبه تسقيها كل يوم .. (هذي نبتة الزنجبيل سبحان الله شكلها رووعه انت ممكن تقدمين صباره صغيره متوفره بمحلات الورد على دينار وااايد يشوقون)

مخده من الجوخ انت مسويتها .. او حتى بوب كورن (بالصوره قاسمين بين النوعين بكرتون مقوى)


هذا اول قسم لموضوعي .. الحين بعرض لكم القسم الثاني لموضوعي وهوه التتوريال لأشياء تقدرين تسوينها بإيدج
تجميعي+تطبيقي

بلييز بنات لا تردون بعد ما خلصت​

 

[بنوته@كيوته]

الحين بضيف القسم الثاني من الموضوووع



1-طريقة عمل زينه تحطينها على الباب او المرايا لزوجج او اختج باوراق نوتة الموسيقى واوراق الكتب (نفس رقم 1)





2-تحتاجين كرتون مزين - جليتر - اوراق نوتة موسيقى مقصوصه على شكل قلب وخرمه من الجوانب - اوراق كتاب مقصوصه طوليا- شريط تور - ماده لاصقه - اهني مستخدمين قلب من كوروشيه - إللي مو عارف يسويه وما يلقى جاهز
ممكن انت تحطين اي شي على ذوقج (صوره 2-3-4)

3- شفتي الالاوراق الطوليه بصوره (4) راح تسوينها مثل الاوكارديون (نفس صوره 5)

4- تلزقين الطرف بالطرف

5- تبتدين ترتبين شكله وتضمينه على بعضه وتثبتينه نفس صوره (7-8)







6- تثبتين عليه قطعه مدوره لزيادة ثبات الورده 7- ثبتي القلب الكوروشيه 8- قصي من الورق اللامع شكل دائره (صوره 11)

9- وثبتي تحت الورده (صوره 12 ) وثبتي الشكل كله على واحد من القلوب

10- زيني القلوب بالجليتر ووصليهم ببعضهم بعض بالتور

11- قصي باقي احرف كلمة LOVE وثبتي على باقي القلوب 12- صوره 16 الشكل النهائي





2-طريقة عمل بوكيه الحلويات





تحتاجين اعواد خشب مزينه بتيب اخضر (ممكن تزينينه باي لون يعجبج)-فاز ماليتها قش الورق
مقص قطاعه حلاو بيبز(نفس المارشملو بس عليه شكر ممكن تستخدمين المارشملو (خد البنات) وحلاو جيلي على قلب
(ممكن تستخدمين اي شكل) - شرايط للتزيين

الطريقه:

الصور واااضحه ورقم 8 الشكل النهائي



3- طريقة عمل تب الحلويات




تيبين تب وتحطين فيه فلينه وبعدين تزينينه بالقش الورق

وعقبها تيبين الحلويات إللي على ذوق صديقتج وتثبتينها باعواد من خشب وبلاستك نفس الصوره رقم 5

صوره رقم 6 الشكل النهائي بعد ما تزنينها على ذوقج (ممكن تزينين التب ببالون او ورد)




4- هدايا من الصابون





تحطين ورقه مقوى على الشكل إللي تحبينه وتبتدين تنحتين الصابونه بالسكين

وتحطينه في كيس رقيق


(ملاحظه اعجبتني الفكره وحبيت اسوي هديه من هذا التكنيك)



هدية الصابون المنحوت من تطبيقي





نحت الصابون على شكل قلب

لزقت استيكر ابيض (نفس طوابع المدرسه) وزينته

سويت من الشمع شكل نجمة البحر وزينته بستيكر لامع وثبت عليه سلسلة ميداليه قبل ما يتجمد الشمع

ملاحظه : تشكيل الشمع شرحته بوضوح واسهاب بهالموضوع

http://www.q8yat.net/showthread.php?t=677578

يبت صحن من سوق بو 100 من زجاج ازرق شفاف وحطيت عليه قش من ورق

زينته بالقواقع (من سوق بو 100 ) وثبت على المحاره لولوه (هم من سوق بو 100) وحطيت زيت
عطري بريحة السينامون (الزيت المستخدم للمبخر الفخار) للريلاكس (كله من سوق بو 100)

وبعدين غلفته بالسولوفان


اشرايكم بالشغل ؟؟ مو صح حلو؟؟ كل هذا ما كلفني حتى دينارين تخيلووو:fun22:



خلص موضوعي اتمنى انه يكون مفيد وممتع .. واحب اشكركم كلكم لولا تشجيعكم لي ما كنت تشجعت اعرض لكم مواضيع

حلوه تستاهلونها

ابي منكم الدعوه الحلوه يا الغاليات لاني تعبت وااايد وانا اجمع الصور :cxxxp:

مشكوريييين يا حلويييين​

 

[ام بشبش]

رررررررروعه

يعطيج العافيه

 

[غراس الوفاء]

ررروعه يسلمووووووو

 

[السحابه الوحيده]

ماشاء الله عليك
افكااااااارك رووووووووعه
وصحيح البنات اللي توهم هابين بهالأفكار

 

[بنوته@كيوته]

ميرسي حبيباتي على المروووور الرائع نورتوني

 

[معكرونه أسبكتى يم يم]

رد : %افكار هدايا هاند ميد للبنوتات المراهقات الفنكيات% ما تخرب الميزانيه وكول%

شغل عدل وافكار وايد حلوه

 

[doOody]

ماشاء الله علييج بالضبط هذا اللي ادوره


وفعلا ملينا من العطور والساعات

هذي الاشياء يكون لها معنى ومتعوب عليها

كملي ومتبعينج انشالله وعطينا افكار حلوة

 

[M!Ss 3B8RiNOaH]

رد : رد: %افكار هدايا هاند ميد للبنوتات المراهقات الفنكيات% ما تخرب الميزانيه وكول%

يونسون سيفته بال favourites لان احسهم صراحة احلى من الهدايا الجاهزة وعاد يايني وقت ابي فيه هدايا وايد

يسلمو حياتي وناطرين جديدج

 

[اخت أخوها]

ما شاء الله تبارك الرحمن
شغلج وايد حلو
تسلم يدينج

وأفكار حلوة للهدايا
الله يوفقج ويسخر لج عباده الصالحين

 

[Mzajii 9a3b]

رووووعه

خووش أفكار والله


ثينكس حبي *;

 

[فوقهن و تسواهن]

رد : %افكار هدايا هاند ميد للبنوتات المراهقات الفنكيات% ما تخرب الميزانيه وكول%

وااااااااااايد حلويييييييين صراحة خوش افكار ياقلبي يعطيج العافية

 

[أورلاسو نوفاز]

الله يوفقج وينولج اللي ابالج

لانا فعلا جهد متعوب عليه لذلك تشكرين جزيل الشكر عليه يا مبدعه

 

[D@LoOoL]

رووووووووووووووووووعه






يعطيج العافيه حبيبتي ماقصرتي

 

[بنوته@كيوته]

شغل عدل وافكار وايد حلوه

حياتي تسلمين يا رب :eh_s(22):

يونسون سيفته بال favourites لان احسهم صراحة احلى من الهدايا الجاهزة وعاد يايني وقت ابي فيه هدايا وايد


يسلمو حياتي وناطرين جديدج

اي والله ملينه .. يا بعد عمري يا عل ايامج كلها اعياد وفرح ويا رب تتوفقين بعاشر :fun:
حياج الله يا قلبي من عيوني :eh_s(17):

ما شاء الله تبارك الرحمن
شغلج وايد حلو
تسلم يدينج

وأفكار حلوة للهدايا
الله يوفقج ويسخر لج عباده الصالحين

مشكوووره يا قلبي على هالدعوه الحلوه يزاج الله خير ويا رب ل مثلها واحسن منها :eh_s(22):

رووووعه

خووش أفكار والله


ثينكس حبي *;

حياج حياتي :ceaf32e183:

وااااااااااايد حلويييييييين صراحة خوش افكار ياقلبي يعطيج العافية

منورتني حياتي ميرسي :sfg:

الله يوفقج وينولج اللي ابالج

لانا فعلا جهد متعوب عليه لذلك تشكرين جزيل الشكر عليه يا مبدعه

يا بعد عمري يجزيج الخير على هالدعوه الحلوه ويا رب لج اضعافها يا رب العفو يا قلبي تعبكم راحه :eh_s(22):

رووووووووووووووووووعه






يعطيج العافيه حبيبتي ماقصرتي

يعافيج حياتي منوره كلج ذوووق :eh_s(17):

 

[^noonaa^]

رووووعه واااااااايد عجبني الموضوع

وخصوصا المراهقات تحتارين شنو تهدينهم

ومشكوره حبيبتي

 

[فاقده حنان ابوه]

وايد حلوين
...........

 

[بنوته@كيوته]

ماشاء الله علييج بالضبط هذا اللي ادوره


وفعلا ملينا من العطور والساعات

هذي الاشياء يكون لها معنى ومتعوب عليها

كملي ومتبعينج انشالله وعطينا افكار حلوة

حياتي مشكووره على ردج الذوق

فعلا لها معنى وقيمه وانا احب الهدايا الهاند ميد لان قيمتها اغلى من الفلوس

يشرفني مروورج ومتابعتج

:balo:

 

[بنوته@كيوته]

رووووعه واااااااايد عجبني الموضوع

وخصوصا المراهقات تحتارين شنو تهدينهم

ومشكوره حبيبتي

العفو يا صديقتي الحلوه منورتني دايما بمواضيعي
مرووورج الاروع ومشكوووره على كلامج الطيب

:eh_s: :blueSmCLR: :eh_s: :blueSmCLR: :eh_s: :blueSmCLR:

 

[CAT]

رد : رد: %افكار هدايا هاند ميد للبنوتات المراهقات الفنكيات% ما تخرب الميزانيه وكول%

يعطيج العاافية ع المجهود والموضوع والفناتق الحلوة ^_*
الأفكار روووعة وتونسس
مشكورة وماقصرتي