اغراض المستشفى حقج وحق البييي تفضلي

[جنى q8]

السلام عليكم ورحمه الله وبركاته
خواتي هالموضوع منقول للامانه واستفدت من الاخت وايد فقلت افيدكم انتوا بعد
تفضلوا


شخباركم حبايبي انشالله بخير ...
شلونكم مع الحمل عسى الله يهون علينا ياااارب
هذا الموضوع كنت كاتبته قبل سنتين
يوم كنت حامل ببنتي الحين احتجته مره ثانيه ورجعت نزلته لكم عشان تستفيدون


هذي اغراض المستشفى جمعتها من المنتديات وكتبتها عندي بورقه
وانشالله اذا دخلت الثامن بجهز اغراضي ...
بس قلت لازم افيد حبايبي وبكتبها لكم .....بس عليكم تسوون كوبي ..

على فكره مانسوي استقبال بالمستشفى بس القرايب يجون زياره مريض عاديه وكل زاير يجيب معاه شوكلت وقهوه
فأنا مو مسويه حساب استقبال .....اغراضي العاديه ...

-فوطه كبيره للجسم وصغيره للشعر
-* قمصان مريحه او بجامه ..
-* قمصان ستان تلبسينها اذا بيجيك زوار
-ملافع
- شبشب
- * سروال طويل
-دلاغات
- 6 ملابس داخليه <<يزيد ولا ينقص
-3 ستيانات مريحه للرضاعه
- عبايه للطلعه
- بودره
- ديودرنت
-فرشاه اسنان
- مرطب شفايف <<اتوقع الشفايف تجف بعد الولاده
-مشط للشعر
- شامبو وبلسم
- لوشن للجسم
- مرهم للحلمتين من الصيدليه
- فوط صحيه قويه الامتصاص << المستشفى يعطون بس خذي احتياط
- سيشورا
-كيس بلاستيك كبير للملابس المتسخه
- صابون ايدين
- اسفنج الصدر (Pads)
-كلينكس
-كلينكس مرطب
-كحل
-شاحن جوال
-بخور (عووود بس لانه غيره يشم) ومبخر كهرب
-دهن عود
-كاميرا
-بطل ماي صحه مع مره
- ساعه
-كلبات شعر
-مقص اظافر ومبرد
- عطر قوي تحطينه وقت الولاده عشان يخفف الشمم عليك بعدين << مجررب
-مفرش ناعم للسرير (انا ما احب مفرش المستشفى )


الحين نجي لاغراض البيبي
-3 بجايم للبيبي
-3 مهادات
3 كبابيس
-5 تبانات
- طقم كامل كشخه تلبسينه اذا بيجيك زوار ..
- * فوط الصغار
بالنسبه للحليب والحفاظات اتوقع المستشفى يوفرونها لك ما يحتاج تاخذين...

وهالفكره اخذتها من وحده بالنت وعجبتني
تحطين كل طقم مع بعض بكيس وتدبسينه
يعني بجامه مع كبوسها مع تبانتها مع مهادها
وتسكرين عليها وبس عشان تصير اغراضك مرتبه

واللي عندها اضافات لاتبخل علينا ...
ياريت ترفعون الموضوع عشان يصير بالصفحه الاولى

تحياااااتي
ام غلا اخت سعود

 

[جنى q8]

طبعا انا مو ام غلا &#55357;&#56841;

يزاها الله خير ام غلا
فادني بولادتي الاولى والحين قاعده اجهز حق الولاده الثانيه ولله الحمد والمنه

 

[راحيل العبدلي]

جزاج الله خير
والله يسهلها علينا جميييع يا رب ☺

 

[عسل حدي]

رب لا تذرني فردا وانت خير الوارثين

 

[.:lady bug :.]

جزاج الله خير خوش موضوع

 

[Gatwa DaloO3a]

الله يعطيك العافيه بس وشو الشمم ؟؟ انا ماجربت الحمل والولاده ... الله يحفظك

 

[الـجـوري]

احلى مووووضووع قريته .. يسلمووووووووووو


بصرااحه جداً مفيد .. يعطيج العافيه ع النقل

ويعطيها العافيه اللي كاتبته ..

بنسخه واحطه بالملاحظاات ..



شكراً مَرّھٌ ثاااانيه ؛)

 

[joyful]

thank u

 

[أبكاني ذنبي]

يعطيج العافيه حبيبتي

 

[Ranoon]

من وجهة نظري في شغلات مالها داعي !!!!

استشوار شعر حق شنو. !!! بنعم شعري
ومالي خلق اساسا !!!!
البس ملفع وبس !
وهم بخور ماله معنى !!!!


أنا بكريه واكتب وبجهز جنطة مستشفى
وكم جنطة اخذ لي ؟
اعتقد وحدة ما تكفي لازم ثنتين صح ،،؟


بالنسبة أغراض بيبي ما اعرف كم بدلة أحط ؟؟؟


وأجيب معاي كيس بيبي او شنو ؟
وبطانيه بيبي او لأ ... ؟

 

[M!SS.LOBY]

يعطيج العافية

 

[M!SS.LOBY]

شكرا

 

[Aloe Vera]

انا ما اييب سشوار لان المستشفى فيه صالون ايونج الغرفة يسشورون لج شعرج
و ملابس البيبي لازم اكثر بحدود ال٨ اطقم كامله و احتياط جم اوفرول زيادة

 

[حنين الفرح]

بالعكس انا بالنسبه لي مهم البخور واشتري العود الاصلي

 

[@أم يوســـف@]

جزاج الله خير

 

[درة التاج]

من وجهة نظري في شغلات مالها داعي !!!!

استشوار شعر حق شنو. !!! بنعم شعري
ومالي خلق اساسا !!!!
البس ملفع وبس !
وهم بخور ماله معنى !!!!


أنا بكريه واكتب وبجهز جنطة مستشفى
وكم جنطة اخذ لي ؟
اعتقد وحدة ما تكفي لازم ثنتين صح ،،؟


بالنسبة أغراض بيبي ما اعرف كم بدلة أحط ؟؟؟


وأجيب معاي كيس بيبي او شنو ؟
وبطانيه بيبي او لأ ... ؟

سلام عليكم
حبيبتي أخذي جنطة وحدة كبيرة فيها أغراضك وأغراض البيبي
روحي الأسواق المركزية اشتري الطقم الي يكون كامل البيبي مثل اللبس مع المهاد ماله ولا تفتحينه من الكيس ماله
حطي معاه اللبس الداخلي مال البيبي وكبوس
أخذي معاك 8 أطقم
أخذي بطانية البيبي
كيس البيبي يرجع لك انا ما أخذ معاي لأني أسوي استقبالي بالمستشفى والبيبي يكون عن جناح الأطفال
لك انتي يعتمد عليك انتي شنو تحبين. تاخذين وانتي بنفسك تقررين شنو تاخذين بس اهم شي خلي معاك المرة
الله يهون عليك:eh_s(7):

 

[Aloe Vera]

من وجهة نظري في شغلات مالها داعي !!!!

استشوار شعر حق شنو. !!! بنعم شعري
ومالي خلق اساسا !!!!
البس ملفع وبس !
وهم بخور ماله معنى !!!!


أنا بكريه واكتب وبجهز جنطة مستشفى
وكم جنطة اخذ لي ؟
اعتقد وحدة ما تكفي لازم ثنتين صح ،،؟


بالنسبة أغراض بيبي ما اعرف كم بدلة أحط ؟؟؟


وأجيب معاي كيس بيبي او شنو ؟
وبطانيه بيبي او لأ ... ؟

يحليلج صج بجر

السشوار ظروري اذا المستشفى مافيه خدمة صالون شلون الناس تبتزورج لازم تكونين سابحة و شكلج حلو و مرتب
و الغرفة تبخرينها لي يوج زوار شي طبيعي و من حسن الضيافة

و تاخذين جنطة فيها اغراضج
و جنطة ثانية فيها اغراض البيبي كل طقم بجيس نايلون عشان لمن تطلب النيرس ملابس يكون سهل عليج تعطينها الجيس فيه كل شي فانيله و اوفرول و كبوس و دسوس و مهاد و صدرية

و طبعاً لازم جيس البيبي و كمبل دافي

 

[جذابه بنت ذيابه]

الله يجزاج الف خيرر


انا جذي بولاداتي و هالولاده لما ادخل الثامن هالاساابيع بررتب الجنطه وافضضل تحطين كل بدله للبيبي بجيس

 

[beauty rose]

يعطيج العافية رحت جيكت على اغراضي :d

 

[So MuCh PaIn]

بنات بغيت اسأل
احط حقي فوطه وروب الفوطه و لا فوطه كبيره تكفي .. لانه الروب يأخذ مكان