اعزكم الله الصراصير تغزو بيتي ساعدوني

[ام ميدوتي]

السلام عليكم هذي اول إمرة اشوف فيها صراصير اكرمكم الله فبيتي وعندي ولدي فيه ربو يعني مايسواله الرش والمبيدات شفت باليوتيوب عن لاصق اسمه كيك اواي بس المشكلة موجود بالسعودية بس لان اختراع سعودي فتكفون منو تقدر تحصله وولله ادعيلها أنا وولدي المريض من قلب وتكفون رفعوا الموضوع جزاكم الله خير

 

[عطوره الكويتيه]

حبيبتي اخذي جريده الوسيط وتلقين عجينه للصراصير مالها رائحه ولا شي وبيوم واحد تذبحهم كلهم تهبل والله هالعجينه

تجيج شركه وتحط بكل مكان عجينه الصراصير حتى العجينه صغيره حيل ماتبين بالبيت

واحسن لج ولولدج بدون رش

والله يخلي ولدج لج يارب ويشفيه

 

[some one waw]

الله يشفي ولدج ياارب

واب لعيونج

 

[&موناليزا&]

عزيزتي رفع لعيووووووووونج

 

[ام ميدوتي]

السلام عليكم بارك الله فيكم ويعل ربي يوفقكم ويبلكم فيعيالكم مشكورين ما قصرتو بس عندي بنتيتي صغيرة للحين ما دشت المدرسة اخاف تأكلها ماذيتني اي شي تشوفه تاكله حتى تراب مال الزرع تاكله،فما اقدر أحط عجينة

 

[عطوره الكويتيه]

عجينه صغيره تلصق بالطوفه فوق يعني ماتقدر تمسكهاا

وما تكتشف مكانها لان ماتبين العجينه

وانتي براحتج يالغلااا

والله يخلي لج عيالج ياارب

 

[الغلا*]

يعطيج العافية
صج العجينة تذبح الزهيوية بكل الاحجام وجم مدتها وايهو احسن الرش ولا عجينة
وحنا ع ابواب الصيف وهذا وقت
طلعتهم
وبغيت اسأل في اكثر من محل بالوسيط
اذا كنتي تعرفين محل مضمون لانة في بعضهم يحطولج شي مغشوش

ويعطيج ألف عافية

 

[ام ميدوتي]

عجينه صغيره تلصق بالطوفه فوق يعني ماتقدر تمسكهاا

وما تكتشف مكانها لان ماتبين العجينه

وانتي براحتج يالغلااا

والله يخلي لج عيالج ياارب

السلام عليكم حبيبتي. مشكورة ما ما قصرتي جزاج الله خير مشكورة بعد عمري

 

[om.googi]

خالتي عندها مبيد يقضي على حشرات الييران بعد << قويـة هاا هههههه

مادري شتخلط خالتي طبعا تاخذ من جم شركة << مو هينة هالخالة ,,

وترش البيت بس لازم ما يكون فيه أحد بو نص يوم

والريحة خفيفة ولازم اتهوون البيت وترشونه وتطلعون ,, عالليل بخرووه ولا كأن في ريحة

والله راشينه أكثر من 5 سنين ولا سلـّم علينا زهيوي واحد ولا فيران ولا حتى دود أو البق نفسه ,,

العموم اخذ منها امي واختي ,, بس تسوين تجديد رش كل سنة مرة احتياط ..

لا صيف ولا لشتى راح يطلعون ,, للي يبي المنتج يقولي واللي يبي ينرش بيته أو شقته بالكامل يقولي
( لأن الرش مو أي أحد يعرف له << بقت الخبرة من خالتي هع )

لحد يستحي هذيلا زهيوية آفـة المطبخ والحمامات (تكرمون) ,,

ويييع خاصة اذا كان كبير ويطير تعالي لعبي صيدة مصيدة ,, ههههه.​

 

[عطوره الكويتيه]

والله ماعرف شركه معينه بس احنا حاطين العجينه في بيتنا وربي ماشفنا شي من الزهيويات
ومالها لا ريحه ولا شي عجينه صغيره حيل وتهبل بعد

 

[BaBy_SMiLe]

ديربالكم من المبيدات الحشرية القوية وخلطهم بنفسكم

الافضل تدقين على شركة مختصه وخاصة عندج ولد فيه ربو و وقتها خلي عيالج عند اهلج

لان احتمال اذا مبيد رش راح يطلعون بشكل مو طبيعي بس العجينه حيل يمدحونه ضد الصراصير والقوارض وكلش ما تبين

 

[ماريي]

السلام عليكم
مقادير عجينة الصراصير حمض بوريك من الصيدلية حطى نفس المقدار حليب بودروة ونصف المقدار سكر وماي وشوية طحين واعجنى العجينة وطبعا لابسة قفاز في ايدك واعملى كور صغيرة وضعيها في الاماكن التى ياتي منها الصراصير وان شاء الله تختفي نهائيا