اعترف مجنون في حبك رغم عقلي الكبير

[Zozαĺiиaђ]

وييييييييينج ؟؟

بلييييييز لااا تطولييييين

 

[Combtaitya]

انا تابعت قصتج من البدايه وتحسفت ليش مارديت لانج والله تستاهلين القصه حيل حيل حيل حلوه
مييزه ومبدعه والله وأسلوبج ولا أروع ,’ قواااج الله ويعطييج العآفيه

وبنتظآآر البآرت الأخييييييييييييييييير على نآآآر

بس حسسافه موبي القصصه تخلصصص



توقعآتي .. / :

كآرولا , ييآرا : رأح يعيشون مع زيآد وضاري وزياد راح يتزوج كآرلا
واتوقع مشاري ويارا ماراح يكملون حسسافه

ورود : حقيييييره حقيييييييره ليش تسوي جذي حمدالله وشككر , بس بتشوفه وين بيروح يعني
وراح يتحسسف فآيز

فيصل وريمآ : راح يتزوجون ويكملون بسلام
وحتى عبدالمجيد وأمثآل < صح أمثآل زوجته ولا خربطت

وجنى و رآئد : رآح يفترقون


أمآآآآآآنه لا تكون النهآيه حزيييييييينه لاني اكتأب وفترة امتحآنآت لالا خليهآ حلوه

وبسسسسس

يعطييييييييييييييييييج العآفيه يا حلوه

 

[نفسي مضايقتني]

لااا امبييه كاارلاا مسكيينه مااتستااهل

وهالورود حقييييــــــــره انشااالله مااتتزوج زيين وتقعد عاانس

بلييييييييييز كملييييي

 

[Mrs Prada]

الروايه وايد حلوه يسلموووووووووووووو

 

[برنسس أوراق]

يسلمووو عالردود الحلوووه بنااات واللي كانت متابعتني من ورا الكواليس حياج الله شرفتي..

معني ما كانت بنزله اليوم لاني تعبت بس والله عشانكم


البارت السادس والعشروووون
والاخير

بالمستشفى اللي يشتغل فيه مساعد


وبالتحديد بمكتبه الخاص بأمراض النسا والولاده


عبدالمجيد يحس هموم الجبال فوق راسه: شصار معاك؟؟

مساعد تنهد: ابوي مثل منت عارف دكتوره يقول انه بالعنايه المركزه وحالته مو مستقره واحتمال يصيبه شلل نصفي اذا ما قعد خلال اربع وعشرين ساعه

عبدالمجيد نزل راسه بالارض: ادري..الله يقومه بالسلامه..اقصد يارا

مساعد : والله ما ادري شقولك ياخوي...كانت حامل
فيصل همس: كااانت
مساعد تنهد: ئي اجهضت لانها ما قدرت تتحمل الطق..
عبدالمجيد بهدوء: بس..
مساعد كمل:حالتها النفسيه متدهوره واحتمال تدخل باكتئاب
عبدالمجيد تنهد ودخل ايدينه بشعره: ياااااااااااااااارب
راكان كمل عن اخوه: انزين وهذيج الحيوا...

فيصل قاطعه: راكان ترى احنا مو ناقصينك..سكر حلجك شوووي
راكان قام واهو معصب: كله منها..الحيوانه بنت ال..اهي اللي فضحتنا..كل اللي صار من ورا راسها ياليتها مايت..ياليتها ماتت

مساعد وقف: لا حول ولا قوة الا بالله

عبدالمجيد وقف: وين؟؟

مساعد: بروح اتطمن على كارلا ويارا بمر افحصهاا

فيصل : بيي وياك
عبدالمجيد: روحوا انتوا انا ناطر عمي محمد قال بيي يتطمن على ابوي


>

>

>

>

وبالغرفه اللي فيها يارا

منسدحه وويهها شاحب من المرض وبيدها الدريب وشفايفها ناشفه وغصب تبطل عيونها من الانتفاخ اللي فيهاا

دخلوا عليها مساعد وفيصل

فيصل قعد عندها وباس جبينها: يارو الحمدلله على سلامتج

يارا نزلت دموعها ولفت عنه :...............

مساعد تنهد جيك عالدريب وقاس ضغطها وحط السماعات على صدرها يفحصهاا: اخذي نفس

يارا تنفذ بدون كلام : ............

مساعد اخذ الفايل حقها يسجل فيه ملاحظته: الحمدلله كل شي تمام..نبضج مستقر بس يبيلج راحه وتغذيه عشان تعوضين الدم اللي فقدتيه

يارا حطت ايدها على بطنها وضغطتها بقووه: ذبح ولدي

فيصل ومساعد طالعوا بعض بضيق : افففففف

فيصل مسك ايدها وباسها: يارو حبيبتي إن شاء الله ربي بعوضج..
يارا بحده: لاااا..مابيه..قولو له يطلقني

مساعد انصدم: شنووو...يطلقج؟؟
فيصل : من صجج يارا..ما يصير من اول مشكله تصير بينكم تتطلقون..حرام انتي صغيره والعمر جدامج..وبعدين لازم تعذرينه..اهو ما كان بوعيه..احنا بنحاسبه علي سواه بس مو بالطلاق

يارا بدموع هاديه: هااذي مو اول مره يمد ايده علي..انا قتله من قبل انه لو عادها ما راح اسكتله..اللي بينا انتهى..قولوله يطلقني..

مساعد يسكتها: انزين بنقوله بس انتي اهدي الحين ونامي..

يارا غمضت عيونها ونامت..وظل عندها فيصل وطلع مساعد يكمل جولته على مرضاه..



ثاني يوم الصبح


قعد ابو عبدالمجيد وحالته شبه مستقره لكنه مر بأزمه قلبيه قدروا يلحقونه بأخر ثانيه اهم شي انه تعدى خطر الشلل

وعياله وزياد وضاري نسايبه كلهم تيمعوا عنده

ام عبدالمجيد : سلامتك يالغالي..سلامتك ياتاج راسي..خطاك السو

ابوعبدالمجيد بتعب: خطاج اللاش..سامحيني طيبه ما عرفت قدرج واخطيت بحقج وايد لما حطيت عليج وحده ما تسوى لكن الحين لااا..(والتفت لولده) وينها القح..

البنات ريان وريماس ومنتهى شهقوا من قوة الكلمه : هئئئئئئئ
عبدالمجيد عصب بس ما قدر يرد على ابوه: منومينهاا بالجناح

ابوعبدالمجيد: يعلها تموت..اسمع إذا طلعت من المستشفى مابيها ابيتي..

عبدالمجيد انصدم: شنوووووو؟؟
مساعد بسرعه: وين تروح يبه؟؟ حرام هااذي بنتك من لحمك ودمك..اشلون تتخلى عنها وانت ما تأكدت اذا هي مظلومه ولا لأ

ابوعبدالمجيد بحده واهو يكح: لا تحاولون..كح كح كح..فضحتنا الله ياخذها..مابيها ابيتي..شوفوا لها اي واحد زوجوها وفكوني منها

فيصل: من صجك يبه شنووو

ابوعبدالمجيد عصب: اللي عندي قلته..مابيها لا هي ولا اختها..لا بارك الله فيهم من بناات

عبدالمجيد ماسك نفسه غصب: من صجك يبه..وين نوديهاا..بنيه هااذي مو ريال عشان تطردهاا
ابوعبدالمجيد انفعل: مابيها عندي..زوجوها..كح كح كح
زياد صدم الكل: انا اتزوجهاا

الكل انصدم: انت؟؟

ام مشاري: ئي ياخوي بس...

 

[برنسس أوراق]

زياد : لا بس ولا شي..انا ابيها..من الاول كنت ساكت وما ييت الملجه عشان ما اشوف غيري ياخذها مني..لكن دام صارت السالفه جذي انا ابيها..وانا متأكد ان ورا هالسالفه فعل فاعل ومتأكد انها برئيه

عبدالمجيد: بس انت خالي واهي اختي..

زياد : كارلا ما تصير لي شي..محرمه علي..يعني تحل لي إذا خذيتهاا

ابوعبدالمجيد ما صدق: وانا موافق..باجر الصبح تعال نروح المحكمه ونملج وتاخذها لبيتك وليوم الدين ماني راضي عنها ومابي اشوفهااا

مساعد مصدوم: يبه انت تعبان ومحتاج للراحه اشلون تطلع باجر
ابوعبدالمجيد: كح كح كح..تعبان مو تعبان..اطلع وايي..المهم افتك من هالفضيحه

طبعا الكل كان ساكت ومحد راضي عن اللي يسويه غير ورود

اما عبدالمجيد عصب وطلع واهو يتوعد للي نشر هالمقطع

زياد وأخوانه طلعوا وراه: عبدالمجيد..عبدالمجيد

عبدالمجيد بنفس: خييييييير تراني مو طايق نفسي

زياد ابتسم: ابيك شوي

عبدالمجيد: وانا ما ابيك ..عاجبك اللي سويته يعني..
زياد : تعال معاي وبس..

سحبه معاه للاستراحه وقعد وقعدوا معاه

عبدالمجيد زهق: افففففف
زياد بهدوء: اول شي من شاف البلوتوث فيكم
عبدالمجيد عصب: يايبنا عشان هالسؤال الباااايخ
زياد : انت رد علي وانا اقولك ليش اسأل؟؟

فيصل رد: انا شفته

زياد بجديه: وين كان؟؟ يعني وين مصورينه..مسبح..شقه..وين بالضبط؟؟

عبدالمجيد بصراخ: هيييييييييييييييي احترم نفسك
زياد طنشه: ماني راد عليك الا لما اخلص كلامي
فيصل بثقه: لااا بدارها
زياد سكت شوي بعدين قال: ومنو يقدر يدخل دارها غيركم انتو وخواتهاا
هني سكتوا : ...............
زياد كمل بخبرته كمحامي: انزين لما بدا المقطع شفتها مسكت فونها وحطته بمكان تقدر تصور نفسها فيه ولا بدا بروحه

فيصل يتذكر: ما ادري..اممم لااا بدا بروحه وكانت تبدل تلقائي وجنها مرتاحه او متطمنه
زياد : يعني شكلها ما كان شكل وحده تعرض جسمها وتتدلع وتضحك

عبدالمجيد دمه فاير: هيييي انت خلصناا
زياد ابتسم: اخر سؤال
فيصل : لااا عاادي..ما ثبت..ما شفتها عدل..

زياد سكت : .............
مساعد بترقب: شفيك سكت؟؟
راكان: خلصنا تكلم..شنو فهمت؟؟
زياد بهدوء : اللي صور المقطع وحده من البناات
كلهم مع بعض: شنوووووو
عبدالمجيد: شمصلحتها..شالحقد اللي يخليها تصورها وتفضحها بهالطريقه
زياد وقف: هاااذا اللي بروح اعرفه الحين

قام وقاموا كلهم وراه وراحوا لجناح كارلا

وكانت توها قاعده والسستر عندها تفحصها وتعدل لها المغذي وويهها مورم من الطق ومختفيه ملامحه الحلوه

اول ما شافتهم صدت بويهها عنهم: ...........

مساعد يا وقعد عندها: اشلونج اليوم؟؟

كارلا: ..................

عبدالمجيد قرب منها ومسح على شعرها بحنان: كارلا احنا مو مصدقين عنج اللي سمعناه
كارلا طالعت راكان وكأنها تقوله متأكد من كلامك: ............
راكان ارتبك: انا كنت معصب..يعني حطي نفسج بمكاني..
عبدالمجيد : المهم كارلا انتي تدرين ان زياد محامي ويقدر يثبت برائتج جدام الناس

كارلا طالعت زياد وبعيونها دموع: ...............

زياد : كارلا انا هني عشانج..انتي مستعده تشوفين المقطع وتقولين لنا منو اللي صوره لج او تتذكرين اي شي يساعدنا نوصل للي سوت فيج جذي
كارلا دمعت: ................
زياد تنهد ما قدر يتحمل دموعها او يشوفها بهالانكسار: ..............
فيصل راح لها وشغل الفيديو: كارلا لا تبجين هاااج شوفي وقوليلنا منو اللي صورتج جذي..
كارلا بجت وكانت بتدز الفون بيدها بس انصدمت وهي تشوف نفسها..هااذا المقطع امس..امس لما...وشهقت وحطت ايدها على حلجها: هئئئئئئئئئئئئئ ورود هااذي ورود اهي اللي كانت عندي امس وانا كنت مستعيله بلبس لاني بطلع مع فايز

عبدالمجيد انصدم: ورود!!
راكان عصب: انتي متأكده؟؟
كارلا خرت الاكو والماكو : ئي ئي امبلا انا متاكده اصلا اهي من انخطبت وهي تتوعد فيني وتقولي انا اوريج إذا ما اخليج تندمين..اهي اللي كانت تقولي ان فايز لازم يخطبها اهي مو انا

مساعد : الحيوانه..ليش سوت جذي ليش؟؟

طلع اهو واخوانه وظل زياد معاها..وكارلا دفنت ويهها بريولها وقامت تبجي

زياد انكسر قلبه عليها..يا وقعد عندها وبدون مقدمات حضنها بقوه لصدره: بسج بجي بسج والله ذبحتيني
كارلا ما صدقت احد يلمها..تمسكت فيه بقوه وصارت تبجي بحرقة قلب: اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ

زياد رفع ويهها بحنان: فايز طلقج
كارلا انصدمت: ..........
زياد همس بأذنها ورجع يلمها: بس انا حبيتج قبله..كارلا انا خطبتج من ابوج وباجر بنروح نملج واخذج معاي..صدقيني بحاول اسعدج واعوضج
كارلا بجت: موافقه..موافقه..موافقه..اهئ اهئ اهئ اهئ اهئ اهئ اهئ اهئ اهئ اهئ اهئ اهئ

زياد حس بالفرحه تغمر قلبه: انزين ليش تبجين؟؟
كارلا بدموع: لاني من اول ما عرفتني يارا عليك وانك خالها بالرضاعه واشوفك حنون عليها وتدلعها وانا ما اصير لك شي انقهر

زياد ابتسم ومسك ويهها بين ايدينه: لكن الحين بتصيرين لي اقرب منها..بتصيرين زوجتي حبيبتي..يابنت انا احبببببج..مجنون بحبج..
كارلا دفنت ويهها بصدره: .........
زياد همس: صار بينكم شي؟؟
كارلا فهمت عليه..بعدت عنه شوي واشرت على شفايفها: بس.....
زياد حس بالغيره شوي ورد لمها بقوه: انسيها وخليج معاااي..معاي انا وبس




اربط حزامك حبيبي باخذك منهم وأطييييييييييير
تصدق إني .. طول عمري ما احب الا الصعب
اعترف مجنون في حبك رغم عقلي الكبيييييير
ما اعجبك غيري ! أنا اللي راح أوريك العجــب
للـ فعل (ردة فعل) إلا أنت مالك أي نذييييييير
فجأه من الله احبك بليا افعال وسبب.



>

>

>

تـــــــــــــمـــــــــــــــــــــت


لكن قبل النهايه بقول لكم شصار وياهم : :


ورود خذت جزا اللي سوته والحين اهي قاعده ببيت ابوها عانس..وخواتها كلهم تزوجوا والكل درى انها هي السبب وطاحت من عيونهم والبنات هدوها وقطعوا علاقتهم فيهاا

مشاري رد يارا بعد ألف اعتذار واعتذار واهي عذرته لانه كان معصب ومو عارف الحقيقه ولان اختها الحين تزوجت خلاااص
والحين اهم عايشين بسعاده واهي حامل بالبيبي الاول


فايز ندم لما عرف الحقيقه..لكن الندم ما نفع وظل عايش مع ذكرياته وبس


رائد وجنى بعدما واجهوا الرفض من اهلهم
..قرروا انهم يتزوجون ويحطونهم تحت الامر الواقع..وفعلا طلعت جنى من بيت اهلها وتزوجته واهي عايشه معاه ببيت اهله اللي استقبلوها بينهم وسووا لها حفله والحين اهي معاه بشهر العسل
ومقرره تراضي امها وابوها اذا ردت


ابو مشاري واخوه متقاطعين..وعيالهم حلقة الوصل بينهم..وإن شاء الله يردون مثل ما كانوا

آخر شي زياد وكارلا..عايشين حياتهم حب بحب..بالطول والعرض والحين كارلا حامل وزياد ميت علما ايي ولده او بنته ويشوفه يشبه منووو

 

[برنسس أوراق]

وجذي اكون ختمت روايتي بينكم..حبيت اقولكم فيها..ان الحب يعيش مع التفاهم وايي بعد الزواج وما فيه شي يوقف بويهه اذا كان صادق وحقيقي..لا سني ولا شيعي ولا بدوي ولا حضري..بالنهايه احنا كلنا عيال الكويت..ومو شرط الانسان اللي برتبط فيه او بتزوجه يكون كبري..لا يمكن يكون اكبر مني بخمس او سبع سنين ونقدر نفهم بعض ونعيش حياتنا ..وشكرا لكل وحده تابعت القصه من ورا الكواليس او ردت عليهااا


احبكم..شتات انثى حاليا..اوراق خريفيه و..ياليت الحزن لحظه سابقااا



اممم قبل ما انهي كلامي..عندي فكره بقولها لكم


اول شي..
عجبتكم القصه ولا لأ؟؟
ثاني شي..
بما اني متحسفه اني ما نزلت روايتي هني من قبل حبيت احط لكم بعض من اسماء رواياتي..واللي ترشحون اسمها ببدا فيهاا
وتقدرون تختارون اليوم اللي ابدا فيهاا
إذا تبون هالجمعه او السبت مو مشكله..

الاسماء اهي :

ترى موتي وميلادي حبيبي داخل عيونك

عذراء في مواجهة القدر

كل ما جيت ابتدي فيك انتهيت..وكل ما جيت انتهي شفتك بدايه..


يلا حبوووبات شغلوا الترشيحاااااات

وترى بنزلها بالوقت اللي تبونه..

 

[احكي يا شهرزاد]

حبيبتي والله يعطيج العافيه على هل الروايه العجيبه وبصراحه احدلثها ووووووووايد حلوه وانا اشرح اسم روايتج اليديده عذراء في مواجه القدر وناطرته ونزليها باسرع وقت حبيبتي

 

[دلوعة بيان 98]

عجييييييبة القصة وايد حلوة
و الصراحة انا ارشح القصة الثالثة لان اسمها شوقني اني اعرف القصة


و thanks على الرواية عجبتني بس احس انج اختصرتي الاحداث الاخيرة بس هم اقول انها حلوة
​

 

[Zozαĺiиaђ]

يعطييييييج الف الف عااااافيه على مجهووووودج

و اكيد الحق ما يضيييع اشواا وروود خذت حقهااا و بين الصج
بس كنت اتمنى تكتبين شسوو فيها اول ما دروو عشان ارتاح اكثر لوول

و انا ارشح الروايه الثااالثه
كل ما جيت ابتدي فيك انتهيت..وكل ما جيت انتهي شفتك بدايه..

شكلهاا حلوووه .. و انشالله اكوون من متاااابعييينج اول ما تنزليناها :**

نزليها بالوقت الي يريحج :**

 

[ام خالد الغلا]

يعطيج العافية يا الغالية كنت متابعتج على اخر شى بس صج القصة روعه واول مره اقرا لج ابى اعرف القصص اللى قبل كتبتيها وين القاها

والشى الاروع انج تنزلين القصه وما تتاخرين على قرائج

ارشح اسم قصتج الجديده عذراء فى مواجه القدر

 

[نفسي مضايقتني]

يعطييييج العاااااافيه روااية عجيييبه حدهاا

وانا ارشح القصه الثالثه

 

[Zainabo]

مشكوووووورة عالروااية واااااايد حلوة

<<
<<

ارشح القصة الثانية(عذراء في مواجهة القدر)

 

[Combtaitya]

وااااااااو حيييييييل حلوه القصصه بسس ليش اختصرتي وايد بالنهآيه ,

حرآم ورود على اللي سوته هم كسسرة خآططري

توقعت زياد يتزوج كآرلآ ويندم فايز ,

تسسسسسسسسسسسلمييييين حبيبتي حيل حيل حلوه القصصه يعطيج العافيه ,

انا ارشح

كل ما جيت ابتدي فيك انتهيت..وكل ما جيت انتهي شفتك بدايه..


ونزليها لنا من بآآآآآآجر :d طمآعه مؤ

فديتوؤج اي وقت تكونين فاضيه نزلي اي روايه تبينها وودج فيهآ بكل الأحوآل احنا متابعيينج وناطريينج ونبيج :**

 

[a7la_soso]

تسلميييييييين حياااااتي على الروااايهـ يعطيييج الف عافيه الصراحه
انتي رووووووووووووعهـ
ومادري شقول بعد .. لول
ويسلمووووووو

 

[sweet.sanfoora]

ترى موتي وميلادي حبيبي داخل عيونك


نهاية حلوة

وبثث

ثانكيو

 

[بيبي 22]

حيــــــــــــــــــــــــــــــــــــــــــــــــــــــــــــــــاتي والله
مشكووورة مشكووورة عالقصة الرووعة :rerrerek:
تمنييييت القصة تكووون طويلة اكثر
بس هم حلوة حلوة حلوة وتهبل لانها من كتاباتج
وافضل الخيار الثالث
ومشكووورة مرة ثانية
في بعد قصة فالدرب ولا لا :eh_s(10)::ggdw:" ويتنق القصة اليديدة "
سوري عالازعاج حبيبتي وتشرفنا بمعرفتج :eh_s(7): ثــــــــــــــــــانكس حبيبتي مرة ثانية بتوحشيييني وايد :eh_s(16):​

 

[Zozαĺiиaђ]

شنو قررتي تزلين اي رواايه ؟؟
و متى بتنزليييينها ؟؟

 

[سارووونه22]

واااااي ناية عجيبه مشكووووورة حبي واي روايه بتنزلينها دزيلي على خاص

 

[برنسس أوراق]

مراااااااحب بنااااات
سوري غبت يومين بس اشتراك النت خلص واليوم دفعته..
بصراحه فرحتني ردودكم..وشحعتني اكثرررررر واكثر اني اتواصل معاكم..
وبما ان الترشيحات الاكثر على الروايه الثالثه راح انزلها لكم من باجر إن شاء الله بما انه جمعه..يعني فاضييييييييين..

خليكم متابعين..وصج صج صج مشكوووووورين بنااااات

وعلى فكره انا طلبت من احلى عيون تحطها بمجلد txt‏ للجوال واللي تبيها تقدر تاخذها إذا جهزت..