اشلون اطلع بشقه بروحي وأفتك منهم ........لحقوا علي

[Tejan]

.


:lkmnkl: يا حياتي الله يعينج

اذا مو راضي عالطلعة حاولي عالاقل حل مؤقت وسط :gr4uu:

يعني مثلا اذا واحد من اخوانه بيطلع تاخذون شقته .. شوي تتنفسين و تصدين عن الصالة

او اذا ممكن يبني لكم شقه بالدور الثالث <-- اوسع و خصوصية و بعيده عن الازعاج

اممممم بهدوء شوفي الشقق القريبة من بيت اهله و اذا يوم انتوا طالعين و مزاجه حلو قوليله

فلان تصدق رفيجتي لاقية شقه بفريجنا و واااايد تمدح تصميمها بليز ممكن نمر نشوفها شوقتني :tongue22:

حاولي تكرمين خدمهم بهدايا رخيصه او بين فترة و فترة فلوس اذا ما يستحون منج عالاقل بالعطايا تملكينهم و تخلينهم اهم اللي يدافعون عن عيالج

اعجبتني فكرة وحده من البنات ان تصكون الباب اللي عالصالة و تسوين باب خارجي عالاقل خصوصية بالطلعة و الدخلة :eh_s(2):

و اذا في مجال بالحوش حاولي تبنون لكم غرفة او اتوسعون غرفكم لان الضيج ينرفز و اتحسين عمرج لوية و الاغراض مكودة و يمكن هذا اللي متعبج .. موفقه حبي ----> انا مثلج في بيت حمولة :denya:

 

[سعااد]

الله يكون بالعون حبيبتي سايسيه ولا تملين وكل ما ينطقون عيالج قوليله اول بأول وحاولي تفهمين خالتج ان مايصير الخدم يطقون اليهال اهي قاعده تفيلهم الحين قبالكم يطقونهم عيل من وراكم شتهقين يسوون ؟

 

[حرم النقيب]

بصراحة اللة يعينج انة نفس حالتج بس الفرق مايطقون اعيالي الفرق مايحبوني كلش وزوجي اقول مستحيل اترك ييت ابوي

 

[الأماكن]

رد : اشلون اطلع بشقه بروحي وأفتك منهم ........لحقوا علي



....~

الله يعينج

الحال من بعضه ....

.....~

 

[لميس^^]

انا مع البنات اللي يقولون خلي ابوج يكلمه وخليه يشد عليه ويعطيه العين الحمرة خل يفهم انه انتي وراج ظهر ,, واذا اهوا مو قادر يوفرلج الراحة ابوج يقدر يوفرلج ياها ,,, هدي البيت وروحي قعدي بيت امج قوليله مالي تفاهم معاك اتفاهم مع ابوي ,,, صدقيني الرياييل ما ايون الا بالعين الحمرة ... اما الطيبه ما تنفع معاهم كلش ,,, ومثل ما انتي قلتي قام ينام برة البيت بعد شنو اكبر من جذي وانتي يا قلبي اتقولين مابي اسوي مشاكل اصلا المشاكل اهوا اللي قاعد يسويها ,,, اتسوين مشكله الحين بس بعدين ترتاحين ,,,

 

[آم آحمدو]

الله يهديه يارب

 

[روحي تحبه غصب]

ياحياتي اذا كان ريلج عذره الايجار حاولي تدفعين معاه
الايجار او تشيلين معاش الخدامه
او اذا على طق الخدامه يامال ايدينه الكسر مالج الا اذا طقت بنتج مره ثانيه
تروحين لها وتطقينه وخليها تصير هوشه كبيره فالبيت واكيد خالتج وحمواتج بيوقفون ضدج
انتي اهنيه ازعلي وقولي ريلج انا قعده فالبيت مااقعد واذا عالايجار لازم تساعدينه اذا ماديا مايقدر

وصدقيني انتي بتشترين راحتج بمساعدته

 

[يا حبنـي له..}]

رد : اشلون اطلع بشقه بروحي وأفتك منهم ........لحقوا علي

دام وصلت للخيانه لا تسكتين


وحني حني ليما تطلعين

ترى كثر الدق يفج اللحام

 

[om_dodo]

الله يعينج

 

[LeeMa q8]

الله يعيتج ياقلبي ...

اي اذا البيت ضيج الرجال يلف ويدور راحته برا ...( اعرف وحده جذي .@

بس انتي ضيج وازعاج وطق .. الله يعيتج

كلمي بهداوه .. قولي الايجار موجود وانا بصرف معاش الخدامه وانت الماجله وباجي الاشياء عليك نتعاون ونسهل امورنا ونريح بالنا ..
وعيالج خطيهم بحضاانه اريحلج ..

وعسى الله يهدي زوجج لج يارب

 

[روعة الأمومة]

رد : اشلون اطلع بشقه بروحي وأفتك منهم ........لحقوا علي

الله يعينج و يفك همج

عندنا و عندج خير :denya: - ( من ناحية انه ماكو خصوصية و ابي آخذ راحتي و بالطلعة و الدخلة تمرين عليهم و الصوت و الازعاج كله عندي فوق )

اذا عمج ( ابو ريلج ) طيب و متفهم حاولي تكلمينه لا تقوليله انج بتطلعين بس نغزيله انه وضعج متعب و انج مو مرتاحة يمكن يحس

و يكلم ريلج او يلاقيلج حل​

 

[om MaRyooM]

امبي الله يعينج

بس اول شي لاتدخلين احد من اهلج نفس مانصحوج البعض .. اكبر غلط بالحياة الزوجية انج تدخلين طرف ثالث عشان موضوع تقدرين تحلينه وتتفاهمون عليه انتي وياه ... لأنه يمكن يعاند وتزيد المشكلة صدقيييني


بس حبوبة كل مرة ذكية وصبوووووووورة تقدر توصل للي تبيه

مومعقولة انه تاثير اهله اكثر من تاثيرج عليه .. معروف الريال اكثر انسان يتاثر فيه اهو زوجته

وبعدين صج مو حياة هذي .. الواحد عشان يفكر صح ويشتغل صح لازم تكون نفسيته اوكي والبيت يكون اهوا المنفس المريح حقه ... فاذا البيت مو مريح يعني كل شي بيتلخبط

وان كان على خالتج ولا الخدامة شكوووووووووو يطقون اليهال!!!!!!! ان كان الخدامة هاوشيها خل تاكل تبن .. وان كان خالتج كلميها وقوليلها عيالي ماينطقون


قلبي ان سكتي مارح يتاثر الا انتي وعيالج .. حطيلهم حدود عاد كل شي ولا طق اليهال باجر يطلعون معقدين بسبة ان كل من هب ودب كافخهم !!

وان كان على زوجج شوي شوي ساحليه بالهدوء والصبر كل شي ينحل .. وان كان ع الايجال تحصلون شقة على قدكم قوليله لو اي شقة بنحصلها بتكون اوسع من هذي واريح .. وقوليله انج مرة وتبين الاستقرار وانج انثى تبي تدلع وتاخذ راحتها باللبس
وشوي شوي لما تنفك عقدته ويسمع كلامج



انا قبل كنت مثلج ومع اني كنت مرت ولدهم الوحيدة بس طفشت من مشاكلهم جان احمل وقلت لزوجي بطلع من الشقة ابي استقرااري وكياني وكنت حامل وادلع عاد قام يدور علطول على شقة والحمدلله طلعت .. بس ماكنت اتمشكل معاه عشان لايعاند .. لازم شوي تسوين روحج مظايقة وزعلانة وبهدوء تنحل المشكلة


الله يهدي بالج وسوري طولت عليج بس حبيت افيدج باللي عندي

 

[مستقبل]

جربي اذا صار عندكم اجازة شهر حجزي شاليه شهر كامل و روحي انتي و زوجج و عيالج و استانسوا و خليه يحس شلون العيشه مع زوجته و عياله بعيد عن اهله و اهوا بنفسه بيحس بالفرق

 

[دكتوراه أنوثه]

إي والله ماقصرتوا على الردود ........وشكلي بستخدم أسلوب الحنة لما يطلعني
أقولكم انا قلتله بدفع الأجاركله وموراضي

 

[زهراء الركابي]

رد : اشلون اطلع بشقه بروحي وأفتك منهم ........لحقوا علي

الله يعييييييييييييييييييييييييييينج

 

[جمالي ايطالي]

الله يعينج ويفرج لج


اسمج دكتوراة انوثه اتوقه انوووثتج زايده,,, استغلي هالشي


موفقه وعسى الله يسخره لج يااارب

 

[ديانا سبنسر]

امبي الله يعينج

بس اول شي لاتدخلين احد من اهلج نفس مانصحوج البعض .. اكبر غلط بالحياة الزوجية انج تدخلين طرف ثالث عشان موضوع تقدرين تحلينه وتتفاهمون عليه انتي وياه ... لأنه يمكن يعاند وتزيد المشكلة صدقيييني


بس حبوبة كل مرة ذكية وصبوووووووورة تقدر توصل للي تبيه

مومعقولة انه تاثير اهله اكثر من تاثيرج عليه .. معروف الريال اكثر انسان يتاثر فيه اهو زوجته

وبعدين صج مو حياة هذي .. الواحد عشان يفكر صح ويشتغل صح لازم تكون نفسيته اوكي والبيت يكون اهوا المنفس المريح حقه ... فاذا البيت مو مريح يعني كل شي بيتلخبط

وان كان على خالتج ولا الخدامة شكوووووووووو يطقون اليهال!!!!!!! ان كان الخدامة هاوشيها خل تاكل تبن .. وان كان خالتج كلميها وقوليلها عيالي ماينطقون


قلبي ان سكتي مارح يتاثر الا انتي وعيالج .. حطيلهم حدود عاد كل شي ولا طق اليهال باجر يطلعون معقدين بسبة ان كل من هب ودب كافخهم !!

وان كان على زوجج شوي شوي ساحليه بالهدوء والصبر كل شي ينحل .. وان كان ع الايجال تحصلون شقة على قدكم قوليله لو اي شقة بنحصلها بتكون اوسع من هذي واريح .. وقوليله انج مرة وتبين الاستقرار وانج انثى تبي تدلع وتاخذ راحتها باللبس
وشوي شوي لما تنفك عقدته ويسمع كلامج



انا قبل كنت مثلج ومع اني كنت مرت ولدهم الوحيدة بس طفشت من مشاكلهم جان احمل وقلت لزوجي بطلع من الشقة ابي استقرااري وكياني وكنت حامل وادلع عاد قام يدور علطول على شقة والحمدلله طلعت .. بس ماكنت اتمشكل معاه عشان لايعاند .. لازم شوي تسوين روحج مظايقة وزعلانة وبهدوء تنحل المشكلة


الله يهدي بالج وسوري طولت عليج بس حبيت افيدج باللي عندي

:icon30:

 

[مدام زيزو]

رد : اشلون اطلع بشقه بروحي وأفتك منهم ........لحقوا علي

ميخالف انتي حاولي معاه مره ثانيه ويمكن عسى ربي يهديه لج

 

[عاشقه الاسمرانى27]

الله يعينج ياااااااا قلبى والله حاسه فيج

شوفى مو من مره تقولين ائبى اطلع شقه لالالا كل يوم حنى كثر الحن بيجيب نتيجه

وفهميه شوى شوى عشان لا يعاندج وعسا الله يهديلج الحال ان شاء الله

 

[نوفه الحلوة]

الله يعينج عندنا وعندج خير ان الله مع الصابرين اللي تناشبنا حتا بالهدايا لاهديناها حق بعض تقول ليش مايبتولي وتزعل وتمشي الله كريم خليها على الله