استضافة الدكتور تامر زيد اخصائي الجراحة العامة والتجميل

[q8y-moon]

السلام عليكم
دكتور انا وزني 56 وطولي 155 وعندي والحمد الله 4 اطفال وسوي رياضه شبه يومي بالنادي بس وجسمي كله شااد الا منطقه البطن من تحت السره يعني الجزء التحتي من لبطن احس فيه ترهل اهو بسيط بس مضايقني وحاولت بالمساج بس ما حصلت نتيجه
شنو الحل الطبي الاكيد للمشكله هذي ؟؟ انا اعرف عمليه الشد بس الترهل الي فيني بسيييط جدا ما يسوا ادش عمليه عشانه

 

[q8y-moon]

????

 

[q8y-moon]

???

 

[أم مياسة]

مرحبا دكتور وحياك الله

كنت حابة أسألك أنا ودي أسوي حقن بالفيلر للمؤخرة لأني مش حابه أسوي حقن الدهون وتخدير عام وغيره...
هل هي مادة آمنه؟؟
و هل هي دائمة؟؟
وما هي الأعراض الجانبية للحقن بالفيلر؟؟
وكيف أعرف الدكتور المتمرس في هذا المجال من غيره؟؟؟

 

[.،:"$الـعـوبــــة$":،.]

السلام عليكم ورحمة الله وبركاته ،،
دكتور انا حامل بالشهر الرابع تقريبا ، وعندي منطقة الزنود حييل متروسة ، وماتروح لا بريجيم ولا رياضة ! بالعكس احس مع الرياضة تصير قاسية وكأنها معضلة !!؟؟
وابي اصغر زنودي بعد الولادة بس مو عارفة شنو الحل الأمثل لي ؟
انا مابي بنج عام وودي اطلع بنفس اليوم وبدون الم !؟
بشنو تنصحني دكتور ؟ ووين أحسن مكان مضمون ، ونتايجة واضحة ؟
ويعطيك الف عافية ،​

 

[=Rainbow=]

السلام عليكم



الله يعطيك الف عافيـه .. يا دكتوور



انا سويت .. كلوجين .. الامريكي ..


الي مدة سنتين


عند دكتوره .. قالت انه اوكي .. ما مر اسبوعين والا نفخ خف حيل ..


حق خدوودي ..



ما فيه شي دايم .. للخدود .. لانه ويهي حيل .. ضعيف ..


ابي حل تعقدت ..

 

[q8y-moon]

وينك دكتوووور

 

[mahawey]

السلام عليكم دكتور انا الله يسلمك اعاني من السمنه المفرطه اسوي رجيم ماكوفايده ماينفع معاي الرجيم
قبل كان وزني 110 ولماسويت رجيم صاروزني 100 والطول 150 انزين تنصحيني اسوي
عمليه شنو للسمنه مابيك اتقول لي سوي عمليه تحويل المسار لا اناماابي هذي العمليه
وانزين تنصحني اسويه بالخاص وله الحكومه وشنواحسن مستتشفى بالكويت للعمليه التجمليه للسمنه
وتنصحني اسويه عند اي دكتور شاطروممتاز وتكون ايده متعوده على العمليات السمنه وله خبره
في هذا الشئ بصراحه دكتورموقادره انام من المتن الي فيني بصراحه وانزين انا معاي
مرض الربو يصيراسوي العمليه بصراحه انا ابي عمليه سليف او تحزيم المعده
ادري دكتورطولت معاك بالحجي اتمنى انك اترد على بسرعه
تنصحني في شنو دكتورومابيك اتقولي عمليه تددبيس المعده
لانه دكتورابي عمليه سليف لانه امن من عمليه التددبيس المعده وتحويل المسار لانه هذيل اخطرعمليه للسمنه

 

[هنونه +]

السلام عليكم ورحمة الله وبركاته

انفي تعرض لكدمة شديدة وتورم العظم من 5 اشهر رحت حق دكتور تجميل وقالي فيج ميلان بالانف غير التورم

هل اقدر اسوي عملية حك العظمة بدون مايأثر على الميلان لان خشمي خلقه مايل ومو واضح ابدا ميلان جدا بسيط وانا مابغاه يعدل من الميلان واخاف يزيده

ابغى نصيحتك يادكتور وشكرا لك على تلبية الدعوه

 

[star_tete]

دكتور الله يعطيك العافيه رايكم في جراحه جفن العين اذا تقدر تسوي لي جراحه او تنصحني بدكتور متمرس لجراحه العين

 

[chanell]

دكتور يعطيك العافيوه وطولة البال وسعة الصدر
بستفسر انا طولي153 ووزني65 بسوي شفط بالليزر لمنطقة الافخاذ كم ممكن ينزل وزني لاني مت وانا اسوي رجيم
مع العلم اني متزوجة وعندي3 الله يحفظهم وعندي شوي زوائد باطراف منطقة الحوض تنصحني اسوي لها شفط ولا راح تروح
اذا شفط الافخاذ وهل الشفط بجهاز سمارت ليبو مناسب لي ..............وشكرا لك

 

[امر القمر]

السلام عليكم دكتور
دكتور انا وزني 92 وطولي 163 وزيادة وزني متوزعة بكل الجسم بس اكثر شي مضايقني الزنود وابي اسويلهن عملية اذا شفطتهن ممكت الجلد يشد وحدة من لبس الكورسية ولا لا لازم عملية شد وانا سمعت انو اثر العملية يكون بارز ويشوه الشكل وانا بشرتي ناصعة البياض اخاف اخلص من مشكلة ادخل في اخرة وسؤالي الثاني ابي اشفط واشد بطني مع عملية الزنود في نفس الوقت هل ممكن ودكتور شنو رئيك بدكتورة ميادة هنيدي في سوريا

 

[ريومه6]

سلامه عليك ورحمه الله وبركاتو ساعدنى انا في مشكله حيل كبير انا فينى افتاف وبطنى مترهل وحجمه بعد كبير والمشكله ان جسمى كله ضعيف بس البطن شكلها حييييييييل مقزز وبنسبه لزوجى حيل منقث صبر صبر وبعدين صار يهددنى بالزواج على وانا مضايقه حدى افرجها على الله يفرجها عليك باذن الله

 

[ريومه6]

سلام عليكم ورحمه الله وبركاتو اتمنى ان تفيدنى دكتورى العزيز انا فينى افتاق وترهلات وكرش وانا حيل تعبانه من نفسيتى لانى متعقده حدى ابى نصيحتك انا وزنى 79 وطولى 162 وزنى ثابت من 5شهور مانزل لوكيلو وانا امصويه رجيم وثابت شنو اسوى تكفى يادكتوو