استضافة الدكتور تامر زيد اخصائي الجراحة العامة والتجميل

[د.تامر زيد]

قوه دكتور تامر .. انا بسوي نفخ لخدود اي ماده تنصحني اخذ وابيها تطول معاي لان مافيني خدود كلش وويهي صغير واخاف اني حامل يعني اشك مو اكيد ف اخاف يصير لي شي وانا مو فاهمه بهالسوالف ياريت تنصحني ؟؟


واختي عندها كرش كبيرا وبتسوي شفط دهون بس وبتاخذ من الدهون وتوزعها بأمكان ف اهيا سمعت ان شفط الدهون بعد العمليه يكون البطن كبير وداخل ماي هل هاذا صحيح ؟؟ وجم تقعد بالطبيب اذا سوت شفط ؟؟

ومشكووور

السلام عليكم و رحمة اللة
يُفضل لتكبير الخدود لأول مرة استخدام المواد الأمنة المؤقتة ويمكن إستخدام المواد الدائمة بعد ذلك. أما بالنسبة لشفط الدهون فإنها من عمليات اليوم الواحد . أما بالنسبة للسوائل المحقونة فإنها تأخذ فترة قد تمتد لشهر حتى تمتص .​

 

[د.تامر زيد]

يعطيك العافية دكتور
بغيت أسأل أنا بإذن الله بسوي فقط شفط للدهون اللي بالبطن وحقن الدهون في الأرداف
هل في آثار جانبيه لعملية الشفط؟
ما الآثار الجانبيه لحقن الدهون في المؤخره وهل مع الوقت تذهب الدهون بشكل كلي أم يحتفظ بالشكل المقبول؟
وشكرا

السلام عليكم و رحمة اللة
الأثار الجانبية لعملية شفط الدهون قليلة. حقن الدهون بالأرداف يقل مع الوقت و لكن المنطقة غالبا ما تحتفظ بالشكل المقبول.​

 

[د.تامر زيد]

يعطيك العافيه دكتور هل يوجد أجهزه لشد ترهل الصدر أبي حل غير العمليات

السلام عليكم ورحمة اللة
يوجد جلسات لشد الصدر و لكنها ترفع الصدر 1cm فقط.​

 

[د.تامر زيد]

السلام عليكم دكتور ويعطيك العافية على تعبك ويانا وتحملك وصبرك علينا

انا سويت قبل خمس اسابيع عملية شفط الدهون من غير شد لمنطقة البطن والخصر والظهر والافخاد والارداف يعني الاوراك .

الحمدلله النتيجه فرقت معي من كل هذه المناطق بس في منطقة وحده مانزلت ولا سم واحد اللي هي الارداف ( الاوراك) قبل الاعملية كانت 111 سم والحين وبعد الخمس اسابيع قست المنطقة ومازالت 111 سم . وعلى فكرة انا مو متينه حيل وزني 72 وطولي 167 سم وعملت عمليتي كلها لاجل الارداف بس والله كل الجسم فرق معي والارداف مازالت نفسها .

علماً بأني بشهر 7 الماضي سويت عند الدكتور عادل قطينه شفط دهون بالتخدير الموضعي لنفس المنطقة الارداف وفرق معي 4 سم بس . والحين اتكلفت عمليتين وحده بتخدير موضعي والثانية بتخدير كامل عشان هالمنطقة ومابينت النتيجه اللي ابيها ..

مع اني احس ان هالمنطقة متروسه دهون .. شسوي وشو الحل وهل تنزل مع الوقت لني صارلي بس 5 اسابيع مسويه عملية شفط الدهون .

وبعد دكتور ابي تقولي شسوي عشان السيلوليت اللي بالخلفية وماعلاجه ؟؟؟
واسفة طولت عليك .. انتظر الرد بفارغ الصبر

السلام عليكم و رحمة اللة
إنتظرى حتى نهاية الشهر الثانى قبل الحكم على العملية. السيليوليت يعالج إما بحقن إذابة الدهون أو بالموجات الكهرومغناطيسية و الليزر.​

 

[همس الجفوون]

دكتور منو احسن شي فعال وهل الاقي عندك بالعيادة علاج للسيلولايت

ارجو الرد

 

[aya faid]

السلام عليكم


دكتور شنو افضل حل لازاله الدهون او السيلولايت الموجود بمنطقه الافخاذ (الجوانب)

الريجيم ماينفع معاي وحجمها كبير مقارنه بالجزآ العلوي من جسمي

 

[بالوصف ندمان]

السلآم عليكم كتور يعطيك الف عافيه عالمجهود

دكتور انا تافخه قبل شهر خدودي بس كاني مو تافخه ماكو اي تطور ابي اسالك يصير احط انبوله كولاجين لتفخ الخدود للعلم انا تافخه باحماض الفواكه وممكن تظل لكم شهر عالاحماض لاني ابيهم يفشون

وجزاك الله خير جعله في ميزان حسناتك يارب

 

[النية الصافية]

السلام عليكم دكتور-اتمنى تنصحني والاقي الحل عندك
انا سويت عملية تحزيم معده ونزلت 25 كيلوا فقط وبعدها شلت التحزيم لان سببت لي التهاب وارتجاع بالمرئ
وسويت عملية شد للبطن من غير شفط لان مافي ينشفط ولكن المشكبة منطقة العانه مازالت بحجمها السابق ايام السمنه فصار في فرق وبارزه تضايقني باللبس الضيج وماني عارفة شنو الحل؟؟؟
والسمنه صارت بالزنود والاكتاف ودخلت نادي ترتب الجسم لكن الزنود ما خفت وافكر اسوي بس شفط مو عملية للزنود
شنو تنصحني وين اروح وبصراحه ابي دكتوره عشان اقدر اشرح لها شنو وضع مكان العانه براحتي

 

[د.تامر زيد]

دكتور منو احسن شي فعال وهل الاقي عندك بالعيادة علاج للسيلولايت

ارجو الرد

السلام عليكم و رحمة اللة
هذا يعتمد على مساحة المنطقة المصابة بالسيليوليت.​

 

[د.تامر زيد]

السلام عليكم


دكتور شنو افضل حل لازاله الدهون او السيلولايت الموجود بمنطقه الافخاذ (الجوانب)

الريجيم ماينفع معاي وحجمها كبير مقارنه بالجزآ العلوي من جسمي

السلام عليكم و رحمة اللة
أفضل حل هو شفط الدهون أولا ثم علاج السيليوليت لاحقا.​

 

[د.تامر زيد]

السلآم عليكم كتور يعطيك الف عافيه عالمجهود

دكتور انا تافخه قبل شهر خدودي بس كاني مو تافخه ماكو اي تطور ابي اسالك يصير احط انبوله كولاجين لتفخ الخدود للعلم انا تافخه باحماض الفواكه وممكن تظل لكم شهر عالاحماض لاني ابيهم يفشون

وجزاك الله خير جعله في ميزان حسناتك يارب

السلام عليكم و رحمة اللة
تكبير الخدود بأحماض الفواكة عادة ما يستمر لفترة قصيرة.​

 

[د.تامر زيد]

السلام عليكم دكتور-اتمنى تنصحني والاقي الحل عندك
انا سويت عملية تحزيم معده ونزلت 25 كيلوا فقط وبعدها شلت التحزيم لان سببت لي التهاب وارتجاع بالمرئ
وسويت عملية شد للبطن من غير شفط لان مافي ينشفط ولكن المشكبة منطقة العانه مازالت بحجمها السابق ايام السمنه فصار في فرق وبارزه تضايقني باللبس الضيج وماني عارفة شنو الحل؟؟؟
والسمنه صارت بالزنود والاكتاف ودخلت نادي ترتب الجسم لكن الزنود ما خفت وافكر اسوي بس شفط مو عملية للزنود
شنو تنصحني وين اروح وبصراحه ابي دكتوره عشان اقدر اشرح لها شنو وضع مكان العانه براحتي

السلام عليكم و رحمة الله
يُمكنك شفط الزنود مع شفط العانه أو شدها حسب طبيعة الحاله.​

 

[koookaa99]

السلام عليكم
سمعت يادكتور ان حقن الدهون تسبب التهابات وإنها ممنوعة عالميا
لاني أبي أحقن وخايفة وياريت تخبرنا ما هو افضل شيء للحقن بالنسبة للصدر والأرداف
وأريد أن أشد جسمي حيث أن كان وزني 120 كيلو والأن 75 كيلو وطولي 156 هل يعتبر مناسب للشد
أو أحتاج أكثر لتنزيل الوزن
ويعطيك العافية

 

[koookaa99]

السلام عليكم
سمعت يادكتور ان حقن الدهون تسبب التهابات وإنها ممنوعة عالميا
لاني أبي أحقن وخايفة وياريت تخبرنا ما هو افضل شيء للحقن بالنسبة للصدر والأرداف
وأريد أن أشد جسمي حيث أن كان وزني 120 كيلو والأن 75 كيلو وطولي 156 هل يعتبر مناسب للشد
أو أحتاج أكثر لتنزيل الوزن
ويعطيك العافية

 

[حووررية الأرض]

لو سمحت دكتور.. بكم تتفخون الشفايف ؟ وشسم الماده ؟ وكم تستمر ؟

 

[كويتية طيبه حنونه]

مرحبا دكتور ودي اسألك كم سؤال للآستفادة من خبرتك وانت من أهل المعرفة والخبرة ماشاء الله .


مسوية عملية الشفط والشد للبطن والأرداف والخواصر وصارلي تقريبا 28 يوم.والدكتورة قالت لي تقدرين تفصين الكورسية اثنا النوم بس احس جسمي منمل ومومرتاحة .لأني سويت سيرش عالنت كاتبين مرة البسة مدة شهر وبعضهم كاتبين لغاية 3 اشهر.
ممكن دكتور تقولي لي متى أقدر ألبس الكورسية ؟اشكثر المدة المطلوبة للبس الكورسة ؟و بعد متى اقدر افصخة اثناء النوم؟
.
وعفوا دكتور لازم امشي على نظام معين بالنسبة للأكل ولا بس تخفيف .
ابي نصيحتك بالنسبة للكورسية والأكل ؟
ومشكور دكتور مقدما وانشالله بميزان أعمالك.

 

[حووررية الأرض]

وينك يا دكتوووور؟؟

 

[نمله معصبه]

السلام عليكم
دكتور انا عملت تجميل للانف من 35 يوم والفتحات مختلفه اشكالها عن بعض وللان متورم الانف وجهة اليسار متورمه اكثر من اليمين
هل راح يعتدلون الفتحات ويتشابهون مع الوقت؟
وشكرا

 

[بنفســـــج]

السلام عليكم دكتور

انا الحين صار لي شهرين من عملت شد للزنود

الإيد اليمين الحمد الألم خفيف جدا فيها , لكن مشكلتي الآن باليد الشمال , الألم مستمر خاصة ناحية الكوع والذراع , وفوق هذا فوق الكوع حصل لي مثل الخسف وشد زايد بالجلد مسبب مثل الخط الي يسببه ( الأستيكه ! ) يقول لي الدكتور ان السبب ان الدهن إلي ازالوه بهالمنطقة سبب بشد الجلد اكثر ! , لكن شكل الزند مو حلو ابد , قالوا لي متوقع ينصلح من نفسه من خلال الاستمرار بلبس الكورسيه , ويمكن لو اضطروا يحقنون المنطقة بدهن من الجسم أو كحل أخير عملية اخرى تصحيحية !!

انا مستبعده ان الكورسيه يحل المشكلة لأنه خلال هالشهرين مافي تحسّن ولا حتى بسيط بالوضع ,, وقالوا لي لا تفكرين حالياً بأي عملية لها لأن عمليتك جديدة ؟! هل صحيح ما اقدر اصححها بعملية حالياً بسبب قرب العملية السابقة وإلاهو كلام لأنهم مستشفى حكومى والمواعيد صعبة هناك

سوري طولت عليك بالكلام لكنّي متأزمة من شكل إيدي ولا حابة انتظر 6 شهور حتى أحلها ؟!​

 

[النية الصافية]

يعني يصير اروح البابطين يسوون شفط لدهون للزنود؟؟؟
ياريت
اللي عندي كله راح عالتحزيم حطيتها وشلتها وشد البطن
اشلون الطريقه اختى اروح البابطين؟ لاني رحت لهم ثالو دامجسوية عملية بالخاص ما نتحمل اي شي
وابي دكتوره عشان افهمها شنو اللي زاعجني