استخدامات وتزيين واكسسوارات الجوخ بطرق سهله ومبسطه

[جنان2006]

الله يعطيج العافية وكلنا ناطرين جديدج وتسلم إيدج مقدماً

 

[ذكرياتي]

ماشاء الله شغلج حلو....... وياريت تواصلين

 

[sun_kisses]

ام بدير وينج

انا عن نفسي فاقدتج باجي البنات مادري عنهم :>

ناطرين يديدج فديتج

 

[chocolat]

ما شاء الله عليج و على البنات الي مسوين الشغلات الحلوه عاد انا حدي احب اسوي الشغلات اليدويه و ان شاء الله اطبق معاكم

 

[أم بدير]

شاكرة مروركم وتشجيعكم بنات
وكنت احاول انزل تطبيقات يديده اليومين الي فاتوا بس كان المنتدى يعلق معاي
بس ظبطت الصور والخطوات وانشالله تعجبكم الأفكار

 

[أم بدير]

الفكره هذي عبارة عن شباصات باستخدام الجوخ
ونحتاج حق خام جوخ بأي لون تبين
سيور شباصات سادة وكلبسات
وخيوط كتن برليه عشان هالخيوط سميكه وتبين بالخياط حلوه
شوية قطن
وأقلام رسم عالقماش انا استخدمت الوان البوب كورن يسمونهم الي ينتفشون بالحراره
وقطعة كرتون
وطبعا مانستغني عن الادوات الاساسيه الي اهي المقص والابره
ونحتاج الصمغ الحراري حق سيور الشباصات

ونبتدي باسم الله
الخطوة الأولى نقص الخام الجوخ دوائر ثنتين متساوين بهالشكل

ونقص قطعة كرتون بحجم دائري بس تكون اصغر من دوائر الجوخ بشري بسيط عشان نحطها بالنص ونسكر عليها بالجوخ بهالشكل

بعدين نخيط الأطراف بخيوط الكتن برليه وقبل لا نكمل الخياط لي الاخير نحشي الدائرة بقطن شوي عشان تنتفخ معانا بهالشكل

والحين نرسم عليها الشكل الي نبيه
انا عن نفسي بنتي تحب هالويه القبيح :dddds:

وهني نكون خلصنا من اهم الخطوات
الحين نيي لتركيب السيور والكلبسات

يتبع,,,

 

[ملح وسكر]

مشكورة على المضوع

 

[أم بدير]

والحين نقلب القطعه الي سويناها
ونقص وراها بهالشكل

ونحط داخل الفتحة شوية صمغ حراري مو وايد عشان مايطلع بره ونحط السير ونرد القطعه المقصوصة مكانها بهالشكل

والكلبسات هم نفس الفكره

والنتيجة النهائية هذي

وهذا شكلها عالشعر

 

[yoshyosh]

يعطيج العافيه حلو موضوعج عجبني

اشكرك عليه ......فادني وايد

 

[أحلى عيون]

روعه يالغلالالالالالالالالالالالالالا


بس عندي سؤال ابي اسم اريج على التاج شلون صار واقف مو طايح

 

[katkota76]

ما شاء الله عليج
شغلج يهبل ومرتب
كملي واحنا متابعينج

 

[أم بدير]

يعطيج العافيه حلو موضوعج عجبني

اشكرك عليه ......فادني وايد

الله يعافيج حبيبتي عيونج الحلوه
والحمدالله انج استفدتي لأن هذا اهو المطلوب

 

[أم بدير]

روعه يالغلالالالالالالالالالالالالالا


بس عندي سؤال ابي اسم اريج على التاج شلون صار واقف مو طايح

تسلمين حبيبتي هذا من ذوقج
بالنسبه للتاج انا استخدم حدر الأحرف خام فازلين مقوى
لما تاخذين فازلين قولي للريال ابي النوع الثقيل مو الخفيف
انا استخدم الثقيل ساعات حق الشغلات الي ماوراها شي يسندها
واستخدم الفازلين الخفيف حق الشغلات الي ماتحتاج شي يسندها
اتمنى تكون الفكره وصلت على شرحي الغريب
واي سؤال انا بالخدمه

 

[أم بدير]

ما شاء الله عليج
شغلج يهبل ومرتب
كملي واحنا متابعينج

مشكوره كتكوته عالتشجيع الحلو هذا
وانشالله بكمل معاكم
انشالله باجر او الي بعده بنزل عمل يديد واتمنى يعجبكم

 

[جنان2006]

تسم ايدج أم بدير وعليها بالعافية البنوته العسل

 

[أم بدير]

تسم ايدج أم بدير وعليها بالعافية البنوته العسل

وي وي وي ياحسره ليش عاد انا شسويت
شهالدعوه حبيبتي جناين
خخخخخخخخخخخخخخخخخ
بدليتج تودي بداهيه

شاكره مرورج حبيبتي جناين
والله يعافيج

 

[أحلى عيون]

اي فهمت يالغلالا وواصلي ونحن ورائك ههههههههههه

مشكوره يا قلبي وشغلج ماشاءالله عليه نظيف وروعه

 

[أم بدير]

العفو حبيبتي
وانشالله دوم يعجبج شغلي

 

[أم بدير]

اليوم بيكون تطبيغي غير شوي

يعني دايما تطبيقاتي تكون من نصيب البنات
كسروا خاطري الصبيان وامهات الصبيان فقلت خل افكر بفكره يقدرون يطبقونها حق أولادهم

وبما ان الأولاد غرامهم الكره وأي شي متعلق فيها
فقلت اسوي نموذج للكره


الخطوة الأولى
تييبين صورة كره
تسحبينها من النت او تقصينها من مجله

وتقصصين القطع الي بالكره على التخطيط الي عليهم

بعدين عاد تييبين خام الجوخ الاسود والابيض وتبدين تقصين عالقطع الي عندج
وتردين عقب ما تقصين كل الأشكال تردينهم مع بعض وتكونين كره من الجوخ
طبعا انا هني حطيت صورة الرسمه الي سحبتها يم الكرة الي سويتها من الجوخ عشان يبين التطبيق

وعقبها ركبتها على بلوزة بيضة ساده
وكتبت اسم الولد من الجوخ حدرها

وهذي صورة البلوزه النهائية

شرايكم ؟

 

[Blue Dreems]

يعطيج العافيه