استبعاد عائشة البدر من «فواح» ؟؟؟

[pure-poison]

رد : استبعاد عائشة البدر من «فواح» ؟؟؟

عايشه ماكو اسلوب مره من المرات كانو يتكلمون عن ارتفاع اسعار الاراضي بالكويت تدرون اشقالت عايشه ؟؟؟؟ قالت اشدعوه عاد الارض الكويت ذهب!!!يعني عييييييب تقولين جذي عن ديرتج ماكو اسلوب كلش
واساسا البرنامج تافه ومبلتعات ولسان طويل جنهم قاعدين بروحهم محد يشوفهم

 

[BaBy_SMiLe]

ايه الحلقة الي تقولين عنها الحين عارضين اعادتها على العدالة 2

 

[سفرجل]

البرنامج حلو بس حسافه عليه هالمذيعات

 

[_ظل الياسمين _]

كان مشوا ابرار لا اسلوب ولا ثقافه ولا اى شى بصراااحه .

 

[عقــد منثور]

عايشه ماتصلح مذيعة .. شكلها حلوووو ونعوومة .. بس لاتكلمت تخربها .. وتجيب العيد .. بحلقة الغزو تقوول الله يرحم شهدائنا ويفك قيد اسرانا .. جان تقول لها عذراى مافى اسرا .. جان ترد بسذاجتها المعهووده .. امبلا فى شكثر ناس ما ردوا !!

انا مادرى للحين شلون مخلينها تقدم .. لا ثقافة ولا لباقة .. ودايما تطقها البوه وتتدودهــ .. اهى وابرار ..

مرات تكسر خاطرى ماتدرى شتقوول ..

 

[Lemon girl]

ما يعجبوني

 

[مميزة خلقة]

اي والله مرات احسها ما تستوعب مسكينه والله لو اني منها احفظ ماي وجهي وما اطلع مره ثاااانيه
انا لاشفتها تتكلم ادوره على طول والله انا اتفشل من اسلوبها

 

[أم حمد =)]

اول مره اسمع فيها وماعرف القناة

 

[بسمتي]

عايشة البدر على قولت جدتي (زين واقف):balo:
اما ابرار فهذي تحفة في حلقة تقول فيها انها اتابع الابراج وأخلي وحدة تطش الفال:yaaaaaarb: لي جان تقول لها عذاري حرام ربي ما راح يقبل لج صلاة أربعين يوم000(توهقت أبرار جان تقول هذا قبل):s141:
ومي البلوشي فهي المرأه المثالية اللي في حلقة تقول انها ضد عمليات التجميل:gr4uu:
وعذاري المتحدثة في البرنامج قالت لها متصلة ليش ما تعطين فرصة حق باقي زميلاتج بالكلام 00قالت انا غيرهم أنا أحضر وأبحث في موضوع الحلقة قبله بيوم (يعني قصدها زميلاتها فاشلات :lololoe


ملاحظاتي هذي كلها لمجرد متابعتي لثلاث حلقات 000لو امتابعتهم على طول يبيلي كتيب كامل عنهم

 

[غربــــة اِحساس]

اي وحده عائشة ؟؟ الحلوة ؟؟!!

الباقي صراخ وهواش ويقاطعون بعض حده ماكو اتيكيت

 

[غربــــة اِحساس]

عايشه ماتصلح مذيعة .. شكلها حلوووو ونعوومة .. بس لاتكلمت تخربها .. وتجيب العيد .. بحلقة الغزو تقوول الله يرحم شهدائنا ويفك قيد اسرانا .. جان تقول لها عذراى مافى اسرا .. جان ترد بسذاجتها المعهووده .. امبلا فى شكثر ناس ما ردوا !!

هههههههههههههههههههههههههههههههههههههههه من صجها

 

[BaBy_SMiLe]

البدر تنفي استبعادها من «فواح»

نفت المذيعة عائشة البدر استبعادها من برنامج «فواح» مبينة أن مسألة الابتعاد عن البرنامج في رمضان تم بناء على رغبتها ولم يدفعها أحد من القائمين على قناة العدالة الى ذلك، وأشارت الى أنها خلال الفترة التي يقوم فريق برنامج «فواح» بتسجيل حلقات البرنامج الرمضانية كانت مشغولة بالتحضير لبرنامج جديد إلا أن التجهيزات لم تسعف لإدراجه في رمضان، مؤكدة أنها تعتز بـ«فواح» الذي ساهم في بروزها مع مجموعة من زميلاتها المذيعات مثل مي البلوشي، عذاري قربان، أبرار، وقالت ان رمضان سيكون راحة بالنسبة لها لمعاودة نشاطها مجددا في الفترة المقبلة.

منقول من جريدة القبس 10/8/2010

ان شاء الله تقرا تعليقات الناس بالمنتدي وموقعهم على الفيس بوك وتطور من نفسها وما تحرج نفسها في برنامجها اليديد .. بصراحه بنات كسرت خاطري بسنا تعليقات عليها مادري ليش يوم شفت صورتها بالجريدة كسرت خاطري احس انها على نياتها

 

[&& قيثاره &&]

ههههههه مساكين احس يبيلهم دورات فى الاسلوب وعدم المقاطعه ما احسهم مذيعات جنهم قاعدين بالبيت مو على قناة فضائيه

 

[Alia]

برنامج بكبره فااااشل شفت حلقه وغيرته

 

[قَلبيْ صُويبكْ !]

,


بصرآحه برنآمج حده فآآآآآآآآآآشل !
لآ أسلوب ولآ شي نهآئي ّ

خصوصاً مي وعآيشه ع الأقل أبرآر ترقع شوي
لكن مي , مو طبيعيه كل إللي تقوله جذب

كآن فيه حلقه عن آلمرآهقين وتقول عندي بنتي عمرهآ 17 ومرآهقه ومن هـ السوآلف وآلثآنيه عمرهآ 12

<~ يعني بينهم 4 سنين حلو

وبـ حلقه آلغزو قآلت أنهآ كآنت حآمل ببنتهآ وعندهآ بنت وغير هذآ كآن عمرهآ 15 ؟؟
خييييييييير !

أمبيه وربي شي !
غير الأتصآلآت , تلقين آلمذيعه تكلم وتقآطع آلثآنيه بـ أسلوب كلش مو حلو وتقول معآنآ أتصآل
ولآ دقت وحده وتحمست بـ آلموضوع يقآطعونهآ ويقول " يعطيج آلعآفيه ع آلمشآركه مع آلسلآمه "
وهـ آلمتصله مسكينه مآقآلت كلمتين ع بعض !

لوؤول بصرآحه شي !
آلله يهديهم بس , ويعدلون آلبرنآمج لأنه فكرته روعه ~

 

[غموض الصمت]

رد : استبعاد عائشة البدر من «فواح» ؟؟؟

البرنامج و لا شي صراحة
فشللللللللله احس احيانا مطنشينا كمشاهدين
و قاعدين يسولفون و بصراخ ولا كلمة مرتبه
ولا كأنهم عالهواء و لا حاسبين انهم بالتلفزيون
طيب و ين المعد احس كلش ما فيه اعداد و لا تحضير للبرنامج
وين المخرج شهالفوضى شهالخرابيط
عيب و الله عيب
و بعدين فيه ممثلات معاهم شكو يطلعون مذيعات ؟؟
قمة التناقض مو مناسبين كلش
البرنامج كفكرة حلو بس مو بهالطريقة يطلع للجمهور
يا ليت المسؤلين يشوفون اراء الجمهور
احيانا من ازعاجهم و صياحهم اغير القناة على طول

 

[قلب البيت]

اذا الخبر صحيح زين سوت انها تركت البرنامج لانها للاسف مع احترامي لها ما تصلح تكون مذيعه
يمكن تكون احسن في مكان ثاني والبرنامج ناجح لانه مختلف عن غيره بالعفويه (بس اذا اركدو المذيعات اشوي وتركو فرصه لغيرهم وقت الكلام)بيصير اوكي

 

[عيالي...حياتي...]

بصراحة هالبرنامج مادري ليش مسويه كله صراخ بصراخ
والله يفشل لا اسلوب ولا ثقافه للمذيعات
ولا هاذي اللي اسمها عذاري امبيه احسها ملوسنه مو مال برنامج والمصيبه ع الهواااااا...؟
استغفرالله..

 

[صباح الليل]

الربنامج حده مليغ والمذيعات املغ
حده ماكو اسلوب والاعداد صفر

 

[وردة-الكويت]

مااشوف العداله بكبرها اذا القناه بكبرها فاشله ف اكيد البرنامج فاشل