اسئله عن تقوس ارجل البيبي+حليب+اكزيما

[عاشقة الككاو]

السلام عليكم

شلونكم يا امهات

انا ولدي عمره بداية ال7 اشهر وما بين الركبتين وايد مسافة متباعدة والقدم صايرة لي داخل

وانا ولا مرة سويت له سونار الخلع الوركي ف هل يمدي اسوي !
وهل التقوس يتشخص بالنظر والفحص السريري ولا اشعه !!




وهل انتوا تعطون بيبياتكم فيتامين د ؟
انا رحت شكثر دكاترة اطفال وولا احد ياب سيرته !


وهل بعالعمر المفروض انه الغازات والمغص يروح ولا بعدة ! وعادي اقدر اغير حليبة البيبي لاك 1
لي نوع 2 طبعا مرحله من 6 - 12 شهر

لانه احس حليبة الحالي هذا سبب له اكزيما بريوله وبطنة وفخوذة وييهه دايما خشن ومقشر معني ارطبة


مع انه تاريخ العايلة من الطرفين فيهم حساسية متوارثة وربو بس احس انه من الحليب !



متى مسموح لل بيبي انه ياكل صفار البيض والدياي واللحم والسمج والشوفان !


انا ولدي ماخذ صفة ابوة الواثية ونفس ابوة ( حامل الانيما المنجلية ) والحمدلله انا ما فيني شي
ف ودي اقوي مناعته لانه كل شوي طايح مريض

وسوري طولت عليكم


ربي يوفقكم ويسعدكم ويحفظ لكم عيالكم يارب :yaaaaaarb:

 

[Moon touch]

انا بردو ابني مش بياخد فيتامينات
وبالنسبه للمغص والغازات بعد اربع شهور راحت الحمدلله انا بديله حليب ابتاميل
الاكل انا دخلت الخضار من الشهر الخامس
وصفار بيض وزبادي وكيري وفراخ من الشهر السادس

هو دلوقتي 8 شهور لسه مادخلتش سمك او لحم

 

[عاشقة الككاو]

مو بدري عليه ؟ اللحم ؟



مشكورة تسلمين

 

[شادن33]

حبيبتي صفار البيض والدياي خليه لما يكمل سنه افضل
خليج عل الخضار الحين
والروب بتسع اشهور عادي
وبالنسبه للاكزيما غيري للحليب شو الانسب للحساسيه
وابعدي عن السيريلاك بالقمح مادام ولدج يتحسس
خليج علي الارز المطحون اخف
واذا تبين تقوين مناعته عطيه تمر نقيعه بالماي وسوي عصير جدا مفيد
وبالنسبه للتقوس لازم يشوفه الدكتور افضل وبسرعه

 

[نوسآ]

ماعندي فكره

الله يشافي ولدج وان شاء الله مافيه الا العافيه

 

[نـعـومـه]

اللحم والسمج توالناس

عقب السنه مايصير اقل من سنه

طلعيه بالشمس شوي اهوه عباره عن فيتامين دال

وبخصوص الحليب لازم ياخذ رقم ٢ خلاص

 

[عاشقة الككاو]

مشكورين بنات


ما قصرتوا
ربي يجزاكم الجنه

 

[حمرة الورد]

شنو حليب ولدج لا يكون ٢٦

 

[حمرة الورد]

اها بيبي لاك نفس ولدي ومعاه اكزيما انا اللي اعرفه افضل حليب نوفالاك بس سالي الدكتور احسن اما عن تقوس ريوله روحي جيكي عليه في بعضهم عادي يرد طبيعي واكو لا وديه احسن

 

[أم حورية]

اول شي بالنسبة حق تقوس الريل ماعندي فكرة بس غلط ساكتة لي الحين وديه خل الدكتور يشوفه ما ينفع اراء بنات النتدى

اما بالنسبة حق تغيير الحليب سالي فيها دكتور افضل لان احتمال يكون عنده حساسية من سكر الحليب نفسه وبجذي تعطيننه حليب خالي من سكر الحليب وهالشي دكتور يشخصه افضل

وفيتامين دال انا سمعت بعض الدكاترة يوصون فيه

والسمج في دكاترة يقولون تبيدين تعطينه من عمر السنتين بس احسه وايد لي سنة كافي والبيض نطري لي سنة اما الشرفان تقدرين تعطينه من 7 شهور تقريبا والدياي واللحم ابدي من 9 او 10 شهور

والمغص المفروض بعمر 6 شهور يروح لان بدا يتحرك ويحرك ادينه وريوله فهذا له دور ان مايصير فيه غازات

عموما اسئلتج تقدرين تسألينها على الدكتور احمد الخباز موضوعه مع المواضيع المثبتة فوق

وعسى الله يحفظلج اياه يارب

 

[عاشقة الككاو]

آمين بنات

مشكورين وايد

الدكتور تأكد انه فية تقوس وقال واضح من شكل الريل صايرة ( نص دائرة )
وسولة حبيبي تحاليل دم وايد فرفر بجي

وقال عندة لين عظام والحليب مو مناسبة اهو الي طلع اكزيما بكل جسمة المفروض كنت اودية من زمان
الله يسامحني

والسبت تطلع نتايج التحاليل ونشوف الكالوسيوم وفيتامين دال والفسفور

شكلة الحليب ماكان يغذية
وقال لازم نغير الحليب

 

[beauty rose]

بالنسبة للحليب انا استخدم لبنتي حليب خاص ضد الحساسية مكتوب عليه ha

و فيتامين د كل ما رحت حق دكتوري يقول لي عطيتيها ولالا اقول له اي
دايما يذكرني فيه قال لي تقدرين تستغنين عن كل الفيتامينات الا هذا

الله يشفي ولدج و يعافية يارب

 

[عاشقة الككاو]

ولا واحد من الي رحتلهم يا طارية


باجر يبيين شنو علاج التقوس وبقوله يكتبه لي
مع انه الوقت تأخر بس ان شاالله يستفيد



جزاج الله خير حبي

 

[عاشقة الككاو]

up















up

 

[مطرها يسبق رعدها]

لاااااااازم فيتامين دال نقط

عندنا يصرفونه الدكاتره من الولاده الين عمر السنه

اخذيه من الصيدليه وعطي البيبي اربع نقط لانه مشالله كبر

الله يخليه لش يااارب

 

[عاشقة الككاو]

الدكتور قالي
كثرتة تسبب مشاكل صحية ف خلينا ع الطبيعي والشمس
لانه يسبب ترسب الكالسيوم وممكن يسبب امساك ويأذي الكلي ويسبب حصى
طبعا هذا في مراحل متقدمة

 

[عاشقة الككاو]

مشكورة مطرها
ما قصرتي يالغلا