اذا لا سمح الله ...وزوجج......

[iLLuMinaTion]

السلام عليكم

عندي لكم سؤال صعب



افتراض لو حصل ويمكن يكون حصل للبعض

لو فرضنا ان لا سمح الله وصارلج حادث او ظرف ما يمنعج من الانجاب

هل تسمحين لزوجج للزواج من غيرج....

والعكس صحيح ..لو انتي لج رغبه الانجاب وزوجج صار له حادث ...
هل تصبرين عليه

ملخص السؤال :

هل رغبه الانجاب أقوى من العلاقه الزوجيه ؟؟؟؟؟؟؟؟؟

 

[( مي )]

يعتمد على حب ال 2 لبعضهم وقوة شخصيتهم
ممكن يكون حبهم اقوى من رغبة الأنجاب ويضلون طول عمرهم بدون عيال
بالنسبة لقوة الشخصية : بعضهم يتأثرون بكلام الناس ان فلان او فلانة للحين ما عندهم عيال فيصير انفصال ويجربون حظهم اكثر من مرة
بس عشان الناس تسكت

 

[ام-اسماء]

رد : اذا لا سمح الله ...وزوجج......

اكيد اسمح ليش اكون انانيه ؟

 

[( المـلاك )]

يعتمد على الازواج
في ازواج يكفيهم انهم اثنينهم يكونون مع بعض
ما يفرقهم هالموضوع ولو انه يبونه بس علاقتهم مع بعض اكبر من اي شي

و في ازواج لا والله الزم ماعليهم العيال

الحب له دور كبير بهالموضوع ،،

 

[أنفاسي دخون]

بسم الله علي وعلى زوجي

الله لا يقوله لو فيني سبب يمنع الانجاب ما ارضى انه يتزوج علي لأن لو كان هم اللي ما فيه عيال بصبر عليه وما ابيعه بعيال الدنيا

الله سبحانه قال " المال والبنون زينه الحياة الدنيا " صدق انهم سبب للسعاده بس مو اساسها وش الفايده ان عيالي ترس البيت وما في احساس وتواصل بيني وبين زوجي واولا واخيرا الحب هو اللي يحدد

الله لا يحرم احد من الذرية الصالحه ويرزق كل محروم

 

[Sweetq8]

أنا مع كلام العضوه مي

وانا اعرف وحده عشر سنين والدكتور يقولها انسي تحملين مافاد معاها شي و رجلها يدري انه سليم ميه ميه بس من حبه لها يقول هي اهم من الجهال وما شا الله الله عطاهم ع قد نيتهم وجابو توام وكانت كله اتقوله تزوج أنا ابي أشوفك مستأنس يقولها الجهال الي مو منج أنا ما ابيهم الله يسخرهم لبعض يارب ولا يفرقهم

 

[طواري لـ((العنقا))ـيل]

الحمدلله


الله يرزق كل محرومه يارب



وانا لو صارلي هالشي مستحيل اخليه يتزوج


ولو هو فيه شي والله مااخليه عشان جهال



الله لايقوله انشالله

 

[سارووونه22]

انا بنفسي اروح اخطب له واذا عليه اهوه مابدله لو بكنوز العالم ولو ربي كاتب لي جذي برضى بقسمتي ونصيبي

 

[iLLuMinaTion]

لو صبرتي عليه وفي النهايه تكتشفين العكس

شنو تسوين ساعتها

 

[سارة ة]

السلام عليكم

عندي لكم سؤال صعب



افتراض لو حصل ويمكن يكون حصل للبعض

لو فرضنا ان لا سمح الله وصارلج حادث او ظرف ما يمنعج من الانجاب

هل تسمحين لزوجج للزواج من غيرج....
لا طبعاااااااااااااااااااااااا:krkrkr:

والعكس صحيح ..لو انتي لج رغبه الانجاب وزوجج صار له حادث ...
هل تصبرين عليه
اااي اصبر عليه
ملخص السؤال :

هل رغبه الانجاب أقوى من العلاقه الزوجيه ؟؟؟؟؟؟؟؟؟

لا مو اقووى اهم شي زوجي :tongue22:

 

[iLLuMinaTion]

لا مو اقووى اهم شي زوجي :tongue22:

هذي المحبه والا بلاش :tek:

 

[مووووني]

انا الله مارزقني بس الحمدلله
بنسبه لي ما اخلي لوشيصير
بس ما استحمل اشوفه مع غيري
(انانيه)
بس احبه
واهو اهم من الياي

 

[kookiz]

اذا لا سمح الله صارلي حادث وكان يبي بيبي اخلييه يتزوج بس ما اظل على ذمته
اما اذا اسم الله عليه صار له اصبر اكييد ومستحيييل اتخلى عنه

 

[a7la MUM]

رد : اذا لا سمح الله ...وزوجج......

عن نفسي مرة سألته وقال انتي بتكونين بنتي وولدي وعيالي وما ابدلج بالدنياالحمدالله والعيال مو كل شي
اما لو انا اكيد بسمحله يتزوج ويشوف حاله بس اذا اهو قال مابي خلالالالاص ما احن على مخه

 

[قلبي سلومي]

رد : اذا لا سمح الله ...وزوجج......

اكيد بخليه يتزوج
حرام يوقف ذريته عشاني

 

[Jolia-007]

رد : اذا لا سمح الله ...وزوجج......


لوكانت المشكله مني انا ماعندي مانع بخليه يتزوج لكن بطلب الطلاق

واذا اهو عادي بصبر

 

[ام جوري89]

لا اهم شي زوجي .. وعيال بدونه مابيهم :$

 

[الأميرة جوري]

العيال اهم

 

[DooLy88]

بسم الله علي وعلى زوجي

الله لا يقوله لو فيني سبب يمنع الانجاب ما ارضى انه يتزوج علي لأن لو كان هم اللي ما فيه عيال بصبر عليه وما ابيعه بعيال الدنيا

الله سبحانه قال " المال والبنون زينه الحياة الدنيا " صدق انهم سبب للسعاده بس مو اساسها وش الفايده ان عيالي ترس البيت وما في احساس وتواصل بيني وبين زوجي واولا واخيرا الحب هو اللي يحدد

الله لا يحرم احد من الذرية الصالحه ويرزق كل محروم

اللهم آمين

لاطبعا ما ارضى
اخلي وحدة تشاركني فيه عشان لعيال مثلا؟؟
وحتى لو كان العيب منه الله لايقول
راح اصبر عليه ومابدله برياييل الدنيا
ومرة سألته عن هالموضوع وقال
انا ماخذتج عشان اييب منج عيال لاني احبج ومابي غيرج ومابي عيال الا منج انتي :$ اصلا شنواللي قاعد يصير بالدنيا ؟؟

اذا العيب من الريال سكتو وصبرو
اذا العيب من المرا تزوجو عليها او طلقها - نادرا مايصبر عليها


استانس لما اجوف ناي صابرين مع بعضهم
اعرف واحد مع مرته فوق ال20 سنة كاهم شحلاتهم ماشالله مع بعض بدون عيال وعوار راس
ووحدة بعد مع زوجها 16 سنة ليما الله رزقها بتوأم :eh_s(3): ماشالله

بس للأمانة ماعرف العيوب بهالاسرتين من من ؟!

 

[أوتــار الهــوى]

رد : اذا لا سمح الله ...وزوجج......

اذا العيب مني وهو يبي العيال يطلقني ويتزوج
وإذا العيب منه أكيد بأصبر وبحتسب للأجر من الله

لاحظت إن المره إذا العيب من زوجها تصبر عليه
وإذا العيب من المره مايصبر عليها الزوج ويتزوج << نذاله>>