اذا ريلج راضي ....انتي ترضين...:)

[iLLuMinaTion]

السلام عليكم ورحمه الله وبركاته

شلونكم يا بنات

أتمنى تكونون بخير وصحه وسلامه

عندي تساؤل واستفسار

ودي من خلاله اعرف تفكير هذا الجيل من البنات والحريم

سؤال من شقين


1) هل ترضين ريلج يسافر بروحه أو مع ربعه ...ومثال على ذلك ؟؟؟؟

2) هل يرضى ريلج تسافرين مع صديقاتج ..واذا راضي هل تسافرين مع صديقاتج أو اختج

ودي اعرف ردودكم

مشكورين:wqedqw:

 

[عادي من قلبي أشيلك]

لا ما ارضى انه يساافر بس اذا بقى ماراح يرد علي


اذا انا ابي اساافر لا ماراح يرضى

 

[روحي زوجي]

رد : اذا ريلج راضي ....انتي ترضين...

بالنسبه لي ارضى يسافر طبعا اذا كنت واثقه من اخلاقه

وطبعا مايرضى اسافر مع احد واذا يرضى اني اسافر مع اهلي او خلافه عادي اسافر

 

[شيخه الحلى]

لاوالله ما أرضى يسافر مع ربعه
مســـــتحييييييييييييييييييل
إذا انا واثقه بزوجي بس مو واثقه بربعه صراحه
والصاحب ساحب

يبي يروح مع أهله او خوانه كيفه الله معاه
بس ربعه مستحيل


وأكيد اهوا مايرضى أسافر مع صديقاتي بس يرضى اسافر مع خواتي

 

[اروى..]

رد : اذا ريلج راضي ....انتي ترضين...

اذا كنت واثقه فيه بخليه يسافر عااادي بس هم بيضيق خلقي شوي

واذا انا بسافر مع صديقاتي لا ما اتوقع يرضا ولا انا بعد

بس اذا ويا اهلي عادي يرضا

 

[a7la MUM]

رد : اذا ريلج راضي ....انتي ترضين...

بالنسبه للسؤال الاول اكيد بخليه بس على حسب الديرة يمكن...
السؤال الثاني يخليني مع اهلي بس رفيجاتي ماصارت والله

 

[اميره1980]

طبعا اخليه الحمدلله زوجي ملتزم و دين و اذا يبي يسافر يروح اماكن دينية ماله بسفرات الدول الي خبركم الحمدلله
و انا ما ارضا اسافر مع امي او اختي اصلا و اخليه مستحيل حتى لو يرضا

 

[احب الكاكاو]

مجبرة اختج لا بطله
ليش اعاند ما اخليه يسافر واصير نجرية وهو بموافقتي وعدمها كمسافر مسافر

واذا قلتي اغار قالج ترا علبالج برا بس خرابيط الديرة متروسه ( متاكده ان كل ريايلينا يقولون جذيه صح)

بس الحمدالله ريلي يخاف من الله والي يخاف من ربه تاكدي ما يغلط
ودايما اقول الي ما يخاف من ربه المفروض ما يخاف من مرته

خلوووا الثقة وربي يحفظنا ويحفظ عيالنا ويسخر ريايلينا لنا

 

[@ دهن العود @]

بالنسبه لي ارضى يسافر طبعا مافيها شى

وطبعا مايرضى اسافر مع احد غيره الا ا>ا اخوانى معاى

 

[DooLy88]

) هل ترضين ريلج يسافر بروحه أو مع ربعه ...ومثال على ذلك ؟؟؟؟
يروح دول الخليج يشتري اشيا حق السيارت او اشيا عادية السفرات بويوم او يومين يعني مع رفيجه الوحيد او ولد عمته
اما سفرات اللي فوق ال5 ايام @@ مع صبيان وايد واماكن وصخة @@ لالالا وألف لا اصلا قبل لايتزوجني وكان ذي شرطي واهو موافق
لانه مو راعي هالسفرا الحمدلله وربعه ماعنده الا واحد اللي وايد كلوز معاه
سفراته اكثرها مع امه الحمدلله

2) هل يرضى ريلج تسافرين مع صديقاتج ..واذا راضي هل تسافرين مع صديقاتج أو اختج

اعتقد مع اهلي واختي اوهله راح يرضى وعلى حسب المكان اذا بعيد اكيد مابيرضى الا مع اهله واهله
بس انا واختي بروحنا لاااا - اصلا اناا مابسويه ) اخاف لازم اهو معاي او احد كبير لوول

 

[DooLy88]

مجبرة اختج لا بطله
ليش اعاند ما اخليه يسافر واصير نجرية وهو بموافقتي وعدمها كمسافر مسافر

واذا قلتي اغار قالج ترا علبالج برا بس خرابيط الديرة متروسه ( متاكده ان كل ريايلينا يقولون جذيه صح)

بس الحمدالله ريلي يخاف من الله والي يخاف من ربه تاكدي ما يغلط
ودايما اقول الي ما يخاف من ربه المفروض ما يخاف من مرته

خلوووا الثقة وربي يحفظنا ويحفظ عيالنا ويسخر ريايلينا لنا

لوووووووووووووول صاجة حتى زوجي يقول ههههههههههههه

اي والله الحمدلله اهم شي الثقة والحمدلله ان الريال ملتزم وخايف ربه
بس اذا مسافر مع واحد خراب اكيد مابرضاها ولو سواها والله مابرضا بالساهل
ولو كان رفيجه او اخوه مثله ملتزم عليه بالعافية
بس بعد مو اي مكان يسافر له

مثلا تايلند ديرة الوصخين مايروحها الا وانا معاه << وهالحجي اهو بنفسه قايله لي

 

[chanel N22]

انا ارضى حسب المكان اللي يبي يروحله والمده؟
واهو ما اتوقع يرضى الا اذا عمره مع اهلي يمكن يرضى ما ادري ماجربت

 

[همس الجــليــد]

رد : اذا ريلج راضي ....انتي ترضين...

اول شئ خواتي حطو في بالكم اذا الريال بغي شئ يصير يعني يصير فخلونا نكسب طيبهم ونوافق ولا انا من ناحيتي ما ارضي الا اذا كان مشبعني سفر لين اقوووووووووول بس مع ان الحريم مايشبعون لووول

وما اعتقد في زوج يرضي يخلي مرت تسافر من غيره الا العمره مع اهلها خخخ الان راح يشك فيها وهذا الواقع يعني بالمختصر
(( يرضونها علينا وما يرضها علي نفسهم ))

 

[المـــــها]

أنا ما أرضى أنقهر
بس أمي تقولي عادي إذا سياحه مع ربعه يعني بس مو خرابيط

 

[sukrah]

لازم من فتره ل2 غير جوه ويسافر لوحده مع ربعه

بس انا مارضى اسافرلوحدي الا للضروره القصوى مجبوره

اروح مع اهلي جماعتي اوكي

 

[كويتيه مذهله 87]

اخليه يسافر حتي لو بروحه الريال الي يخاف الله يخاف علي بيته وزوجته

بس من ناحيتي انا

انا الي ما ارضي اسافر مع بنات ورفيجاتي لووول ما أمن الصراحه انا خوافه
هو قالي اذا امج او ابوج او امي او ابوي معاج اي بس غيرهم لأ

,,,

 

[مشتاقه لك يبا]

رد : اذا ريلج راضي ....انتي ترضين...

انا مجبوره ارضى مرات انه يسافر مع ربعه بس انا اسافر مع احد ثاني غيره مستحييييييييييل

 

[fdeet_shosho]

برا الديرة مستحيل بدون شغل واهوا يعرف رايي بالسفر بس خليته يسافر يوم راح يدرس برا والحمدلله تخرج والحين يبي يسافر يكمل دراسته بعد يحب الدراسه عشتو ا بس اتذكر مرة قالى بسافر ويا ربعي ديره برا حق وناسه ويبي يشوف ردة فعلى قلتله حبيبي ماكو سفر بروحك خذنى معاك استانس قال لا ربعه دافعين مصاريف السفرة ؟!! دايم هالكلمه بس الحمد لله ماسافر بروحه ويا ربعه للحين الله يستر ويكمله بعقله
2- اما سالفه يخليني اسافر بروحي اممم مادرى انا مرة خلانى اسافر ويا اخوي بس لان كان عندى شغل برا الكويت واضريت اسافر ورضا بس مرات لما احن انه يسفرنى يقولى سافرى ويا عيالج واخوج الديره اللى تبين وانا ادفع بس ماظن انه صاج يبي يسكتنى وماجربت صراحه بس يمكن تصير ليش لاء ربي يهديه ويعطيني الضوء الاخضر للانطلاق خخخخخ

 

[So MuCh PaIn]

رد : اذا ريلج راضي ....انتي ترضين...

1) هل ترضين ريلج يسافر بروحه أو مع ربعه ...ومثال على ذلك ؟؟؟؟

ارضي اذا كان مع اخوانه والسبب مقنع

2) هل يرضى ريلج تسافرين مع صديقاتج ..واذا راضي هل تسافرين مع صديقاتج أو اختج

نهائيا لا بس معاه

 

[برونزيه شقرا]

رد : اذا ريلج راضي ....انتي ترضين...

ارضى يسافر ولكن بالمعقول خل يروح يغير جو ويجدد الشوق اللي بيني وبينه
يعني يروح برضاي ولا يروح وانا زعلانه لا والله خله يروح برضاي واخليه يتشوق لي ولليهال
اما سالفة سفره مع رفيجاتي اواهلي انا مااحب اخليه بروحه ومال داعي سياحه من غير ريلي