ادوية النفاس من جديد بالتفصيل الممل.... من خبيرة اعشاب

[فـرفـر]

أم خالد عيدج مباارك يااقلبي


انا لي فتره تنزل منى افرازات لونها اخضر مستغربه يمكن لانى استخدمت غسول وسبريه fem fresh


بس مره نزلت منى هالافرازات يوم

ورحت المستوصف عطانى مضاد حيوي وغسول وهالكلام من شهرين والحين ردت لي مره من اسبوع واليوم

شتنصحيني فيه للعلم مانى متزوجه

وفيني مشكله بعد حييل احس ببللل اغير ملابسي الداخليه دايم

شتنصحيني فيه

 

[ام روان22]

مااخذت اي اعشاب ولا دفيت نفسي و بسرعه قمت اشتغل لاني بغربه ماعندي احد ونزل رحمي وللعلم انا عندي بس 2 اطفال ةالحين غابت الدوره سبع شهور عادي اخذ الحين اعشاب

 

[خبيرة اعشاب]

ممكن اعرف شنو هي الرزنه ؟

وشنو فايدتها ؟

وهل هي عبارة عنة عشبه وحده او مجموعة اعشاب ؟

وهل لازم ناخذها بالنفقس

؟

السلام عليكم

الرزنة اختي هي عشبة لونها اخضر و اسمها العلمي ( خرز الصخور ) و لكن العديدين يخلطون بينها و بين الاشنة .

و فائدتها انها مطمثة و مقوية و تفيد من يعانون من فقر الدم و كذلك من هم في فترة النقاهة

و طبعا الرزنة من الاعشاب التي يحبذ استعمالها خلال النفاس لما لها من فوائد

و تحياتي

 

[خنين العود]

يعطيك العافية ام خالد بس حبيت اسأل
هل تناول خلطاتك يؤدي الى تعود الوحدة عليها ؟ بمعنى إذا تركتها يعود الخراب مرة اخرى؟
ومشكورة على سعة صدرك وعدم اهمالك الرد على استفسارات الجميع

 

[خبيرة اعشاب]

حبيبتي ام خالد
انا اللي قلت لج ان البروشور ضاع وقلتي لي بطرشينه لي بالايميل بس ليلحين ماوصلني شي ياليت ترسلينه لي باسرع وقت قبل لا
اولد

ومشكووووووره

حبيبتي ارسلته لج

و سوري على التاخير

 

[خبيرة اعشاب]

ياخواتي الغاليات

انا ماكليت غير الحلبه والكمون بالاكل والحبة السودا
وانا قيصرية مااكلت لهوم وقبوط وخسو
والدم انقطع مني من 11 يوم يعد ولادتي بس محافظة على نفسي بالدفا

السلام عليكم
اول شي حمد الله على سلامتج

بالنسبة للقيصرية اختي المفروض تتستعمل الادوية نفس الي والدة طبيعي بس انها تبتدي فيهم من اليوم الخامس

و عادى اني الدم ينقطع الحين لان اصلا بالعملية منظفينج ..
بس لازم تاخذين دويات عشان ينشد ارحامج و ما يطلع لج بطن ان شاء الله

و حياج الله يا الغالية

 

[خبيرة اعشاب]

مرقوق النفاس من خبيرة اعشاب الصور تتكلم http://www.q8yat.net/showthread.php?t=270532

 

[خبيرة اعشاب]

أم خالد عيدج مباارك يااقلبي


انا لي فتره تنزل منى افرازات لونها اخضر مستغربه يمكن لانى استخدمت غسول وسبريه fem fresh


بس مره نزلت منى هالافرازات يوم

ورحت المستوصف عطانى مضاد حيوي وغسول وهالكلام من شهرين والحين ردت لي مره من اسبوع واليوم

شتنصحيني فيه للعلم مانى متزوجه

وفيني مشكله بعد حييل احس ببللل اغير ملابسي الداخليه دايم

شتنصحيني فيه

اختي هذا التهاب لازم اداومين على العلاج على الاقل اسبوعين عشان ما يرد لج مرة ثانية

جربي اشربي ملعقة كبيرة من منقوعة المرة 3 مرات باليوم ترفع المناعة و ايضا ممكن تستعملينها كغسول

مع الحرص على استعمال ملابس داخلية قطنية جيدة التهوية ,, و تغييرها عدة مرات باليوم

و ان شاء الله ما فيج الا العافية

 

[بنت الوفا]

جزج الله خير يام خالد وعسج عالقوه

 

[fife4ever]

ام خالد
بغيت اسأل صج السلطة الا في ليمون مو زين للنفاس
وحبيت اسأل وحده قالت لي نقعي الحلتيته واخذى حثالها وحطيها على الخياط وشوي على الفوطة الصحية
فانا ابي اسأل ما تضر لاني مره تبخرتها وشمها ولدي وقعد يرجع ويسهل وولدي عمره 3ونص فشلون المولود

 

[عزة نفسي]

ام خالد





اناا طالبه ورح الد بشتاء

وماكو اجازه لازم ادوم وانااا خايفه من نزول الرحم والهوء

شنو اسوى لو خذيت اسبوع راحه ودومت ماينزل رحمى ولا يدخلنى هوء

 

[خبيرة اعشاب]

يعطيك العافية ام خالد بس حبيت اسأل
هل تناول خلطاتك يؤدي الى تعود الوحدة عليها ؟ بمعنى إذا تركتها يعود الخراب مرة اخرى؟
ومشكورة على سعة صدرك وعدم اهمالك الرد على استفسارات الجميع

السلام عليكم

اختي انا شرحت قبل ان ما ي تعود على خلطات ,, تستعملين الخلطات اتصيرين زينة اتوقفينهم في اي وقت و مو شرط تستعملينهم على طول

تحياتي

 

[اجمل وردة]

السلام عليكم اختي
جزاك الله خير وفرجلك عن كل هم وكربة في الدنيا والاخرة
موضوع مهم
اختي اعاني من ميلان في الرحم بعد ولادتي القيصرية الاولى ذهبت للدكتوره لاني احس بوجع لكنها قالت عادي وانه مايسبب عدم حمل
فايش رايك اقدر اسوي شي يقدر يرجعه لوضعه الطبيعي بعد الله
واختي على وشك ولادة فلو سمحتي اذاممكن ترسلين على الخاص الكورس تبع الولادة
وجزاك الله عنا خير

 

[خبيرة اعشاب]

ام خالد
بغيت اسأل صج السلطة الا في ليمون مو زين للنفاس
وحبيت اسأل وحده قالت لي نقعي الحلتيته واخذى حثالها وحطيها على الخياط وشوي على الفوطة الصحية
فانا ابي اسأل ما تضر لاني مره تبخرتها وشمها ولدي وقعد يرجع ويسهل وولدي عمره 3ونص فشلون المولود

السلام عليكم

اختي يفضل ما تاكلين سلطة اول اسبوع من بعد الولادة خصوصا اذا بادة لان بالاساس الجو بارد الحين ,, و الليمون و كل الحوامض يفضل عدم استعلاكها خلال اول 20 يوم من النفاس

و بالنسبة للحلتيتة مو زينة و لا تستعمل للخياط اخاف قصدج الصبرة بس

تحياتي

 

[خبيرة اعشاب]

ام خالد





اناا طالبه ورح الد بشتاء

وماكو اجازه لازم ادوم وانااا خايفه من نزول الرحم والهوء

شنو اسوى لو خذيت اسبوع راحه ودومت ماينزل رحمى ولا يدخلنى هوء

السلام عليكم

الله يهون عليج و تولدين بالف سلامة

اختي يبي لج على الاقل اسبوعين راحة ,, و حتى اذا داومتي دفي نفسج عدل عدل عشان ما يدشج هوا

و تحياتي

 

[بريوشة]

ام خالد يعطيج العافيه

انا صار لي 16 يوم والده بقيصريه لاحظت ولدي اول جم يوم خروجه طبيعي بس عقب صار معاه مثل الامساك تقريبا يمكن اسبوع عقبها سواها مره بس مو لينه مثل كل الاطفال بهالعمر وعقبها صار وياه امساك جم يوم وسواها مره هم نفس الشي مو لينه مادري اذا هالشي طبيعي والا لا مع اني استعمل من الكورس اللي ماخذته منج

وجزاج الله خير
ناطرة ردج

 

[@@شمعه المكان@@]

سلام بغيت اسالك ام خالد الحين ادا بشتري الاعشاب كم كيلو اخد من كل نوع من الاعشاب حتى اتكفي نفاسي والثلاث دورات اللي بعد النفاس وبعدين بالنسبه للاكل ما يضر الكبده والشكشوكه والجبن لانه يقولون الجبن حامض والتونه وشكرا

 

[danaoo]

بصراحه حبيت اشكر ام خالد لدقه مواعيدها ولأسلوبها الرائع لان كنت طالبه منها برنامج النفاس كامل وماشاء الله عليها مرتبه والعلب شكلها نظيف وما تأخرت عن الموعد الى اتفقت معاها عليه عشان توصيل الادويه . اتمنى لج كل التوفيق يام خالد ومشكورة ما قصرتي

 

[احلى البنات25]

الله يعطيج العافيه

 

[jeera]

صباح الخير شلونك أم خالد صراحة موضوع رائع ومفيد
انا عضوه جديده لوسمحتي ياليت ترسلين لي البرنامج كامل وتوضحين المقادير بالضبط انا الحين حامل بالتاسع أسبوعين وباولد جهزت بعض الأعشاب المذكورة وأبي أكمل البرنامج ياليت تفيديني وتساعديني جزاك الله خيرا​