ادوية النفاس من جديد بالتفصيل الممل.... من خبيرة اعشاب

[الكويت حياتي]

موضوع عسل حده مثل صاحبته يزاج الله الجنه يارب

صراحه انفاسي كان مالي خلق شي ابد بس كنت اكل تمريه بس فيها كل اعشاب النفاس لهوم وغيره هل يكفي

 

[BlackRose]

ام خالد واللي يعافيج بغيت اطلب منج ادوية ضروري

بليييييييييييييييييييييييييييييييييييز

 

[خبيرة اعشاب]

الله يعطيج الف الف عاااافيه يالغاليه ويجعله في ميزان حسناتج
انا هذا ثاني حمال لي بس ماعرف وايد بسوالف النفاس وبنفاسي الاول ماكنت اكل وايد حسو وهالسوالف ما احب بس انشالله ناويه اكل واضغط على نفسي واتحمل
بس امي صغيره ومومن حريم اول الي تعرف اشياء وايد عن الاكل بالنفاس
ماعليج امر بغيت اعرف شنو اكل وقت النفاس وشنو الاشياء الي اتشطف فيها وفي تحاميل تنظف الرحم وبشنو اتبخر؟؟؟

مرحبا

حبيبتي الموضوع هذ فيه كل الادوية الي المفروض تاخذينها خلال النفاس , و ايضا في موضوع النفاس ليس فترة عقاب ...
تلقين فيه كل النصايح الخاصة بفترة النفاس من انظمة غذائية و غيرها ...
و تحياتي

 

[خبيرة اعشاب]

السلام عليكم ورحمة الله وبركاتة
أختي اناولدة قيصري لي حوالي اسبوعين ملتزمة بادوية النفاس بس قبل يومين احس ان الرحم مرة نازل ولكي الكرامة ادارحت لدورة المياه احس ان الرحم بيطلع مع الم اذا تعرفين اعشاب ترفع الرحم الله يجزاكي خير دليني عليها

مرحبا

اختي هبوط الرحم امر شائع خصوصا عند الولادة القيصرية .... لذلك لابد من الالتزام بالراحة التامة و استعمال ادوية النفاس المناسبة ,, و كذلك التركيز على خلطة السفوف ( ملعقة وسط صباحا و اخرى في المساء ) لانها تساعد باذن الله على شد الرحم و كذلك شاي الاعشاب 3 مرات على الاقل يوميا ...
اذا احسستي بخروج عنق الرحم من فتحة المهبل فمن الافضل مراجعة الطبيب لان هذا عادة يكون نتيجة خطا طبي اثناء العملية ... اما اذا كانت الحالة نزول فقط فهذا امر شائع و يمكن علاجه ان شاء الله خلال النفاس

تحياتي :33_1185028183:

 

[خبيرة اعشاب]

هلا اختي

بغيت اسألج بالنسبة لاتهابات الحمل انا الحين بالسابع
واعاني كثير منها

استخدمت غسول ستييل بس ماكو فايده

ياليت اذا عندج حل


وعندي استفسار بالنسبة لكورس النفاس

هل في فترة محددة للتخزين .. ولا عادي؟؟

يعني فيه مشكله اذا طولت وخليته عندي مااستخدمته؟؟

والف شكر لج الغالية

مرحبا

التهابات الحمل شكوى شائعة عند الحوامل خصوصا بالثلث الاخير من الحمل ,,
استعملي غسول طبي و احرصي على تغيير الملابس الداخلية على الاقل 3 مرات باليوم و استعملي ملابس قطنية بيضاء جيدة التهوية ...
اشربي بيرة على الاقل 3 اكواب باليوم فهي جدا ممتازة للالتهابات

اما بالنسبة لادوية النفاس فمدة صلاحيتها سنة و نصف و يعتمد ذلك على التخزين الجيد ... فقط احتفظي بالعلب محكمة الاغلاق في مكان لا يتعرض للضوء او الحرارة

و تحياتي
:33_1185028183:

 

[خبيرة اعشاب]

السلام عليكم ورحمة الله
مشكوره يام خالد مقصرتي وصلت لي الطلبيات من اسبوعين وماشاء الله حلوه ومرتاحه عليه وارسل لج على الخاص مايستقبل عندج الرسائل
حبيبتي ابي استفسر هل الاعشاب ايأثر على الرضاعه لاني استخدمها لي عشرة ايام وبنتي كله اتسهل يعني بطانها كله ماء وغازات ريحيني هل للاعشاب دور في حالت بنتي ولا هذا طبيعي ...........

هلا

حياج الله يا الغالية ,,,

الاعشاب ما اتاثر على الرضاعة الطبيعية ,,, و لكن عموما المواليد عادي يكون فيهم غازات .. و البيبي المفروض اتغيرين له على الاقل 6 او 7 مرات باليوم ( و لا يعتبر اسهالا ) لان توها صغيرة
فقط عطيها ماي غريب او شوي ينسون او شومر لطرد الغازات و ان شاء الله ما فيها الا العافية

 

[خبيرة اعشاب]

يعطيج العافيه ام خالد
انا الحين بنفاس لي 28 يوم
ماعرف شي بالادوية ولاعشاب امي تجيب وتقول اكلي هذا وهذا
بس ماتعرف مدتهم بالضبط
فيه دوا اخذته اول 20 يوم وخليته وكان مطحون ناعم حيل شنو مخلوط فيه بالضبط مدري
وفيه المردود اخذه ال20 الثانية

وفيه بعد دو اخذه اذا كملت 25 يوم ريحته مثل النقوعه قفشه صغيره بفنجان واحط يا ماي او شاي او حليب واشربه كله حتى القفشه مالت الدوا
ماتذوب تقعد باخر الفنجان وابلعه غصب

وفيه بعد اللهوم هذا كله حبوب (حلبه وسويدا وكمون وسكر نبات وووشغلات واجد هذا انا بديت فيه يمكن 7 يوم بنفاسي وخليته يمكن 22 يوم بنفاسي بعد ماقريت بموضوعج ان اللهوم بس 10 ايام لانه يرخي عنق الرحم

فما ادري صج او ارد اكمل اكل اللهوم لاني كنت اخذ 3 ملاعق في اليوم وحسيت اني متنت شوي وقتها حتى وجهي صار حلو
بس من خليته انفشيت وراحت خدودي

وبعد اخذ شاي الاعشاب بس مو نفس طريقتج احط فيه بابونج وزعتر ومرمريه وزنجبيل بس هذولي وكل يوم اشربه
وخلصت دوا القهوا كان فيه مرة وعنزوت ومادري اذا فيه شي بعد ماعرف

الحين انا بكمل شهر بنفاسي اللي شفته مستمر معاي من ولادتي
الغازات بشكل مو طبيعي يمكن من الادوية بس غريبه يعني بولادتي اللي قبل مامريت بمثل هالحالة!!
من غير الفقاعات اللي تضايقني تطلع من جدام مستغربه
مع اني البس دلاغات وملفع ومنتظمه بالادوية حيل غير عن ولادتي اللي قبل يعني هالمرة اسوي كل اللي قالولي علي
من غير الاصوات اللي ببطني اتوقع من الغازات جربت مرتين كل خميس كنت اتبخر بمرة وقشر بصل حيل ارتحت من الغازات وعوار بطني بسبته
بس بعد ما اتبخر ارتاح يعني 4 ايام وترد علي

الحين اللي خايفه منه اني اطلع من انفاسي فيني هوا
الحين انا لي اسبوع مافي دم بس فيه افرازات بنيه فاتحه حيل وقليله واحيانا اكون نظيفه يومين

مادري ياليت تنصحيني طريقتي باللهوم صح وشنو استمر عليه
وبطني الحمد لله صغر حيل بس فيه من تحت السره شوي بس جنها طايحه للعلم انه ماتبين حيل مع اللبس الا للي يدقق مادري ياليت تنصحيني بشي يشد البطن

واسفة طولت عليج
ويعطيج الف عافيه

مرحبا

اول شي حمد الله على سلامتج

اختي عموما الهوا لما يطلع خلال النفاس خصوصا اذا كان على شكل فقاعات ما يعتبر خراب ,,, فقط عنق الرحم يكون مرتخي و يتسبب بالشي هذا ,,, بس طبعا اهمال المسالة و تركها بدون علاج تكون له عواقب وخيمة على المراة ..

النظام الذي اتبعتيه خلال النفاس صراحة ما اقدر احكم عليه لاني ما اعرف مكونات الادوية , بس هاذي نتايجه بينت عليج حتى قبل لا تطلعين من الاربعين ..

طبعا ولادة عن ولادة تختلف و ممكن انتي في ولاداتج السابقة استعملتيه و ما حسيتي بشي

بس عموما لو تاخذين الحين السفوف + شاي الاعشاب + دوا القهوة الي انا حاطتهم في البرنامج ممكن اتلحقين شوي , على اساس ينشد عنق الرحم و يختفي الهوا

طبعا ما انصحج بالكبو حاليا , ممكن بعد النفاس تكبين

و تحياتي

 

[كولوراديه]

متابعه

 

[خبيرة اعشاب]

موضوع عسل حده مثل صاحبته يزاج الله الجنه يارب

صراحه انفاسي كان مالي خلق شي ابد بس كنت اكل تمريه بس فيها كل اعشاب النفاس لهوم وغيره هل يكفي

هلا

حبيبتي التمرية مو كافي بالنفاس مهما كانت فيها ادوية
اعشاب التمرية معروووفة و ما تنفع للنفاس ممكن بالدورة اي بس النفاس مو كافي

تحياتي

 

[خبيرة اعشاب]

:33_1185028183:

 

[بدوره[BdBd]]

السلام عليكم شلونج يالغاليه .. انا ولادتي بعد اربع شهور انشالله و وايد تاعبتني سالفه تجهيز برنامج النفاس ممكن اطلبه منج كامل؟ وشكثر على ما يوصل ؟ وبجم سعره كامل ؟ الله يجزاج الف خير و ويوفقج...

 

[ربوبه]

لو سمحتي ام خالد ممكن الكورس الخاص للنفاس على الخاص باسرع وقت والاسعار......زجزاج الله خير

 

[اللؤلؤ والمرجان]

مارديتي علي حبوبه

 

[همس الغلا..]

موضوعج جدا مفيد يعطيج العافية ام خالد

 

[خبيرة اعشاب]

اللؤلؤ والمرجان

اختي سؤالج مو طالع عندي يا ليت اتعيدينه مرة ثانية

و حياكم الله

 

[كولوراديه]

متابعه

 

[أحلى شمريه]

ممكن اعرف شنو هي الرزنه ؟

وشنو فايدتها ؟

وهل هي عبارة عنة عشبه وحده او مجموعة اعشاب ؟

وهل لازم ناخذها بالنفقس ؟

 

[افتخر اني كويتية]

حبيبتي ام خالد
انا اللي قلت لج ان البروشور ضاع وقلتي لي بطرشينه لي بالايميل بس ليلحين ماوصلني شي ياليت ترسلينه لي باسرع وقت قبل لا
اولد

ومشكووووووره

 

[كتـ زوجي ـكوته]

ياليت تردين على رسالتي بالخاص بليز

 

[star_tete]

ياخواتي الغاليات

انا ماكليت غير الحلبه والكمون بالاكل والحبة السودا
وانا قيصرية مااكلت لهوم وقبوط وخسو
والدم انقطع مني من 11 يوم يعد ولادتي بس محافظة على نفسي بالدفا