ادوية النفاس من جديد بالتفصيل الممل.... من خبيرة اعشاب

[خبيرة اعشاب]

حبيباتي كلكم ارسلت لكم مو رسائل زوار انما بالرسائل الخاصة

 

[دمثة]

الاجهاض

شتاكل

 

[fife4ever]

ام خالد ياليت تردين على ابي كورس النفاس

 

[Ba$ko0oTa]

يا قلبي هذااا سؤال الثاني ونااطره ردج


شلوونج يا قلبي
بقيت اسألج عن شااي الاعشاااب
اهووو شرط يكون حق اللي والده بس ولا عادي
يعني انا امي صارلها والده من 8 شهوور
فينفع لها الحين تشربه
وله اثر ايجابي ولا ما ينفع ؟؟

وعندج دهان خاااص لشد الترهلات من بعد
الولاده او شراب خاص لازاله الكرش وشد الترهلات مثل الشاي
الاعشااب وتكوون نتيجته مضموونه

 

[*جبرني الوقت*]

يعطيج الف عافيه وجزاج الله الف خيير

 

[al7noona]

الله يعطيج الف الف عاااافيه يالغاليه ويجعله في ميزان حسناتج
انا هذا ثاني حمال لي بس ماعرف وايد بسوالف النفاس وبنفاسي الاول ماكنت اكل وايد حسو وهالسوالف ما احب بس انشالله ناويه اكل واضغط على نفسي واتحمل
بس امي صغيره ومومن حريم اول الي تعرف اشياء وايد عن الاكل بالنفاس
ماعليج امر بغيت اعرف شنو اكل وقت النفاس وشنو الاشياء الي اتشطف فيها وفي تحاميل تنظف الرحم وبشنو اتبخر؟؟؟

 

[fife4ever]

ام خالد بغيت كورس النفاس

وياليت الا يعرف يرد لان ام خالد لا ترد على التلفون ولا في المنتدى

 

[المار]

السلام عليكم ورحمة الله وبركاتة
أختي اناولدة قيصري لي حوالي اسبوعين ملتزمة بادوية النفاس بس قبل يومين احس ان الرحم مرة نازل ولكي الكرامة ادارحت لدورة المياه احس ان الرحم بيطلع مع الم اذا تعرفين اعشاب ترفع الرحم الله يجزاكي خير دليني عليها

 

[خبيرة اعشاب]

ام خالد بغيت كورس النفاس

وياليت الا يعرف يرد لان ام خالد لا ترد على التلفون ولا في المنتدى

حياج اختي

بس حاليا انا خارج الكويت و رح ارد ان شاء الله يوم الاربعاء , فعشان جذي دخولي للمنتدى قليل ... و ان شاء الله رح ارد على جميع رسائلكم على الخاص او استفساراتكن في المواضيع العامة فور وصولي ان شاء الله

التلفون اختي وياي بس الظاهر ما انتبهت لاتصالج يا ليت اذا اتصلتي و ما رديت اتخلين لي مسج و سوف اعيد الاتصال بك

تحياتي

 

[بريوشة]

ياريت اختي تعطيني تفاصيل الكورس كل شغله وحق شنو وجم اسعارهم

وشاكرة لج مقدما

والله يجازيج كل خير

 

[خبيرة اعشاب]

الاجهاض

شتاكل

اختي على حسب مدة الحمل , اذا مسوية تنظيفات او لا ؟؟

و لكن عموما يفضل ان تلتزم ببرنامج نفاس كامل على الاقل لمدة اسبوعين

اول اسبوع : لهوم - حسو - شاي - تمرة
الاسبوع الثاني : سفوف - شاي و ممكن بعد دوا قهوة

و آخر ايام نفاسها غسول


بس نفس ما وضحت التركيبات تختلف حسب الحالة

 

[خبيرة اعشاب]

يا قلبي هذااا سؤال الثاني ونااطره ردج


شلوونج يا قلبي
بقيت اسألج عن شااي الاعشاااب
اهووو شرط يكون حق اللي والده بس ولا عادي
يعني انا امي صارلها والده من 8 شهوور
فينفع لها الحين تشربه
وله اثر ايجابي ولا ما ينفع ؟؟

وعندج دهان خاااص لشد الترهلات من بعد
الولاده او شراب خاص لازاله الكرش وشد الترهلات مثل الشاي
الاعشااب وتكوون نتيجته مضموونه

شاي الاعشاب مو بس حق نفاس ممكن تستعمله بالدورة اذا متوفر عندها بس اذا توها تبي تاخذه يفضل تاخذ الي حق الدورة
و اكيد ينفع باذن الله

بالنسبة لشد ترهلات البطن فالشاي مفيد جدا و عن تجربة

تحياتي

 

[افتخر اني كويتية]

هلا اختي

بغيت اسألج بالنسبة لاتهابات الحمل انا الحين بالسابع
واعاني كثير منها

استخدمت غسول ستييل بس ماكو فايده

ياليت اذا عندج حل


وعندي استفسار بالنسبة لكورس النفاس

هل في فترة محددة للتخزين .. ولا عادي؟؟

يعني فيه مشكله اذا طولت وخليته عندي مااستخدمته؟؟

والف شكر لج الغالية

 

[بدوره[BdBd]]

الله يعافيج بغيت اطلب الكورس كامل متى يوصلني و بجم؟
جزاج الله الف خير

 

[عاشقة قطر]

لوسمحتي اختي بغيت اطلب الكورس اللي يصلح للي والدة قيصرية وشلون طريقتة وتبعينةوبكم وشلون التوصيل لام الهيمان

 

[fife4ever]

مشكوره ام خالد انا في انتظارج

 

[افتخر اني كويتية]

بيييب بيييبيب

ناطرينج ام خلوووود

 

[الفاتنه 2]

السلام عليكم ورحمة الله
مشكوره يام خالد مقصرتي وصلت لي الطلبيات من اسبوعين وماشاء الله حلوه ومرتاحه عليه وارسل لج على الخاص مايستقبل عندج الرسائل
حبيبتي ابي استفسر هل الاعشاب ايأثر على الرضاعه لاني استخدمها لي عشرة ايام وبنتي كله اتسهل يعني بطانها كله ماء وغازات ريحيني هل للاعشاب دور في حالت بنتي ولا هذا طبيعي ...........

 

[تاجره كويتيه]

يعطيج العافيه حبوبه انا تعبانه وشكلي بولد والدكتوره قالت ريحي على الاقل ادش شهري واولد
فياريت ابي الكورس باسرع وقت وياريت السعر مع التفاصيل وطريقه التوصيل واتمنى باسرع وقت واهم شيء كل شيء حق تخفيف الوزن
ابي اصير رشيقه بعد الولاده

 

[l!ke A roSe]

يعطيج العافيه ام خالد
انا الحين بنفاس لي 28 يوم
ماعرف شي بالادوية ولاعشاب امي تجيب وتقول اكلي هذا وهذا
بس ماتعرف مدتهم بالضبط
فيه دوا اخذته اول 20 يوم وخليته وكان مطحون ناعم حيل شنو مخلوط فيه بالضبط مدري
وفيه المردود اخذه ال20 الثانية

وفيه بعد دو اخذه اذا كملت 25 يوم ريحته مثل النقوعه قفشه صغيره بفنجان واحط يا ماي او شاي او حليب واشربه كله حتى القفشه مالت الدوا
ماتذوب تقعد باخر الفنجان وابلعه غصب

وفيه بعد اللهوم هذا كله حبوب (حلبه وسويدا وكمون وسكر نبات وووشغلات واجد هذا انا بديت فيه يمكن 7 يوم بنفاسي وخليته يمكن 22 يوم بنفاسي بعد ماقريت بموضوعج ان اللهوم بس 10 ايام لانه يرخي عنق الرحم

فما ادري صج او ارد اكمل اكل اللهوم لاني كنت اخذ 3 ملاعق في اليوم وحسيت اني متنت شوي وقتها حتى وجهي صار حلو
بس من خليته انفشيت وراحت خدودي

وبعد اخذ شاي الاعشاب بس مو نفس طريقتج احط فيه بابونج وزعتر ومرمريه وزنجبيل بس هذولي وكل يوم اشربه
وخلصت دوا القهوا كان فيه مرة وعنزوت ومادري اذا فيه شي بعد ماعرف

الحين انا بكمل شهر بنفاسي اللي شفته مستمر معاي من ولادتي
الغازات بشكل مو طبيعي يمكن من الادوية بس غريبه يعني بولادتي اللي قبل مامريت بمثل هالحالة!!
من غير الفقاعات اللي تضايقني تطلع من جدام مستغربه
مع اني البس دلاغات وملفع ومنتظمه بالادوية حيل غير عن ولادتي اللي قبل يعني هالمرة اسوي كل اللي قالولي علي
من غير الاصوات اللي ببطني اتوقع من الغازات جربت مرتين كل خميس كنت اتبخر بمرة وقشر بصل حيل ارتحت من الغازات وعوار بطني بسبته
بس بعد ما اتبخر ارتاح يعني 4 ايام وترد علي

الحين اللي خايفه منه اني اطلع من انفاسي فيني هوا
الحين انا لي اسبوع مافي دم بس فيه افرازات بنيه فاتحه حيل وقليله واحيانا اكون نظيفه يومين

مادري ياليت تنصحيني طريقتي باللهوم صح وشنو استمر عليه
وبطني الحمد لله صغر حيل بس فيه من تحت السره شوي بس جنها طايحه للعلم انه ماتبين حيل مع اللبس الا للي يدقق مادري ياليت تنصحيني بشي يشد البطن

واسفة طولت عليج
ويعطيج الف عافيه