اخو صديقتي

[miss swan]

اول غلطه لاحظتها انه ماشافها يعني تزوجها من غير نظره شرعيه
​

 

[رآآحٺ آيآمڪْـ]

مآفيه بنت مآتدلع ولآتطلب وتتشرطَ
شنو يبي هذآ وحدهه نآزله من ( آلسمآ )

 

[أم عزيـز]

اهم شي انه الحين مرتاح مع زوجته اليديده

وتره العمر ماله شغل بالتفكير والاهتمامات

انا اعرف وحده توها متزوجه عمرها 17 لسانها يلوط اذانها وبعاريه وترادد
مع ان زوجها محرتم وخلوق وكان وايد يطوف لها
لين اخر شي زهق وقام كل كلمه والثانيه يقولها عاجبج عاجبج مو عاجبج روحي بيت ابوج !!


فانا اشوف العمر ماله علاقه بتفكير البنت
التربيه اهي الاساس ولازم يعرفون اطباع البنت وشنو اهتماماتها
بما انه اهو عنده مواصفات معينه لازم من الأساس كان يقول شنو يبي
ما يختار على العمر وبس

المهم انه الحين مرتاح والله يوفقه

 

[دلوعة صلوح]

الحين اهو تزوج ثنين المشكلة وين؟؟؟؟

 

[Tom ♥ Jerry]

.


الجيل الحين تغير
ماكو وحده نفس يدتي !!
تفكيره غريب صراحه ..
ظلم نفسه و ظلم بنت الناس وياه :\
كسرت خاطري ..

 

[ألماس من داماس]

جان خذا خدامتهم احسن له

:eh_s(9)::eh_s(9)::krkrkr::rgewrg:

 

[أم غيثة]

صراحة طريقة الزواج و الاختيار كانت غريبة و مو سوية لو مخلي اهله يخطبون له و موصيهم على الي يباه و يقعد مع البنية ببيت اهلها و يشوفها شوفه شرعية و يسولف وياها قبل لا يتزوجون
المشكلة في ناس تتسرع بموضوع جداااا مصيري و هو الزواج و عقبها يا يصير طلاق او زواج ثاني
لا حول و لا قوة الا بالله و شي طبيعي انه البنت الي كبرت و مستواها الدراسي عالي يكون عندها وعي و المام بامور وايد و اكيد دور الي يريحها و يناسبها و احنا بزمن مافيه شي اسمه عنوسه هاي ارزاق من الله في ناس تزوجت و هي فوق 40 و عااااادي
الله يرزق الجميع و فرق السن مو عيب اذا في توافق فكري و تفاهم بين الاثنين

 

[برنسس كاتي]

لووول الصراحة السالفة شوي ضحكتني
دااايم جذييي ، واحد متعلم وشاايف وشابع بعدين يجي يدور "جارية صم بكم " عشان بس يفرخ منها عياال
مين هلي ما بتتكلم ولا شي
اذا يبي وحده جذي يمكن يتيمه مسكينه فقيرة ترضى وتسكت عشان تطلع من عيشتها ،
الرياييل استخفوا

 

[Sanyoreta_20]

اهم شي يبي نفس يدته ترا الناس تطورت

 

[نونو العصله]

مستحيل يلقى
حتى لو فيه
بعد الزواج تغير

خو هم يخلون الصخر ينطق

 

[هيفاء 966]

الحين اهو تزوج ثنين المشكلة وين؟؟؟؟

ماقلنا في مشكله تحتاج حل. نقول مو كل واحد شهادته عاليه ودارس برى زين ومنفتح

 

[أحلى البشر]

اكو ريال مايبي دلوعه :/ !!!!
شي غريــــب بصراحه !!!!

 

[Patcholli]

طلع اهو المعقد ..!!

 

[الورد انا]

من سلوبج مبين انج كنتي متوقعه يخطبونج واسحبوا عليج حقدج واضح ؛المهم الي تقولين عنها عانس زوجته الاولى ومحد درى عنج

 

[&&&&&&&&]

المشكله فيه اهوه ولا فاده تعليمه ولا شي

احس انو انسان معقد​

 

[lemonda]

ياخذ له وحده خرسا وماتسمع علشان لا ترادده

 

[غنج اهلها]

صج غريب هذا

 

[pink Barbie]

لوووووووول خل يظل عزوبي هذا
مسكين وين تلقين وحده جذي بهالزمن
الريال معقد الحمدلله والشكر

والبنت اللي طلقها الاولى من حقها تختار اللي بتعيش معاه طول عمرها
شنو يعني عانس ؟؟؟ تقط نفسها على اي واحد
اهم شي عانس وتتشرط ؟؟؟ شهالاسلوب
ليش مو بني ادم اهيه ؟

والمشكله بالريال مو بالبنات اسمحيلي ماكو وحده تسكت عن حقها حالها حال الاثاث

 

[هيفاء 966]

من سلوبج مبين انج كنتي متوقعه يخطبونج واسحبوا عليج حقدج واضح ؛المهم الي تقولين عنها عانس زوجته الاولى ومحد درى عنج

حمد لله والشكر انا متزوجه قبله من زماااان. شكلج انجرحتي من كلمة عانس. الله يعينج ويرزقج بالزوج الصالح

 

[هيفاء 966]

لوووووووول خل يظل عزوبي هذا
مسكين وين تلقين وحده جذي بهالزمن
الريال معقد الحمدلله والشكر

والبنت اللي طلقها الاولى من حقها تختار اللي بتعيش معاه طول عمرها
شنو يعني عانس ؟؟؟ تقط نفسها على اي واحد
اهم شي عانس وتتشرط ؟؟؟ شهالاسلوب
ليش مو بني ادم اهيه ؟

والمشكله بالريال مو بالبنات اسمحيلي ماكو وحده تسكت عن حقها حالها حال الاثاث

انا اللي قصدته ان وحده وصلت 35. يعني كبيره ولازم تقدم تنازلات. ماتقبل بالجامعي تبي شهاده اعلى انا ماقلت تقدم تنازلات كبيره. تاخذ متزوج او مطلق. قلت تاخذ واحد اقل من مستواها التعليمي بس