اخوي بيخطب جيكرة فيدوني

[zoozoo]

الجمال مو مقياس تحكمين عليه ان البنت اخلاق

تلقين بنت تهبل و جمييبيلة ,, و أخلاق مافيش

سوري بس تقبلي ردي

 

[FOZQ8]

امبيه حرام عليكم اللي تقول حظوظ الجيكر قايمه ومادري شنو ليش جذي؟ مو يمكن انتي عند بعض الناس جيكره والبعض حلوه؟ ليش الشماته والضحك على خلق الله بهالطريقه
ترى الناس اذواق
وغير جذي ولو نفرض انها جيكره
مشفتوا وحده موحلوه متزوجه؟؟ ياكثرهم هذا نصيب والله مجملهم بعيون رياييلهم
ودام اخوج حبيبتي راضي صدقيني الله محليها بعينه تدري ان في راياييل يبحون المتينه بالفراش؟؟ اذواااق ونصيب الله يوفقهم

 

[نسايم عبير]

مايصير اختي لازم اتفاعلين معانا

اخوج مطلق يعني عارف شنو يبي وعمره 28 كبير وفاهم
انتم بس قولو له يا فلان انت مقتنع فيها انت شفتها عدل عشان لا تلومنا باجر وبس وخلوه على راحته
اما عن البنت جيركه ولا متينه ترى هذي خلقت الله وربج اللي كاتب النصيب

انا فاهمتج مو قصدج تذمين او تعيبين عالبنت بس شايفه ان اخوج حلو وودج تزوجونه وحده ملكه عشان تناسبه مالومج انا خواني بعد ادور لهم ملكات جمال عشان يشوفها دايمم حلوه ومع هذا ادور لهم الاخلاق

انت شرايج بالبنت من ناحية الاخلاق واهلها ويمكن انتي شايفتها موو حلوه بس غيرج يشوفها حلوه
وانا اشوف نانسي عجرم تخرع خواتي يشوفونها حلوه وملكه شفتي شلون

وترى مرات التبتوبه لها طله...انا اخوي تزوج وحده ومتنت بعد الولاده حيل والله كل نحثها على الرجيم والحين مسويه رجيم والحين تعالي شوفيها
يمكن البنت مخرب عليها بس المتن بس شكلها عادي وحلو والمتن انتي شايفته مخرب عليها

الله يكتب اللي فيه الخير

 

[Mąгỵòm]

خلاص دام اخوج حبها ويبيهـااا ,, ماتقدروون تقولون لا !
دام اهيا عااجبته خلااص ,, لانه اهوا اللي بيعييش معاها مو انتوو
والله اوفقهم ^^

 

[tolay]

نكون واقعيين

صج انه كلنا نحب اخونا ياخذ وحده جميله ومحترمه وشكلها حلووو

بس دام يبيها ومصر عليها شتسوون !! خلوه ياخذها

انتو قلتوله هذي ماتناسبك متينه وموحلوه شنو قال ؟؟؟

 

[~ مآ يهمـ ~]

بالأول والتااالي اذا اهو يبيهااا وعجبتهااا خلاااص ما اظن بيسمع كلااااام احد

والله يوفقهم ان شاءالله

واذا بنمشي ورااا كلاام الحريم حبيبتي ما بنخلص ولا بنزوج اخوااانااا ولا بنتزوج ههههههههههههههههههههه

 

[~~ وردة العشاق ~~]

وييي ياما متنان وجياكر صاروا يهبلون وضعفوا وامورهم طيبه
شنو بتستفيدون اذا خذيتوله وحده سمبتيكه وجميله ونفسها خاايسه وشايفه نفسها عليكم لانها حلوه !

المهم الله يكتب لهم الي فيه الخير والصالح

بشرينا اذا صار بينهم نصيب

بس لاتطيحون فيها جيكره وجيكره وبطه وغيره

لاتنسين انه الناس اذواق وباجر وراج بنات اكيد انتي مو متأكده انهم بيكونون حلوين !

 

[اميره جورج]

انا فاهمه قصدج انتي تبين تفتخرين بمره اخوج والكل يمدحها ويقول يابختهم حلوه وجذي وما الومج جذي نفسيات البشر خصوصا انتي تقولين اول اخو يتزوج عندكم 0000 شوفي حبيبتي انتي ماعليج مادام اخوج يبيها خلاص توكلو على الله اهو اللي بيتزوج ويعيش معها وهو شافها ومقتنع وانتي نصيحه طلعي روحج من السالفه كلها لايصير شي ويقولو اخوج كله منج ومادري شنو ماسمعتي المثل اللي يقول ادخل في جنازه وماتدخلش في جوازه00000000000000

 

[أم حمد =)]

الله يكتبله الي فيه الخير

 

[اميره1980]

مشكورين وايد بنات على الردود الحلوة و قعدت افكر وايد بكلامكم و الله معاكم حق هذي خلقه رب العالمين و يمكن خاني التعبير انى قلت عنها جيكرة
بس و الله العظيم ان لمن يوقفون يم بعض شكلها جنها خالته او عمته
اخوي جسمه حلو مايل للضعف و اهيا متينة واااااااااايد كل جسسمها متين مثل الفخوذ و الزنود و سوري على هالكلمة بطنها وايد كبير طايح من كبره

 

[tolay]

مشكورين وايد بنات على الردود الحلوة و قعدت افكر وايد بكلامكم و الله معاكم حق هذي خلقه رب العالمين و يمكن خاني التعبير انى قلت عنها جيكرة
بس و الله العظيم ان لمن يوقفون يم بعض شكلها جنها خالته او عمته
اخوي جسمه حلو مايل للضعف و اهيا متينة واااااااااايد كل جسسمها متين مثل الفخوذ و الزنود و سوري على هالكلمة بطنها وايد كبير طايح من كبره

انزين لما عارضتو اخوج وقلتوله هالكلام

شنو كانت ردة فعله ؟؟؟؟

 

[اميره1980]

انزين لما عارضتو اخوج وقلتوله هالكلام

شنو كانت ردة فعله ؟؟؟؟

احنا دورنا له وايد و كل ما شاف وحدة ما تعجبه مع انها زينة و اخلاق و شكلها زين بس يقول ان مل من كثر ما قام يشوف ووده يتزوج
بالله عليكم هذا رد مقتع وواحد فاهم؟؟؟؟؟؟؟؟ شنو مليت؟؟؟
علشان مليت من الدواره تاخذ اخر وحدة شفتها شالسالفة؟؟؟؟؟

 

[نــوي]

يقولج الحين الجياكر يتزوجون و الحلوين يعنسون
سبحانالله نصيب من الله
ولاتوقفون نصيب البنيه مسكينه يمكن طيبه على نياتها والصبي يبيها بس كافي

 

[نــوي]

احنا دورنا له وايد و كل ما شاف وحدة ما تعجبه مع انها زينة و اخلاق و شكلها زين بس يقول ان مل من كثر ما قام يشوف ووده يتزوج
بالله عليكم هذا رد مقتع وواحد فاهم؟؟؟؟؟؟؟؟ شنو مليت؟؟؟
علشان مليت من الدواره تاخذ اخر وحدة شفتها شالسالفة؟؟؟؟؟

لا لا دام هذا كلامه قوليله ترى هذا زواج عشره عمر مو باجر يقول لا بس مليت منها حرام البنات مو لعبه
الديره متروسه بنات يعني وليش مستعيل هذي مو لعبه

 

[شقرديـه عالطل]

انا اقول كملوا الخطبه دام اعجبته وقولي لاخوج شفتها بعينك ورضيت فيها مو بعدين تحط اللوم علينا من البدايه تفاهموا مع اخوكم احسن
والله يكتب اللي فيه الخير

 

[طموحه بزياده]

ليش امج رشحتها اذا اهيا متينه وجيكره؟؟

واذا اهوا عاجبته البنت خلوهم يتوفقون ولا حاولوا تقنعونه ادورون وحده ثانيه وان رفض خلوه عالاولى

ان شاء الله البنت راح تهتم بنفسها وتضعف وتتزين لا تحكمين من اول نظره

والاخلاق هي اللي راح تنفعكم وحجي الناس مرح يخلص لو انها هيفاء وهبي

 

[][ sarah ][]

ياحياااااااااااتي والله اكسرت خاطري مع اني مااعرفهاااا

ليش تقولين عنها جذي حرااااااااااااام مسكيييينه شنو ذنبها مو اهيا طقتهم على ايدكم وقالتلكم طقوا البااااب
ولا جبرت اخوج ان ينعجب فيهااا

والزواج قسمه ونصييب ويمكن هذا نصيبه

ياما رشيقات وبعد الزواج صارت بقرررر ويمكن البقره ارشق منهم
وياما متااااااااااااان ومن تزوجوا اضعفواا وصاروا احلى

 

[EleGanZa]

اهم شي الاخلاق مو الشكل

ومدام اخوج قال يبيها خلااص توكلو على الله ..! انتو شكو بكلام الناس ترى الناس مو اهيه اللي راح تسعد اخوكم

بالله تزوج وحده رشيقه وحلوه وبيضه وملكه جمال واخلاقها صفررررر ..!

خلو البنت تشوف نصيبها دام ان اخوج يبيها .. ويارب تكون من نصيبه اذا اهيه خوش وحده ^_^

 

[&& دعاء &&]

بصراحه عندي الجمال مهم يعني اهي جميله وطلعت اخلاقها مش ولابد يكون اهون من تكون لا جمال ولا اخلاق اهني حزتها اموت
فيعني ركزي شوي بالجمال
والبنت الخلوقه صارت نادره الوجود واللي يقول الجيكره تكون دايمن طيبه وحبوبه اعتبره غلطان والله ياما قليلات الجمال سيئات اخلاق يعني بالعربي لا يوجد مقياس معين
يعني خلها تكون ع الاقل جميله يكون اهون

 

[princess89]

الزواج قسمه ونصيب وكل واحد ياخذ نصيبه في الدنيا