اخوي بيخطب جيكرة فيدوني

[Tutti-Frutti]

انـا بـعـرف مـنـو بـيـتـزوج
انـتـي ولا اخـوج؟
كـيـفـه عـاجـبـتـه .. وتـرى الـجـمـال مـو مـهـم دام الاخـلاق حـلـوه
شـيـسـتـفـيـد اذا خـذا وحـده حـلـوه بـس مـاعـنـدهـا اخـلاق ومـا تـتـعـاشـر؟

واذا عـلـى الـمـتـن تـضـعـف
واخـلاقـهـا وعـشـرتـهـا الـحـلـوه راح تـحـلـيـهـا بـعـيـنـكـم وعـيـن اخـوج
وبـعـديـن الـجـيـكـره مـا تـتـزوج يـعـنـي؟ مـحـكـوم عـلـيـهـا بـالـعـنـوسـه؟
جـنـه اهـي الـلـي خـلـقـت روحـهـا

اسـفـه اذا كـلامـي كـان ثـقـيـل بـس احـتـريـت
حـرام تـحـكـمـون عـ الـبـنـيـه مـن الـظـاهـر وشـكـلـهـا الـخـارجـي
دام الـبـنـت يـمـدحـونـهـا تـوكـلـو عـلـى الله

والله يـكـتـب الـلـي فـيـه الـخـيـر

 

[بنت شيخ]

اهي بتزوجكم ولا بتزوج اخوكم


يعني رايكم مو مهم كل هالاهميه


لا لها ولا له


اذا اهو شافها ويبيها


وما اعترض

الله يوفقهم ويسهل امورهم

 

[shai5at al3arab]

دام تمت الراحة والقبول منه خلاص

اهم شي رايه اهو لانه اهو اللي بيعيش معاها

واذا على سالفة القراض وكلام الناس على قولتج ترى كلامج حدده مو منطقي

شكو ..

معروف فيه رياييل يحبون المتان وفيه رياييل يحبون الضعاف
ومعروف انه الجمال نسبي ..

فيه بنت تشوفينه جيكرة وعند غيرج حلوة

يعني اذا واحد تزوج جيكرة بس بنظرة حلوة الاوادم بيحشون فيه .. شكو ماله شغل .

ولو فرضنا بيتحجون اهو شماخذ من الناس . خل يعيش مع الانسانة اللي اهو يبيها ومرتاح لها ..

وبعدين اهو مو توه صغير عشان تقولين ماله كلمة .

بس بعد 28 .

لا توقفون بطريجه وخلوا الاختيار حقه اهو .

 

[تمره وجمره]

دام اهو مقتنع ليش لأ

الله يوفقه واذا كانت متينه موعيب ولا جريمه

ما اقول غير الله يكتب اللي فيه الخير والله يوفقهم

والخيره فيما اختاره الله




تمره وجمره

 

[kuwaitya-frawla]

في ناس لي الحين تفكر جذي!!اسمحيلي نظرتكم سطحيه حيل!!وين قاعدين اللي تحكمون عل وزن و عل شكل الناس تحكم عل اخلاق

والنيه والجوهر ومدام اخوج عاجبته الله يتمم عليهم ولا تخربون عليه خو اهو اللي بيتزوج مو انتو!!!!!!!!!!!!




وبطلو هل نظره السطحيه اللي مالها اي منفعه

 

[مهفهفة]

ماتحمل الكبيل المولايق

مو مسألة جمال بس ..

باجر اهو يبصبص واهي ثقتها بنفسها زيرو !

وهات مشاكل

 

[•°أنـــفْــِـاسِ اَلِــــوُرَدِ°•]

حبيبتي الجمال موأهم شئ وأنتي قلتيها بنفسك أخوك كان حاط مواصفات بالبنيه اللي يبي يتزوجها ومن شاف البنيه اللي خطبتوها عجبته سبحان الله العظيم هذي قدرة الله دخلت قلبه عجبته وحبها لاجمال ولاشئ الله اللي يعطي كل واحدنصيبه يعني أخوك كاتب الله نصيبه مع هالبنيه الجمال مومقياس أهم شئ جمال الروح والأخلاق والسمعه الزينه والتربيه أنتم أكيدتعرفون أمهاوتربيتهاوأخلاقهاهذا يكفي
والأهم أن أخوك راضي وعاجبته لأن هو اللي بيتزوجهاوبيعيش معها
قال تعالى (وعسى أن تكرهواشيئآوهوخيرآ لكم وعسى أن تحبواشيئآوهوشرآ لكم والله يعلم وأنتم لاتعلمون)
تأملي هالآيه كلام الله وتعرفين غلاتي أن المفروض مانكره شئ يمكن االشئ اللي احنا كارهينه هواللي فيه الخيرهـ من الله وإحناماندري لأن العلم عندالله والشئ اللي نحبه تكون فيه مضرهـ العلم عندالله سبحانه وتعالى’
ومايصيرحبيبتي تقولين عنها جيكرهـ هي ماخلقت نفسها ترى ’
خلي أخوك يستخير وإذا الله كاتب نصيبهم مع بعض صدقيني بياخذها محد بيردهم هذا اللي الله كاتبه وعسى الله يوفقهم ويكتب لهم التوفيق والسعادهـ يارب’

 

[3so0ola_94]

الجمال مو كل شي حبيبتي اهم شي الأخلاق مراات تلقين بنت تهبل مزيوونة بس اخلاق ماكووو

 

[غنادير]

حرام عليكم القبول من الله سبحانه لا تخربون على ولدكم يمكن نصيبه ولا تدخلون هالفكرة في راسه...

والله يسوي اللي فيه الصلاح...

 

[روح مغليهآ]

الله يكتب اللي فيه الخير

 

[حمام شاقني فنه]

يعني الجيكره مالها رب مومن حقها تعيش مثل الناس
بعدين ماعاد بهالزمن جياكر هالمطلح اندثر من بعد بزوغ نجم هيفا وهبي وتوابعهاا هع

اكيد عقب الملجه بترقع بعمرها وبتصك عليكم بعد هع


دام الولد يبيها اجل توكلو
وربي يوقفقهم

 

[&& دعاء &&]

الزواج قسمه ونصيب

 

[Stylista_Q8]

خل يستخير

واذا مصر خل ياخذها

وشعليكم من كلام الناس !! اهم شي راحة اخوكم لا

 

[نمله معصبه]

شوفي سبحان الله النظره الشرعيه تكون فيها الموده والرحمه .. والله نزل الموده بينهم بهالنظره.. يمكن تكون احسن له ولكم من ملكة الجمال..
قولوا له يستخير والله يكتب له الخير

 

[داعيه إلى الله]

الله يهديج بس .. لما قلتي جيكره انتي معترضه عن خلقة ربي هو الي خلقها شنو تسوي وبعدين الواحد يحمد الله على النعمه الي عنده مويتكبر
ويطلع عيوب الناس .. ان عجبته البنت ربي كتبها له سبحان الله لاتقفون امام زواجه وتقطعون نصيب البنت وي فرحه الان
اذا تريدين ان تحسي فيها ضعي نفسك مكانها .
اهم شي الاستخاره خليه يستخير والله يكتب الي فيه الخير
اعذريني على صراحتي

 

[منورة الكويتية]

اول شيئ تقولين مانبي الناس تتكلم فينا
والحين تقولين اخاف يغير رايه وانج خايفه ع البنيه!!
ليش لهالدرجه ماتبونها!! بس عشان مو حلوة ومتينه!! ليش يعني مالها مشاعر مالها احاسيس
وانتو بنفسكم رحتو تخطبونها يعني انتو سألين قبل لاتروحون وكل شيئ
والقرار الاخير بيد الولد والولد عاجبته
بفهم بس وين المشكله؟
خل يتوكل على الله والله يوفقه
صص

 

[%عـجـمـيـه صـريـحـه%]

أنت تريد و أنا أريد و الله يفعل ما يريد

 

[بيبي بدر]

الله يوفقهم

 

[sereen]

ياحبيبتى : بعد اخوج ماشاء الله عندا فكرة يعنى مو صبى توا اول زيجه حقه , اكيد اذا اهو مطلق عندا تجربه والمفروض يعرف يقيم الامور , ماعتقد فى واحد يبى يكرر طلاقه مرة وثنين وثلاث ,
بعدين شنو بيغفل عنا ؟؟؟؟؟؟؟ مثلا شنو ...............ماهو اخوج كان له تجربه والمفروض يتجب اخطاء زيجته الاولى عشان يعيش مستقر مع بنت الناس
الله يوفجه ان شاء الله

 

[يارب اسعدني]

اذا عاجبته خليه ياخدها لاتقطعو رزقها واللي ربج كاتبه بيصير
ربي يوفقكم جميعا يارب
دعواتج لي بالزوج الصالح