اخوي بيخطب جيكرة فيدوني

[جوك احلى جو]

اهو اللي بتزوجولا انتو ! بعدين فكروا بالاخلاق اذا اهي زينه توكلوا علي الله

 

[حنطاويه_84]

اذا اخوج عاجبته وين المشكله انتوا شكو فيه هاذي حياته والناس اذواق يمكن اهوه شايف شي انتوا مو شايفينه وبعدين مو ضروري اذا اعجبتكم تعجبه انا مااشوف فيها مشكلة والله يكتب اللي فيه الخير انشالله واذا من نصيبها ابتاخذه غصبا عنكم هذا نصيب وسوري على كلامي لاتزعلين بس احس امسويه موضوع من ولا شي

 

[MaZyOoOoNa]

لا تتدخلوون دامها عاجبته نصيحه كيفه دامه داشه خاطره و مزاجه ترا الرياييل نظرتهم غير بالمرا يمكن ما يهمه الجمال وسأل عنها يمكن يحب المتان عادي ترا
اهم شي سألو عن اخلاقها لا طلعت والنعم فيها توكلو على الله

 

[موت وميلاد]

اسمحيلي بس ترى انتي وايد سطحيه وحرام عليكم تقطعون نصيب البنت عشان خايفه لا الناس يحشون فيج

عمره الجمال ماكان سبب في السعاده

واهني اخوج على تواضعه وتفكيره عسى الله يوفقه

 

[كبرياء أمراه]

لازم نسوي قروب نحارب الزواج من المتينات والجياكر والسمر والقصار وو..............
اشرايج...؟؟؟؟
الدنيا دواره ومثل ماتطلعون عيوب بنات الناس باجر عيوبكم بتطلع...
وثانيا هو عاجبته يعني قلبكم بيعوركم عليه لين خذها واشفيهااااا البنت ... شكلكم حتى ماجربتو تسألون عنها..



سؤال...؟؟؟
لي هالدرجه مستخسرين اخوج عليها...؟؟؟؟؟؟؟؟؟؟؟​

 

[رنين]

سمحيلي حبيبتي عنوانج يضيق الخلق....لكن لما قريت ردودج شفت انج خايفه يفشلكم و يغير رايه....

الحل ببساطه قضيه الشكل هذي راده له طبعا ماله داعي التلميح حتى لها....
انتو عليكم تتاكدون من اخلاقها و طيب معدنها
لو كان فيها عيب شرعي بالشكل مايقدر يشوفه توضحونه له(مرض جلدي مثلا بهق او شي جذي)

غير هذا الله سبحانه هو الي يقرب القلوب و ياما ناس بعين الاهل جيكره و مه العشره لقوها بطيبها خذت قلوبهم و العكس صحيح خذا الزينه و طلعت عيون اهله...


بس عطوه فرصه جم يوم يفكر و يرد يشوفها مره ثانيه و اذا مصر عليه بالف عافيه و عساه عرس مبارك

 

[sowsan]

ترضينها على نفسج
يون ناس يشوفونج الولد يبيج ويتمسك فيج وانتي بعد يش خاطرك ويون خواته الملاقيف يقولون جيكره ومافيها مسحه من الجمال لا ويحطون موضوع بالمنتدى
ترى حرام من عيب اعتاب
وهذي خلقة رب العالمين..اذا يبيها مافها شي ونصحوها تالي تعدل من جسمهاا
والله عيب ومنزله موضوع

 

[انصاريه قمره]

حبيبتي عادي انا قبل الزواج حلوه بس كنت متييييييييينه وزني كان 93 والله والله والله
وزوجي ميت علي وماخذين بعض عن حب بس كاني الحين عقب ما ولدت صرت عظاااام جسمي حلو
والحين حامل ووزني 69 يعني الوحده تتغير بعد الزواج واهم شي الاخلاااق مو مهم الجمااال

 

[:: Diva ::]

كيفه

و الله يوفقكم

 

[cheese cake 84]

مادري يعني مستغربه من ردود بعض البنات يعني صج اهم شي رايه اهو واهو اللي راح يتزوجها واهم شي الاخلاق والسمعه الطيبه بس الصراحه مااااافيها شي زوود ليييش ياخذ جذي واهو موقاصره شي يعني شضمنكم تضعف بالله امتنت زياده عب الحمال والولاده ولا متنها ماثر عالمبيايض وماتحمل ماتدرون انتوا دوروله بعد وخلووه يشوف يمكن يغير رايه الصراحه انا رفيجتي اخوها تزوج وحده متيينه تريبا نفس هالوزن بس حلوه مع الزواج كرهها يقول متيينه متييينه ماتوقعت جذي والله لي طلعت معها اشوف هالبنات ضعاف وانا اتحسر على عمري يعني ممكن الواحد بلحظه الخطبهماينتبه عدددل وبعد الزواج تطلع الطبقات والشحوم واللحوووم

 

[لورا آشلي]

والله يااختي مو اهي اللي خلقت روحها

واذا اخوج مقتنع فيها فلا توقفون نصيبها

 

[اميره1980]

مشكورين بنات على الردود سواء كانت ايجابية او سلبية انا اتقبل كل شي بصدر رحب و بالعكس احب اللى ينصحنى لمصلحتى

بس في نقطه ما قلتها لكم ان اخوي مطلق من قبل و خايفة ان بعد الزواج عينه تتفتح على شغلات كان غافل عنها و ما نبيه يظلم بنت الناس هم انا حاطه مصلحتها بالاعتبار عارفين؟

 

[sowsan]

دام مطلق يعني يعرف شنو يبي
لاتوقفون بنصيبه اهو وكيفه

 

[Dancing^Queen]

اختي خل يستخير ربه قبل كل شي
بعدين انتو حكمتو علي الشكل من وجهه نظركم الريال لي طالع المره له وجهه نظر غير عنا كللللللللش
في بنات نشوفهم نقول ياربي هذي شلون تعجب الريل اهو يشوفها ملكه جمال وفي بنات ملكااااااااااااات جمال رياييلهم يسفون ويتفون فيهم
نظرتنا تختلف عن الرياييل
يمكن حب روحها اكثر
والشكل يتغير مو كل رشيقه مختوم عليها الرشاثه طول عمرها ولاكل متينه مختوم عليها بطه حميسه طول عمرها

 

[al-musk]

مافيها شي يمكن نصيبها بس الاهم تتاكدون ان بعد فترة مابيقول مابيها ومو عاجبتني..هني المشكلة لان بيكون لعب فيها بس اذا عاجبته عادي واذا الناس بيحشون كيفهم بعد حسنات جايتكم وابلاش

 

[Un-6be3iya]

انتي ترضين باجر لي انخطبتي اهل ريلج يقعدون يعذربون فيج جذي عنده ؟
مثلا يقولون شتبي فيها وايد ضعيفة ولا وايد متينة ولا خشمها طويل ولا عيونها مادري شلون !!!!!
الي ماترضينه على نفسج لا ترضينه على بنت الناس والولد دام مقتنع فيها اهو الي بيعيش معااها مو انتـي
الله يوفقهم و يهنيهم

 

[Un-6be3iya]

ولو كل الناس بتفكر نفس طريقة تفكيرج جان محد تزوج بهالدنيا

 

[ScarletteO'Hara]

اذا خايفة من كلام الناس ابصم لج بالعشر لو بتاخذون له ملكة جمال الناس لازم بيعلقون عليها, كلام الناس ما يخلص
انتوا اذا صج مستائين من الوضع ناقشوه
اذا مقتنع بعد شبتسوون؟
البنت الحين ما تقدرين تمنعينها من انها تتزوج الي تبيه ياية حق ريال تبارك الرحمن عمره قريب الثلاثين و فوق هذا مطلق بتزوجينه الي على مزاجج؟
كونه مطلق ثقي انه راح يفكر سبعين مرة قبل ما يقترن بأي احد
و اكيد موافقته عليها يه بعد تفكير طويل
لا تضغطون عليه
كيفه
بس نصيحة لي صار نصيب و اخذها اخوج لا تعاملونها بأي طريقة مختلفة بس لانها متينه و جيكرةو سمرة و شعرها خفيف, كل هذي امور سطحية مع الوقت اكيد لازم تنسونها
المصيبة ان الغلط منكم بالبداية
في اخد يخطب بنت لولده من غير ما يشوفها؟؟؟؟

 

[بدرووووووووووه]

بصراحة ما عندج سالفة
مو بيتزوج اخوج ولا انتي شكو محترة عليه جذي اذا البنت داشة مزاجه انتي شكوووو

 

[Lemon Juice]

رب العالمين خلقنا في أحسن صوره

هذي خلقة الله سبحانه ما فينا أحد جيكر لكن مقاييس الجمال تختلف من واحد للثاني

دام الولد باغيها أكيد مقتنع وارتاح لها

الواحد الحين اشيبي أكثر من الأخلاق الزينه والسمعة الطيبه

توكلوا على الله ولا تعقدونها , الله يكتب اللي فيه الخير والصالح