اخاف اسووووق :( منو مرت مثل حالتي والحين مشاءالله تووب بالسواقه شجعووووني :(

[][ sarah ][]

ويييه حبيبتي انا كنت اخس منج والله
توكلي على الله وتدربي ولايهمج , ترا سهالات والله

 

[هيبة ملك]

الله يستر عليج
أهم شئ تكونين جريئة لاتخافين

 

[mf6nt el3lat]

اذا خايفه وتخقين لا تسوووقين يبا ترى السواقه مسؤليه بكره تندعم سيارتج ولا أنتي تدعمين سيارات يجون شرطه ولويه ؟؟؟
يعني لازم تكونين تحبين هالشي يا الحلووووووووه ؟؟ عشان تتعلمينه وما يخوفج شي
وبعدين ليش ما تروحين مع السايق احسسسسن من لوعة المسافط ؟؟؟
وان كبرتي وعقلتي تسوقين ههههههههه


وبالتوفيق

 

[>purple girl<]

امبي انتي نفسي

انا الحمدلله سياقتي حلووه بس خواااافه
مادري ليش كل مااركب السياره اتخيل بصيرلي حادث واتشوه او امووت
هههههههههههههه
بس مجبوره اسوق لانه اهلي موراضين يجيبون لي سايق يقولون كل اللي بـالبيت يسوقون بس انتي وتبين نجيب لج سايق بس ترا انا جايبه مدربه والحمدلله اخذت الليسن من شهر واحد اللي طاف بس للحين اخاف وما احب اسوق الا بالنهار بس امي تغصبني ع سياقه الليل
بس يالله مع الوقت ان شاءالله بتشجع وبيروح الخوف عني وعنج

 

[غزلان-2]

بنات حتى انا ابي اسوق بس الخوف ذابحني
ما اتخيل نفسي وسط الزحمه

 

[صآعده تحت}..]

بالبدايه بقولج >>مافي احد ولد من بطن امه متعلم

وحتى اكبر فنانه بالسواقه مستحيل بدايتها مافيها خوف وربكه

وماتكون من البدايه سواقتها تمام كل شي مع الوقت والتدريب

انا برايي سوقي ولا تعنين اهلج حق الكليه او تنطرين سايق وباص ساعتين ثلاث

تروحين وتردين بوقت محاضراتج بالاول لازم تكونين حابه هالشي عشان ما ترتبكين

وصدقيني السواقه سهللللله ومايبيلها اعتبري نفسج راكبه بقي خخخخخخخ

عاد ماضيي اسود بالسواقه صارلي سنتين اسوق ولي حوادث بسيطه بس الحمدلله على كل حال

والمدربه تلعب دور لان اعرف وحده مدربتها سوتلها قلق وتوتر وكرهت السواقه مع انها تدربت اسبوع

انا الحمدلله مدربتي تهبل معنها قرقه وهذره بس بالتدريب تفهم عدل

بس بقولج شغله اذا حاطه ببالج الموت والحادث لا سمح الله فحطي ببالج الواحد ماله الا يومه

حتى لو كنتي راكبه مع اخوج ولا سايقكم وسواقته تهبل وربي كاتبلكم تسوون حادث

بيجي احد يدعمكم لا سمح الله اقولج هذا مثال عشان ابينلج ان الي كاتبه الله بيصير

اقري الاذكار وحصني نفسج وسوقي مايرد القضاء الا الدعاء

موفقه بشرينا شنو يصير معاج

 

[ســتارز]

حاولي تتعلمين وتجربين تسوقين واذا ماراح عنج الخوف وللحين خايفة اصرفي نظر

السياقة يبيلها قلب قوي

 

[جوهرة الكويت]

عندنا وعندج خير
الله يخلي الساايق بسس ههههههه
بس الله يوفقج ان شااء الله

 

[غلا،،]

مشكوووووووووريييين عالردووووووود وما قصرتووووو..ويعطيييكم الف عااااافيه...
وياااااارب يقوي قلبي واتعلم

 

[gogona]

تدرين ان انا بيصير لي ست اسنين من طلعت ليسن وليومج هذا اخاف السوق حدي الجمعيه وداوامي لا ودوامي نفس منطقتي ودي اصير مثل العالم اسوق عاادي المشكله الخوف ذابحني وكله احس بدعم 

 

[أم عزيز2]

أنا مثلك أخاف

 

[غلا،،]

الله يقووي قلووبنا صج حاله


يسلمووووووو على مروركم

 

[كيوت قطر]

وووي والله مثلج ..

انا ماخذه الليسن من 8 شهور ., ولحد اللحين ماعرف اسوقه عدل من الخوف
بس امس تشجعت وسقت اللين كورنيش الدوحه

والحمدالله ابوي كان معاي ., انااا ودي اقط الخوف واتشجع واسوق واكون فنانه بسواااقه
لانه ابي اعتمد على نفسي .,

وانا مارج اقولج ماحب السواقه بالعكس اموت ع شي اسمه سياره وكروزر بعد هههه
بس العيب اللي فيني الخخخخوف

بس بقوي قلبي ., وبقط الخوف ان شاااء الله


وتشجيعي حبوبه ., وتدربي زين مازين ., ودعي الله واااايد ., واول ماتركبين اقري دعاء الركوب
واقري المعوذات ., واستقفري ., وان شـــــــــــــــاااء الله تكونين فنانه في السواقه
والله يوفقنا ويبعد عنا المصايب .,

 

[catwiti]

ويييييييييييييييييييييي ياحليلج عاددددددددددددددددددييي ياما بنات كانو يخافون من السايقه وعقب صارو توووب
عمتي كانت تخاااف تسووق بس كاهي تسوووق وجنه العييد
انتي فالبدايه طلعي مببببببببجرررررررر عن الزحمه عشان اعصابج تكون ريلاكس وشوي شوي بتشوفين نفسج خذييتي عالسياقه
ولاتستعيليين تعلمي شوي شوي واهم شييييييييييييييييييييييييييييييييي لاتسرعييييييييين ترا هالحوادث الي تشوفيينها من شنو؟؟؟؟؟؟ من هالملاقييييييييييف الي طايرييييييييييييييييييييييييييييين اكيد بتصير هالحوادث الله يكافينه الشررررر
انا لما تعلمت السواقه ابوي كان يطلعني الفيير يخلني اسوق ماكان فييييييه احد طقيتي الرصيف مره بالغلط لووووووول عادي الوظع تذكري انه وايد بنات كانو يخافون والحين تعلمو وصار الوضع عادي

 

[حبي لله اشد]

باالعكس ونااااااسه
تعلمي عدل لين تتعلمين سوقي لا تخافين

 

[قطوووة]

هههههههههههههههههههههههه

تصدقين اقل من اسبوعين اكمل الـ 24 توني مطلعه ليسن من يومين
حدي خواااااااااافة قايلة مابي اسوووق

بس ابوي حطني جدام الامر الواقع .
لان خلاص باجي لي سنة اتخرج ان شاء الله وووراي وظيفة وجذي ..

. تدربت مع خوووووووووش مدرب علمني كل شي برمضان اسبوعين .. ووليلة العيد امتحنت بالتراي ونجحت الحمدالله .. اللي تحب تاخذ رقمه تدزلي بالخاص وسعره حيل زين .. هاااااادي حيل ..

اللسين طلع قبل امس شعور جميل ..

طبعا للحين حدي اخاف ... بس امشي بالهداوة .. ابوي كل شوي ساحبني قومي سوقي سوقي

وكل شي يجي بالتدريج سهالات

 

[غلا،،]

يعطيكم الف عافيه عالمرور ما قصرتوو
والله يقوي قلبي واتعلم

 

[اوبراا]

شعور طبيعي بس لاتسوقين وانتي فيج خوف او مانتي متدربه وايد جربي ببدايه سوقي واخوج يمج لين تتعودين

 

[اوبراا]

اب لعيونج

 

[غلا،،]

^ ^ ^

اي هو جذي بخلي ابوي اول يدربني
ويسلمووووو عالآب