احنا بنات و هرموناتنا تأثر على مزاجنا

[Pinky -cat]

النفسيه تطق مليون بوقتها واكون مو طايقة روحي وكلة معصبه ويا عيني على ريلي انواع الاستعباط والتعصيب عليه

على شنو مادري


واللي اسويه الحل في وجهه نظري اوخر عن الناس شوية واستغفر ربي واشغل روحي بكتاب او قصة او انام

 

[سفييره الكويت]

يمكن ينرفزج بس ماتوصل لدرجه انها تتحكم فيج اتمنى ضبط الاعصاب في وقت الدوره وماتوصل انج تغلطين طالما عقلج مسيطر


على جسدج فانتي مسيطره على نفسج

 

[بطوووطة$بيضة]

وااااااي

انا اصير نسرة وبومة

واعصاب ومتنرفزة وابجي واحس اني جيكرة ومحد يبيني ولا يحبني

اقعد ابلع بلع زين ماآكل قنفات بيتنا

 

[غلاى الغويليه]

لا الصراحه استغرب من الى جذى احس يوم عااادى جدا ولا يتغير مزاجى

 

[Patcholli]

اتصدقين قبل الزواج ماكنت احس بهالشغله ..!!
عقب ماتزوجت صرت احس فيها وبقوه اصير جني وحش بدون سبب اعصب واخز نظرات متوحشه بس ابي اتهاوش واعصب واطنقر

 

[عادت ذكرياتي]

أكره نفسي وقتها لووووووووووول

 

[♥ SWeeRa ♥]

وي وي
انا اتعووووومس
وماحب اشوف احد
لدرجة مرا رايحه عرسسس وامي تبيني ارقص وانا منفسه ومالي خلق وجايه متاخر
تقولي ارقصي
وتحن تبيني ارقص
خنقتني العبره وبغيت ابجي
بس بقلبي اقول ياساره اعقلي انتي بعرس
اثقلي والحمدلله رقصصصصصت
بس المشكله اخت المعرس ترقص معاي وتضحك وانا معطتها النفسيه الزفت
بس شوي ضحكت بوجهاا
ولما رديت البيت قالتلي زين ابتسمتي للحرمه
"الحمدلله اخت المعرس تعرفني عدل وتعرف انا منو وشنو طبيعتي"
ولا حزتها قاعده من الساعه 7 الصبح يعني فوق الدوره قاعدا من الصبح وماقيلت


<~~ هذررررررررررررررررررررررررررررررررررررره صح.!

 

[غراوي]

واااي الله يعينا

صراحه انا احاول اني اتجنب الناس و اتجنب اهلي اقعد بداري يا مبطله النت مثل ما قاعده اسوي الحين او اني اقرا لي شي استفيد منه

ومرات اقعد بالصاله اطالع التلفزيون و النفسية اللهم يا كافي وياويل اللي يطلب مني شغله او يسالني عن شي

ما اصارخ ولا شي بس تلاقوني اتأفف او اطنشهم جني مو قاعده اسمعهم

وادري هالشي غلط بس شسوي يا حسرة

انا طبجه منج
وهات يابجي

 

[Tom ♥ Jerry]

,


اممم اتنرفز بسرعه و ما احب الازعاج هالفتره كلش كلش !!
خصوصا ازعاج اليهال .. و اذا ريلي طول على التلفزيون اقوله قصر
يعني صج صج اتنرفز بسسسسسرعه من الازعاج ..
و احب اقعد بروحي اشوف افلام و ابجي ههه احب اسوي شي يبجي و ياثر

مادري ليش يعني لووول ما احب اطلع طبعا اول الايام ،
بس اخر الاايام عادي يتعدل المزآج
عاد انا بروحي خلقه مزاجيه :| بعد اتييلي الدورة :/ محد يقرب صوبي

 

[M!Ss Un!VerSe]

انا مثل العضوة لوليتا

انا ولله الحمد اعصابي بارده وماتتأثر وقتها
بس تحوشني كآبه بس مو دايم يعني مرات ابجي فجأة
واتذكر كل شي يعور قلبي واقلبها مناحه ..

*وماسوي شي غير ارقي نفسي كل بداية دورة

والحمدلله يارب اتحسن اذا ذكرت ربي *

 

[black rose BH]

وييي حالتنا كسيفة والله

من تقرب وتييني اعراضها

اقل كلمه ابجي
اقل كلمه اتآثر
طبعا اقل كلمه هواش وعصبية غير طبيعيه

الله يعييييييين بس

 

[LiL LiLeY]

اصير عصبية امشي و ازف لووول

 

[رجااوي]

انا قبل الدورره كككككككككلش مزاجي لا احد يكلمني بس

المشكله دورتي مو منتظمه ومزاجي مو عدل ولا ادري ليه؟!!!
وبعدين تجيني الدووره اقول اييييييييه كله منك هههههههههههه

 

[Hand]

انا اقاطع الناس واصير انطوائيه

واحط السماعات في اذني اسمع اي شي بس مااقعد اتكلم مع احد

لاني عارفه نفسي اني مااقدر اتحكم باعصابي وممكن اقط كلمه مو حلوة ع الناس

فخليني شذيه بروحي احسن مده اسبوع وبعدين ارد طبيعيه عادي

 

[αησмα]

اعصصب ما ادري ليش

 

[قمر بيت أبوها]

انا اول كنت اتعب بس مو مثل الان
اعوذ بالله أطفي النور واكره الاصوات حتي خواتي اقول كلموني بقلم وورقه غير العصبيه الزايده وغير الاضراب عن الأكل فاحبس نفسي بغرفتي اصرف لي

 

[ذوق بريستيجي]

رفع