احلى تجمع امهات موالـــــــــ سبتمبر +اكتوبر يــــــــــــــــــــــد 2010

[Om NoOoRa]

اهداء لكم كلكم وهاذي غنيمتج ام نورا ههههههه
http://www.youtube.com/watch?v=jwckcpgbbsg&feature=related

واااااااااااااو
شكرا شكرا اشكرج جدا
وايد حلوه هالاغنيه
الله يخس ابليسج خليتيني ارد على ايام الاغاني
لوووووووووول

 

[Om NoOoRa]

نموله اشوفج تحت
يالله تعالي خلينا نسوي قرقر وازد

 

[انامل كويتيه]

بنات بقولكم سالفه وابيكم تكونون انتوا الحكم فيها
بس ابيكم تحكمون فيها بالعدل وبدون ماتجاملوني

هذي الله يسلمكم سالفتي مع رفيجة دربي من 12 سنه انا معاها على قلب واحد
سرها عندي وسري عندها
تحبني مثل اختها واحبها مثل اختي
عندي ثلاث خوات واعدها معاهم الرابعه
ودايم تزور معاي بزوارة اهلي وانا اروح زوارة اهلها
يعني قلوبنا على بعض
تشيل همي واشيل همها
وتفرح لفرحتي واطير لفرحتها

حلو؟

عاد بالليله اللي كنت بولد فيها تذكرون انه الدكتور دخلني حاله طارئه وانا قلتله اجييلك الصبح خلني انام في بيتي واودي عيالي المدرسه واجي تسويلي العمليه <<= كلكم تذكرون

عاد انا يوم رديت البيت ذيك الليله دزيت مسج لخواتي اني باجر بولد وانه عمليتي العصر
وحالها حال خواتي دزيتلها نفس المسج
وماردت علي
وهذي موعادتها
قلت يمكن مشغوله او ماشافته

حلو؟

عاد صار يوم الاستقبال ودزيت لها مسج الدعوه مع انها مومحتاجه دعوه وكنت متوقعه اني اول ما افتح عيني بعد العمليه الاقيها واقفه على راسي لأنه هذي عادتنا انا معاها
لاتقولون لي اعذريها انشغلت في بيت وعيال
هي مطلقه وعندها بنت وحده وسألت عنها وحده من رفيجاتنا قالت ماعندها شي وبنتها مافيها شي وموجوده بالديره مو مسافره

والبنت تميت اتصل فيها طول فترة النفاس ماترد علي
ويوم ارسلت لها مسج بعد شهرين اعاتبها
ردت علي
(ان كنت تدري فتلك مصيبة وان كنت لا تدري فالمصيبه اعظم)
رديت عليها
(وانا شسويت؟ نوريني)
ماردت علي
دقيت عليها سكرت التلفون في ويهي ماردت علي

انا عاد كرامتي فوق اي اعتبار او صداقه
ماحاولت بعدها اني اتصل عليها او اسأل عنها لأني وايد دقيت وسألت وانهنت بالحقران

تمينا على هالحال شهر
والحين
صارلها اسبوع تقريبا ترسلي مسجات على الواتس اب
بس مو مسجات اعتذار او مسجات تعلمني فيها اللي صار

مسجات عاديه
يوم الجمعه ونكت واذكار والمسجات العاديه اللي الكل يرسلها

وانا من ناحيتي حاقرتها وما ارد عليها بولا مسج وهي تحاول فيني
بس انا طبعي اللي يهين كرامتي وانا ماغلطت في حقه ما اسامحه لو يحب ريلي

وهي ماطلبت اسامحها
هي تجس نبضي بالمسجات العاديه وماتفتح الموضوع نهائيا
يعني كأنها متحسفه على اللي سوته بحقي بس ماتبي تعتذر

لأني انا متأكده مليون بالميه اني ما جرحتها ولا غلطت بحقها
كنت اذا جبت سيرتها عند احد وغلط عليها حتى لو بالغشمره حتى لو كانوا خواتي
كنت اقولهم
والله هالكلمه كنت اقولها بالحرف
(هذي فلانه ... ان قلتي اسمها حطي ايدج على راسج)
يعني ما عمري جبت سيرتها بالشينه

نوروني يابنات شسوي
والله محتاره
حطوا نفسكم بمكاني
تدوسون على كرامتكم وتردون عليها
ولا احقرها والله يعوضني غيرها

على فكره
يوم صارت السالفه قمت ابجي على صدر امي حيييييييييل ودعيت ربي من قلب صافي
قلت
ياربي اذا انا مظلومه عوضني عنها بأربع رفيجات غيرها صالحات طايعين ربهم ومحافضين على فروضهم

والحمدلله ما يتعدا الشهر الا الله سبحانه معوضني مثل مادعيت اربع رفيجات يسوونها ويسوون اهلها

علموني
شسوي الحين؟


ادري طولت بس والله من الحيره اللي انا فيها وابيكم تكونون بالصوره
عشان ما اشيل ذنب اني انا ظلمتها يوم القيامه
ابي ابري ذمتي

نوروني نخيتكم

ملاحظه:
اللي ترد لاتغلط فيها .. مهما كان انا حافظه عشرتنا وللحين ما احب احد يمسها بكلمه

صج قهرتيني
بالنسبه لي بيباي
وصارت فيني هالسالفه
اووووووف ذكرتيني

ام نوره حبيبتي
عيالي ردوا من المدرسه بروح اشوفهم
اشوفج على خير

 

[%فتون الليل%]

رد : احلى تجمع امهات موالـــــــــ سبتمبر +اكتوبر يــــــــــــــــــــــد 2010

والله ياأم نوره..خفت اعلق تزعلين....
أنا عن نفسي...متبعه البيت اللي يقول....
من راح بكيفه وكيفه يوديه...خله على كيفه وكيفه يرده.....
شنو أنا ماعندي إلا إنتي بالدنيا.....زعلتي راضيتج!!!!!!!!....غبتي دورتج!!!!!!!....اخفيتي بحث عنج!!!!!!!!!!!!................ماكوعندي شغل إلا إنتي؟؟؟........أوكي رفيجتي بس رفيجتي ماتعبيني معاج......لو مكانج ما أ رد بدون ماآخذ أسباب للي صار....
يعني شنو ...إن كنت لا تعلم فالمصيبة أعظم؟؟؟؟...............لا ماأدري...علميني!!!!............
إذا تكلمتوا ساعتها بيكون القرار بيدج...تصدقينها وتردين ولا راحت الثقه وتخلينها صفحه من الذاكره!!!!!!!!!!!!.................

 

[%فتون الليل%]

رد : احلى تجمع امهات موالـــــــــ سبتمبر +اكتوبر يــــــــــــــــــــــد 2010

بنات شلون انزل صور....بنزل صورة شلي ميلوبا صورتها لأم نوره............لووووووووول

 

[Om NoOoRa]

لا تشطين نفسج فتون
خلاص مصدقتج قاعده اطفرج
عاد انتي صدقتي؟

اكيد في نوع انا ما اعرفه وانتي تستعملينه
انا شفت اللي بالعلبه الطواليه المدوره
اللي بنكهات البابونج والاعشاب ووايد نكهات
وشفت اللي بالكرتون مثل الكرن فلكس مكتوب عليه من عمر اربع اشهر

 

[Om NoOoRa]

فتون
شفتي انه رايج يهمني
كلامج ريحني
انا ودي نرد مثل اول بس تصرفها موقادره اسامحها عليه
يعني من كلامج انا مانلام اذا حقرتها واهنتها بالحقران مثل ماسوت معاي
امي قالتلي نفس كلامج
بس اهي بنفس الوقت متحسفه علي العشره اللي كانت بينا
علاقتنا كانت اكثر من الخوات
امي تقول هذي عين ماصلت علي النبي

 

[%فتون الليل%]

رد : احلى تجمع امهات موالـــــــــ سبتمبر +اكتوبر يــــــــــــــــــــــد 2010

وينكم؟؟؟............
وييييي...لما طلبت منكم تنزيل صور نحشتوا!!!!!..........<<<<تذكرت ماكنتوشه ياحليلها لما كانت تعلم تنزيل الصور....أياااااااام...

 

[%فتون الليل%]

رد : احلى تجمع امهات موالـــــــــ سبتمبر +اكتوبر يــــــــــــــــــــــد 2010

صاجه...والله الناس ماتعطي خير وهالوقت الناس كثر فيها الحسد....والعياذبالله...
يحسدونج على نومة الضحى.....لووووووووول

 

[آهات الليل]

رد : احلى تجمع امهات موالـــــــــ سبتمبر +اكتوبر يــــــــــــــــــــــد 2010

قوه شلونكم شخباركم
ولهت عليكم
المنتدى قطيعه لي الحين معلق معاي

 

[Om NoOoRa]

باااااااااااااااك
رحت تفطرت ونمت شويه ورجعت تاني

قولولي مبروك خلصت ديني علي يوم واحد تعبت وانا اصومه لوووووووووول

 

[Om NoOoRa]

اهاات
هلابش
وشاخبارش
وشحالش
وشعلومش
اهاات قولي للمنتدى انا الشيخه فجر العنزي وهو بيهاب منج وما يعلق معاج
لوووووووووووووول

 

[بقايا شهد]

~السلام عليكم

 

[بقايا شهد]

ياقلبي ام نورا اعذريني مانتبهت لرسالتك
انا نفسج قصتك بالضبط لاوتخيلي اتصل بأمها وتصرفني تقول عيالها بس يحرقون شريحتها ياربي عيالها صغار اكبرهم
خمس سنين
وحتى اختها اكلمها وارسلها بالظروف اللي حصلتلي تشيب الراس والله
وبسنه وحده كنت اتمناها توقف جنبي وفاة طفلي وجدي وعمتي وبنت اخوي كانت روحي المعلقه وهي تعرفها وكانت تلعب معها وتغليها وهي تموت بها وارسلت لها اني فقدتها وماكوفايده
انا ماكنت ابي ابكي عند اهلي لانها بكرهم وحفيدتهم الاولى وكانوا يبكون دم وقلت باكون انا القويه عندهم لاني مربيتها لما شافوني متصبره تصبروا مثلي وكنت لما يتذكرونها اهزأهم اقول هي عانت وانتم تتهنون وتاكلون وتنامون هي ارتاحت ويسكتون وانا قلبي يحترق كنت بافضفض لها وابكي
المهم انتظرتها لادقت ولاكلمت ولابمسج بعدها بشهر ونص ولدت وزوجها هواللي جبرها تكلمني وتباركلي لان زوجها صديق زوجي وعرف منه
قالت كلن عنده ظروف قلتلها بس الظروف ماتخلي الانسان خروف
المهم حبيبتي انسيها وان ردت لك خليها عاديه واقل سلام وسوالف من برى مثلي من باعك وبرخيص ابيعه لوهوغالي ذي حكمتي بالحياة

 

[Om NoOoRa]

بقبوقه
اسفه ماكان ودي اقلب عليج الذكريات
عظم الله اجركم
وكلامج صح
من باعني برخيص ابيعه بالتراب
والله عقب كلامكم قويتوا قلبي وخليتوني اتشجع اكثر
انا من اول السالفه وانا محتره ونفسيتي صايره كلش
والله ما ارتحت الا يوم شاورتكم
صج صج الله لايحرمني منكم
الحين حسيت انه مهما اسوي معاها ما انلام فيها
لأنها حتى يوم كانت ريم بالعنايه المركزه ماعنت نفسها حتى ترسل مسج تسأل عنها
يعني كانت تدري انه ضناي كانت بين الحيا والموت وما همها
يعني وحده هنت عليها لهالدرجه ماتستاهلني

يعطيج العافيه بقايا
والبنات كلكم يعطيكم الف عافيه ريحتوني

 

[MiSs_PiNkOz]

صج انقرضتوا لووول

 

[Tejan]

مساااااااااااااء الخير

قاعده اكتب و ولدي يون جنه قطو .. يطلع اصوات غريبه !!

صاير عسر و دلوع اخترب من كثرة الشيل استغفرررررررررر الله :23_asmilies-com:

ام روان .. انا شايفه هالفيديو وصلني بالبلاك بيري .. من صجها !! هذي بعرسها شنو بتسوي ؟؟؟

تندورة .. مس يو اولا
ثانيا اذا تبين دراريع عملية و ناعمة و اسعار معقولة على 35 انا شارية من وحده اسمها نوال الطبطبائي بالسرة
شغلها ناعمة و اسعارها مناسبة .. انا كنت ماخذة منها لجمعات الفطور برمضان
ثالثا لا لا لا لا حالة بنكرياسج صعبة و مستعصية .. و مسوية حول بالمخيخ الايسر
انا اللي كنت اسأل عن مساحة الدرايش مو ام نورة << ما سوت عليج غلطتي !! :friends:

مناوي .. صباح الورد بالليل .. ميخالف توني اشوفه :27d66a9c24b146327bf

ام نورة .. شفتي شلون افكاري نيرة .. درر يا ربي درر بس محد مقدر مواهبي الفذة
بس سؤال برئ .. سوق الحمام اللي يم سوق الجمعة ؟؟ و بس يفتح يوم الجمعة او طول الاسبوع ؟؟
مبرووووووووووووووووووك قلووووولوووووولووووش عيدج مبارك صج تعبتي يعطيج العافية :ceaf32e183:

فتونة .. يا حبي انا ما اعرف بس اذكر مرة وحده قالت لازم عن طريق مواقع تحميل الصور نفس موقع العملاق :fun:

اهات .. شلونج مع فطومة طلع عقنقز ويلا انذار كاذب .. ؟
ايي المنتدى صاير مأساة بطئ و يعلق و الطردة ببيزة !

بقبوقة .. يا حياتي عورتي قلبي عظم الله اجرج و ربي يعوضج برفيجه احسن منها .. و شنو هالصورة الزوغة << اغير الموضوع !:eh_s(22):

بنكوزة .. وينج يا فؤادي !! و الله ولهت عليج .. شلونج و شلون شوشو ؟؟:eh_s(22):

 

[روان_الكويت]

ام نوره لا تضيقين خلقج ياعمري انسيها والله عوضج بالي احسن منها وان حاولت اتكلمج ساليها عن سبب القطاعه
ويمكن احد موصلها كلام غلط عنج ماتدرين هم هي لازم تأكد ما تصدق اي شي
المهم اهم شي عجبتك الاغنيه تونس مو

تيجان هاذي عارضه سوريه ولها اغنيه مع عيضه المنهالي اسمها حصر الحلا

 

[مو عايشة بالدنيا]

السلام عليكم شلونج شخبارج
ادري غاطة من زمان بس مافي وقت مع اليهال
وماكان عندي خدامة وتوها قبل يومين وصلت واخيرا
باركولي وادعولي تطلع زينة والله يسخرها لي يارب



المهم
ام نورة حبيبتي مع الحبايب لازم تضحين
انا ما اقولج دوسي على كرامتج
بس سمعيها شوفيها شنو تبي؟؟
يمكن بتقول شي
يمكن تبي تعتذر
عطيها فرصة انتو عشرة عمر مو يوم ولايومين
واللي فهمته انج ليلحين ماترضين عليها يعني هي لازالت بقلبج
ترا راح تتعبين من الغصة اللي بقلبج اذا ظليتي على طول جذي
حاولي تشوفين ونعرفين ليش سوا جذي
ميخالف ابدي انتي بالحسنة واجرج على الله حبيبتي
والله لايفرقكم يارب
انا حاسة فييج
وحدة من رفيجاتي بس تزوجت نست الدنيا كلها
مع ان كنا على طول مع بعض بكل شي
حاولت وايد معاها بس ماكو فايدة ولازلت اعزها واموت فيها بس ماتبي تتغير شسوي
الله كريم

 

[Tender Heart]

رد : احلى تجمع امهات موالـــــــــ سبتمبر +اكتوبر يــــــــــــــــــــــد 2010

خخخخخخخخخخخخخخخخخ البنكرياس الايسر سوري من كثر ماكنت مستعيله نسيت منو سالني لوووووووووووول يالله ماعليه اي صج امس رحت المطبخ وقعدت اعصر مخي اتذكر من وين شاريتها والا اذكر صباح الخير لووووووووول من ايكيا

اليوم رحت الفنار ياحلات الطلعات والله تشرح الصدر .. بسالكم منو جربت عطور الكشك الي تحت قالتلي تبيع كريم على طعم وكشت فيها لا وبصوت عالي الخايسه صج الفلبن مايستحون ... شريت كحل قلم من مكياجي اول مره اجربه واخذت لي جنزين سكيني من مانغو وقميصين طوال من زارا واخذت هم جنز وسيع شوي من نكست حق الدوام بداوم اول 2 طبعا كل اللبس الي اخذته صيفي لان عندي شتوي بس الصيفي مو وايد وباقي لي شيلات حق كل بدله شفت محل بسيتي سنتر عنده شيلات قطن عليهم دانتيلات وكلف وايد عجبني غريب فكرته
هم شريت لي عطر من تتناغرا اسمه لوف كلوي ايهببل حق الدوام ....