احتمال يكون جنيني فيه داون... حدي خايفه

[ساشا]

عسي الله يطمنج ويريحج

 

[جمالي خيالي]

لا حول ولا قوة الا بالله العلي العظيم ..

حبيبتي والله مادري شقولج ..

سألي شيوخ دين واهل العلم واستخيري ربج اذا كان الاجهاض اصلح لج وللبيبي

وتأكدي ربنا مايختار لنا امر الا عشان يزيد اجرنا بصبرنا واحتسابنا للاجر

الله يخليلج عيالج ويخليج لهم ويكون هالجنين شفيع لج ولابوه يوم القيامه اللهم آمين

*

 

[3awaasha]

ياحياتي ماشاالله عليج تمي قويه جذي وأكثري من الحمد والشكر صدقيني ماراح تشوفين إلا الخير جدامج أكثري من اللهم أأجرني في مصيبتي وأخلفلي خيرا منها والدعاااااااء بالثلث الأخير من الليل الله يعينج ويكتبلج الخير طمنينا عليج حبيبتي ترى نحاتيج

 

[ناني سيكرتس]

بنات انا ذبحتني التقلصات حدي خايفه
مثل الطلق و انا اعرف الطلوق و تصاريفها

لاحول و لا قوة الا بالله

بنات انا بدق على امي بروح المستشفى
و اطمنكم

بنات ادعولي والله خايفه الجنين فيه شي

توني بالاسبوع ال 14 و حاسه بعوار وقاعده ارجف

ادعولي

اللهم اني استودعك عيالي و انت الذي لا تضيع ودائعك

طمنينا عليج حبيبتي ...

 

[Kawaii GiяL]

بعد قلبي الله يأجرج يارب و يعوضج
الحمدلله عندج عيال
الله يكتبلج الخير يارب ان كان مكتوب له يعيش و لا لا
و انا من اهلي عندهم داون و شايفه شلون تربيتهم لا تحاتين يا قلبي مو بالصعوبه اللي تتخيلينها
سبحان الله يحس بالشي قبل لا يصير و حنونين حيييييل و و اذكياء يفهمون
يمكن يكون عنده صعوبه بالتعبير مع الناس بس ما يواجه هالشي مع اهله
و ربج اذا حب عبد ابتلاه احسني تربيته و انا متأكده من ردودج ماشالله عليج مبين عليج قوية و حنونة
و بيتدلع احسن دلع ربي يرزقج الجنه من ورا تربيته من غير حساب اللهم اميييين
و ان ماكان مكتوب له يعيش يارب يعوضج و يكون شفيع لج و يجعله اخر الاحزان
و مشكورة قلبي لانج بلغتيني الخيره باللي يختاره ربج

​

 

[عيون سارة]

طمنينا عليج حبيبتي

 

[thahb_q8]

لا حول ولا قوة الا بالله العلي العظيم .. قطعتي قلبي انا حاسه فيج لاني مريت بنفس مشكلتج تقريبا .. يالله يشافيج ويعافيج ويكتب لج اللي فيه الخير لج .. ياليت تطمنينا علييييييج حبيتي ترى نحاتيج

 

[ام ناصر 2009]

ياحياتي ربي يطمنج

 

[عيون ملكيه]

الله يهون عليج يارب
مثل ما هونها علي

يارب هون على بنكيجيجي يارب وقومها بالسلامه

 

[أم وليد الشمري]

ربي يطمن قلبح ويرجعج بالسلامة لعيالج
ما تدرين وين الصالح....
وهذا اختبار من رب العالمين لج وانتي قد الاختبار ان شاالله
طمنينااااااا عنج

 

[عيون ملكيه]

@@

في أحد ؟

احد يعرف خبر عن بنكيجي؟

أحاتيها الله يهون عليها

 

[جمالي خيالي]

كلنا قلوبنا معاج وندعيلج

الله يخليج طمنينا عليج

 

[thahb_q8]

انشالله تدش وتطمنااا عليها

 

[شنوووفه]

يابعد قلبي ا

 

[شنوووفه]

يابعد قلبي اذا صار في البيبي شي ونزل الله كريم ويعوضج انشالله واذا تم هي كتبه ربج والله يسهل علليج وطمنينا حبيبتي
موفقه

 

[pinkigigi]

الله سبحانه ما كتبله يعيش
التقلصات صارت طلق و ماحسيت الا بدم ينزل مني سريع

نزل مني تقولون زلق مني ماحسيت بأي ألم بس تقلصات مثل الطلق .. سهل حيل كأنه يدري ان هالدنيا ما تصلح له
بنات والله تقطع قلبي يوم شفته
بجيت وعمري ما بجيت جذي
احس اني فقدت شي غالي
الكل يهديني و يطمني و يحمد الله ان انتهى الموضوع
بس انا احس ان راحت قطعه مني

الحمدلله ياربي

ودكتور حيان قالي ما تحتاجين تقعدين بالمستشفى بعد التنظيفات بس ريلي قال لازم ارتاح و هم الكل لاحظ ان نفسيتي تعبانه والافضل المستشفى
طول الليل ادعي الله وابجي
و احمده و اشكره

بنات تجربتي تلخصت في هذا الموضوع

و اشكر كل العضوات وحده وحده بدون استثناء على دعواتكم و نصايحكم و مواساتكم لي
واللي راسلوني عالخاص وعارفين نفسهم اقولهم كلماتكم منقوشه في قلبي ما راح انساها كلماتكم كانت تقويني و نصايحكم كانت تزيدني قوه

مثل ما يقولون العبد بالتخطيط و الرب بالتدبير
انا خططت و هيئت نفسي و نفسيتي لإستقبال طفل داون او معاق قريت بالنت و سويت سيرج و قريت تجارب و نصايح
و الله سبحانه استخارله الزين

الحمدلله ياربي

 

[انجبر قلبي]

لا حول ولا قوة الا بالله الله يكون بعونج حبيبتي عورتي قلبي والله يعوضج يا رب

 

[pinkigigi]

الحمدلله ياربي
كل شي منك خير لنا

والله يعوضني ان شاء الله

 

[بنفســج]

الله يطمنج عليه يااااااااااااااااااااااارب ولا تخافين دام ربي معاااااااااااااااج

لاتستعجلين روحي راجعي مرة ثانيه بعد اسبوع او اسبوعين راح يبين اكثر معاج

حبيت افيدج يالغاليه الدعاء اللي كاتبته اللهم لاأسألك رد القضاء .... ترى هالدعاء غير صحيح ولا مذكور بالسنه النبويه المشايخ افتوا بعدم جواز قوله

موووووفقه وعسى ربج يفرحج بصحة طفلج يااااااااااااااااااااااااااااااااااااااااااااااااااارب

 

[sweeta77]

الحمدلله على سلامتك
لقوه ايمانك بالله طول فتره التحاليل وصبرك
سبحان الله كتب لك وللطفل اللي فيه الخير
الله يخلي لك عيالك يارب ويحفظهم