احالة المعلمين غير الملتزمين بعمل لجان الكنترول والتصحيح الى الشؤؤن القانونية

[LUCK GIRL]

كتب ناصر العتيبي: أكد مدير عام منطقة الاحمدي التعليمية طلق الهيم ان احالة المعلمين غير الملتزمين بعمل لجان الكنترول والتصحيح الى الشؤؤن القانونية تم حسب اللوائح والنظم مؤكداً حرص المنطقة على عدم ظلم اي شخص منهم كان لا يعلم عن قرار تكليفه في اعمال التصحيح والمراقبة ومحاسبة من تسبب في عدم ابلاغ هؤلاء المعلمين مؤكداً بأن المعلمين أخوة قبل كل شيء ولا يمكن ان نظلمهم.

جاء حديث الهيم خلال تكريم اقامته منطقة الاحمدي التعليمية للجان الكنترول في مدارس المنطقة بحضور قياديي المنطقة والموجهين والموجهات ورؤساء الاقسام ومديري ومديرات المدارس ورئيس قسم العلاقات العامة في المنطقة بدر الهمش


المصدر : جريدة الوطن​

 

[المرام]

الحزم مطلوب وخاصه في وزارة التربية
اشكرك على النقل ,,,والله يعين من ينطبق عليهم القرار

 

[قوطي نيدو]

مشكوره

 

[james546613]

والله صج اعيالنا امانة

 

[ضحـاوي]

يعطيج العافيه

 

[local]

والله بعد عمري المعلمات كراف الصبح بالمدرسة والعطر ليه بالليل بالتصحيح وتدريس العيال بالبيت.. وياليت نفوس حلوة بالتعامل
بس لابد من اللالتزام عند التكليف لتطبيق مبدأ العدالة للجميع

 

[أم أنور]

يعني شنو بيسوون فيهم أعدااااااااااااااااااااام مثلا
يعطيج العافية عالنقل

 

[توني مترقيه]

كلام فاضي(..........) ماشفنا تكريم ، ولاغيره واليوم مداومين للوحده حتى يعطيكم العافيه ماكو منطقة الأحمدي التعليميه كله رازينها بالجرايد كل يوم حاطين قال مدير المنطقه وفعل مدير المنطقة؟؟؟؟؟؟؟؟؟؟؟؟؟

 

[LUCK GIRL]

انا معاااكم في كل اللي قلنووووووه

وما عندي اي تعليق

 

[قـہۈه فـرنسيـہ™]

والله حرااااام ...صج لو أنا مدرسة ماده أساسيه بصراحه ما أقعد لي الليل ...وقت الدوام من 7 ونص لي 1 وثلث...شنو المعلمين ماعندهم شغل غير المدرسه ..الواحد يبي يرد بيته ويقابل عياله ويعيش حياته ... وفوووق هذا كله قعده لي الليل وماعليها شي ياحسره ...مو من حقهم بعد ...خل يعطون محفزات وبونصات عشان الواحد يضمن حقه بعد

...يحلو القطاعات الثانيه ...اللي يداوم بشفت زياده على شفته له 100- 200..على اليوم الواحد.وحنا الثانويه العامه عاليوميه 8 دنانير طاح حظهم...مالومهم لا صاروا يرفضون

 

[ودي***أفرح]

الشي اللي يقهر بعد إن السنه الجايه كل مراحل الثانوي بيكون تصحيحهم مثل الثاني عشر يعني بره المدرسه

والله يعينا على الهم والغم والتعب والسهر .......آآآآآآآآآآآآآآآآه من التدريس للأسف القرارات من سيئ للأسوأ........

 

[السنعة2]

الشي اللي يقهر بعد إن السنه الجايه كل مراحل الثانوي بيكون تصحيحهم مثل الثاني عشر يعني بره المدرسه

والله يعينا على الهم والغم والتعب والسهر .......آآآآآآآآآآآآآآآآه من التدريس للأسف القرارات من سيئ للأسوأ........

لااااااااااااااااااااااا ان شاء الله الخبر مو اكيد

السنه بدعو بتصليح 12 نزلت الدرجات بشكل مو طبيعي خاصة مادة العربي

 

[(كويتيه عسل)]

يسلموووووو عالنقل

 

[LUCK GIRL]

لااااااااااااااااااااااا ان شاء الله الخبر مو اكيد

السنه بدعو بتصليح 12 نزلت الدرجات بشكل مو طبيعي خاصة مادة العربي

انا بعد سمعن ان هالكنترول حيطبق على بقية المراجل والله المستعان

 

[ابلة غزالة]

السنه هذي طبقوا عندنا الكنترول بالابتدائي
يالله الله مستعان

 

[LUCK GIRL]

صاجة ابلة غزاله

الله المستعااان

والله يعين اللي تخلفوا عن العمل عاااد انا كنت على طريف وما كنت راح اروح اصلح بس الله هداااني !!!!

 

[ابلة غزالة]

زين انج رحتي يا luck girl

جان حطيناج خبر اهني بالمنتدى احالة luck girl للتحقيق بس عدم الذهاب للتصليح :eh_s(6):

بعد الشر عليج من التحقيق

 

[LUCK GIRL]

زين انج رحتي يا luck girl

جان حطيناج خبر اهني بالمنتدى احالة luck girl للتحقيق بس عدم الذهاب للتصليح :eh_s(6):

بعد الشر عليج من التحقيق

لووووول غزاااله :eh_s(6):

عاااد انا عندي حصاااانه

 

[كويت-حلوة]

صج لي قالو ان لم تستحي فافعل ما شات يا جماعة الله يعينا على هالقرارات اللي اكثر من فاشلة وياليت لو تسوى.

 

[LUCK GIRL]

صج لي قالو ان لم تستحي فافعل ما شات يا جماعة الله يعينا على هالقرارات اللي اكثر من فاشلة وياليت لو تسوى.

انا معاج اختي ان الوزارة تخبط في تخبط ولكن الواحد ماله الا ينفذ وينفذ
وانا براي الكلام اللي ينقال ماله معنى ولا راح يغير شي