((اتكنز_بوعباس_دشتي)) منو يواسيني؟؟؟؟؟؟

[لموية العسولة]

هلا بنوتات شلونكم ...انا لي الحين ماكليت ولا شي وودي آكل على الخمس سلطة تونا واهي ريوقي وغداي وعشاي ...لاني امس خربطت شوي بعد ...كله من هالحلوة اللي مو راضية تنزل مدهورتني والله الحمدالله على كل حال ...

بنات انا لما كنا اسويه عند يوسف بوعباس قبل سنتين تقريبا ماكان يعطيني كاكاو أبد ولا كريمة ...بس انا أقرا ردود لبعض البنات اهني ان عادي تاكل كاكاو وكريمة بيضا شلووووووووون ؟؟؟

 

[Pink GirL]

سابرينا > تسلمين ياقلبي

لمويه > ان شاء الله تنزل عليج وترتاحين يكرهها اذا تأخرت تعفس كل الموود ,, بالنسبة للككاو انا قالتلي بنت الكويت ان عادي تاخذين قطعتين باليوم فقط من كارديل ,, اما الكريما فأنا رفيجتي تراجع حاليا عند بوعباس وقايلها عادي حتى بستاربكس تقول اقولة حط اكسترا كريم ومشاء الله ضاعفة وايد

انا توني متغدية
صيخين تكا دياي + سلطة بيديان

 

[Pink GirL]

بنات امس تعشيت نسكافيه بس وبالليل حسيت يوعانه وخذيت قطعه جبن مع ماي

اليوم ريوقي
بيضتين اومليت مع فطر ونقانق + بيبسي دايت

 

[jolie_q8]

قوه بنااااااات

انا ملتزمه نوعا ما

لمويه الكريمه مسموح شويه مو وايد يعني ربع كوب باليوم

ال 100 غرام 3.2 << شي جذيه

ربع كوب 60 غرام

يعني تقريبا 1.7 كارب


والكاكاو البار الواح فيه 9 او 8 كارب احنا ناخذ النص (بس وقت الحاجه مو يومي)


سابرينا << انا استخدم كاندريل مثلكم


بنك << شلونج يا رفيقه الدرب - ترا البيديان لا تكثرين منه (في كربوهيدرات)


وزني مادري ليش ثبت !!

شكلي بقلل شويه من السلطه

 

[Pink GirL]

انا تمام بخير يا قلبي

صج والله وانا طايحتله بيديان اموت عليه لوول

بس تصدقين جولي اليوم وانا ابدل مجابلة المنظرة احس من صوب الارداف خاقة استانست

 

[ام قوبي]

مرحباااااا

شلونكم



اليوم


الريوق

نسكافيه

الغدا

قطعتين نويبي مقلي

العشا

للحين ما ادري بالضبط شنو اكل

ملاحظه

اللي تبي وزنها ينزل بزود تكثر من اكل التونه وهذا كلام الدكتور بو عباس

 

[لموية العسولة]

هلا عسولات

انا خليت ريوقي وغداي واحد على الساعة 12 تقريبا ..كليت سلطة مرتديلا وجبن قريش

وان شاءالله ما أخربط بالليل

 

[Pink GirL]

سابرينا > عاد انا من بديت الرجيم ماكليت تونا الا مره وحده وبالغصب ,, ما احب السمج

لمويه > بالعافية

انا تعشيت صدر دياية وشوية سلطة اللي باقية من الغدا

 

[jolie_q8]

صباح الخير

بنات اكتشفت اكتشاف خطير


انا من سويت الرجيم كل ما اسوي (الكيتون تيست ) يطلع مو اغمج درجه

عاد امس سويت خطه صغيره قلت ماراح احط كوفي ميت ولا كريمه << مع انه ما اكثر قفشتين صغار !!

وتغدين سلطه تونه وتعشيت سلطه تونه بدون مايونيز (وكميه صغيره)

اليوم والا التحليل غااااااااااااامج وناسه

ونزلت نص كيلو اللي متعلق من 4 ايام

بحاول اليوم اسوي نفس الطريقه


بس اليوم بسوي صينيه دياي بالفرن والطينه بحط فيها بطاط حق اليهال !!

ان شاءالله ما يأثر


انتو شخباركم

 

[Pink GirL]

مبروك النص كيلووو جولي

انا اليوم الصبح ماكنت مشتهية لأن راسي يعورني بس اضطريت آكل قفشتين من سلطة البيض علشان اخذ البندول
وبعدها رحت افنيوز وخرته شوي لأني شربت حجم صغير كراميل مكياتو خالي الدسم

غدا ماني متغدية مالي نفس

والعشا الله يستر لأن اليوم يمعتنا انا ورفيجات الثانوية فإن شاء الله قبل لا امرهم ,, بروح اي مطعم مشويات اخذ لي ولهم علشان اضمن ان فيه اكل لي

جولي حدي استانست اليوم شافتني اخت رفيجتي بأفنيوز جان تقولي ضعفانه مبين مسوية ريجيم

 

[jolie_q8]

مبروك بنك الله يتمم عليج يارب

انا الحين خربت الرجيم

عاد مادري اذا بكمل عليه والا ابدي رجيم ثاني

 

[Pink GirL]

الله يبارك فيج يا عمري


ليييييييش شفيج ليش خربتيه؟

<-- يعني انتي مقصرة هااااااااااا

انا اليوم رحت اليمعه والبنات كلهم كانوا مسوين ريجيم وكلنا خرناه لأن اللي كان على الطاولة يحث على الخراب

كليت قطعتين شيش طاووق وبيتزا قيصر وحده وكلاب ساندويتش صغيرة وحده و2 ورق عنب ,, وماكان اكو دايت شربت سبرايت عادي
بعدين حطوا حلو ووحده من رفيجاتي الله يسامحها كانت مسوية كيكة ككاو شي مو طبيعي كليت قفشتين وكنت بكمل بس لبست هدومي وقلت لهم باي بتموتوني وتخربون كل شي

بس احلى شي لما دخلت كلهم قالوا ضعفانه مبين من ويهج وايد خاق

 

[Pink GirL]

الله يبارك فيج يا عمري


ليييييييش شفيج ليش خربتيه؟

<-- يعني انتي مقصرة هااااااااااا

انا اليوم رحت اليمعه والبنات كلهم كانوا مسوين ريجيم وكلنا خرناه لأن اللي كان على الطاولة يحث على الخراب

كليت قطعتين شيش طاووق وبيتزا قيصر وحده وكلاب ساندويتش صغيرة وحده و2 ورق عنب ,, وماكان اكو دايت شربت سبرايت عادي
بعدين حطوا حلو ووحده من رفيجاتي الله يسامحها كانت مسوية كيكة ككاو شي مو طبيعي كليت قفشتين وكنت بكمل بس لبست هدومي وقلت لهم باي بتموتوني وتخربون كل شي

بس احلى شي لما دخلت كلهم قالوا ضعفانه مبين من ويهج وايد خاق

 

[jolie_q8]

انزين شسوي الحين



امس خربته بضمير واخر شي جيز بيرغر من ماكدونالدز!

وللحين ما تريقت ابدي مره ثانيه والا ادور لي رجيم !!


واليوم حللت الكيتووووووووون والا ابيض يلق << مسرع ما اختفى

انقذوني !

 

[Pink GirL]

جولي طوفي عادي جنج ماسويتي شي وكملي الريجيم

انا صراحه تعودت على هالريجيم ماودي اغيره

ليلحين ماتريقت ودي اشرب نسكافيه الحين

جولي لا تقطعيييييييييييييين كملي ريجيمج يا بنية

 

[jolie_q8]

حتي متوهقه

انا بس ودي اسويه لين انزل عشره وادور لي شي ثاني

واهوا الوحيد اللي حرك الوزن بصراحه

 

[لموية العسولة]

هلا وغلا فيكم

ومبروك للي نزلت من وزنها ...انا الحمدالله لي الحين مستمرة ...بس حبيت اسالكم يعني شنو( الكيتون تيست ) وين تسوونه وشيفيد فيه ...ترى انا هالمرة بديت من كيفي وماسويت تحاليل ولا سويت شي ...عادي والا اروح اسوي تحاليل شاملة أحسن ؟.

 

[jolie_q8]

هلا لمويه

الكيتون << عادم يطلع نتيجه حرق الدهون << اذا موجود يعني شغلج صح وجسمج خالي من الكربو هيدرات

وهذا نسويه بالبيت عادي ويفضل الصبح

مثال بسيط : امس الصبح كان عندي الكيتون غامج حده ونزلت نص كيلو عن اليوم اللي قبله - بس اخر اليوم خربطت عدل عدل عدل

بالليل والا ماكو كيتون !! << دليل ان جسمي انترس كربوهيدرات !!

واليوم الصبح نفس الشي !! واللي يضيق الخلق اني زدت كيلو كامل

بس اليوم رديت مره ثانيه على الرجيم وبقلل الكميات ودي انزل 10 ب 4 اسابيع- بعدين اغير الرجيم

ادعولي


ويفضل طبعا تسوين تحالليل شامله - لان هالرجيم ما ينفع حق اللي فيهم مشاكل بالكلى والكبد

اتمنى اني وضحت لج الموضوع

 

[أم فرح]

نظام اتكنز شنو يعنى انا اول ره اسمع عنه وياريت تفيدينى حبيبتى لا ن انا ودي اسوي رجيم ومن وين ماخذته ارجو الرد اختى الغاليه واانا بنتظارك

 

[jolie_q8]

شوفي هالمواضيع راح تفيدج وايد

http://q8yat.net/showthread.php?p=54540#post54540

http://q8yat.net/showthread.php?t=2874

http://q8yat.net/showthread.php?t=4140