((اتكنز_بوعباس_دشتي)) منو يواسيني؟؟؟؟؟؟

[Pink GirL]

وينكم بنات ؟؟؟؟؟

انا قاعده اتعشى 2 همبرجر مشوي مع دايت كولا

 

[jolie_q8]

هلا بنك ..مادري وين البنات!!

انا ريوقي كالعاده

بس جربت على الغدا فحت دياي وبعدين نتفت اللحم وحمسته مع شويه بصل وبهارات وحطيت عليهم سبانخ وبعدين حطيت ربع كوب كريمه وقفشه جبن قلاص- على الويه حطيت موزاريللا << صج لذيذه وتشبع

اصلا كنت حامسه ربع ديايه ما قدرت اكمل - خليته حق العشا

 

[Pink GirL]

عليج بالعافية

حتى انا اليوم غداي دياي بالكريمااا مع خس

 

[ام قوبي]

قوة يا حلوات

انا كنت مشغوله امس... وحتى اليوم بعد بس حبيت اقرا الردود بس صج وين الباجي صفينا احنا الثلاثه بسسسسسسسسسسسسسسس



المهم انا بكمل لاخر المشوار



بنك

ماشاء الله دشيتي المرحله الثالثه ... الله يتمم عليج انشالله

جولي

بجرب طريقتج اليوم على الغدا شكلها لذيذه .... يميم


اليوم

الريوق

نسكافيه



الغدا

طلايقة جولي




العشا

ولا شي



وسلامتــــــــــــــــــــــــــــــكم

 

[Pink GirL]

قوة يا حلوات

انا كنت مشغوله امس... وحتى اليوم بعد بس حبيت اقرا الردود بس صج وين الباجي صفينا احنا الثلاثه بسسسسسسسسسسسسسسس



المهم انا بكمل لاخر المشوار



بنك

ماشاء الله دشيتي المرحله الثالثه ... الله يتمم عليج انشالله

هلا سابريناا

لوول توني بالاسبوع الثالث من المرحلة الاولى ,, الله يسمع منج وادش المرحلة الثالثة

ان شاء الله نكمل كلنا للآخر

انا ماتريقت

وتوني متغديه صيخين كباب مع ليمون وبس

 

[Pink GirL]

اليوم تعشيت ربع ديايه ما كملتها ماعجبتني وسلطة خس وجرجير ونعناع وجبن فيتا شوي

 

[jolie_q8]

صباح الخير

اشلونكم بنات

مادري اشفيني اذا صار الخميس استخف!! كله يوعانه

مع ان بيت اهلي ما يحطون مغريات وخرابيط

بس العيب فيني عموما ما خربطت الرجيم

بس شربت هوت جوكليت اتكنزيه

واكلت كوب جيلي مال الرجيم << حده مليق

الريوق كان بيض وسلطه

الغدا ماعون مولوخيه وربع ديايه وسلطه

العشا 3 همبرجر وحمسه مشروم وسلطه ودايت

وكنت امس حدي دايخه



واليوم نفس الشي الدوخه موجوده

وتريقت جاي مع قفشه كريمه + بيض مع جبن شيدر

وراح اوافيكم بالاخبار

 

[Pink GirL]

جولي > ماتشوفين شر ,, اقولج اخاف الدوخة من قلة السكريات اخذيلج جم قطعه ككاو من اللي خاشتهم للحاجه خخخ

انا توني شاربه كوب نسكافيه مع قطعتين ككاو كارديل

وبالليل اقولكم باجي الاخبار

 

[jolie_q8]

مادري والله - اخاف اخذ قطقتين انقض على البار كله

اليوم تغديت بره (شوربه مشروم - فيله هامور مشوي ) وشويه سيزر سلاد

العشا : بتعشى همبرجر و حمسه مشروم

 

[Pink GirL]

لوول

توني قبل شوي كليت غداي عشاي (وجبة وحده) بس خرتها شوي طلبت فروج مشوي وكليت معاه خبزة وجم بطاطه
بيني وبينكم ولهت على الخبز

 

[لموية العسولة]

بناااااااااااااااااااات تكفون زفووووووووووووني انا كنت ماشية من أبدع مايكون بس اليوم خربطت حيل بتييني الدورة تكرمون واستخفيت على الحلويات مابقى برد ولا نوع حلو الا وأكلته.....

الله المستعان

 

[زهور المحبة]

بنات ودي اقول لكم شي بس مادري هل بتتقبلونها او بتزعلون

ما ودي احبطكم بس اتكنز له سلبيات وسلبياته جايده

انا جربته سنه كامله والحين صار لي يمكن سنه وشوي تاركته صح ضعفت بس سلبياته اثرت علي منها الاكتئاب والعصبيه ومنها الارق ومنها الهبوط ومنها تسارع بدقات قلبي هذا غيييير شعري اللي حتتت

انا الحين ماخذه ماده اختياريه يالكليه والله ثم والله دكتورتنااتقول اتكنز دماااار و يطيح الشعر حيل

اموفقين بس ما حبيت اطلع بدون لا انصحكم واقول لكم بتجربتي مع هالرجيم

 

[Pink GirL]

لموية > معذورة مانبي نزفج لأن انا جذي لما تقرب الدورة نفسي تهفني على الحلويات

زهور > بعد قلبي تسلمين على النصيحه ,, انا قاريتها وعارفتها من قبل بس قلت بجربة فتره بسيطة واهده واكمل بريجيم ثاني ,, ماقصرتي

 

[jolie_q8]

مرحبا

انا نوعا ما ملتزمه

بس !!!!!!!

اليوم اكلت دياي كنتاكي وشلت اليلد اللي بره << ادري غلط بس هذا المتوفر حزتها

وعلى فكره انا الصبح سويت تحليل الكيتون لقيته قامج بس مو اقمج درجه !! لا

فمادري وين المشكله!

عموما اليوم ماراح اكل لا خضار ولا سلطات وبشوف

 

[Pink GirL]

انا اليوم خرتها

طلعت الساعه 2 الظهر ماكليت شي كلش رحت اشتري اغراض من مركز سلطان بعدها دقت الوالده قالت تعالي بنروح افنيوز

رحت ودخلت واهم ما وصلوا مشيت شوي ما احس الا راسي يدور جني بطيح وما معاي احد وكان اقرب شي يمي ستاربكس شريتلي كرواسون ساده مع قهوة وقرمتها والحمدلله صرت اشوى ليما يت الوالده

عقبها رحنا يكيا وشوقوني بالكيك جان اخذ قفشتين

ورديت البيت حرمت نفسي من البلعه وبخمد بعد شوي

 

[ام قوبي]

صبــــــــــــاح الخير

جولي
بنك
كل اللي ابيه صحتي

شخباركم عساكم بخير
انا غاطه عنكم بس ما خربت رجيمي الحمدالله



جولي

التحليل يفضل انج تسوينه قبل النوم ... والصراحه حتى انا من اسويه ما يطلع غامج وايد يبط جبدي مرات .... بس جربيه قبل النوم افضل :eh_s(18):




لموية العسوله

ليش نزفج هذي حالتنا كلنا لما تقرب الدوره عادي حبيبتي بس انصحج بكاكاو كاندريل اقل عدد كارب فيه



زهور المحبه
مشكوره حبيبتي عالنصيحه ما تقصرين:eh_s(7):





بنات وين الباجي الصراحه ماشوف تفاعل غير من بنك وجولي وبسسسسسسسسس:eh_s(4):




المهم
رحت امس مركز سلطان وشريت زيت للاكل على سبراي واحد من مازولا بنكهه الزبده والثاني زيت من كانولا

بحاول انزل صورهم انشالله




الحين دوري

الفطور

2 بيض مفيوح + قطع خس



الغدا

ستيك




العشا
ولا شي

وسلامتكم​

 

[Pink GirL]

هلا سابرينا
صباح النور والهنا والسرور

اشوة انج ماخربتي ريجيمج الله يتمم عليج

انا توني متريقة سلطة خس وشوية شيدر ودايت بيبسي

 

[jolie_q8]

Pink GirL << انا لما رحت ذا افينوز صار فيني نفس الشي

بس انا كنت احسن منج اكلت جيلي قبل لا اروح - ولما رديت البيت سويت لي هوت شوكليت ..بس للليل كنت دايخه


سابرينا < التحليل اسويه الصبح اول ما اقوم


عموما امس لعبت لعب بالرجيم (بس في اطار المسموحات) لول

يعني كليت بار كامل كاكاو كاندريل بو 8 كاربز لول

وكليت خمطه كازووووووو

امس كنت ميته من اليوع

بس اليوم بمسك روحي

موفقين بنات

 

[Pink GirL]

جولي الظاهر العيب في افنيوز مو فينا لووول اهوو اللي يدوخ ,, وبيني وبينج انا من قبل اذا مكان فيناس وايد وشفت وايد ويوه جدامي تييني دوخة

وبالعافية عليج الككاو لووول ادري فيج كنتي حاطته ستاند باي

 

[ام قوبي]

جولي

شنو الكاكاو اقل عدد كارب فيه غير الكاندريل؟؟؟


بنك

هلا فيج حبيبتي ... عسى يومج خضيري انشالله