شوفي حبيبتي, آنا متزوجه من 3 سنين و ما عندي عيال. بس الفرق إن آنا و زوجي صحيحين ما فينا شي.
يعني احنا قاعدين مع بعض و عندنا أمل إن الله يرزقنا بعيال, لأن محد فينا عقيم.
أما إني أعيش مع واحد عقيم و أقول لأ زوجي أهم من العيال لا و الله.
شوفي آنا مو شفقانه على العيال, و لا جربت إحساس الأمومه, بس متأكده إنه ما يقارن بأي إحساس ثاني بالعالم, الأم مستعده تقط نفسها بالنار عشان ولدها. و ماني فاهمه شلون يجون بعض البنات يقولون العيال مردهم رايحين و ما يبقالج إلا زوجج. لأ. زوجج لو يروح في ألف غيره, بس رحمج لو يروح راح يكون ناقصج شي طول عمرج.
لأن العيال بنفسهم زينة الحياة الدنيا, حتى لو ما عاشوا معاج.
منطق غريب, أختار رجال على إمكانية إن يكون عندي عيال.
آنا لو زوجي عقيم كنت راح أروح و أفتر معاه على الأطبه سنه و سنتين و أكثر, بس لو شفت إن الطب ما نفع خلاص, كل واحد يشوف حاله. و آنا عسى الله يرزقني مع غيره.
اهو لو إنتي عقيم كان راح و طلب العيال مع وحده ثانيه, و اهو ما ينلام على هالشي لأن فطره بالإنسان.
فإنتي حبيبتي روحي معاه و روكضوا بين الدكاتره, عسى الله يقدم اللي فيه الخير.
و إن ما حصل, إنتي أبخص بنفسج و حالج.
