اتزوجه و اهوا متزوج ولا شنو الحل ...؟

[7bebt 3bod]

رد : اتزوجه و اهوا متزوج ولا شنو الحل ...؟

حبيبتي الحب شي والحياة الزوجيه شي .. هذي نقطه
وبعدين انتي اللي تعرفين شنو تبين حطي النقط على الحروف ترضين تاخذين واحد تهدينه وترديله ويمرض ومادري شنو ومعتمد عليج ولا تبين ريال يشيلج قبل لا يشيل نفسه .. هذي النقطه الثانيه
6 سنين معاج ويحبج ويموت فيج ويتمناج ليش طولت السالفه ليش ماتزوجج من زمان ولا عاجبته المكالمات ومكتفي فيها !! .. هذي النقطه الثالثه

*** والنقطه الرابعه والاهم ***
(( انتي واثقه ان اهلج بيوافقون عليه تقولين يعرفون اسمه .. يعني لسببين واضحين راح يرفضون :
الاول انج كنتي تكلمينه
والثاني انه مطلق وانتي بنت

اتركيه حبيبتي لاتظلمين نفسج وتظلمين بنت الناس
والله يعوضج بأحسن منه
ادعي ربج:yaaaaaarb: .. انه يرزقج بريال تشدين ظهرج فيه الحياه مو سهله ومو كلها حب وغرام مثل ما انتي متوقعه

يعلم الله اني نصحتج مثل ما احب انصح خواتي لانج ضايعه
وموفقه حبيبتي:eh_s(7):​

 

[عروس فبراير]

رد : اتزوجه و اهوا متزوج ولا شنو الحل ...؟

ديري باآآآآآآآآآآآآآلج

انا اعرف الدنيا

ومجربه الحياة

الرجال هذآآآآآآآآآ جذاب اقري ردي باخر الصفحة الخامسه من الموضوع

قولي لها
الحب افعال
وانا والله ما ودي تاخذين ذنب هالفقيره اللي الحين تفتر بالسوقه تجهز لعرسها

ودي تقولين له
وتبينين له انج مو سهله وتأثرين بالكلام والحنه وسوالف الجهال اللي يسويها

قولي له دام انا لما حنيت عليك تزوج
كان ردك انك فعلا تزوج
معناها اهون عليك وقولي انا ما ابني سعادتي وبيتي على على خراب و تعاسة بيت الاخرين
ان طلقت البنت
بتقولها قصتنا ؟ وليش طلقتها وهي تجهز للعرس ؟ ترا بتجرحها جرح ما ينبري ؟ وهي بريئه ما سوت شي
وراح تكون مظلومه وحوبتها راح تجيني وتجيك
لانها مظلومه
وقولي له تبيني انت من عندك تصرف تدل بيتي تعرف اهلي هذولاك هم كلمهم وشروطي بتعرفها من اهلي
مو لازم تحلفينه قران
تنكتب الشروط بعقد الزواج
وقولي له انت مو محتاج تدق علي هذا اخر كلام عندي وانا انسانه وراي اهل ومو فاضيه واخواني قاموا يشكون ومالي خلق فضايح
ووقفت عند بابنا او لحقتني ترا لي تصرف ثاني واهلي اللي بيردونك
يا تدش من الباب او تطلع من الشباك اللي جايني منه وخلاص غيري رقمج وريحي بالج وجذي بتكونين مبريه ذمتج
واستمري على الاستخاره والدعاء ان يكتب لج الله اللي فيه الخيره لج
وهو يدل بيتج ويعرف اهلج
يبيج يحاجيهم ويعرف يقنعهم
الرجال ان حط بباله شي ترا يوصل له

:eh_s(15): كلامج عين العقل

 

[noo7a]

الي ما ترضينه حق نفسج لا ترضينه لبنات الناس

وبعدين روميو ما حلاله الزواج منج الا لمن ملج على بنت الناس و غربلها معاه

شوفي احنا بنات و نعرف حق بعض لو انتي ما تبينه و مو معطينه مجال و ويه حتى لو نص بالاميه جان ما سوى جذي

لا تخربين حياة الابنيه الي مالها ذنب صدقيني الله ما يطق بعصا

 

[دمرت كياني]

شوفي حبيبتي
انا حاااسه فيج انتي ما ترضين عليه لو كلمه لانه انتي ومعه عمر مو يوم ولا يومين سنين

المهم

اذا ريال شاريج كان من أول مو الحين لا تقولين انا قلت له تزوج ما تزوج حلوه هاذي اهو الله بالخير ما صدق خبر وتزوج


انا بحط نفسي مكانج
أول شي ما راضها على نفسي ولا على أهلي لانه أهل عزوهـ هذا أهم شي (بحياة بنت ) صج ما يستحي بصراحه فضحج جدام أبوووج
تعرفين شنو أبوووووج @@ ماشاءالله عليج في جراءه بس نفس وقت على ذكاء أدئى تروحين بيتهم لو منج مااروح له خلي يلحقني ان شاءالله مريخ مرده يطخ ويبتعد بس لانه عارفج عدل ومدل وغير أنج صغيرهـ قال يلا أقزرها عليها ترا الشباب يعرفون شلون يبون راس بنت لو شنو ..

ثاني شي قولي كلام غرام وحب كل يوم يسووولف معاي بساعات فجأه قال انا ملاج بصراحه صدمة حياتي
مو أعطي طاف والله لو شنو ما تنزل له يحليله اهو مستانس قعد يشتري له اثاث حق زوجته يشتري شنو يلبس هالليله وكل يبارك له شنو هالجذبه يوم راااح محكمه شنو اهو مغمض لما يرووح ويوافق اهو مو ريال على قولته ليش ما يقول انا ما أبيها ترا ريااال ما نغصب على شي اذا بنات ما ينغصوبون هالدور ريال ضحكني بصراحه ..
والله من يدخل عليها يسحب عليج سحبت .... تقولين ياريت ما ياريت




أما
تبين تتكونين زوجه ثانيه له هذا شي يرجع لج بس ترا اهو عادي ماعنده مانع ودشين مشاكل لا أول ولا تالي بس يطلق مرته لا ألف لا





وأخير أقول
خيره فيما اختاره الله ..
أنشاءالله ما أذتج بكلامي
احنا نبيج تشوفين صح

ولاتزعلين لانه حياة بنت غير عن ولد عرفتي شلون واهم احنا خايفين عليج واكثرر منا تدرين منوووووو
اهلج

 

[أوكسجين]

مافي شي اسمه مايقدر يطلقها بالملجه
صدقيني يجذب عليج
خل يقول مابيها وابي وحده غيرها ويطلقها
والله عيال ديرتي واعرفهم مايردهم شي عن اللي يبونه

حرام يعشمها ويسوي عرس وتالي يطلق اهني حرام عليه
والا يبي يشوفها ويقارن ولي حلت بعينه قالج باي
ولي ماعجبته يطلق؟؟

صدقيني سالفته عويه
تبيني لاتتميرض وتموت
طلقها وتعال
احسن لها ولي

وبس لا روح ولا تعال



م

معاها:eh_s(15):

 

[h1ollo]

حبيبتي
هذا جذاب وإنتي مقصة <<< مع إحترامي لج
والله لو تكون مرته عندة بيقولج حرام مالها ذنب ولا راح يطلقها ,,, وإنتي لقصص الحب
حبيبتي إصحي يقول ما أقدر أطلق شقول للناس ,,,, وإنتي رايحة له بالدوانية ومكسرة التليفون وإطلعوا إخوانه ويدرون بسالفتكم ليش عيل ما خلوه يتزوجج <<<<<< بصراحة لااااااااااا تعليق أكثر من جذي
اللبيب من الإشارة يفهمواااااااااااااااااا

 

[ضايعة بدنيتي]

رد : اتزوجه و اهوا متزوج ولا شنو الحل ...؟

لاتزعلين بس اثنينكم يهال وناقصين عقل . هو مسوي نفسه قيس ابن الملوح .. خذ البنت وصارت جدام العالم كله حلاله وفي ذمته ... وبنفس الوقت عايش دور العاشق الولهان . شوفي .. كوني متاكدة 100% انه لما يعاشر زوجته ويعيش معاها ويتعود عليها ويحس بالاستقرار راح ينسى شي اسمه انتي .

اشكره يكذب عليج .. يخاف من ابوه واعمامه في سالفة الطلاق ... ما بيخاف منهم بعد في سالفة الزواج منج ؟؟؟

فتحي عقلج يابنت الناس ترى هذا كله لعب يهال ولا توقفين نصيبج بيدج

وتذكري انج قاعدة تعصين ربج .

الله يهديج ان شاء الله

 

[aldanaha]

رد : اتزوجه و اهوا متزوج ولا شنو الحل ...؟

هالرياب جذاب
والرياييل لابغوا شي يسونه
هذي لعذار واهية

 

[التائبه لخالقها]

ترا اذا طلقها بعد اسبوع هي الي يخرب فيها سمعتها

الطلاق قبل الدخله اهون


بعدين تراه نصاب يعني باجر لو تقولين له اذا تبي تطلقني طلقني مايهمني

راح يطلقج صح؟ لانه يبي يثبت لج عكس كلامج

بيجي يوم وتصحين من هالأوهام وتندمين

 

[ورد وردي]

السلام عليكم


حبيبتي انا حبيت ارد على موضوعج لاني احسج محتارة ومعورة راسج وشعور الحيرة صج يعور الراس انا في موضوع محتارة فيه بس موضوع ثاني وصج تعبت نفسيتي تحسين ليل نهار شاغل تفكيرج


عشان جذي دايما حكم الناس الي برا الموضوع يكون احسن من الي عايش المشكلة


بصراحة انا اكثر شي حسيتج تفكرين فيه اهو ((( انج تاخذين واحد ضامنة حبة ولا تاخذين واحد يحب غيرج ))) وحبيت اقولج ان ياما ناس خذت الي يحبها وعقب الزواج برد الوضع ويمكن قام وحب غيرها بعد لان في ناس وفي ريايل يحبون يعيشون هالافلام وهالاثارة تشبع شي فيهم احساسهم بان في شي يديد واكشن ترا وايد ناس تحب الاكشن

وبعدين لما عصب وقال بتزو ج وتزوج بس عشان لحظة غضب (((هذا دليل ان مو ناضج وان ممكن تدشين معاه بمشاكل بعد الزواج مثل ان يتزوج عليج عشان يغيضج


لعب بمشاعر بنت الناس ويقول بطلقها عقب اسبوع ومافكر بنفسيتها وهي مالها ذنب هذا ظلم بصراحة وين ضميرة


ليش ماعندة الجرأة ان يواجه الغلط الي سواه من قبل لا ياخذها بيتة اسبوع ومايلمسها على قولتة ..... ترى نفس العملية سواء قال للناس اهلة واهلها الحين بالملجة والا عقب العرس شالفرق؟؟؟؟؟؟؟ مو اهو ماراح يدخل عليها وعقب اسبوع بيفهمها ؟؟؟؟؟ هذا بيحطمها اكثر عقب مالبست وزفوها له

الا اذا كان الي قاعد يقولة لج افلام يخدرج فيها والريال بيتزوج صج وبيظل معاج بنفس الوقت


وانتي تقولين متأكدة انه يحبج اوكي بس هذا مايبني بيت .... يصخن ويمرض باجر حتا او تناقشتو بموضوع واختلفتو فيه وزعلتي بيمرض عشان تراضينة

هذ1 بيتعبج هذا اذا تزوجج .......

السالفة ومافيها ان اهو انسان يحب يعيش بافلام يكون اهوة البطل





كل ردود البنات تقريبا تجاوب علا سؤالج (((لا تتزوجينة وتركيه ورجعي لربج ولنفسج كفاية لعب بمشاعرج والحين دشت هالبنت المسكينة وبيلعب بمشاعرها بعد)))

الله يهديه ويهديج


ملاحظة ::::

موحلو الزواج الي قبلة ذكريات وكسرتي التلفون وحذفتي الشريحة وسوالف وحالة حلات الزواج يبدي بصفحة بيضة يديدة مع انسان يخطبج على طول وتكون نظرة اهلة لج حلوة مو اخوانة كلهم شافو الاحداث والخلافات الي بينكم

 

[Miss Cherry]

انا عندي سؤالين بس


اول شي شنو موقف اهلج من الموضوع هذا كله .. يعني مشالله تقولين دايم عند باب بيتكم هو وانتي رايحه بيته واربع وعشرين ساعه تلفونات .. اهلج شنو موقفهم ؟ ولا عادي عندكم انتوا يعني خبري المنتدي اللي فيه كلهم كويتيات وحنا ببيئتنا ماعندنا هالسوالف اقصد ككويتين


بعدين السؤال الثاني 6 سنين مادري جم يكلمج وميت عليج مافكر يتزوجج طول هالست سنين


انا مادري عن مصادقيه الموضوع جايز يكون صج او مو صج ولا تزعلين على هالكلمة لانه احنا مانعرفج ولا نعرف عنج الا اللي انتي كاتبته .. بس لو السالفه صج والتفاصيل اللي انتي ذاكرتها صحيحه بقول انتي يمكن صدقتي بكل شي الا انج تقولين انا ماحبه شنو يعني كنتي تسوين 6 سنين والتلفونات والروحات والطلعات هذا وانتي ماتحبين

الله يستر عليج بس ..

بس والله العظيم لو انج اختي جان ذبحتج .. هذا رايي بصراحه تزعلين ولا ترضين

وسلمي لي على أهلج

 

[ايمان_مشرف]

رد : رد: اتزوجه و اهوا متزوج ولا شنو الحل ...؟

:3lm1:
بس بقولكم انه هو صج يحبني من كل قلبه ويعاملني مثل معاملة اخته بالخوف علي والحرص ...................((((((((((((((((((((((((((((((( (((
.........................................................................

من صجج انتي... من صججج .. شتقولين "__ (ويعاملني مثل معاملة اخته ) صارلكم سنين ..:rgewrg:

خليه ويلي هذا مو ريااااال .. :rgewrg:

ثانياااا يأذيج بعدين ....... ومثل ما كلمتيني قبل الزواج تسوينها ويااا غيري :bbbiu:

برااااا برااااا خليه ويلي !!!!!!!!!!!!!!!!!!!!!:rgewrg:

 

["اسطورة العشق"]

يقدر يطلق بالملجه بس عيااارته يبي يلعب على الحبلين !!
و لا يتحجج بابوه وين قاعدين يعني يطلقها و اهو ما لمسها و عقب اسبوع واحد بس عادي و ان يطلقها بالملجه مو عادي !!!

خل يستريح بس !!

اذا ما تحبينه خلي يولي قطيعه تقطعه
و اذا تبينه و مقتنعه فيه خلي يطلقها الحين و ياخذج و قوليله عن سوالف اليهال و الافلام الزايده

 

[بخـــارى]

رد : اتزوجه و اهوا متزوج ولا شنو الحل ...؟

هالانسان باختصار

جذاب
مستهتر

 

[nora al]

رد : اتزوجه و اهوا متزوج ولا شنو الحل ...؟

حبيبتي نصيحه مني بعدي عن الموضوع احسن لج !!


خل يكون لج موقف


تراا هالريال جذاااااااااااااااااااااااااااااااااااااااااااااااااااااااااااااااااااااب


اول شي شلون يحبج ويتزوج غيرج ؟؟

؟
وشنو مايقدر يطلقها عشان ابوه وعمامه ؟؟



يااحظي هذاا يبي يمسكج انتي معاها بشوووف اذا اهيه حلوه وحبهاا بيسحب عليج واذاا ماعجبته بياخذج ويكون كسب الاثنين


نصيحه ( من ترك شيئا لله عوضه خيرا منه ) هديهم لوجه الله وبتشوووفين الله بيرزق احسن منه



ماعليج منهم الاصبيان جذاااابين واعذارهم مااتخلص !!! قوليله لو تحبني طلق وتعال وغير جذي لا تتنازلين ابد وصدقيني وبتذكرين كلامي ماراح يطلق !


بقولج كلمتهم وسويت سالفه واهلي مارضوو ولا اي عذر سخيف



حبيبتي انتي نفسج مو مقتنعه والدليل انج كتبتي موضوع لو مقتنعه بحبه جان ماترددتي ابد ردي حق رايج وضميرج ولا تتخذين خطوه تندمين عليها


ترا كلامي كله عشانج انتي وبس لان انتي بالنهايه الخسرانه

 

[Tulips]

يبيكم اثنينكم لعووب!

وين قاعدين مايصير يطلقها بالملجه؟؟

يبي يمسك عصفورين بحجر

خلاص يطلقها ترى مافيها شي ابد عندنا بالكويت

يطلقها بالملجه وتفتك منه لا يدهور حياتها
والله يهنيج فيه
بس

صح انا من رايي مو عشانج عشان بنت الناس ما يغربلها هالاناني يطلقها قبل مايدخل عليها وحتى لو مادخل عليها بعد العرس الناس بتتكلم ليش طلقها بعد العرس باسبوع ؟؟

ما راح يقولون العيب منه .. لانه شايل عيبه والبنت سمعتها بتتدهور وعلى شنو على واحد اناني مايحب الا نفسه مو بس اهو عشانكم انتو الاثنين

نصيحه تسوين خير بالبنت اذا قلتيله طلقها اللحين قبل العرس لانه هذا واضح ماراح يهدج .. واخذيه وفكي بنات الناس من شره بنات الناس مو لعبه بايده ياخذ ويطلق والسبب انتي

 

[اسما87]

رد : اتزوجه و اهوا متزوج ولا شنو الحل ...؟

انتى حرة فى قرارك واختيارك لاكن الاهم لا تظلمون بنت الناس لانها حرام ممكن انتى او اختك او بنتك فى المستقبل تكون مكانك

 

[Om_Ksha]

حييبييييل انقهرت من مووووضوووعج وانانيتج اعذارج كلها واهيه صفي نيتج وبعدي الشيطان عنج وخليه يولي من تصرفاته يبين انه مو سوي والظلم ظلمات يوم القيامه والحووووبه شينه


بدال لا تبدين حياه نظيفه تبدينها بمتاهات وغيره شالله حاااادج توج ابدايه حياتج وترا مو كل المتزوجين عندهم حبيبات فشيلي هالاعذار من مخج ادعي ربج انه يرزقج بالزوج الصاااااااالح اللي يخاف الله فييييج مو واحد مصرقع ،،، ومابني علا باطل فهو باطل تبين الله يوفقج لي خذيتبه وطلقتي بنت بعز شبابها و اصلا غلط انتي معاه دامه مالج المفروض تقطعين علاقته فيج وكيفه اهوا يدبر حاله بالطقاق بس ماتكونين انتي السبب خليه يولي هذا مو كفو يكون زوج توه مراهق،، وانشالله الله يفك الفقيره منه ويعوضها باللي احسن منه
الطيبون للطيبات والخبيثون للخبيثات

 

[قاهره عذالي]

رد : اتزوجه و اهوا متزوج ولا شنو الحل ...؟

لللرفع

همتني حيل سالفة هالبنت من امس

 

[مدام الدكتور]

اي مايقدر يقول جني نزلت كلمة ابوي وعمامي مايصير بالملجه اطلقها وانا حتى ماقعدت معاها ولا عرفت طبعها ولا شي بيوقولون اكيد سامع عنها شي موزين وحرام اخرب سمعتها يعني اقبله كزوج واخليه يطلقها دام انه يحبني ويبيني...................................؟؟؟؟؟؟؟؟

سمحيلي برد على كلامهاا

خلاص خل يعجل بعرسه لهااا ويعرس ولما يطلقها تزوجييه

اذا هو من صجة لانة كلش مافيها شي لما يطلق وهو بالملكة افضل من يطلقها لي تزوجها بواااااااااااااايد وقوليلة هالكلام:bbbiu: