بنات اناا رحت كم مشغل وبقولكم بكل صراحه وامانه والله
رحت عند ام محمد بالقصور والله شغلهم متعووووب عليه بس موو ستايلي بالمرررره
يعني عندها تنانير طوال وقمصان قصيره ماحب جذي بس شلها وخياطها حلووه لخام جكر حرير ومطرزه فوقه او حاطه كلف بس حلو ومرتب والتنانير في هاي ويست وقصتهااا تخصر الجسم حلووو عاللي جسمها مرسوم وشوي نقول مجثله بس حق النعومات مثلي مو حلوو
ودراريعها حلوه وغريبه
اماااا اللي في مشغل ماراح اقول اسمه حرام قطع الارزاق امبيييييييييييييييييييييييييييييه امبه موصج
حرام ترى وراهم رب يحاسبهم من صجهم من صجهم يعني
اناا بكامل قواي العقليه بشتري منها بدله 170 وخامها يلوع الجبد والموديل مافي موديل اصلااااا
والله اانا لو افكر اصمم وابيع حرام والله ربحي من خمس لي عشر دنانير موووووو 175 دينار امبييييييييييييييييييييه
منو المغفله ... صج بنات ااامانه في احد يشتري منهم من صجهم يعني ؟؟ اروح حق فاطمه قبازرد والا انسام ب 185 احسن بمليون الف مره ولا في مجال مقارنة
بنات والله مابي اقطع رزق البنت لايقطع ربي رزقي بس صج حرام والله زين شغلج حلوو امنا بالله بيعيه على 40 - 50 كلش كلش 70 بس 175 قوووووووووووووويه حيل
وحنا رداين اختي رفيجتهاا بالهيلتون وحنت قالت خل نروح رحنااا والله عاااااااااادي جدا جدا عادي
عطورات ومكياج زبايل واكسسوارات كنت ماخذه منها من لبنان جايبينها بايعينها بزوود السعر بروحها غاليه بلبنان بعد هم جايبينها وزايدينه نار
وبعدهااا شفنا الروضان عالشارع قلت حق خواتي امانه تنزلون بوريكم افلام رعب لان خواتي اللي بالجامعه عمرهم ماطبو معارض حريم
وجد نزلتهم ووريتهم افلام رعب هههههههههههههههههههههههههه الله لايبلانا امبيه من صجهم بنات بواريك وميك اب حتى بعرس ماحطه
وهذي حالتهم كل يوم ومفصلين بدل ستانات وشيفونات بوطقه ولابستهاا مع باروكتها واقولها بجم للعبط طبعاا تقووول 80 قول ماتنزلين تقوووووووول لالا لا لا اليوم اخر يوم استقبل ترا هههههههههههههههههههه من صجهاااااااااااااا
عزااااااااااااااه يالسووووق وينك راضيه اشتري من مانجوو وزارا حق العيد ولا اهلق واخررررع جماعتنا ههههههه الله يعينكم ويهدي بعض بنات الكويت اللي استخفو ونرجع نفس اول بساطه ونعومه والاسعار الزينه اللي تشترين القطعه تقوولين والله شووي عليها 50 دينار
وطبعااا يستمر مشواااااري وباجر بكمل كم مشغل بروووووووووحي خواتي حلفوا مايروحون معاي من الصدمه والتهلق
وبعد باجر خلاص نقرر اي مصممه معروفه نروح لها او مجمع وناخذ بدل
