رد: يابنات كل وحده مسويه شفط دهون ببنج موضعي تكتب تجربتها ووين مسوينها عند اي دكتور.
حبيبتي فري يعطيج العافية ماقصرتي والله وزين انج نبهتيني علا الخاص لاني وايد اكتب اسالة ومشاركات وانسى باي موضوع
بعدعمري بغيت اسالج عن صدرج ادا مافيها احراج ، في اثر بصدرج ؟ والله مادري شلون يسون عملية بصدر ! من وين تكون الفتحة من الحلمة ولا اسفل الصدر ؟ وهل تغيرت مقاسات صدرج ؟
ووين يشتغل الدكتور عاطف؟ مو جنه عمليتج وايد بعيدة؟ شكله جدوله مزدحم؟ او من النوع اللي يسافر وايد؟ اهو مصري؟ ياليت لو تتكلمين عنه شوي اخذ فكرة عنه .. وقوليلنا عن العمليات اللي سويتيها سواء عنده او عند غيره ..سوي موضوع مستقل فيج فيدينا
ومشكورة ي قلبي ماقصرتي ..سوري اسالتي وايد ؛/
(وعذرا علا البدليات شابكة من الايفون)
بالنسبه حق الاثر ايي اكو والحين انا 4 شهور صارلي صار خط ضعيف نفس السترج مارك ! يعني مايأذي العين ههههههههه
بالنسبة حق نوع جرحي اهوا انكور ( شكل مفتاح ) يعني الحلمه وليين تحت
بالنسبه للمقاسات كنت 34 b وللحين 34 b
لكن فرق معاي ان قبل صدري اليمين يطلع من الستيان ( يشم هوا ) لوووووووووووووول واليسار مضبوط
الحين اثنينهم مضبوطين وضابطين مكانهم وحالهم لوووووووول
الدكتور عاطف يشتغل اب بوحمره كلينك حولي
بالنسبه حق موعدي مطول السبب لان انا ناطره فلوسي تنزل وعلى طوول بسويها
الدكتور مواعيده حلوه يعني يجييك على الموعد الي انتي تبينه واذا ماعنده شي يحطلج موعد على طول
ومن ناحية يسافر لا مايسافر وايد .. وايي كل مره اروحله عيادته زحمه بس يعطي كل مريضه وقتها
من ناحية الجنسيه دكتور عاطف علام مصري
بخصوص العمليات بكتب اهني العمليات الي سويتها عنده لأن موضوعي الياي بيكون بس عن تجربة الشفط ! الناس ملت من قرقتي لوول
عشان يركزون
وترى ماسويت شي عند احد غيره كلش ! اروح استشاره مارتاح وارجعله ! رحت طبيبين استشاره كروز واشرف اثنينهم زينين بس ارتحت حق عاطف اكثر احس فاهم اكثر ( هذا راي الشخصي يمكن احدد ثاني يحس شي غير )
لمن كان عمري 21 نفخت خدودي عنده وكان طبيعي وحلو ! وبعدها اب سنتين سوويت صدري الي اهوا توه شهر 1 شد
واهوا اقترح علي اسوي شفايفي وكنت متردده بس بالاخير سويتهم واشوه اني سويتهم
صارلي 5 شهور للحين مافشوو ! مفكره اعيدهم شهر 7 ! اعرف وحده تحن تبي تعرف وين مسويه بس ماعلمتها مو نحاسه بس لأني ادري بس بلاغة شف اعرف البنت ! تخيلي اسولف ومندمجه وانا نوعي اشد حيلي واحرك ايديني وانا اسوولف بنص سالفتي تقاطعني تقولي ياحيوووووووووووووانه شفاايففج اتينن !! مت من الضحك اقولها شفيج فصلتي علي
والحين بسوي بطني شفط وبحط الدهون اب ايدي مثل ماقتلكم واذا ضبطت السالفه ويازتلي النتايج بكبر مؤخرتي عالسنه اليديده لان نو موني نو هوني حاليا
هالاشهر اليايه بعد الشفط بسووي اسناني ابتسامة هوليود
يعني على 2013 راح اصير واو :$ << مداح نفسه
بشكل عام الدكتور كل شغله طبيعي ويعطيج الي تبينه ونتايج حلوه وطبيعيه وهذا الي انا ابيه وغير جذي يفهم عليج ههههههههه لمن قتله بشفط وبحقن قالي وين سكت جان يفهم اهوا ان ابي المؤخره وقالي بس الي بطنج مايكفي بدييهييا يفهم عليج ! يعني كلش ماتحسين بإحراج او تفتشلين وترى انا اكلمج وحده حدددددددددددددددي حسسسسسسسسسسسسسساسسسسسه والله لو احد يقولي حماره ابجي من كثر ما انا حساسه فتخيلي شلون اهوا شاطر مايحرجج كلش !
اتمنى اكون جاوبت اسألتج عدل
وانشالله تاريخ 21 راح انزل موضوع شفط بطني كامل وبحاول انزل صور بعد :ggdw: انتظرووني
