ابي كل وحده تحط نفسها بهالموقف وتقولي شتسوي ؟ تعالوا

[* بنت المطر *]

قوه بنات @@@

شلونكم شخباركم ؟؟ بخيييير عسى ان شالله

المهم

بنات كل وحده تتخيل نفسها مكان بطلة هالقصه وتقولي بكل صراحه شنو تسوي وشلون راح

تتزوج >> السالفه ماتخصني تخص وحده حيل عزيزه علي


بسميها جود << عجبني الاسم


جود متزوجه من 8 سنوات تقريبا كانت تحب واحد والله ماقسمهم لبعض فتزوجت واحد

عن طريق >> شبه خطابه يعني لجنه او شي جذي _ كانت حلوه وصغيره بس مامن حظ

اكتشفت ان زوجها بخيييييييييييييييييل بشكل يلوع الجبد _ اكتشفت ان مايحب النظافه كلش

الماي والصابون من الد اعدائه ومايغتسل عن الجنابه

يحب الافلام الخلاعيه مددددددددمن ادمان موطبيعي فاتح قنوات مشفره لدرجة ان اذا نام

يحط الفيديو ع التسجيل يسجل طول الليل عشان مايطوفه شي


صبرت حاولت تغيره دعتله غيرت فيه اشيا واجد _ لكن ظل وصخ وبخيل وزاد بخله بشكل موطبيعي

عقب ماتوظفت البنت حط كل شي عليها

الرجال كان مسافر وجود عند اهلها عقب مارد اخذها وسكنوا ابيت اهله كان شبه فاضي

ماعندها الا حماها طبعا لا اثث ولاشي جابتلها جم قطعه زوليه من اهلها وفراش ارضي

لها ولعيالها وقالها بناثث على شوي شوي وصبرت صبرت مامن شي الرجال كل شوي طاق

التذكره ومسافر _ لها سنه الحين ماعندها غرفة نوم تالي تهاوشت وي زوجها لان حضرته

قام واخذله غرفه وشراله سرير بونفر وحط له تلفزيون وكشت فيها ....

قالت ميخالف بصبر عشان عيالي وابي اجيب ضنا لان ماعندها الا 2 _ راحت وراجعت

واخذت علاج ولم جت وقالتله قالها :: اسف مابي منج عيال انا اشك باخلاقج !!!:eh_s(14):

طبعا الرجال هاجرها مايعاشرها الا وين ماوين واهي اللي تحذف روحها عليه

الحين قاعد يضغط عليها تطلب الطلاق لاخرب شي مايصلحه وقالها ماراح اشتري غرفه

وروحي يالله وللي وخلي القانون ينفعج :rgewrg:

لاغرفه ... لاحمل ... لاحب ... لاكرم ... لاغيره ولاحرص ... لا معاشره وفوق هذا يشك فيها

بذمتكم لو ماكنها شتسوون ؟؟؟:eh_s(10):

ناطره ردودكم ....​

 

[coca^cola]

ابيعه ببلاش
الله يعينها و الله على مابتلاها
اللي مافيه خير لبيته و عياله تركه اخير
و الله يعوضها انشالله

 

[مارشميلو..]

مااقعد عنده يوم
شلي حادني على هالعيشه على الاقل لو كريم لو نظيف لو يعطيها حقوقها يمكن
بس هذا كلش ويشك باخلاقها بعد

 

[تعبت اداري...~]

آهلين حبيبتي
بسم الله علي مآقدر احط نفسي مكانها اطلاقاً....
الي مكتوب على الجبين لازم تشوفه العين
هوبآآآ....

 

[! بــدويه وآآيــد !]

،​

اقعد على قلبه واكرهه عيشته اخليه يمد ايده واسوي تقرير ومره ثانيه بعد واسوي تقرير اذا عيالها كبار تفهمهم شيقولون للمحكمه تاخذ اثبات عن كل شي حتى عن افلامه الوصخه وتقول عيالها يتعبثون وتخاف عليهم وانه مومؤهل لتربيتهم
وسالفة يشك باخلاقها ماتطوفها تسجل له وهو يقولها وتتهمه بالقذف وتسوي لعيالها دي ان اي وتخلييييييه يولي
تروح لقاضي شاطر وماتنازل عن حقوقها تلعن خيره الخير
وتخلي صج القانون ينفعها وهو ترفسه وتسحب حق عيالها سايق وسياره وخدامه واجار​

 

[A.E]

الله يسخر زوجها لها والله يهديه

 

[اغلى غاليه]

بنسبه لي يمكن استخف وان جن منه .والله زوجي بس يعسل وتقريبا كل اسبوع اهواش شلون لوكذا .ماأقول الله يهدي ويفقك للراي الصحيح

 

[حلوه ولمآحه]

،​

اقعد على قلبه واكرهه عيشته اخليه يمد ايده واسوي تقرير ومره ثانيه بعد واسوي تقرير اذا عيالها كبار تفهمهم شيقولون للمحكمه تاخذ اثبات عن كل شي حتى عن افلامه الوصخه وتقول عيالها يتعبثون وتخاف عليهم وانه مومؤهل لتربيتهم
وسالفة يشك باخلاقها ماتطوفها تسجل له وهو يقولها وتتهمه بالقذف وتسوي لعيالها دي ان اي وتخلييييييه يولي
تروح لقاضي شاطر وماتنازل عن حقوقها تلعن خيره الخير

وتخلي صج القانون ينفعها وهو ترفسه وتسحب حق عيالها سايق وسياره وخدامه واجار​

معآآآآآآآآآآآآآآآهآآآآآآ
100 %

 

[منو انت]

شوفي حبيبتي لو انا لاسمح الله اروح اشطر محامي او محاميه بالسوالف هذي واقعد معاها واقولها كل شي واهي راح تعلمني شلون اخذ حقي بعدين في شي اسمه طلاق ضرر يعني تقدر تطلق وتاخذ حقها كامل مكمل الاخ يبيها اهي اللي تطلب الطلاق علشان يصير اهو المسكين وماتاخذ منه الا مصروف العيال لا خل تصير اشطر منه وترفع عليه قضيه وحزتها بس والله راح يجي راكع يدور الرضا واذا اهي تبي تكمل معاه تحط النقط على الحروف وتقوله تحترمني وتحترم نفسك وتصير مسلم مثل الناس تبعد عن الخرابيط وتتنظف عدل ومو انا اللي تشك فيني انا اللي واثقه من قذارتك بس قلت علشان عيالي لكن دامك ماتبيني انا ماابيك وخل يصرف عليها وعليهم غصبن على اكبر راس لان في ناس تخاف ماتستحي وشكله سامع ان الزوجه اذا طلبت الطلاق ماراح يخسر شي والله ينصرها عليه شكله نجس

 

[نفهمها صح]

اذا قانونكم منصف اسووي مثل مقالت حلوه ولماحه
وهي الحمدالله موظفه ويذلف ممنه رجا واللي تخاف من كلمة مطلقه
والله معندها سالفه والي تتكلم فيها تقوول لها خذيني حق رجلج وكسبي اجر فيني​

 

[** محبوبه**]

لو بمكانها أتطلق بهدوووووووووووء
بعد شنو؟؟؟؟؟؟؟؟؟



بعد ما أمرمطه من محكمه لي محكمه
وأنشف ريييييييجه وأسحب فليساته فلس فلس وأخليييييه يبجي يوم جمع فلوسه وما عطاني
والله يعافي الحكومه أطلع فلوس النفقه والسايق والخدامه والأجار من عيوووووونه
<<<<<<<<عشت الجو هههههههه الله يبعد عني ويخليلي ريلي نور عيني قولوا آآآآآآآآمييييييييييييييييييييييييييييييييييييييين

 

[المرتاحة]

انا استغرب من اللي مشاكل بينها و بين زوجها و تحاول او تفكر تييب يهال بعد؟!!! صراحه شي غريب ليش علشان تزيد همها هم ولا شسالفه؟!!!

مثل هالريال ما ينقعد عنده اشتبي فيه وااااي الله يعينها

 

[!الجادل الصعب!]

اهم ماعلي صحتي ونفسيتي
عفيه عليها صراحه تبي تحمل من واحد نفسه
شذني العيال تكودهم بعايله مو مستقره
اكره هالنوعيه من الحريم
ولا تقولين اهلها ضيم وماتقدر
ماتوقع انها عايشه بالجنه معاه حاليا ..!
خل تلاحق علا روحها وتفتك
هذا ما ينقعد عنده

 

[<ام تركي>]

بالله عليج هذي تسمينها عيشه ليش متزوجه بالاسم بس دام عايش بروحه عزابي وكل شي عليها
اطلق منه تري الطلاق احيانا يكون رحمه هذا اذا ما تعدل والتزم الزوج

 

[خوخه بارده]

ما قعد عنده ولا دقيقه هذي موعيشه

الله يصبر قلبها ويعوضها بافضل العوض برحمته يا ارحم الراحمين اميـــــــــــــــــــن

 

[fatoomm]

اخلييييييييييييييه واروح

 

[انا لحبيبي .]

مشاكل وبدها تجيب ولد كيف صارت؟؟ يعني مهي عارفه انه ما بدو ياها وبدها تجيب ولد؟ مو كافيها اتنين؟؟ الاولاد مسؤوليه وتربيه كيف بدها تجيب اولاد وهي عارفه انو زوجها مو قد المسؤوليه والتربيه

مستحيل احط حالي مكانها لانه مستحيل عقلي يكون متل عقلها ،

الله يهديها ويصلح حالها يارب ،

 

[جذابه بنت ذيابه]

الله يصبر قلبها


بس ما اقعد عنده ثانيه وحده

 

[أم توتو]

الله يعينها الحمد الله على مابلاها اختي مثل ماقالوا البنات اتركه حق بخله ويروح يدور وحده غيري يتزوجها وتوريه نجوم الظهر واهي الله يعوضها ماعندها سالفه تجيب منه عيال بعد خلي يربي اللي عنده بالاول مسكينه الله يكون بعونها

 

[Miss Cherry]

كل هذا مسوي فيها وتفكر تعالج عشان تجيب عيال .. عيال بعايلة مو مستقره وابو مو كفو صراحة غلط

انا اشوف بحالتها الطلاق الحل الوحيد هذا مو قد المسئولية وشكله صج مايبيها