ابي شوفوا السرقات الفكريه كيف

[ليلو جبريت]

السلام عليكم بنات
تذكرون قصة مذكرات فتاه سمينه الي نزلتها من فتره في المنتدى
اكتشفت اليوم ان تم نقلها او تم سرقتها ووضعها في منتدى عروس الكويت
والصدمه ان الي سرقها ماذكرني حتى
يعني نسى موضوع الحقوق الفكريه وتعب الكاتب وجهده
بصراحه حرام الي يسونه الكاتب يتعب وهم ينقلون ومن دون استاذان حتى

http://vb.q83ros.com/showthread.php?t=9564

وهاي الرابط​

 

[**miss-NY**]

رد : ابي شوفوا السرقات الفكريه كيف

عاادي حبيبتي هذا عالم النت اذا الجناط الماركه قلدوهم ماتبين يبوقون فكرتج لووول نصيحه دخلي عليهم وناقشيهم بالموضوع وبلغي ادارتهم وخلاص انتي بالنهايه ترى هذا نت وكل المواضيع مبيوقه اسفه اقصد منقوووله تعيشين وتاكلين غيرها لاتحرين عمرج

 

[المرتاحة]

نفس بعض مواضيعي مرات ينقلونها بدون ما يذكرون ان الموضوع منقول
والمشكله اني اكتب بالموضوع اللي تبي تنقل ما عندي اي مشكله بس تكتب تحت الموضوع لقبي و ان الموضوع منقول بس في ناس ابدا ما تخاف الله حسبي الله عليهم

صج شي يحر

و لاتنسين ان بعد منتدانا مشهووووور و العيون عليه وكل من يحط باله لليديد من مواضيع وافكار

 

[ليلو جبريت]

رد : ابي شوفوا السرقات الفكريه كيف

من قال اني سكت
قتلهم يشوفون حل لانها حقوق فكريه
انا ما اكتب بس في المنتديات وخلاص
انا انزل كتاباتي على شكل كتب في السوق واتعب فيهم
وكل قصه او روايه تاخذ وقت وجهد مني
صحتي راحت وانا اكتب واجابل الكمبيوتر 12 ساعه
فعشان جي انا لو اكتب خاطره تلاقوني وثقتها على طول
فيفضل ان يلاقون حل للموضوع والمضحك ان المشرفه هي الي ماخذه الموضوع
انا اقول خل تكملها بروحها لاني ماراح احط تكملتها
وخل تتوهق فيها لان اكيد راح يبين اختلاف الاسلوب

 

[monmon12]

في طريق يمنعون الكوبي والبيست

بس مرده ينجك

وهذا بووق اشكره مثل الي يبوق فلوس

 

[ReeM ^ Style]

رد : ابي شوفوا السرقات الفكريه كيف

عادي حبيبتي السرقه وارده بكل مكان
وبعدين اشوف الموضوع مايحتاج تزعلين عمرج عليه
اذا البنت واثقه بموضوعها وافكارها مايشوفون شر اللي يقلدون
وكل وحده الله بيعطيها على قد نيتها اذا كانت زينه او العكس
وبالتوفيق

 

[Ameeraaaaaa]

السلام عليكم
اختي ليلي
ما عليه تعيشين وتاخذين غيرها
هذا نت واعلام مفتوح وما في سيطرة عليه . عشان جذي انا انصحج نصيحة
ان شغلج وافكارج وكتاباتج ما تنزلينها علي النت . لا تنزلين علي النت الا القصص التي تم نشرها لج او صارت في مطبوع .
وعموما هذه الحياة الواحد ما يتعلم ببلاش
هونيها ..

 

[ليلو جبريت]

رد : ابي شوفوا السرقات الفكريه كيف

الحمد الله اني نزلت البدايه بس
ومعليش خل يسرقوني ترى تعودت من كثر البوقات
ومثل ماقالت اختي ماراح احط شي في النت الا الاشياء المطبوعه
او الاشياء الي ماراح انزلها في السوق
بس مهما كان تسمى سرقه والي سواها يتحاسب عليها يوم القيامه

 

[حجيه هيونه]

رد : ابي شوفوا السرقات الفكريه كيف

انا قبل كنت اكتب لاتعدين شكثر كانت تنباق واروح اناشبهم


الحين بصراحه مليت بطلت اكتب وبطلت اناشب

 

[ليلو جبريت]

رد : ابي شوفوا السرقات الفكريه كيف

بس للامانه البنت اعتذرت
ووضحتلي الموضوع وانها ما كانت تقصد تنقله بدون ذكر الاسم