ابي رايكم باسلوب زوجي !!!!

[Moim]

السلام عليكم

بنات الموضوع مو مشكله كثر ما اني ابي اخذ رايكم بالموقف وتعطوني الحل المناسب

السالفه الله يسلمكم

ان قبل امس كنت طالعه ويه ريلي السوق وانا كلش ما اخذ راي ريلي بملابسي لما اشتري يعني ايما اشتري واخلص واوريه بس هالمره من قراده حظي شفت بنطرون يلد اسود شكله عجبني وايد جان اقوله شرايك بهذا ؟
جان يخزني مده وانا منصدمه شفيه!
جان يقولي والله من صجج! وييييييع ! منو يلبس جذي الحين ! حدج قديمه هذا ب 1900 ما كانو يلبسونه

انا انصدمت من اسلوبه واحرجني حدددده
جان اسكت وطلعنا من المحل واهو يسولف عادي ويضحك وانا من الصدمه ساكته جان يقولي شفيج؟
قلتله برد البيت بس
قالي ليش؟
قلتله الظاهر انا ما عندي ذوق بملابسي ومت اعرف البس
جان يقولي شكو انا ما قلت جذي بس قلتلج ان موضته قديمه !
قلتله اوكي خلاص برد البيت قال اوكي وردينا وشوي شوي طخيت وكلمته عادي ورد اسلوبنا حلو مافيه شي بس السالفه ليلحين بقلبي لان انحرجن احرجني حيل
فيوم صار بليل وقت الفراش واهو وقت التفكير بكل اللي صار باليوم
تذكرت هالسالفه واحي ليلحين منقص ويهي جان اعطيه ظهري وقعدت ابجي عشان مابي يعرف اني بجيت ! وانا صج عبالي نام
جان يقولي شفيج؟ قلتله شنو مافيني شي؟ قال قلتلج شفيج شكو تبجين !!!!! قالها واهو معصب ومتنرفز
قلتله مافي شي بس بطني يعورني
قال اي اي اوكي !! يلا نامي
ونمت وامس من الصبح اسلوبه وياي مادري شلون جنه منفس:bbbiu:
قمت اساعه تقريبا 7 بليل بروح الجمعيه وللعلم ان ريلي ما استأذن منه اذا بروح مكان بس اعطيه خبر وهالشي من بدايه زواجنا لان ما يقول لا!
فرحت الجمعيه ونسييييييت اعطيه خبر اول مره انسى هللوقت كان اهو بالدوانيه
جان يدزلي مسج ( شقاعده تسوين )
دشيت الواتس اب ومني جان وحده بالجمعيه تكلمني تسألني عن شغله ونسيت ارد عليه
فاهو شنو شاف ؟ شاف اني قريت المسج بس طلعت من الواتس اب بدون لا ارد عليه جان يدزلي مسج ثاني
( شفييييييج ؟؟ )
رديت عليه
( سوري حبيبي انا بالجمعيه وما انتبهت )
جان يدزلي ( شلون تطلعين بدون لا تعطيني خبر !!!!!!!!!!! )
قلتله ( والله اسفه مو قصدي بس نسيت والله نسيت )
قالي اوكي
قلتله زعلان مني ؟
قال لا
سكت وطافت الساعه وبليل تأخر واكلمه بالواتس اب ما يرد علي سكت قلت يمكن يلعب
شوي جان يدزلي مسج ( انا تحت وبنام حدي تعبان ومالي خلق اصعد مقفل حدي دايخ )
قلتله (اوكي حبيبي براحتك )
وتضايقت حدي من حركته ن اعو دايمااذا بيعاقبني ينام تحت بس هالمره قلت ماراح ابينلها ني تضايقت
اول ما قمت الصبح دزيت مسج حلو صباح الخير حبيبي
جان يقولي صباح النور
قلتله شفيك منفس ؟
قالي ماكو شي بس توني قاعد ومتكسر حدي
قلتله اوكي ما تشوف شر وتحرك عشان يخف العوار
قالي اوكي
وما صعد وادري ماراح يصعد وتنرفزت حدي :rgewrg:
شسوي اطنش حتى لو ما نام اليوم فوق؟:bbbiu:

 

[لمى الهاجري]

من تحليلي الشخصي للمشكلة كشخي وطنشي شرايج حل سريع

 

[مفسرة الاحلام]

من جدك انتي هذا شي يزعل ؟!!


انا شفت ناس حساسه كثير انا حساسه بعد بس مثل حساسيتك مااااشفت قوي قلبك وش عشان قالك من يلبس بنطلون جلد

ياختي وخير ياطير هذي اذواق مثل الانتيكه فى ناس يحبون التراثي فى ناس مايحبونه يعني ماله دخل وانا متاكده انه مايقصد يتكلم عن ذوقك

على فكره ترى انتي ذكرتني بالرساله الى فى البي بي

بنات فى وحده اسمها مثل اسمي

انا تعبانه انا زعلانه مشكوره يادنيا هذى اخرتها حسبي الله ونعم الوكيل !!

لا مو معقوله قوي قلبك كيف بتعيشين احمدي ربك ان الله معطيك زوج مثل هذا يراعي مشاعرك غيرك يصبحها بكف ويمسيها بكف مو يقول لها وع مين يلبس هالشي الحين

 

[قموشه21]

حبيبتي .. انتي وايد كبرتي الموضوع.. من البدايه .. حلاتج ماخذة رايه بلبسج ومعودته حتي علي كل شي .. بس انج تزعلين ليش ان البنطلون ماعجبه ..؟؟

النقطة الثانيه حلاتج مبلغته انج بتطلعين يبا حتي لو تزلين عند اهله لازم تعطينه خبر ولو انه مو معودج بس ساعات الرياييل يحبون حريمهم يستأذنون منهم يحسون بقيمتهم .. وهالشي مايحسب لج..

ولاتخلينه يزعل اكثر من جذي لاتخلينه ينام تحت يمكن اهله يشوفونه ولا يسألونه واتعرفين بيلومونج انتي.. وخلي مشاكلكم داخليه ... !!

الحين حاولي تراضينه بالكلمة الطيبة او ييبي له هديه يحبها ولا سوي له الطبق اللي يحبه راضيه الليله :eh_s(7):

وعسسي ربي يبعد عنكم عيون الحسساد وموفقه خيــر

 

[Moim]

امبيه شفيكم انا مو زعلانه عشان البنطرون مو عاجبه !
كل انسان وذوقه بس اسلوبه هذا مو حلو !
احرجني يعني لو قايل لا مو حلو وساكت احسن مو اسلوب تنطنز ومنو يلبس هالبنطرون الحين وشخباري انتي !

 

[اميره1980]

السالفة حدها ما تسوى
و الصراحة انتي كبرتيها وايد على شنو؟؟

 

[Moim]

انا ما كبرتها ! انا ساكته اهو الزعلان شنو اسوي :/ وين كبرتها وانا من الصبح كلامي وياه عسل ومافيه شي اهو اللي منفس ونايم تحت !

 

[حبيته من قلبي]

لوول مع اني مو متزوجه بس صح الحركه ماادري شلون تحسين انه كسر فيج لوول
بس الموضوع وايد كبر على شي مايسوا انتي قلتي برد البيت ورحتي ونسيتي تقولين وبعدين اهوا نام تحت
انا اقول هدي انتي وكلميه عاادي وجنه موو صاااير شي واذا حسيتي انه تم على نفس الاسلوب قوليله كل شي من سالفه السوق وبس
وبالعكس ترا حلوه صراحته انه قالج ان موعاجبه بس بنفس الوقت تحسين انج اندقرتي لوول حااسه فيج

 

[حبيته من قلبي]

عيل حاولي تساحليه طلعي وياه اليوم وضحكي وسولفي جنه ماافي شي

 

[ام كوثر2007]

انا ما كبرتها ! انا ساكته اهو الزعلان شنو اسوي :/ وين كبرتها وانا من الصبح كلامي وياه عسل ومافيه شي اهو اللي منفس ونايم تحت !

اشلون تنرفز بروحه وزعل ؟؟

يعني بالعقل يا قلبي انتي السبب بكل اللى صار ..


سالفه صغيره كبرتيها .. ومن متي الريال ما يتطنز ويقط حجي ويعلق ؟؟ اصلا اذا ما سوا جذى هذا مو كويتي لوول


هدي بالج وسالفه البنطلوون هذى جدا عاديه ..

اما سالفه الجمعيه تراج قاصدتها عن هالحركات ههههههه

اما سالفه نومته تحت ما اشوف فيها شي .. لانه لكل فعل رده فعل .. علي سواتج معاه بالسوق وبعدين طلعتي وما عطيتيه خبر واخرها ما رديتي علي المسج للى دزه .. هذا كله خلاه يفكر انه ينزل وينام تحت ..


وهالشي عاادي لانج مثلج عارفه مثل ما بعض الحريم عقولهم صغيره ..اقولج انه كل الرياييل عقولهم صغيره .
​

 

[Moim]

مشكورين عالردود
واختيام كوثر انا سالفه الجمعيه مو قاصدتها كلش لاني صج كنت ابي شغله ضروريه من الجمعيه وانا مو طبعي ما ارد على ريلي بالمسجات واللله اني حتى لو زعلانه ارد عليه بنفس الوقت
بس انا اثناء ما كنت اشوف المسج اللي ياني منه يت وحده تسألني عن شغله فلهيت وياها وتسكر التلفون بيدي ونسيت موضوع المسج بالمره
ولو كنت قاصده اني اروح الجمعيه جان على الاقل بينتله عالشي يعني لو اهو ما دزلي مسج وسألني شتسوين او وينج كنت اصلا رحت الجمعيه ورديت واهو ما درا لاني اللي بشتريه شي خاص فيني مستحيل كان راح يعرف اني رحت الجمعيه لو ما سأل فليش اتعمد اسويها

 

[Moim]

وبخصوص ان نام تحت انا هالحركه صج تغثني بس هالمره بسوي روحي ما تضايقت منها وشوفيني قاعده اكلمه عادي واهو مسكب فيني واسلوبه وياي خايس يعني منو اللي زعلان ومكبر السالفهانا كلش ما بغيت السالفه تكبر حتى يوم سالفه البنطرون اهو احرجني وما كنت ابيه يدري ان الشي ضايقني لي بليل وظليت اكلمه عادي وطوفت بس اهو قالي شفيج ومادري شنو عصب !
وماله داعي ينام تحت احس حركه بايخه العاده البنت اللي تزعل وتنام برا مو الريال !

 

[[ نور عيني ]]

.
















آي عآدي آنتي عصبتيه بس حآولي آنج تهدين آلوضع مَ تزيدينه
و كلش لآ تبينين له آنج زعلتي على سآلفه آلبنطلون ، كلشششَ .. :$
و آلله يسخره لج و آلموضوع حددده عآدي مبين عليكم تووكم معآريس مآ خذتو على آطبآع بعض ليمآ آلحييَن ...
بآلتوفييييقُ ...













..

 

[Moim]

تك تك هههههههه لا مو معاريسقريب تكمل ٣ سنين بس اول مره يصدمني باسلوبه جذي واحرجني حيل

 

[ام كوثر2007]

وبخصوص ان نام تحت انا هالحركه صج تغثني بس هالمره بسوي روحي ما تضايقت منها وشوفيني قاعده اكلمه عادي واهو مسكب فيني واسلوبه وياي خايس يعني منو اللي زعلان ومكبر السالفهانا كلش ما بغيت السالفه تكبر حتى يوم سالفه البنطرون اهو احرجني وما كنت ابيه يدري ان الشي ضايقني لي بليل وظليت اكلمه عادي وطوفت بس اهو قالي شفيج ومادري شنو عصب !
وماله داعي ينام تحت احس حركه بايخه العاده البنت اللي تزعل وتنام برا مو الريال !

ما عليه قلبي .. بكلمج بصراحه ومابي تشيلين بخاطرج علي اعتبريني اختج او امج او انسان ما يعرفج بس ما يبخل عليج بشي زين لحياتج ويمكن الكلام يفيدج وان ما فادج ان شاءالله مهو ضارج ...


علي هالاساس انا بوضح لج نقطه التناقض في كلامج .. اللى باللون الاحمر .

اشلون تقولين انج ما حبيتيه انه يدري وانتي بس طلعتي من المحل قلتيله ردني البيت؟

يعني بالله لمن المرا تقول حق ريلها ردني البيت شمعناته ؟ مو معناته انه حصل موقف جايد خلاها تعصب وتبي ترد بيتها؟

هذا السبب اللى حصل .. وعلي فكره الريال ترا يشيل بقلبه هالحركه يمكن ما يحاسبج عليها بوقتها لكن بوقت ثاني

واعتقد يااالج الوقت الثاني اللى يحسسج فيه انه الحركه اللى سويتيها بالسوق وفهمج لكلامه انه سخريه منه عليج مو حلوه بحقه ..


وهو الحين قاعد يعبر بأسلوبه ..

خليج شاطره انتي الحين هذا وقتج ..

قعدي كلميه عاااااااادي وفووق العادي .. قوليله انج ما تقصدين شي وصج انه حركتي مو حلوه يوم اني قلت لك ردني البيت واذا علي سالفه الجمعيه .. خصوصا انج طالعه من غير ما تعطينه خبر .. وحتي لو تبرررين له انج نسيتي وكنتي مستعيله بيقولج يا محاسن الصدف يعني عشان متضايقه مني ما عطيتيني خبر وبيقط السالفه عليج وانتي عاد تصرفي بطريقه حكيمه اللى تخلينه يطخ وتعدين السالفه علي خير .. ​

 

[* Snow White *]

لووووووووول كيوووت انتي وريلج حدكم دلوعين وجعولين
لا عادي لاتكدرين خاطرج، انتي زعلتي اول شي والحين اهوه لول
عادي جنه ولا شي صار ناديه فوق وضحكي وياه يعني روحي له ضحكي على وضعكم الحالي وتغشمري وياه ;p

 

[روانتي 12]

عادي حبيبتي .. ولا تصيرين حسساسه حيل .. حاولي اليوم تروحين له و تسولفين و تضحكين وياه .. وشوي شوي قولي له و اعتذري ..,^^

 

[عيوني مودي]

د-ح زظظظظظظظظظظظظجمممممممممممممممممممممممممممممممممممممممممممممممممممممممممممممممممممممممممممممممممممممممممممممممممظحخدد

 

[Moim]

هههههههههههه سنو وايت ضحكتيني :q
مشكوووره عالرد قلبي
ومشكورين كلكم :*

 

[مس قطريه]

يلا فديتج روحي رااضيه وعادي الحياة حلوة والله يخليكم لبعض بس عاد اذا كلمتيه قولي لنا شنو يصير وياج مو تنسين

موفقه